上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
8:1 刣死司提反的代誌掃羅嘛贊成。
掃羅迫害教會
仝彼日，耶路撒冷的教會受著真大的迫害。使徒以外所有的信徒攏分散去猶太及撒馬利亞的逐所在。
8:1 刣死司提反的代誌掃羅嘛贊成。
掃羅迫害教會
仝彼日，耶路撒冷的教會受著真大的迫害。使徒以外所有的信徒攏分散去猶太及撒馬利亞的逐所在。
8:2 毋拘有一寡虔誠的人給司提反埋葬，為著伊大悲傷。
8:2 拘有一寡虔誠的人給司提反埋葬，為著伊大悲傷。
8:3 彼時掃羅下手殘害教會，一戶一戶入去，無論男女攏拖出來，給𪜶送去關落監。
8:3 彼時掃羅下手殘害教會，一戶一戶入去，無論男女攏拖出來，給𪜶送去關落監。
福音傳到撒馬利亞
8:4 許個分散的信徒去逐所在傳道。
福音傳到撒馬利亞
8:4 許個分散的信徒去逐所在傳道。
8:5 腓力去撒馬利亞的一個城，對遐的人宣揚基督。
8:5 腓力去撒馬利亞的一個城，對遐的人宣揚基督。
8:6 群眾聽著腓力所講的話，閣看著伊所行的神跡，就專心聽伊所講的話。
8:6 群眾聽著腓力所講的話，閣看著伊所行的神跡，就專心聽伊所講的話。
8:7 有真多人互邪神附身，許個邪神大聲喝，對𪜶所附身的人出去。有真多半身不遂的及腳跛的嘛得著醫好。
8:7 有真多人互邪神附身，許個邪神大聲喝，對𪜶所附身的人出去。有真多半身不遂的及腳跛的嘛得著醫好。
8:8 彼個城的人攏大歡喜。
8:8 彼個城的人攏大歡喜。
8:9 有一個人名叫做西門，以前曾佇彼個城行邪術，家己自誇作大，互撒馬利亞的人著驚奇怪。
8:9 有一個人名叫做西門，以前曾佇彼個城行邪術，家己自誇作大，互撒馬利亞的人著驚奇怪。
8:10 城內的人大大細細攏專心聽趁伊，講：「此個人有上帝的權能，是人啲講的『大能者』。」
8:10 城內的人大大細細攏專心聽趁伊，講：「此個人是上帝的權能，是人啲講的『大能者』。」
8:11 𪜶攏專心聽趁伊，因為伊真久有用邪術互𪜶著驚奇怪。
8:11 𪜶攏專心聽趁伊，因為伊真久有用邪術互𪜶著驚奇怪。
8:12 不過𪜶信腓力所傳上帝國的福音及耶穌基督的名了後，男的女的攏接受洗禮。
8:12 不過𪜶信腓力所傳上帝國的福音及耶穌基督的名了後，男的女的攏接受洗禮。
8:13 連西門本身嘛信；伊受洗禮以後就給腓力隨牢牢。伊看見腓力所行的神跡及所做大權能的奇事，感覺真著驚。
8:13 連西門本身嘛信；伊受洗禮以後就給腓力隨牢牢。伊看見腓力所行的神跡及所做大權能的奇事，感覺真著驚。
8:14 耶路撒冷的使徒聽著撒馬利亞人已經接受上帝的信息，就派彼得及約翰去𪜶遐。
8:14 耶路撒冷的使徒聽著撒馬利亞人已經接受上帝的信息，就派彼得及約翰去𪜶遐。
8:15 𪜶落去，就為著許個信徒祈禱，互𪜶通得著聖神，
8:15 𪜶落去，就為著許個信徒祈禱，互𪜶通得著聖神，
8:16 因為許個信徒抵受洗禮，歸佇主耶穌的名；聖神猶未降落佇𪜶中間任何人。
8:16 因為許個信徒抵受洗禮，歸佇主耶穌的名；聖神猶未降落佇𪜶中間任何人。
8:17 彼得及約翰給𪜶按手，𪜶就得著聖神。
8:17 彼得及約翰給𪜶按手，𪜶就得著聖神。
8:18 西門看著使徒按手的人攏得著聖神，就提錢互𪜶，
8:18 西門看著使徒按手的人攏得著聖神，就提錢互𪜶，
8:19 講：「請恁嘛將此個權能互我，互我所按手的人攏會當得著聖神。」
8:19 講：「請恁嘛將此個權能互我，互我所按手的人攏會當得著聖神。」
8:20 彼得對伊講：「你的錢及你做夥去死！你敢想欲用錢買上帝的恩賜！
8:20 彼得對伊講：「你的錢及你做夥去死！你敢想欲用錢買上帝的恩賜！
8:21 這無你的份，及你無關係；因為佇上帝的面前你存心不良。
