上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
22:1 保羅講：「各位父老兄弟，請聽我此陣欲為著家己辯護的話。」
22:1 保羅講：「各位父老兄弟，請聽我此陣欲為著家己辯護的話。」
22:2 𪜶一下聽著保羅用希伯來話對𪜶講話，就閣較安靜。保羅講：
22:2 𪜶一下聽著保羅用希伯來話對𪜶講話，就閣較安靜。保羅講：
22:3 「我是猶太人，佇基利家的大數出世，佇耶路撒冷大漢，做迦瑪列的學生，及今仔日佇遮的諸位仝款有受咱祖先律法嚴格的教育，熱心服事上帝。
22:3 「我是猶太人，佇基利家的大數出世，佇耶路撒冷大漢，做迦瑪列的學生，及今仔日佇遮的諸位仝款有受咱祖先律法嚴格的教育，熱心服事上帝。
22:4 我曾迫害信奉此個道路的人，互𪜶致到死，無論男、女，攏給𪜶掠去關監。
22:4 我曾迫害信奉此個道路的人，互𪜶致到死，無論男、女，攏給𪜶掠去關監。
22:5 大祭司及議會攏總的長老會當為我作證。我嘛有對𪜶得著互大馬士革 猶太同胞的批。後來我有去遐欲縛住佇遐的信徒，給𪜶掠來耶路撒冷受刑罰。
22:5 大祭司及議會攏總的長老會當為我作證。我嘛有對𪜶得著互大馬士革猶太同胞的批。後來我有去遐欲縛住佇遐的信徒，給𪜶掠來耶路撒冷受刑罰。
保羅歸主的經過
22:6 ( 徒 9:1-19 26:12-18 )
「我行欲到大馬士革的時，差不多是中晝，忽然有真強的光對天頂照佇我的周圍。
保羅歸主的經過
22:6 ( 徒9:1-19 26:12-18 )
「我行欲到大馬士革的時，差不多是中晝，忽然有真強的光對天頂照佇我的周圍。
22:7 我跋落去土腳，聽著有聲對我講：『掃羅，掃羅！你是按怎啲迫害我？』
22:7 我跋落去土腳，聽著有聲對我講：『掃羅，掃羅！你是按怎啲迫害我？』
22:8 我問講：『主啊，你是什麼人？』伊應我講：『我就是你啲迫害的拿撒勒人耶穌。』
22:8 我問講：『主啊，你是什麼人？』伊應我講：『我就是你啲迫害的拿撒勒人耶穌。』
22:9 許個及我做陣行的人有看著彼個光，無聽著對我講話彼位的聲。
22:9 許個及我做陣行的人有看著彼個光，無聽著對我講話彼位的聲。
22:10 我閣問講：『主啊，我著做什麼？』主對我講：『起來，入去大馬士革，佇遐有人會將我欲指派你去做攏總的代誌給你講。』
22:10 我閣問講：『主啊，我著做什麼？』主對我講：『起來，入去大馬士革，佇遐有人會將我欲指派你去做攏總的代誌給你講。』
22:11 因為彼個光真鑿目，我煞𣍐看見，我的同伴就牽我入去大馬士革。
22:11 因為彼個光真鑿目，我煞𣍐看見，我的同伴就牽我入去大馬士革。
22:12 「佇遐有一個人叫做亞拿尼亞，是一個遵守摩西律法虔誠的人，不止受大馬士革的猶太人尊敬。
22:12 「佇遐有一個人叫做亞拿尼亞，是一個遵守摩西律法虔誠的人，不止受大馬士革的猶太人尊敬。
22:13 伊來尋我，徛佇我的身邊，講：『掃羅兄弟，互你會閣看見！』彼陣我隨時會看見，有看著伊。
22:13 伊來尋我，徛佇我的身邊，講：『掃羅兄弟，互你會閣看見！』彼陣我隨時會看見，有看著伊。
22:14 伊講：『咱祖先的上帝已經揀選你，互你知伊的旨意，通看見伊彼位公義的僕人，閣聽著伊的嘴所出的聲，
22:14 伊講：『咱祖先的上帝已經揀選你，互你知伊的旨意，通看見伊彼位公義的僕人，閣聽著伊的嘴所出的聲，
22:15 因為你會將你所看見所聽著的對萬民做見證。
