上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
耶路撒冷會議
15:1 有幾若個人對猶太落來安提阿啲教示信徒講：「恁若無照摩西的規矩受割禮就𣍐得著救。」
耶路撒冷會議
15:1 有幾若個人對猶太落來安提阿啲教示信徒講：「恁若無照摩西的規矩受割禮就𣍐得著救。」
15:2 保羅以及巴拿巴及𪜶有劇烈的爭辯。為著此個問題，大家決定派保羅、巴拿巴，及𪜶中間幾若個人上耶路撒冷去見使徒以及長老，及𪜶參詳。
15:2 保羅以及巴拿巴及𪜶有劇烈的爭辯。為著此個問題，大家決定派保羅、巴拿巴，及𪜶中間幾若個人上耶路撒冷去見使徒以及長老，及𪜶參詳。
15:3 教會的人送𪜶出發。𪜶經過腓尼基及撒馬利亞，對眾信徒報告外邦人歸主的事。大家聽了攏真歡喜。
15:3 教會的人送𪜶出發。𪜶經過腓尼基及撒馬利亞，對眾信徒報告外邦人歸主的事。大家聽了攏真歡喜。
15:4 𪜶到耶路撒冷的時，受著教會、使徒，及長老歡迎。𪜶將上帝及𪜶同在所做一切的事給大家報告。
15:4 𪜶到耶路撒冷的時受著教會、使徒，及長老歡迎，𪜶就將上帝及𪜶同在所做一切的事給𪜶報告。
15:5 不過有幾若個屬法利賽派的信徒徛起來講：「外邦人一定著受割禮，閣著命令𪜶遵守摩西的律法。」
15:5 不過有幾若個屬法利賽派的信徒徛起來講：「外邦人一定著受割禮，閣著命令𪜶遵守摩西的律法。」
15:6 為著此個問題，使徒及長老開會討論。
15:6 為著此個問題，使徒及長老開會討論。
15:7 辯論真久了後，彼得徛起來，講：「各位兄弟，恁知上帝早就對恁中間揀選我，通互外邦人聽我所傳福音的信息來信。
15:7 辯論真久了後，彼得徛起來，講：「各位兄弟，恁知上帝早就對恁中間揀選我，通互外邦人聽我所傳福音的信息來信。
15:8 彼位知人內心的上帝賜聖神互外邦人，及有賜互咱仝款，證明伊有接納𪜶。
15:8 彼位知人內心的上帝有賜聖神互外邦人，及互咱仝款，證明伊有接納𪜶。
15:9 對信，伊有給𪜶的心洗清氣；伊對待咱及𪜶攏無差別。
15:9 對信，伊有給𪜶的心洗清氣；伊對待咱及𪜶攏無差別。
15:10 既然是按呢，恁是按怎猶啲試探上帝，將咱的祖先及咱擔𣍐起的擔靠佇許個門徒的肩頭頂？
15:10 既然是按呢，恁是按怎猶啲試探上帝，將咱的祖先及咱擔𣍐起的擔靠佇許個門徒的肩頭頂？
15:11 毋應該按呢，咱相信著通過主耶穌的恩典才會得著救；𪜶嘛是按呢。」
15:11 應該按呢，咱相信著通過主耶穌的恩典才會得著救；𪜶嘛是按呢。」
15:12 大家攏靜靜聽巴拿巴及保羅講起上帝通過𪜶佇外邦人的中間所行一切的神跡奇事。
15:12 大家攏靜靜聽巴拿巴及保羅講起上帝通過𪜶佇外邦人的中間所行一切的神跡奇事。
15:13 𪜶講煞，雅各講：「各位兄弟，請聽我講。
15:13 𪜶講煞，雅各講：「各位兄弟，請聽我講。
15:14 抵即西門有講著上帝當初按怎看顧外邦人，對𪜶中間揀人來歸屬伊家己。
15:14 抵即西門有講著上帝當初按怎看顧外邦人，對𪜶中間揀人來歸屬伊家己。
15:15 先知有講起及此個像款意思的話。照聖經所記載：
15:15 先知有講起及此個像款意思的話。照聖經所記載：
15:16 主講：諸個事以後我欲倒轉來，
欲重建已經倒壞的大闢的家。
我欲對荒廢中閣給伊起造，
欲重新給伊建立起來，
15:16 主講：諸個事以後我欲倒轉來，
欲重建已經倒壞的大衛的家。
我欲對荒廢中閣給伊起造，
欲重新給伊建立起來，
15:17 通互所賰的人，
就是所有受呼召歸我的外邦人，
攏會尋求主。
彼位將諸個事對古早就互人知的主按呢宣布。
15:17 通互所賰的人—所有受呼召歸我的外邦人—攏會尋求上主。
彼位將此個事對古早就互人知的上主按呢宣布。
15:18 併於上節
15:18 併於上節
15:19 「所以，照我的判斷，咱毋通給許個歸向上帝的外邦人刁難，
15:19 「所以，照我的判斷，咱通給許個歸向上帝的外邦人刁難，
15:20 不過著寫批吩咐𪜶毋通食拜偶像無清氣的物；毋通淫亂；毋通食捏死的牲生及血。
15:20 不過著寫批吩咐𪜶通食拜偶像無清氣的物；通淫亂；通食捏死的牲生及血。
