上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰福音
拉撒路的死
11:1 有一個人叫做拉撒路，破病，住佇伯大尼，就是馬利亞及伊的阿姊馬大住的庄社。
拉撒路的死
11:1 有一個人叫做拉撒路，破病，住佇伯大尼，就是馬利亞及伊的阿姊馬大住的庄社。
11:2 此個馬利亞曾用芳油抹主，閣用頭毛拭伊的腳；伊的小弟拉撒路破病。
11:2 此個馬利亞曾用芳油抹主，閣用頭毛拭伊的腳；伊的小弟拉撒路破病。
11:3 此兩個姊妹差人去見耶穌，講：「主啊，你所疼的人啲破病。」
11:3 此兩個姊妹差人去見耶穌，講：「主啊，你所疼的人啲破病。」
11:4 耶穌聽著就講：「此個病𣍐致到死；是欲顯明上帝的榮光，通互上帝的子對此項代誌得著榮光。」
11:4 耶穌聽著就講：「此個病𣍐致到死；是欲顯明上帝的榮光，通互上帝的子對此項代誌得著榮光。」
11:5 耶穌真疼馬大及伊的小妹，以及拉撒路。
11:5 耶穌真疼馬大及伊的小妹，以及拉撒路。
11:6 伊聽著拉撒路破病，繼續佇彼所在住兩日。
11:6 伊聽著拉撒路破病，繼續佇彼所在住兩日。
11:7 後來，伊給門徒講：「咱閣來去猶太。」
11:7 後來，伊給門徒講：「咱閣來去猶太。」
11:8 門徒應講：「拉比，猶太人抵仔才啲尋機會欲用石頭給你抌，你豈欲閣去遐？」
11:8 門徒應講：「拉比，猶太人抵仔才啲尋機會欲用石頭給你抌，你豈欲閣去遐？」
11:9 耶穌講：「日時豈毋是有十二點鐘？人若佇日時行就𣍐跋倒，因為有看見此世界的光。
11:9 耶穌講：「日時豈是有十二點鐘？人若佇日時行就𣍐跋倒，因為有看見此世界的光。
11:10 人若佇暗時行會跋倒，因為伊無光。」
11:10 人若佇暗時行會跋倒，因為伊內面無光。」
11:11 耶穌講諸個話了，閣給𪜶講：「咱的朋友拉撒路睏去啦，我欲來去給伊叫醒。」
11:11 耶穌講諸個話了，閣給𪜶講：「咱的朋友拉撒路睏去啦，我欲來去給伊叫醒。」
11:12 門徒講：「主啊，伊若是睏去就會好起來。」
11:12 門徒講：「主啊，伊若是睏去就會好起來。」
11:13 耶穌是講拉撒路已經死去，毋拘𪜶想做伊真正啲睏。
11:13 耶穌是講拉撒路已經死去，拘𪜶想做伊真正啲睏。
11:14 所以耶穌明明給𪜶講：「拉撒路死去啦。
11:14 所以耶穌明明給𪜶講：「拉撒路死去啦。
11:15 為著欲互恁信我，我無佇遐顛倒好。今，咱來去伊遐。」
11:15 為著欲互恁信我，我無佇遐顛倒好。今，咱來去伊遐。」
11:16 彼個叫做雙生仔的多馬給門徒伴講：「咱嘛來去及伊做夥死！」
11:16 彼個叫做雙生仔的多馬給門徒伴講：「咱嘛來去及伊做夥死！」
耶穌是閣活，是活命
11:17 耶穌到伯大尼的時才知拉撒路已經葬佇墓內四日。
耶穌是復活，是活命
11:17 耶穌到伯大尼的時才知拉撒路已經葬佇墓內四日。
11:18 伯大尼離耶路撒冷差不多三公里；
11:18 伯大尼離耶路撒冷差不多三公里；
11:19 有真多猶太人因為馬大及馬利亞小弟的代誌來安慰𪜶。
11:19 有真多猶太人因為𪜶小弟的代誌來安慰馬大及馬利亞。
11:20 馬大聽著耶穌到位就出去給伊迎接；馬利亞猶原坐佇厝內。
11:20 馬大聽著耶穌到位就出去給伊迎接；馬利亞猶原坐佇厝內。
11:21 馬大給耶穌講：「主啊，你若有佇遮，我的小弟就𣍐死。
11:21 馬大給耶穌講：「主啊，你若有佇遮，我的小弟就𣍐死。