22:15 因為你會將你所看見所聽著的對萬民做見證。
22:16 哪猶啲延延，起來領受洗禮，求叫伊的名通互你的罪得著清氣！』」
22:16 哪猶啲延延，起來領受洗禮，求叫伊的名通互你的罪得著清氣！』」
保羅受召對外邦人傳道
22:17 「後來，我倒去耶路撒冷；佇聖殿啲祈禱的時入神，
保羅受召對外邦人傳道
22:17 「後來，我倒去耶路撒冷；佇聖殿啲祈禱的時入神
22:18 看著主給我講：『趕緊，隨時離開耶路撒冷，因為此所在的人𣍐接受你為著我所做的見證。』
22:18 看著主給我講：『趕緊，隨時離開耶路撒冷，因為此所在的人𣍐接受你為著我所做的見證。』
22:19 我應講：『主啊，𪜶家己知我以前去逐個會堂掠信你的人關落監，閣給𪜶拍。
22:19 我應講：『主啊，𪜶家己知我以前去逐個會堂掠信你的人關落監，閣給𪜶拍。
22:20 你的見證人司提反互人殺害的時，我嘛徛佇邊仔，贊同𪜶，閣給害死伊的人顧外衫。』
22:20 你的見證人司提反互人殺害的時，我嘛徛佇piⁿ-a，贊同𪜶，閣給害死伊的人顧外衫。』
22:21 主對我講：『你去，因為我欲差你去遠遠的外邦人遐。』」
22:21 主對我講：『你去，因為我欲差你去遠遠的外邦人遐。』」
22:22 眾人一直注意聽，到保羅講此句話的時，𪜶大聲喝：「此款人著對地上消滅！毋通互伊活！」
22:22 眾人一直注意聽，到保羅講此句話的時，𪜶大聲喝：「此款人著對地上消滅！通互伊活！」
22:23 𪜶大聲嚷，拆破外衫，向空中撒土粉的時，
22:23 𪜶大聲嚷，拆破外衫，向空中撒土粉的時，
22:24 羅馬的指揮官命令人將保羅押入去營房，用鞭給伊拍，為著欲確實知猶太人是按怎啲給伊嚷。
22:24 羅馬的指揮官命令人將保羅押入去營房，用鞭給伊拍，為著欲確實知猶太人是按怎啲給伊嚷。
22:25 𪜶給伊縛起來欲鞭拍的時，保羅對徛佇邊仔的軍官講：「對一個無受判罪的羅馬公民，恁用鞭給伊拍豈有合法？」
22:25 𪜶給伊縛起來欲鞭拍的時，保羅對徛佇piⁿ-a的軍官講：「對一個無受判罪的羅馬公民，恁用鞭給伊拍豈有合法？」
22:26 彼個軍官一下聽著就去見指揮官，對伊講：「今欲按怎？此個人是羅馬公民！」
22:26 彼個軍官一下聽著就去見指揮官，對伊講：「今欲按怎？此個人是羅馬公民！」
22:27 指揮官去見保羅，問伊講：「給我講，你是羅馬的公民是無？」
保羅應講：「是。」
22:27 指揮官去見保羅，問伊講：「給我講，你是羅馬的公民是無？」
保羅應講：「是。」
22:28 指揮官講：「我用真多錢才得著此個公民權。」
保羅講：「我出世就是羅馬公民。」
22:28 指揮官講：「我用真多錢才得著此個公民權。」
保羅講：「我出世就是羅馬公民。」
22:29 許個欲審問保羅的人隨時離開。指揮官一下知保羅是羅馬公民，閣因為給伊縛啲，就真驚。
22:29 許個欲審問保羅的人隨時離開。指揮官一下知保羅是羅馬公民，閣因為給伊縛啲，就真驚。
保羅佇議會申訴
22:30 隔日，指揮官愛知猶太人控告保羅確實的理由，就給伊解開，閣命令祭司長及全議會聚集，導保羅出來，互伊徛佇𪜶面前。
保羅佇議會申訴
22:30 隔日，指揮官愛知猶太人控告保羅的確實理由，就給伊解開，閣命令祭司長及全議會聚集，導保羅出來，互伊徛佇𪜶面前。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。