上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
彼得及哥尼流
10:1 佇凱撒利亞有一個人，名叫做哥尼流，是羅馬軍隊叫做「意大利營」的軍官。
彼得及哥尼流
10:1 佇凱撒利亞有一個人，名叫做哥尼流，是羅馬軍隊叫做「意大利營」的軍官。
10:2 伊是虔誠的人，及全家攏敬畏上帝；伊慷慨賑濟散赤的猶太人，閣不時對上帝祈禱。
10:2 伊是虔誠的人，及全家攏敬畏上帝；伊慷慨賑濟散赤的猶太人，閣不時對上帝祈禱。
10:3 有一日，差不多下晡三點，伊佇異象中明明看見上帝的天使入來，給伊叫：「哥尼流！」
10:3 有一日，差不多下晡三點，伊佇異象中明明看見上帝的天使入來，給伊叫：「哥尼流！」
10:4 伊給天使直直相，非常驚惶，講：「主啊，什麼代誌？」
天使講：「你的祈禱及賑濟已經攏得著上帝歡喜接納。
10:4 伊給天使直直相，非常驚惶，講：「主啊，什麼代誌？」
天使講：「你的祈禱及賑濟已經攏得著上帝歡喜接納。
10:5 今著差人去約帕，請彼個稱做彼得的西門來。
10:5 今著差人去約帕，請彼個稱做彼得的西門來。
10:6 伊作人客住佇翻皮師傅西門的厝；伊的厝佇海邊。」
10:6 伊作人客住佇翻皮師傅西門的厝；伊的厝佇海邊。」
10:7 對伊講話的天使離開了後，哥尼流叫兩個僕人及一個平常啲侍候伊敬畏上帝的兵來，
10:7 對伊講話的天使離開了後，哥尼流叫兩個奴僕及一個平常啲伺候伊敬畏上帝的兵來，
10:8 將諸個代誌攏給𪜶講，就差𪜶去約帕。
10:8 將諸個代誌攏給𪜶講了後，差𪜶去約帕。
10:9 隔日，差不多中晝，此三個人行欲到約帕的時，彼得𬦰去厝頂祈禱。
10:9 隔日，差不多中晝，此三個人行欲到約帕的時，彼得𬦰去厝頂祈禱。
10:10 伊腹肚枵，想欲食。人啲為伊準備食物的時，伊入神，
10:10 伊腹肚枵，想欲食。人啲為伊準備食物的時，伊入神，
10:11 看見天開，有一個物件親像一塊大塊布，四角頭吊啲，縋落來土腳，
10:11 看見天開，有一個物件親像一塊大塊布，四角頭吊啲，縋落來地上，
10:12 內面有地上逐種的走獸、蟲𧒴，及空中的鳥類。
10:12 內面有地上逐種的走獸、蟲𧒴，及空中的鳥類。
10:13 有聲對伊講：「彼得，起來，刣來食。」
10:13 有聲對伊講：「彼得，起來，刣來食。」
10:14 毋拘彼得講：「主啊，絕對𣍐用得！我毋曾食污穢無清氣的物。」
10:14 拘彼得講：「主啊，絕對𣍐用得！我曾食污穢無清氣的物。」
10:15 彼個聲第二遍對伊講：「上帝互伊清氣的，你毋通看做污穢。」
10:15 彼個聲第二遍對伊講：「上帝互伊清氣的，你通看做污穢。」
10:16 此個代誌繼續有三遍，彼個物件隨時閣收倒去天頂。
10:16 此個代誌繼續有三遍，彼個物件隨時閣收倒去天頂。
10:17 彼得感覺奇怪，抵啲想此個異象是什麼意思的時，哥尼流差來的人已經尋著西門的厝，來徛佇門口，
10:17 彼得感覺奇怪，抵啲想此個異象是什麼意思的時，哥尼流所差來的人已經尋著西門的厝，來徛佇門口，
10:18 大聲問：「有一個叫做彼得的西門住佇遮無？」
