上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
猶太人控告保羅
24:1 五日後，大祭司亞拿尼亞及幾若個長老，以及一個叫做帖土羅的律師來到凱撒利亞。𪜶佇腓力斯總督面前告保羅。
猶太人控告保羅
24:1 五日後，大祭司亞拿尼亞及幾若個長老，以及一個叫做帖土羅的律師來到凱撒利亞。𪜶佇腓力斯總督面前告保羅。
24:2 保羅一下受召出庭，帖土羅就給伊控告，講：
「腓力斯閣下，因為你賢明的治理互阮享受太平，所施行的多多改革嘛互國家得著進步。你的德政互阮逐時逐位感謝不盡。
24:2 保羅一下受召出庭，帖土羅就給伊控告，講：
「腓力斯閣下，因為你賢明的治理互阮享受太平，所施行的多多改革嘛互國家得著進步。
24:3 併於上節
24:3 你的德政互阮逐時逐位感謝不盡。
24:4 我毋敢耽誤你傷久，求你寬容來聽阮簡要的申訴。
24:4 我敢耽誤你傷久，求你寬容來聽阮簡要的申訴。
24:5 阮看此個人是一個危險人物，佇全世界的猶太人中間作亂，是拿撒勒黨的首領。
24:5 阮看此個人是一個危險人物，佇全世界的猶太人中間作亂，是拿撒勒黨的首領。
24:6 伊想欲污染聖殿，阮就給伊掠起來。
24:6 伊想欲污染聖殿，阮就給伊掠起來。(124.6有的抄本有「阮本來想欲照阮家己的律法給伊審判，7無拍算指揮官呂西亞干涉，將伊對阮手中強搶去，命令告伊的人著來你遮。」*)
24:8 你親身審問此個人就會明白阮控告伊一切的代誌。」
24:8 你親身審問此個人就會明白阮控告伊一切的代誌。」
24:9 在場的猶太人嘛攏支持此個控告，講事情確實是按呢。
24:9 在場的猶太人嘛攏支持此個控告，講事情確實是按呢。
保羅為家己辯護
24:10 總督對保羅示意，叫伊發言，保羅就講：
「我知你佇本國判案真多年，我願意佇你面前為著家己辯護。
保羅為家己辯護
24:10 總督對保羅示意，叫伊發言，保羅就講：
「我知你佇本國判案真多年，我願意佇你面前為著家己辯護。
24:11 你調查就會明白，對我上耶路撒冷敬拜到今仔日只有十二日。
24:11 你調查就會明白，對我上耶路撒冷敬拜到今仔日只有十二日。
24:12 猶太人並無看著我佇聖殿及人辯論，嘛無看著我佇會堂抑是市內煽動群眾。
24:12 猶太人並無看著我佇聖殿及人辯論，嘛無看著我佇會堂抑是市內煽動群眾。
24:13 𪜶嘛𣍐當對你提出現在啲控告我的證據。
24:13 𪜶嘛𣍐當對你提出現在啲控告我的證據。
24:14 不過我著對你承認一項事，就是我照𪜶看做是異端的道路敬拜阮祖先的上帝，相信摩西的律法及先知的冊所記載的一切。
24:14 不過我著對你承認一項事，就是我照𪜶看做是異端的道路敬拜阮祖先的上帝，相信摩西的律法及先知的冊所記載的一切。
24:15 我對上帝有囥及𪜶仝款的向望，就是無論好人抑是歹人攏會對死閣活。
24:15 我對上帝有囥及𪜶仝款的向望，就是無論好人抑是歹人攏會對死復活。
24:16 因為按呢，我對上帝及人攏盡力保持清白的良心。
24:16 因為按呢，我對上帝及人攏盡力保持清白的良心。
24:17 「我離開耶路撒冷幾若年後閣轉去，是提一寡錢欲去救濟同胞，閣獻祭物。
24:17 「我離開耶路撒冷幾若年後閣轉去，是提一寡錢欲去救濟同胞，閣獻祭物。
24:18 𪜶佇聖殿看著我的時，我已經完成潔淨禮啲獻祭，彼時無群眾，嘛無擾亂，
24:18 𪜶佇聖殿看著我的時，我已經完成潔淨禮啲獻祭，彼時無群眾，嘛無擾亂，
24:19 干焦有幾若個對亞細亞來的猶太人佇遐。𪜶若欲控告我，應該家己來你的面前告我才著。
24:19 干單有幾若個對亞西亞來的猶太人佇遐。𪜶若欲控告我，應該家己來你的面前告我才著。
24:20 若無，我佇議會申訴的時，𪜶著指出我有做什麼毋著。
24:20 若無，我佇議會申訴的時，𪜶著指出我有做什麼著。
24:21 只有一項事𪜶會當給我控告，就是我曾徛佇𪜶中間大聲講：『我今仔日受恁審判，是為著死人的閣活。』」
24:21 只有一項事𪜶會當給我控告，就是我曾徛佇𪜶中間大聲講：『我今仔日受恁審判，是為著死人的復活。』」
24:22 腓力斯對此個道路相當清楚，就宣布退庭，對𪜶講：「聽候指揮官呂西亞來，我才判決恁的案件。」
24:22 腓力斯對此個道路相當清楚，就宣布退庭，對𪜶講：「聽候指揮官呂西亞來，我才判決恁的案件。」
24:23 然後腓力斯命令彼個軍官顧守保羅，互伊有淡薄自由，閣准伊的朋友帶伊所欠用的物件來互伊。
24:23 然後腓力斯命令彼個軍官顧守保羅，互伊有淡薄自由，閣准伊的朋友帶伊所欠用的物件來互伊。
保羅佇腓力斯及土西拉面前
24:24 幾若日後，腓力斯及伊的猶太夫人土西拉來。伊差人叫保羅出來，欲聽伊講論關係信基督耶穌的事。
保羅佇腓力斯及土西拉面前
24:24 幾若日後，腓力斯及伊的猶太夫人土西拉來。伊差人叫保羅出來，欲聽伊講論關係信基督耶穌的事。
24:25 保羅講到公義、節制，及將來的審判，腓力斯感覺驚惶，就對保羅講：「此擺到遮就好，有機會我才閣召你來。」
24:25 保羅講到公義、節制，及將來的審判，腓力斯感覺驚惶，就對保羅講：「此擺到遮就好，有機會我才閣召你來。」
24:26 像時伊嘛有啲期待保羅會送錢互伊，所以常常叫保羅出來，及伊談論。
24:26 像時伊嘛有啲期待保羅會送錢互伊，所以常常叫保羅出來，及伊談論。
24:27 經過兩年，波求‧非斯都接腓力斯作總督。腓力斯為著欲互猶太人歡喜，繼續給保羅關佇監裡。
24:27 經過兩年，波求非斯都接腓力斯作總督。腓力斯為著欲互猶太人歡喜，繼續給保羅關佇監裡。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。