上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
彼得對耶路撒冷的教會報告
11:1 使徒及住佇猶太的信徒攏有聽著外邦人嘛接受上帝的道。
彼得對耶路撒冷的教會報告
11:1 使徒及住佇猶太的信徒攏有聽著外邦人嘛接受上帝的道。
11:2 彼得上耶路撒冷的時，許個受割禮的猶太人信徒給伊批評，講：
11:2 彼得上耶路撒冷的時，許個受割禮的猶太人信徒給伊批評，講：
11:3 「你竟然入去無受割禮的人的厝及𪜶做夥食飯！」
11:3 「你竟然入去無受割禮的人的厝及𪜶做夥食飯！」
11:4 彼得就將所發生的代誌對頭一項一項給𪜶說明：
11:4 彼得就將所發生的代誌對頭一項一項給𪜶說明：
11:5 「我佇約帕城啲祈禱的時有入神看見異象，有一個物件親像一塊大塊布，四角頭吊啲，對天頂縋落來到我面前。
11:5 「我佇約帕城啲祈禱的時有入神看見異象，有一個物件親像一塊大塊布，四角頭吊啲，對天頂縋落來到我面前。
11:6 我詳細看，內面有地上的牲生、野獸、蟲𧒴，及空中的鳥類。
11:6 我詳細看，內面有地上的牲生、野獸、蟲𧒴，及空中的鳥類。
11:7 我閣聽著有聲給我講：『彼得，起來，刣來食！』
11:7 我閣聽著有聲給我講：『彼得，起來，刣來食！』
11:8 我講：『主啊，絕對𣍐用得！我毋曾食污穢無清氣的物。』
11:8 我講：『主啊，絕對𣍐用得！我曾食污穢無清氣的物。』
11:9 彼個聲第二遍對天頂應我講：『上帝互伊清氣的，你毋通看做污穢。』
11:9 彼個聲第二遍對天頂應我講：『上帝互伊清氣的，你通看做污穢。』
11:10 此個代誌繼續有三遍，許個物件就攏閣收倒轉去天頂。
11:10 此個代誌繼續有三遍，許個物件就攏閣收倒轉去天頂。
11:11 抵彼時，對凱撒利亞派來尋我彼三個人來到阮啲住彼間厝。
11:11 抵彼時，對凱撒利亞派來尋我彼三個人來到阮啲住彼間厝。
11:12 聖神叫我著及𪜶去，毋通躊躇。彼六個信徒嘛及我做夥去凱撒利亞。阮就攏入去哥尼流的厝。
11:12 聖神叫我著及𪜶去，通躊躇。(111.12「躊躇」有抄本是「佇𪜶及阮中間有差別」。*)彼六個信徒嘛及我做夥去凱撒利亞。阮就攏入去哥尼流的厝。
11:13 哥尼流給阮講伊有看見一個天使徛佇伊的厝內，對伊講：『著差人去約帕請彼個叫做彼得的西門來。
11:13 哥尼流給阮講伊有看見一個天使徛佇伊的厝內，對伊講：『著差人去約帕請彼個叫做彼得的西門來。
11:14 伊有話欲給你講，通互你及你的全家攏得著救。』
11:14 伊有話欲給你講，通互你及你的全家攏得著救。』
11:15 我開始講話的時，聖神降臨佇𪜶身上，及當初降臨佇咱身上仝款。
11:15 我開始講話的時，聖神降臨佇𪜶身上，及當初降臨佇咱身上仝款。
11:16 我就想起主所講的話：約翰用水給恁洗禮，毋拘恁會領受聖神的洗禮。
11:16 我就想起主所講的話：『約翰用水給恁洗禮，拘恁會領受聖神的洗禮。』
11:17 既然上帝有將咱信主耶穌基督的時所領受像款的恩賜賜互外邦人，我算啥人，哪會當阻擋上帝的所做？」
11:17 既然上帝有將咱信主耶穌基督的時所領受像款的恩賜賜互外邦人，我算啥人，哪會當阻擋上帝的所做？」
11:18 𪜶聽著諸個話就恬去，歸榮光互上帝，講：「上帝嘛有互外邦人悔改來得著活命。」
11:18 𪜶聽著諸個話就恬去，歸榮光互上帝講：「上帝嘛有互外邦人悔改來得著活命。」
安提阿的教會
11:19 因為司提反的代誌受迫害四散的信徒，有的到腓尼基、塞浦路斯，及安提阿，𪜶無對別人，只有對猶太人傳道。
安提阿的教會
11:19 因為司提反的代誌受迫害四散的信徒，有的到腓尼基、塞浦路斯，及安提阿，𪜶無對別人，只有對猶太人傳道。
11:20 毋拘其中有一寡塞浦路斯及古利奈的信徒到安提阿，嘛向希臘人傳，對𪜶講起主耶穌的福音。
11:20 拘其中有一寡塞浦路斯及古利奈的信徒到安提阿，嘛向希臘人傳，對𪜶講起主耶穌的福音。
11:21 主的氣力及𪜶同在，信來歸主的人額真多。
11:21 主的氣力及𪜶同在，信來歸主的人額真多。
11:22 此個消息傳到耶路撒冷的教會，𪜶就派巴拿巴去安提阿。
11:22 此個消息傳到耶路撒冷的教會，𪜶就派巴拿巴去安提阿。
11:23 伊一下到位，看著上帝有賜𪜶恩惠，就歡喜，勸勉𪜶大家著全心一意信靠主。
11:23 伊一下到位，看著上帝有賜𪜶恩惠，就歡喜，勸勉𪜶大家著全心一意信靠主。
11:24 巴拿巴是好人，互聖神充滿，閣有信心。彼時有真多人信主。
11:24 巴拿巴是好人，互聖神充滿，閣有信心。彼時有真多人信主。
11:25 後來，巴拿巴去大數尋掃羅，
11:25 後來，巴拿巴去大數尋掃羅，
11:26 尋著就導伊去安提阿。足足一年久，𪜶兩個及教會的人聚會，教示真多人。門徒叫做「基督徒」是對安提阿開始。
11:26 尋著就導伊去安提阿。足足一年久，𪜶兩個及教會的人聚會，教示真多人。門徒叫做「基督徒」是對安提阿開始。
11:27 彼時，有幾若個先知對耶路撒冷落去安提阿。
11:27 彼時，有幾若個先知對耶路撒冷落去安提阿。
11:28 其中一個名叫做亞迦布；伊得著聖神的指示，徛起來預言講全世界啲欲有大飢荒。此個代誌佇克勞第統治的年間果然發生。
11:28 其中一個名叫做亞迦布；伊得著聖神的指示，徛起來預言講全世界啲欲有大飢荒。此個代誌佇克勞第統治的年間果然發生。
11:29 門徒就決定逐個人照家己的能力捐獻，通送去賑濟住佇猶太的信徒。
11:29 門徒就決定逐個人照家己的能力捐獻，通送去賑濟住佇猶太的信徒。
11:30 𪜶就照按呢做，將捐獻託巴拿巴及掃羅交互遐的長老。
11:30 𪜶就照按呢做，將捐獻託巴拿巴及掃羅交互遐的長老。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。