10:18 大聲問：「有一個叫做彼得的西門住佇遮無？」
10:19 彼得猶啲想此個異象是什麼意思的時，聖神給伊講：「有三個人來欲尋你！
10:19 彼得猶啲想此個異象是什麼意思的時，聖神給伊講：「有三個人來欲尋你！
10:20 你起來，落去，及𪜶做夥去；毋通躊躇，因為𪜶是我差來的。」
10:20 你起來，落去，及𪜶做夥去；通躊躇，因為𪜶是我差來的。」
10:21 彼得就落去見許個人，給𪜶講：「我就是恁啲尋的人。恁來有什麼貴事？」
10:21 彼得就落去見許個人，給𪜶講：「我就是恁啲尋的人。恁來有什麼貴事？」
10:22 𪜶應講：「阮的長官哥尼流差阮來，伊是正直閣敬畏上帝的人，受全體猶太人的尊敬。伊得著聖天使的指示，來請你去𪜶兜欲領受你的教示。」
10:22 𪜶應講：「阮的長官哥尼流差阮來，伊是正直閣敬畏上帝的人，受全體猶太人的尊敬。伊得著聖天使的指示，來請你去𪜶兜欲領受你的教示。」
10:23 彼得就請𪜶入去，留𪜶住遐過暝。
隔日，彼得起來及𪜶做夥去；嘛有幾若個約帕的信徒做夥去。
10:23 彼得就請𪜶入去，留𪜶住遐過暝。
隔日，彼得起來及𪜶做夥去；嘛有幾若個約帕的信徒鬥陣去。
10:24 閣隔日，𪜶到凱撒利亞，哥尼流已經邀請伊的親人及朋友啲聽候。
10:24 閣隔日，𪜶到凱撒利亞，哥尼流已經邀請伊的親人及朋友啲聽候。
10:25 彼得入去，哥尼流就進前迎接，仆佇伊的腳前給伊拜。
10:25 彼得入去，哥尼流就進前迎接，仆佇伊的腳前給伊拜。
10:26 彼得給伊牽起來，講：「起來，我家己嘛是人。」
10:26 彼得給伊牽起來，講：「起來，我家己嘛是人。」
10:27 彼得及伊那行那講話入去內面，看著真多人已經聚集佇遐，
10:27 彼得及伊那行那講話入去內面，看著真多人已經聚集佇遐，
10:28 就對𪜶講：「恁知影，照阮的規定，猶太人𣍐用得及外邦人交陪來往，毋拘上帝已經指示我，無論什麼族群的人都毋通看伊做無清氣抑是污穢。
10:28 就對𪜶講：「恁知影，照阮的規定，猶太人𣍐用得及外邦人交陪來往，拘上帝已經指示我，無論什麼族群的人都通看伊做無清氣抑是污穢。
10:29 所以恁請我來，我無推辭就來。今請問，恁為著什麼代誌請我來？」
10:29 所以恁請我來，我無推辭就來。今請問，恁為著什麼代誌請我來？」
10:30 哥尼流講：「四日前，抵此個時陣，差不多下晡三點，我佇厝內啲祈禱的時，忽然有一個人穿光映映的衫徛佇我的面前，
10:30 哥尼流講：「四日前，抵此個時陣，差不多下晡三點，我佇厝內啲祈禱的時，忽然有一個人穿光映映的衫徛佇我的面前，
10:31 講：『哥尼流！上帝已經有聽見你的祈禱，嘛會記得你所做賑濟人的事。
10:31 講：『哥尼流！上帝已經有聽見你的祈禱，嘛會記得你所做賑濟人的事。
10:32 你著差人去約帕，請叫做彼得的西門來；伊作人客住佇海邊翻皮師傅西門𪜶兜。』
10:32 你著差人去約帕，請叫做彼得的西門來；伊住佇海邊翻皮師傅西門𪜶兜。』
10:33 我就隨時差人去請你來；今你來啦，實在真好。現在阮攏聚集佇上帝面前，欲聽主命令你所欲講攏總的話。」
