上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
保羅坐船去羅馬
27:1 非斯都已經決定阮著坐船去意大利，𪜶就將保羅及其他的犯人交互皇家禁衛軍一個名叫猶流的軍官。
保羅坐船去羅馬
27:1 已經決定阮著坐船去意大利，𪜶就將保羅及其他的犯人交互皇家禁衛軍一個名叫猶流的軍官。
27:2 阮坐一隻對亞大米田來的船；此隻船抵仔欲沿亞細亞省幾若個港口開船。有一個對帖撒羅尼迦來的馬其頓人亞里達古及阮做夥去。
27:2 阮坐一隻對亞大米田來的船；此隻船抵仔欲沿亞西亞省幾若個港口開船。有一個對帖撒羅尼迦來的馬其頓人亞里達古及阮做夥去。
27:3 隔日阮到西頓。猶流真親切對待保羅，准伊去見伊的朋友，受𪜶招待。
27:3 隔日阮到西頓。猶流真親切對待保羅，准伊去見伊的朋友，受𪜶招待。
27:4 阮對遐閣開船，因為逆風，就順塞浦路斯島倚閃風彼旁行。
27:4 阮對遐閣開船，因為逆風，就順塞浦路斯島倚閃風彼旁行。
27:5 阮經過基利家及旁非利亞的外海，來到呂家的每拉。
27:5 阮經過基利家及旁非利亞的外海，來到呂家的每拉。
27:6 佇遐，軍官猶流尋著一隻對亞歷山大來的船欲開去意大利，就叫阮上彼隻船。
27:6 佇遐，軍官猶流尋著一隻對亞歷山大來的船欲開去意大利，就叫阮上彼隻船。
27:7 連續幾若日，船行真慢，勉強才來到革尼土的外海。因為受著風的阻擋，阮就順克里特島南旁倚閃風彼旁岸行對撒摩尼角過去。
27:7 連續幾若日，船行真慢，勉強才來到革尼土的外海。因為受著風的阻擋，阮就順克里特島南旁倚閃風彼旁岸行對撒摩尼角過去。
27:8 阮的船順海墘行，勉強來到離拉西亞無偌遠一個叫做安全港的所在。
27:8 阮的船順海墘行，勉強來到離拉西亞無偌遠一個叫做安全港的所在。
27:9 阮已經延真多日，閣因為禁食的節期嘛過了，行船危險，所以保羅勸大家，
27:9 阮已經延真多日，閣因為禁食的節期嘛過了，行船危險，所以保羅勸大家，
27:10 講：「各位先生，我看咱繼續行船，毋若貨物及船，連咱的性命都會抵著危險閣大損失。」
27:10 講：「各位先生，我看咱繼續行船，若貨物及船，連咱的性命都會抵著危險閣大損失。」
27:11 毋拘軍官寧可相信船長及船主，毋聽保羅講的話。
27:11 拘軍官寧可相信船長及船主，聽保羅講的話。
27:12 閣此個港口嘛無適合過冬天，大部分的人贊成開船，向望會當趕去菲尼基過冬天。菲尼基是克里特島的一個港口，一面向西南，一面向西北。
27:12 閣此個港口嘛無適合過冬天，大部份的人贊成開船，向望會當趕去腓尼基過冬天。腓尼基是克里特島的一個港口，一面向西南，一面向西北。
抵著大風
27:13 彼時，南風微微仔吹來，大家想講會順利到目的地就起碇，倚克里特島的海墘行。
抵著大風
27:13 彼時，南風微微仔吹來，大家想講會順利到目的地就起碇，倚克里特島的海墘行。
27:14 無久有一陣叫做友拉革羅的東北大風對克里特島掃落來。
27:14 無久有一陣叫做友拉革羅的東北大風對克里特島掃落來。
27:15 船互風掃，駛𣍐行，就出在伊飄流。
27:15 船互風掃，駛𣍐行，就出在伊飄流。
27:16 阮來到一個小島叫做高大的南旁，閃風的彼旁岸，勉強將救生艇縛好勢。
27:16 阮來到一個小島叫做高大的南旁，閃風的彼旁岸，勉強將救生艇縛好勢。
27:17 然後水手將救生艇拖起來船頂，用大索給伊捆啲。𪜶驚了船佇賽耳底的沙洲擱淺，就落帆，出在伊飄流。
27:17 然後水手將救生艇拖起來船頂，用大索給伊捆啲。𪜶驚了船佇賽耳底的沙洲擱淺，就落帆，出在伊飄流。
27:18 暴風繼續吹，隔日𪜶開始將貨物擲落海。
27:18 暴風繼續吹，隔日𪜶開始將貨物擲落海。
27:19 第三日，𪜶閣親手將船頂的器具擲掉。
27:19 第三日，𪜶閣親手將船頂的器具擲掉。
27:20 真多日，日頭看𣍐著，星嘛看𣍐著；風湧繼續拍甲真厲害，最後阮完全放棄得救的向望。
27:20 真多日，日頭看𣍐著，星嘛看𣍐著；風湧繼續拍甲真厲害，最後阮完全放棄得救的向望。