15:21 因為對古早以來，摩西的律法佇逐個城市攏有人宣講，逐個安歇日，佇逐個會堂攏有人宣讀。」
15:21 因為對古早以來，摩西的律法佇逐個城市攏有人宣講，逐個安息日，佇逐個會堂攏有人宣讀。」
寄互外邦人信徒的批
15:22 彼時，使徒及長老，以及全教會決定欲對𪜶中間揀人，差𪜶及保羅、巴拿巴做夥去安提阿。𪜶所選派的是叫做巴撒巴的猶大及西拉。此兩個人佇兄弟的中間是領導人物。
寄互外邦人信徒的批
15:22 彼時，使徒及長老，以及全教會決定欲對𪜶中間揀人，差𪜶及保羅、巴拿巴做夥去安提阿。𪜶所選派的是叫做巴撒巴的猶大及西拉。此兩人佇兄弟中是領導人物。
15:23 使徒交代𪜶帶去的批按呢寫：
「阮諸個作使徒及長老的兄弟，給住佇安提阿、敘利亞，及基利家的外邦人信徒請安！
15:23 使徒交代𪜶帶去的批按呢寫：
「阮諸個作使徒及長老的兄弟，給住佇安提阿、敘利亞，及基利家的外邦人信徒請安！
15:24 聽講有對阮遮出去的人去恁遐，𪜶用阮無指示𪜶講的話給恁攪擾，互恁的心受著擾亂。
15:24 聽講有對阮遮出去的人去恁遐，𪜶用阮無指示𪜶講的話給恁攪擾，互恁的心受著擾亂。
15:25 為著按呢，阮同心合意決定揀人，差𪜶及阮所敬愛的保羅以及巴拿巴去恁遐；
15:25 為著按呢，阮同心合意決定揀人，差𪜶及阮所敬愛的保羅以及巴拿巴去恁遐；
15:26 此兩個人為著咱的主耶穌基督甘願獻性命。
15:26 此兩人為著咱的主耶穌基督甘願獻性命。
15:27 所以，阮差派猶大及西拉去，𪜶會親嘴給恁講及批內所寫仝款的代誌。
15:27 所以，阮差派猶大及西拉去，𪜶會親嘴給恁講及批內所寫仝款的代誌。
15:28 因為聖神及阮決定，下面諸個重要事項以外，無閣加添恁的負擔：
15:28 因為聖神及阮決定，下面諸個重要事項以外，無閣加添恁的負擔：
15:29 就是毋通食拜偶像的物；毋通食血及捏死的牲生；嘛毋通淫亂。諸個代誌恁若無犯著就好。願恁平安！」
15:29 就是通食拜偶像的物；通食血及捏死的牲生；嘛通淫亂。諸個代誌恁若無犯著就好。願恁平安！」
15:30 𪜶受派落去安提阿，佇遐召集全體信徒，將批交互𪜶。
15:30 𪜶受派落去安提阿，佇遐召集全體信徒，將批交互𪜶。
15:31 眾人讀著彼張批，因為鼓勵的話滿心歡喜。
15:31 眾人讀著彼張批，因為鼓勵的話滿心歡喜。
15:32 猶大及西拉，𪜶本身嘛是先知，有對信徒講真多鼓勵的話，堅固𪜶的信心。
15:32 猶大及西拉，𪜶本身嘛是先知，有對信徒講真多鼓勵的話，堅固𪜶的信心。
15:33 𪜶佇遐住一段時間了後，受信徒歡送，平安倒去差𪜶來的人的所在。
15:33 𪜶佇遐住一段時間了後受信徒歡送，平安倒去差𪜶來的人的所在。(115.33有的抄本有34節「不過西拉決定留佇遐。」*)
15:35 保羅及巴拿巴繼續住佇安提阿；𪜶及其他真多人做夥教示閣宣講主的信息。
15:35 保羅及巴拿巴繼續住佇安提阿；𪜶及其他真多人做夥教示閣宣講主的信息。
保羅及巴拿巴分開
15:36 幾若日後，保羅對巴拿巴講：「咱閣來去前傳主的信息許個城市探信徒，看𪜶的情形。」
保羅及巴拿巴分開
15:36 幾若日後，保羅對巴拿巴講：「咱閣來去前傳主的信息許個城市探信徒，看𪜶的情形。」
15:37 巴拿巴愛欲導叫做馬可的約翰做夥去，
15:37 巴拿巴愛欲導叫做馬可的約翰做夥去，
15:38 毋拘保羅想講無適合，因為馬可曾佇旁非利亞離開𪜶，無繼續及𪜶做工。
15:38 拘保羅想講無適合，因為馬可曾佇旁非利亞離開𪜶，無繼續及𪜶做工。
15:39 𪜶兩個人意見劇烈衝突，致到著分開。巴拿巴導馬可坐船去塞浦路斯；
15:39 𪜶兩人意見劇烈衝突，致到著分開。巴拿巴導馬可坐船去塞浦路斯；
15:40 保羅揀西拉，信徒將伊交託佇主的恩典，伊就出發。
15:40 保羅揀西拉，信徒將伊交託佇主的恩典，伊就出發。
15:41 伊行透敘利亞及基利家，堅固逐教會的信心。
15:41 伊行透敘利亞及基利家，堅固逐教會的信心。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。