上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
使徒行傳
聖神降臨
2:1 五旬節的日到，門徒攏聚集佇一所在。
聖神降臨
2:1 五旬節的日到，門徒攏聚集佇一所在。
2:2 忽然有聲對天頂來，親像透大風，充滿𪜶啲坐的歸間厝。
2:2 忽然有聲對天頂來，親像透大風，充滿𪜶啲坐的歸間厝。
2:3 閣有親像分開的火舌對𪜶出現，歇佇逐個人的頂面。
2:3 閣有親像分開的火舌對𪜶出現，歇佇逐個人的頂面。
2:4 𪜶攏受聖神充滿，照聖神互𪜶的才能開始講別種語言。
2:4 𪜶攏受聖神充滿，照聖神互𪜶的才能開始講別種語言。
2:5 彼時，有一寡虔誠的猶太人對世界逐國來，住佇耶路撒冷。
2:5 彼時，有一寡虔誠的猶太人對世界逐國來，住佇耶路撒冷。
2:6 聽著此個聲響，眾人就攏聚集倚來。因為逐個人聽著門徒用𪜶的本地話對𪜶講話，煞愣去。
2:6 聽著此個聲響，眾人就攏聚集倚來。因為逐個人聽著門徒用𪜶的本地話對𪜶講話，煞愣去。
2:7 𪜶著驚閣奇怪，講：「你看，諸個啲講話的豈毋是攏加利利人？
2:7 𪜶著驚閣奇怪，講：「你看，諸個啲講話的豈是攏加利利人？
2:8 咱哪會聽著𪜶攏用咱逐個人住的所在的語言啲講話？
2:8 咱哪會聽著𪜶攏用咱逐個人的本地話啲講話？
2:9 咱諸個帕提亞人、米底亞人、以攔人，以及對美索不達米亞、猶太及加帕多家、本都及亞細亞、
2:9 咱諸個帕提亞人、米太人、以攔人，以及對美索不達米亞、猶太及加帕多家、本都及亞西亞、
2:10 弗呂家及旁非利亞、埃及及倚近古利奈的利比亞地區來的人，嘛有對羅馬來的出外人，內面有
2:10 弗呂家及旁非利亞、埃及及倚近古利奈的利比亞地區來的人，嘛有對羅馬來的出外人，內面有
2:11 猶太人及改宗入猶太教的人，閣有克里特人及阿拉伯人，咱竟然聽著𪜶攏用咱在地的話講起上帝所做偉大的代誌。」
2:11 猶太人及改宗入猶太教的人，閣有克里特人及阿拉伯人。咱竟然聽著𪜶攏用咱的本地話講起上帝所做偉大的代誌。」
2:12 大家著驚閣卬愕，問來問去：「這是什麼代誌？」
2:12 大家著驚閣卬愕，問來問去：「這是什麼代誌？」
2:13 有人恥笑講：「諸個人是飲新酒啲醉。」
2:13 有人恥笑講：「諸個人是飲新酒啲醉。」
彼得的講道
2:14 此個時，彼得及十一個使徒徛起來，大聲對眾人講：「猶太人及所有住佇耶路撒冷的人，恁著知，注意聽我的話。
彼得的講道
2:14 此個時，彼得及十一個使徒徛起來，大聲對眾人講：「猶太人及所有住佇耶路撒冷的人，恁著知，注意聽我的話。
2:15 諸個人毋是照恁所想啲酒醉，此陣才早起時九點。
2:15 諸個人是照恁所想啲酒醉，此陣才早起時九點。
2:16 其實這就是先知約珥所講的。
2:16 其實這就是先知約珥所講的。
2:17 上帝講：佇終末的日子，
我欲將我的神摒落去互所有的人。
恁的子，查某子會講預言；
恁的少年人會看見異象；
恁的老人會作夢。
2:17 上帝講：佇終末的日子，
我欲將我的神摒落去互所有的人。
恁的子及查某子會講預言；
恁的少年人會看見異象；
恁的老人會作夢。
2:18 閣佇許個日，
我嘛欲將我的神摒落去互我的僕人及女婢；
𪜶會講預言。
2:18 閣佇許個日，
我嘛欲將我的神摒落去互我的奴僕及女婢；
𪜶會講預言。
2:19 我欲佇天頂顯出奇事，
佇地上行神跡，
有血、火，及煙霧。
2:19 我欲佇天頂顯出奇事，
佇地上行神跡，
有血、火，及煙霧。
2:20 佇主大閣榮耀的日來臨以前，
日頭會變做烏暗，
月變做親像血赫呢紅。
2:20 佇主大閣榮耀的日來臨以前，
日頭會變做烏暗，
月變做親像血赫呢紅。
2:21 彼時，所有求叫主的名的人攏會得著救。
2:21 彼時，所有求叫主的名的人攏會得著救。
2:22 「以色列人，恁著聽諸個話。照恁所知，上帝通過拿撒勒人耶穌佇恁中間行權能、奇事，及神跡，來對恁證明伊是上帝所指派的。
2:22 「以色列人，恁著聽諸個話。照恁所知，上帝通過拿撒勒人耶穌佇恁中間行權能、奇事，及神跡，來對恁證明伊是上帝所指派的。
2:23 上帝照伊預定的旨意及計劃，將耶穌交互恁；恁用無律法的人的手將伊釘佇十字架頂，給伊殺害。
2:23 上帝照伊預定的旨意及計劃，將耶穌交互恁；恁用無律法的人的手將伊釘佇十字架頂，給伊殺害。
2:24 上帝給伊解除死的痛苦，互伊閣活，因為死無法度給伊控制。