11:22 甚至現在，我知你無論對上帝求什麼，伊攏會互你！」
11:22 甚至現在，我知你無論對上帝求什麼，伊攏會互你！」
11:23 耶穌給伊講：「你的小弟會閣活起來。」
11:23 耶穌給伊講：「你的小弟會閣活起來。」
11:24 馬大應講：「我知佇末日閣活的時，伊會閣活。」
11:24 馬大應講：「我知佇末日復活的時，伊會復活。」
11:25 耶穌給伊講：「我是閣活，是活命；信我的人雖然死，猶久會活。
11:25 耶穌給伊講：「我是復活，是活命；信我的人雖然死，猶久會活。
11:26 所有現在啲活來信我的人永遠𣍐死。你有信無？」
11:26 所有現在啲活來信我的人永遠𣍐死。你有信無？」
11:27 馬大應講：「主啊，我信你是基督，是彼位啲欲來世間的上帝的子。」
11:27 馬大應講：「主啊，我信你是基督，是彼位啲欲來世間的上帝的子。」
耶穌流目屎
11:28 馬大講諸個話了後就轉去，叫伊的小妹馬利亞來，私下給伊講：「老師來啦，伊啲叫你。」
耶穌流目屎
11:28 馬大講諸個話了後就轉去，叫伊的小妹馬利亞來，私下給伊講：「老師來啦，伊啲叫你。」
11:29 馬利亞一下聽著，趕緊起來，去耶穌遐。
11:29 馬利亞一下聽著，趕緊起來，去耶穌遐。
11:30 彼時耶穌猶未到庄內，猶佇馬大去迎接伊的所在。
11:30 彼時耶穌猶未到庄內，猶佇馬大去迎接伊的所在。
11:31 佇厝內啲安慰馬利亞的猶太人，看著馬利亞趕緊𬦰起來閣走出去，就隨伊去，想講伊欲去墓遐哭。
11:31 佇厝內啲安慰馬利亞的猶太人，看著馬利亞趕緊𬦰起來閣走出去，就隨伊去，想講伊欲去墓遐哭。
11:32 馬利亞到耶穌遐，看著伊，就仆落去伊的腳前，對伊講：「主啊，你若有佇遮，我的小弟就𣍐死。」
11:32 馬利亞到耶穌遐，看著伊，就趴落去伊的腳前，對伊講：「主啊，你若有佇遮，我的小弟就𣍐死。」
11:33 耶穌看著伊啲哭，閣看著及伊做夥來許個猶太人嘛啲哭，心真悲傷激動，
11:33 耶穌看著伊啲哭，閣看著及伊做夥來許個猶太人嘛啲哭，心真悲傷激動，
11:34 問𪜶講：「恁給伊葬佇叨位？」
𪜶應講：「主啊，來去看。」
11:34 問𪜶講：「恁給伊葬佇叨位？」
𪜶應講：「主啊，來去看。」
11:35 耶穌流目屎。
11:35 耶穌流目屎。
11:36 猶太人講：「你看，伊赫呢疼伊！」
11:36 猶太人講：「你看，伊赫呢疼伊！」
11:37 𪜶中間有一寡人講：「伊曾互失明的人會看見，豈𣍐當互此個人無死？」
11:37 𪜶中間有一寡人講：「伊曾互失明的人會看見，豈𣍐當互此個人無死？」
耶穌互拉撒路閣活
11:38 耶穌又閣真悲傷，來到墓遐；彼個墓是一個洞穴，有一塊石塞啲。
耶穌互拉撒路復活
11:38 耶穌又閣真悲傷，來到墓遐；彼個墓是一個洞穴，有一塊石塞啲。
11:39 耶穌命令，講：「給彼塊石徙開！」
死去彼個人的阿姊馬大給耶穌講：「主啊，伊死四日啦，已經臭啊。」
11:39 耶穌命令，講：「給彼塊石徙開！」
死去彼個人的阿姊馬大給耶穌講：「主啊，伊死四日啦，已經臭啊。」
11:40 耶穌給伊講：「我豈無給你講，你若信，會看見上帝的榮光？」
11:40 耶穌給伊講：「我豈無給你講，你若信，會看見上帝的榮光？」
11:41 𪜶就將彼塊石徙開。耶穌攑目向天講：「父啊，我感謝你，因為你已經有聽我的祈禱。
11:41 𪜶就將彼塊石徙開。耶穌攑目向天講：「父啊，我感謝你，因為你已經有聽我的祈禱。