27:21 眾人真久攏無食，保羅徛佇𪜶中央，講：「各位先生，恁早若聽我的話，無對克里特開船，就𣍐抵著此款的危險及損失。
27:21 眾人真久攏無食，保羅徛佇𪜶中央，講：「各位先生，恁早若聽我的話，無對克里特開船，就𣍐抵著此款的危險及損失。
27:22 現在我勸恁著勇敢；恁中間無甲一個人會喪失性命；干焦會失落此隻船若定。
27:22 現在我勸恁著勇敢；恁中間無甲一人會喪失性命；干單會失落此隻船若定。
27:23 因為我所屬所敬拜的上帝，昨暗有差伊的天使來對我
27:23 因為我所屬所敬拜的上帝，昨暗有差伊的天使來對我
27:24 講：『保羅，免驚！你一定著徛佇皇帝面前。上帝已經將船內攏總的人交託你啦。』
27:24 講：『保羅，免驚！你一定著徛佇皇帝面前。上帝已經將船內攏總的人交託你啦。』
27:25 所以，著勇敢，因為我相信代誌一定會照上帝給我講按呢實現。
27:25 所以，著勇敢，因為我相信代誌一定會照上帝給我講按呢實現。
27:26 不過咱一定會佇一個島嶼擱淺。」
27:26 不過咱一定會佇一個島嶼擱淺。」
27:27 到第十四日的暗時，阮猶佇亞得里亞海啲飄流。到半暝，水手想講阮啲欲倚近陸地，
27:27 到第十四日的暗時，阮猶佇亞得里亞海啲飄流。到半暝，水手想講阮啲欲倚近陸地，
27:28 就擲測量索落去探，探出有四十公尺深；較進前，閣探一遍，探出有三十公尺深。
27:28 就擲測量索落去探，探出有四十公尺深；較進前，閣探一遍，探出有三十公尺深。
27:29 𪜶驚了船犁著暗礁，就對船尾拋四個碇，迫切聽候天緊光。
27:29 𪜶驚了船犁著暗礁，就對船尾拋四個碇，迫切聽候天緊光。
27:30 水手想欲放拺船逃走，將救生艇縋落去海裡，假做欲對船頭拋碇。
27:30 水手想欲放拺船逃走，將救生艇縋落去海裡，假做欲對船頭拋碇。
27:31 保羅對軍官及兵丁講：「諸個人若無留佇船頂，恁就無救。」
27:31 保羅對軍官及兵丁講：「諸個人若無留佇船頂，恁就無救。」
27:32 兵丁就斬斷救生艇的索，互伊流去。
27:32 兵丁就斬斷救生艇的索，互伊流去。
27:33 天欲光的時，保羅勸眾人著食。伊講：「恁已經聽候十四日久攏無食，
27:33 天欲光的時，保羅勸眾人著食。伊講：「恁已經聽候十四日久攏無食，
27:34 所以我勸恁著食一寡物件才會當活落去。恁連一支頭毛都𣍐失落。」
27:34 所以我勸恁著食一寡物件才有氣力。恁連一枝頭毛都𣍐失落。」
27:35 保羅講了後，提餅，佇眾人的面前感謝上帝，擘開，食。
27:35 保羅講了後，提餅，佇眾人的面前感謝上帝，擘開食。
27:36 眾人心就定落來，提物件食。
27:36 眾人心就定落來，提物件食。
27:37 及阮同船的人攏總有兩百七十六個。
27:37 及阮同船的人攏總有兩百七十六個。
27:38 大家食飽了後，將麥仔擲落海，互船較輕。
27:38 大家食飽了後，將麥仔擲落海，互船較輕。
船擱淺
27:39 天光的時，水手毋識彼個所在，不過𪜶看著有一個海灣有沙灘，就想看會當將船駛上灘抑𣍐。
船擱淺
27:39 天光的時，水手識彼個所在，不過𪜶看著有一個海灣有沙灘，就想看會當將船駛上灘抑𣍐。
27:40 𪜶給索斬斷，將碇㧒落海，閣解開船舵的索，給船頭的帆吊起來，互伊食風，互船駛上灘。
27:40 𪜶給索斬斷，將碇㧒落海，閣解開船舵的索，給船頭的帆吊起來，互伊食風，互船駛上灘。
27:41 毋拘船犁著沙坪煞擱淺；船頭咬牢啲𣍐振動，船尾互大湧拍破。
27:41 拘船犁著沙坪煞擱淺；船頭咬牢啲𣍐震動，船尾互大湧拍破。
27:42 兵丁驚了犯人泅水逃走，想欲給𪜶攏刣死。
27:42 兵丁驚了犯人泅水逃走，想欲給𪜶攏刣死。
27:43 毋拘軍官愛欲救保羅，就給𪜶阻止。伊命令會曉泅的人先跳落水，泅上岸；
27:43 拘軍官愛欲救保羅，就給𪜶阻止。伊命令會曉泅的人先跳落水，泅上岸；
27:44 其他的人才利用船枋抑是船的破片上陸。最後，眾人攏安全上岸。
27:44 其他的人才利用船板抑是船的破片上陸。最後，眾人攏安全上岸。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。