2:24 上帝給伊解除死的痛苦，互伊復活，因為死無法度給伊控制。
2:25 大闢曾指伊講：
我看見主不時佇我的面前，
伊佇我的正旁，互我𣍐動搖；
2:25 大衛曾指伊講：
我看見主不時佇我的面前，
因為伊佇我的正旁，互我𣍐動搖。
2:26 因為按呢，我的心歡喜，我的舌快樂；
我此個會朽爛的肉體會靠向望來活。
2:26 因為按呢，我的心歡喜，我的舌快樂；
我此個會朽爛的肉體會靠向望來活。
2:27 因為你𣍐給我放拺佇陰府，
嘛𣍐互你的聖者朽爛。
2:27 因為你𣍐將我的靈魂放拺佇陰府，
嘛𣍐互你的聖者朽爛。
2:28 你已經指示我活命的道路，
互我佇你的面前充滿歡喜。
2:28 你已經指示我活命的道路，
互我佇你的面前充滿歡喜。
2:29 「各位兄弟，關係先祖大闢的事，我好膽給恁講。伊已經死，閣埋葬啦，伊的墓今仔日猶佇咱遮。
2:29 「各位兄弟，關係先祖大衛的事，我好膽給恁講。伊已經死，閣埋葬啦，伊的墓今仔日猶佇咱遮。
2:30 伊是先知，知上帝有對伊嚴肅應允，欲對伊的子孫任命一個作王來坐伊的寶座。
2:30 伊是先知，知上帝有對伊嚴肅應允，欲對伊的子孫任命一個作王來坐伊的寶座。
2:31 大闢先看出此個代誌，關係基督的閣活有講：
伊無受放拺佇陰府；
伊的肉體嘛無朽爛。
2:31 大衛先看出此個代誌，關係基督的復活有講：
伊無受放拺佇陰府；
伊的肉體嘛無朽爛。
2:32 此位耶穌，上帝已經有互伊閣活。阮攏是此項事的見證人。
2:32 此位耶穌，上帝已經有互伊復活。阮攏是此項事的見證人。
2:33 伊已經受高升到上帝的正旁，閣對父領受所應允的聖神，伊現在將此位聖神摒落來互阮，就是恁現在所看見閣聽見的。
2:33 伊已經受高升到上帝的正旁，閣對父領受所應允的聖神，伊現在將此位聖神摒落來互阮，就是恁現在所看見閣聽見的。
2:34 大闢毋曾上天，毋拘伊講：
主對我的主講：
你坐我的正旁，
2:34 大衛曾上天，拘伊講：
主對我的主講：
你坐我的正旁，
2:35 聽候我互你的對敵屈服佇你腳下。
2:35 聽候我互你的對敵屈服佇你腳下。
2:36 「所以，以色列全家著確實知，恁給伊釘十字架此位耶穌，上帝已經任命伊做主，做基督啦！」
2:36 「所以，以色列全家著確實知，恁給伊釘十字架此位耶穌，上帝已經任命伊做主，做基督啦！」
2:37 眾人聽著諸個話，心親像互刺鑿著，對彼得及其他的使徒講：「各位兄弟，阮應該做什麼？」
2:37 眾人聽著諸個話，心親像互刺鑿著，對彼得及其他的使徒講：「各位兄弟，阮應該做什麼？」
2:38 彼得對𪜶講：「著悔改，逐個人攏著奉耶穌基督的名受洗禮，互恁的罪得著赦免，就會領受上帝所賜的聖神。
2:38 彼得對𪜶講：「著悔改，逐個人攏著奉耶穌基督的名受洗禮，互恁的罪得著赦免，就會領受上帝所賜的聖神。
2:39 因為此個應允是欲互恁及恁的子孫，以及一切佇遠的所在的人，就是咱的主上帝所呼召來歸伊的人。」
2:39 因為此個應允是欲互恁及恁的子孫，以及一切佇遠的所在的人，就是咱的主上帝所呼召來歸伊的人。」
2:40 彼得閣用真多話出力做見證，勸勉𪜶，講：「著救家己脫離此個邪惡的世代。」
2:40 彼得閣用真多話出力做見證，勸勉𪜶講：「著救家己脫離此個邪惡的世代。」
2:41 對按呢，領受伊的信息的人攏受洗禮；彼日信徒大約加添三千人。
2:41 對按呢，領受伊的信息的人攏受洗禮；彼日信徒大約加添三千人。
2:42 𪜶全心領受使徒的教示，參與團契生活，擘餅，祈禱。
2:42 𪜶全心領受使徒的教示，參與團契生活、擘餅、祈禱。
信徒的團契生活
2:43 使徒行真多奇事神跡，引起眾人敬畏的心。
信徒的團契生活
2:43 使徒行真多奇事神跡，引起眾人敬畏的心。
2:44 所有的信徒攏做夥生活，所有的物公家用，
2:44 所有的信徒攏做夥生活，所有的物公家用，
2:45 閣賣家產財物，照逐個人的需要分互大家。
2:45 閣賣家產財物，照逐個人的需要分互大家。
2:46 𪜶逐日同心合意佇聖殿聚會，閣佇一家一家擘餅，用歡喜誠心做夥飲食，
2:46 𪜶逐日同心合意佇聖殿聚會，閣佇一家一家擘餅，用歡喜誠心做夥飲食，
2:47 頌讚上帝，閣得著眾人歡喜接納。主將得救的人日日加添互𪜶。
2:47 頌讚上帝，閣得著眾人歡喜接納。主將得救的人日日加添互𪜶。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。