10:33 我就隨時差人去請你來；今你來啦，實在真好。現在阮攏聚集佇上帝面前，欲聽主命令你所欲講攏總的話。」
彼得佇哥尼流的厝講道
10:34 彼得開嘴講：「今我確實知，上帝無偏待人。
彼得佇哥尼流的厝講道
10:34 彼得開嘴講：「今我確實知，上帝無偏待人。
10:35 無論叨一個民族，敬畏伊，行為正直的人，伊攏歡喜接納。
10:35 無論叨一個民族，敬畏伊，行為正直的人，伊攏歡喜接納。
10:36 恁知：以前上帝有通過萬民的主耶穌基督對以色列人傳和平的福音；約翰傳洗禮的道理以後，此個福音有對加利利開始傳遍猶太全地；
10:36 恁知：前上帝有通過萬民的主耶穌基督對以色列人傳和平的福音；約翰傳洗禮的道理以後，此個福音有對加利利開始傳遍猶太全地；
10:37 併於上節
10:37 併於上節
10:38 就是，拿撒勒人耶穌，上帝有按怎用聖神及大能力給伊抹油任命，有按怎互伊去逐所在做好事，醫好所有受魔鬼壓制的人，因為上帝及伊同在。
10:38 就是，拿撒勒人耶穌，上帝有按怎用聖神及大能力給伊抹油任命，有按怎互伊去逐所在做好事，醫好所有受魔鬼壓制的人，因為上帝及伊同在。
10:39 阮就是伊佇猶太逐所在及耶路撒冷所做的事的見證人。𪜶給伊釘死佇十字架頂，
10:39 阮就是伊佇猶太逐所在及耶路撒冷所做的事的見證人。𪜶給伊釘死佇十字架頂，
10:40 第三日上帝互伊閣活，閣互伊顯現，
10:40 第三日上帝互伊復活，閣互伊顯現，
10:41 毋是對所有的人，只有對阮諸個受上帝揀選來做見證的人顯現；阮曾佇伊對死人中閣活了後及伊做夥飲食。
10:41 是對所有的人，只有對阮諸個受上帝揀選來做見證的人顯現；阮曾佇伊對死人中復活了後及伊做夥飲食。
10:42 伊命令阮傳福音互所有的人，證實伊是上帝所任命作活人及死人的審判者。
10:42 伊命令阮傳福音互所有的人，證實伊是上帝所任命作活人及死人的審判者。
10:43 所有的先知攏為著伊做見證講，信伊的人攏會因為伊的名得著赦罪。」
10:43 所有的先知攏為著伊做見證講，信伊的人攏會因為伊的名得著赦罪。」
外邦人領受聖神
10:44 彼得猶啲講話的時，聖神降臨佇所有聽道理的人。
外邦人領受聖神
10:44 彼得猶啲講話的時，聖神降臨佇所有聽道理的人。
10:45 及彼得對約帕做夥來許個受割禮的信徒攏大著驚，因為聖神的恩賜嘛有摒落佇外邦人的身上；
10:45 及彼得對約帕做夥來許個受割禮的信徒攏大著驚，因為聖神的恩賜嘛有摒落佇外邦人的身上；
10:46 因為𪜶有聽著許個人講靈語閣稱讚上帝的偉大。然後彼得講：
10:46 因為𪜶有聽著許個人講靈語閣稱讚上帝的偉大。然後彼得講：
10:47 「諸個人及咱仝款已經有領受聖神，豈有人會當禁止𪜶領受水的洗禮？」
10:47 「諸個人及咱仝款已經有領受聖神，豈有人會當禁止𪜶領受水的洗禮？」
10:48 伊就命令𪜶奉耶穌基督的名領受洗禮。後來，𪜶請彼得及𪜶閣住幾若日。
10:48 伊就命令𪜶奉耶穌基督的名領受洗禮。後來，𪜶請彼得及𪜶閣住幾若日。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。