上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰二書
請安
1:1 我長老寫批互受揀選的夫人及你的子兒：我真心疼恁，毋若我，連所有認識真理的人嘛疼恁；
1:2 因為真理𫢶佇咱內面，會永遠及咱同在。
1:3 願父上帝及父的子耶穌基督賜咱恩典、憐憫，及平安，互咱的生活充滿真理及仁愛！
真理及仁愛
1:4 我非常歡喜，因為我發見你的子兒中間有人遵趁父的誡命，實行真理。
1:5 夫人啊，我要求你，咱著相疼。我啲寫互你的毋是新的誡命，是咱對起頭就領受的。
1:6 咱照上帝的誡命生活，就是疼。此個誡命是恁對起頭所聽著的，著照此個誡命生活。
1:7 有真多迷惑者已經來到此世間；𪜶毋公開承認耶穌基督做人來世間。此款人是迷惑者，是基督的敵對者。
1:8 著小心，恁所做的工才𣍐落空，反轉會得著充足的報賞。
1:9 偏離無堅守基督教示的人無及上帝結連。堅守教示的人才有及父以及子結連。
1:10 若有人去恁遐，所傳違背此款的教示，毋通接納伊入恁的厝，嘛毋通給伊請安，
1:11 因為給伊請安就是參與伊的歹行為。
最後的話
1:12 我猶有真多話愛寫，毋拘無愛用紙筆；我較向望去恁遐，當面及恁講，通互咱的歡喜充滿。
1:13 及你平平受揀選彼個姊妹的子兒欲給你請安。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。