11:42 我知你不時攏有啲聽我的祈禱，毋拘我按呢講是為著徛佇周圍的群眾，通互𪜶信你有差我。」
11:42 我知你不時攏有啲聽我的祈禱，拘我按呢講是為著徛佇周圍的群眾，通互𪜶信你有差我。」
11:43 講煞，耶穌大聲喝：「拉撒路，出來！」
11:43 講煞，耶穌大聲喝：「拉撒路，出來！」
11:44 彼個死去的人就出來；伊的腳手紮布，面用巾仔包啲。耶穌給𪜶講：「給伊解開，互伊行！」
11:44 彼個死去的人就出來；伊的腳手紮布，面用巾仔包啲。耶穌給𪜶講：「給伊解開，互伊行！」
害死耶穌的陰謀
11:45 ( 太 26:1-5 可 14:1-2 路 22:1-2 )
來探馬利亞的猶太人，有真多人看著耶穌的所做就信伊。
害死耶穌的陰謀
11:45 ( 太26:1-5 可14:1-2 路22:1-2 )
來探馬利亞的猶太人，有真多人看著耶穌的所做就信伊。
11:46 有一寡人去尋法利賽派的人，給𪜶報告耶穌所做的代誌。
11:46 有一寡人去尋法利賽派的人，給𪜶報告耶穌所做的代誌。
11:47 因為按呢，許個祭司長及法利賽人召開議會，講：「此個人行即呢多神跡，咱欲按怎對付？
11:47 因為按呢，許個祭司長及法利賽人召開議會，講：「此個人行即呢多神跡，咱欲按怎對付？
11:48 咱若放伊繼續按呢做，大家攏會去信伊，羅馬人會來毀壞咱的聖殿，閣毀滅咱的民族。」
11:48 咱若放伊繼續按呢做，大家攏會去信伊，羅馬人會來毀壞咱的聖殿，閣毀滅咱的民族。」
11:49 其中有一個人叫做該亞法，是彼年的大祭司，伊給𪜶講：「恁毋識半項。
11:49 其中有一個人叫做該亞法，是彼年的大祭司，伊給𪜶講：「恁識半項。
11:50 恁𣍐曉想，寧可互一個人替眾人死，才免互全民族滅亡，按呢對恁是較好。」
11:50 恁𣍐曉想，寧可互一個人替眾人死，才免互全民族滅亡，按呢對恁是較好。」
11:51 伊按呢講毋是家己的意思，是伊做彼年的大祭司啲預言耶穌啲欲為著此個民族來死；
11:51 伊按呢講是家己的意思，是伊做彼年的大祭司啲預言耶穌啲欲為著此個民族來死；
11:52 毋若為著此個民族，嘛欲將上帝四散的子兒聚集做一個。
11:52 若為著此個民族，嘛欲將上帝四散的子兒聚集做一個。
11:53 對彼日起，猶太教的領袖計謀欲刣耶穌。
11:53 對彼日起，猶太教的領袖計謀欲刣耶穌。
11:54 因為按呢，耶穌無閣公然佇猶太人的中間出入；伊離開遐，去倚近曠野的所在，到一個叫做以法蓮的城，及伊的門徒佇遐住。
11:54 因為按呢，耶穌無閣公然佇猶太人的中間出入；伊離開遐，去倚近曠野的所在，到一個叫做以法蓮的城，及伊的門徒佇遐住。
11:55 猶太人的𨃟過節啲欲到。節期前，有真多人對鄉村來到耶路撒冷欲守潔淨禮。
11:55 猶太人的𨃟過節啲欲到。節期前，有真多人對鄉村來到耶路撒冷欲守潔淨禮。
11:56 𪜶啲尋耶穌，徛佇聖殿內互相問講：「恁想按怎？伊一定𣍐來過節乎？」
11:56 𪜶啲尋耶穌，徛佇聖殿內互相問講：「恁想按怎？伊一定𣍐來過節乎？」
11:57 因為許個祭司長及法利賽人有發命令，若有人知耶穌佇叨位，著來報告，互𪜶通去給伊掠。
11:57 因為許個祭司長及法利賽人有發命令，若有人知耶穌佇叨位，著來報告，互𪜶通去給伊掠。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。