8:21 這無你的份，及你無關係；因為佇上帝的面前你存心不良。
8:22 所以，著悔改除去此個邪念，祈求主互你心內的意念會當得著赦免。
8:22 所以，著悔改除去此個邪念，祈求主互你心內的意念會當得著赦免。
8:23 我看著你心內充滿貪心怨妒，受著罪惡拘束。」
8:23 我看著你心內有充滿貪心嫉妒，受著罪惡拘束。」
8:24 西門應講：「請你為著我對主祈求，互你所講的代誌𣍐臨到我。」
8:24 西門應講：「請你為著我對主祈求，互你所講的代誌𣍐臨到我。」
8:25 彼得及約翰做見證，宣講主的信息，然後倒去耶路撒冷，沿路佇撒馬利亞的真多庄社傳福音。
8:25 彼得及約翰做見證，宣講主的信息，然後倒去耶路撒冷，沿路佇撒馬利亞的真多庄社傳福音。
腓力及衣索匹亞的太監
8:26 主的天使給腓力講：「起來，向南旁去，行對耶路撒冷落去迦薩彼條路。」彼條路已經荒廢。
腓力及衣索匹亞的太監
8:26 主的天使給腓力講：「起來，向南旁去，行對耶路撒冷落去迦薩彼條路。」彼條路已經荒廢。
8:27 腓力起來，就去。伊佇路中抵著一個衣索匹亞的太監；此個人是衣索匹亞女王甘大基的財務大臣。伊上耶路撒冷去敬拜上帝，抵欲倒去，坐佇車頂啲讀先知以賽亞的冊。
8:27 腓力起來，就去。伊佇路中抵著一個衣索匹亞的太監；此個人是衣索匹亞女王甘大基的財務大臣。伊上耶路撒冷去敬拜上帝，抵欲倒去，坐佇車頂啲讀先知以賽亞的冊。
8:28 併於上節
8:28 併於上節
8:29 聖神給腓力講：「你進前倚去隨彼台車。」
8:29 聖神給腓力講：「你進前倚去隨彼台車。」
8:30 腓力走倚去，聽著伊啲讀先知以賽亞的冊，就問：「你啲讀的，有了解無？」
8:30 腓力走倚去，聽著伊啲讀先知以賽亞的冊，就問：「你啲讀的，有了解無？」
8:31 伊應講：「無人給我解說，我哪會了解？」太監就請腓力上車，及伊做夥坐。
8:31 伊應講：「無人給我解說，我哪會了解？」太監就請腓力上車，及伊做夥坐。
8:32 伊啲讀的彼段經文是按呢：
伊親像羊互人牽去刣，
親像羊仔佇剪毛的人面前無出聲，
攏無開嘴。
8:32 伊啲讀的彼段聖經是按呢：
伊親像羊互人牽去刣，
親像羊仔佇剪毛的人面前無出聲，
攏無開嘴。
8:33 伊忍受凌辱的時無人替伊主持公道。
什麼人會當說明伊的世系？
因為伊的性命對地上消滅。
8:33 伊忍受凌辱的時無人替伊主持公道。
什麼人會當說明伊的世系？
因為伊的性命對地上消滅。
8:34 太監問腓力：「請問，先知此個話是指什麼人講的？是指伊家己抑是指別人？」
8:34 太監問腓力：「請問，先知此個話是指什麼人講的？是指伊家己抑是指別人？」
8:35 腓力就對彼段經文開始對伊傳耶穌的福音。
8:35 腓力就對彼段經文開始對伊傳耶穌的福音。
8:36 𪜶對彼條路落去，到有水的所在，太監講：「遮有水，我豈𣍐用得佇遮領受洗禮？」
8:36 𪜶對彼條路落去，到有水的所在，太監講：「遮有水，我豈𣍐用得佇遮領受洗禮？」(18.36有的抄本有37節「腓力給伊講：「你若全心信就通受洗禮。」伊應講：「我信耶穌基督是上帝的子。」)
8:38 太監叫車停啲，腓力及太監兩個做夥落去水裡，腓力就給伊洗禮。
8:38 太監叫車停啲，腓力及太監兩個做夥落去水裡，腓力就給伊洗禮。
8:39 𪜶對水裡起來的時，主的神給腓力接去；太監無閣看著伊，毋拘猶歡歡喜喜繼續伊的旅程。
8:39 𪜶對水裡起來的時，主的神給腓力接去；太監無閣看著伊，拘猶歡歡喜喜繼續旅程。
8:40 後來有人佇亞鎖都看著腓力；伊沿路佇逐個城市傳福音一直到凱撒利亞。
8:40 不過後來有人佇亞鎖都看著腓力；伊沿路佇逐個城市傳福音一直到凱撒利亞。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。