| 章節 | 台語漢字本聖經 請按此下載安裝Open Han 2024版字型，免得漏掉造字 |
| 7:12 | 遵趁誡命欲得著福氣 ( 申 28:1-14 ) 「後來恁若聽諸個法度，執守來行伊，耶和華──你的上帝因為按呢欲給你行伊對你的列祖所咒誓的約，及慈愛。 |
| 7:13 | 伊欲疼你，賜福你，互你興旺，也欲佇伊對你的列祖咒誓賞賜你的地，賜福你的胎所生的，你的地所出的，及你的五穀、你的酒、你的油，以及你的牛仔，及你的羊仔子。 |
| 7:14 | 你欲得著賜福贏過萬百姓；恁中間的男女無一個𣍐生養，恁中間的精牲無一隻𣍐生湠。 |
| 7:15 | 耶和華欲互一切的病症離開你；你所知埃及逐樣的歹症頭，伊無互你抵著一項，是欲互一切怨恨你的人抵著。 |
| 7:16 | 耶和華──你的上帝所欲交付你的百姓，你著攏滅𪜶；你的目睭通可憐𪜶。你也通服事𪜶的上帝，因為這欲做害你的羅網。 |
| 7:17 | 「你若心內想講，諸個國比我卡大，我豈可會趕逐𪜶啊？ |
| 7:18 | 你免驚𪜶，的確著記得耶和華──你的上帝向法老及埃及全地所行的事， |
| 7:19 | 就是你親目看見的大試煉、神蹟、奇事，及大權能的手，及伸出來的手骨，攏是耶和華──你的上帝所用來導你出的。耶和華──你的上帝也欲按呢行佇你所驚一切的百姓。 |
| 7:20 | 閣耶和華──你的上帝欲差大隻蜂飛到𪜶中間，直到𪜶所剩來閃匿者滅佇你的面前。 |
| 7:21 | 你免驚𪜶，因為耶和華──你的上帝是大閣通驚的上帝佇恁中間。 |
| 7:22 | 耶和華──你的上帝欲佇你的面前漸漸除滅諸個國；你通緊緊滅伊到盡，驚了野獸加添多多來害你。 |
| 7:23 | 耶和華──你的上帝欲將𪜶交付你，互𪜶大驚擾亂，直到𪜶滅無； |
| 7:24 | 閣欲用𪜶許個王交佇你的手，你欲除滅𪜶的名佇天下。的確無一人會徛佇你的面前，直到你滅無𪜶。 |