| 章節 | 現代台語漢字2021版經文 | 現代台語漢字2013版經文 |
| 3:1 | 耶穌及尼哥德慕 有一個法利賽派的人名叫做尼哥德慕，是猶太人的領導者。 | 耶穌及尼哥德慕 有一個法利賽派的人名叫尼哥德慕，是猶太人的領導者。 |
| 3:2 | 有一暗，此個人來見耶穌，講：「拉比，阮知你是上帝差來的教師。若毋是上帝同在，無人會當行你所行諸個神跡。」 | 有一暗，此個人來見耶穌，講：「拉比，阮知你是上帝差來的教師。若是上帝同在，無人會當行你所行諸個神跡。」 |
| 3:3 | 耶穌應講：「我實實在在給你講，人若無重出世，就𣍐當看見上帝國。」 | 耶穌應講：「我實實在在給你講，人若無重出世，(13.3「重出世」嘛通譯做「對頂面生」。*)就𣍐當看見上帝國。」 |
| 3:4 | 尼哥德慕問講：「人已經老，哪會當重出世？豈講伊會當閣一遍入去母胎來出世？」 | 尼哥德慕問講：「人已經老，哪會當重出世？豈講伊會當閣一遍入去母胎來出世？」 |
| 3:5 | 耶穌應講：「我實實在在給你講，人若無對水及聖神來出世，就𣍐當成做上帝國的子民。 | 耶穌應講：「我實實在在給你講，人若無對水及聖神來出世，就𣍐當成做上帝國的子民。 |
| 3:6 | 對肉體生的，是肉體；對聖神生的，是神靈。 | 對肉體生的，是肉體；對聖神生的，是神靈。 |
| 3:7 | 毋通因為我講『恁著重出世』來奇怪。 | 通因為我講『恁著重出世』來奇怪。 |
| 3:8 | 風欲吹去叨位就吹去叨位，你有聽著聲，毋拘毋知伊對叨位來，對叨位去。逐個對聖神生的嘛是按呢。」 | 風欲吹去叨位就吹去叨位，你有聽著聲，拘知伊對叨位來，對叨位去。逐個對聖神生的嘛是按呢。」 |
| 3:9 | 尼哥德慕問耶穌講：「此款代誌哪有可能？」 | 尼哥德慕問耶穌講：「此款代誌哪有可能？」 |
| 3:10 | 耶穌應講：「你是以色列人的教師，連這都毋知噢？ | 耶穌應講：「你是以色列人的教師，連這都知噢？ |
| 3:11 | 「我實實在在給你講，阮講阮所知的，嘛為著阮所看著的作證，毋拘恁毋接受阮的見證。 | 「我實實在在給你講，阮講阮所知的，嘛為著阮所看著的作證，拘恁接受阮的見證。 |
| 3:12 | 我給恁講此世間的代誌，恁都毋信，我若給恁講天頂的代誌，恁哪欲信？ | 我給恁講此世間的代誌，恁都信，我若給恁講天頂的代誌，恁哪欲信？ |
| 3:13 | 對天頂降臨的人子以外，無人曾上天。 | 對天頂降臨的人子以外，無人曾上天。 |
| 3:14 | 「親像摩西佇曠野舉起銅蛇，人子嘛一定著按呢受舉起， | 「親像摩西佇曠野舉起銅蛇，人子嘛一定著按呢受舉起， |
| 3:15 | 互逐個信伊的人得著永遠的活命。 | 互逐個信伊的人得著永遠的活命。 |
| 3:16 | 上帝連伊獨一的子都賜互世間，欲互逐個信伊的人免滅亡，反轉得著永遠的活命，伊即呢疼世間！ | 上帝連伊獨一的子都賜互世間，欲互逐個信伊的人免滅亡，反轉得著永遠的活命，伊即呢疼世間！ |
| 3:17 | 因為上帝差伊的子來世間，毋是欲審判世間，是欲通過伊來拯救世間。 | 因為上帝差伊的子來世間，是欲審判世間，是欲通過伊來拯救世間。 |
| 3:18 | 「信子的人𣍐受定罪；毋信的人已經受定罪，因為伊毋信上帝獨一的子。 | 「信子的人𣍐受定罪；信的人已經受定罪，因為伊信上帝獨一的子。 |
| 3:19 | 上帝的審判是按呢：光進入世間，世間人較愛烏暗，較無愛光明，因為𪜶的行為邪惡。 | 上帝的審判是按呢：光進入世間，世間人較愛烏暗，較無愛光明，因為𪜶的行為邪惡。 |
| 3:20 | 做歹的人攏怨恨光，毋接近光，按呢伊的行為才𣍐露現。 | 做歹的人攏怨恨光，接近光，按呢伊的行為才𣍐露現。 |
| 3:21 | 毋拘實行真理的人接近光，是欲顯明伊的行為是順趁上帝來做的。」 | 拘實行真理的人接近光，是欲顯明伊的行為是順趁上帝來做的。」 |
| 3:22 | 約翰為著耶穌作證 諸個代誌以後，耶穌及伊的門徒去猶太地區，伊及𪜶暫時住遐，閣給人洗禮。 | 約翰為著耶穌作證 諸個代誌以後，耶穌及伊的門徒去猶太地區，伊及𪜶暫時住遐，閣給人洗禮。 |
| 3:23 | 約翰嘛佇撒冷附近的哀嫩啲給人洗禮，因為遐有真多水，眾人續接來接受約翰的洗禮。 | 約翰嘛佇撒冷附近的哀嫩啲給人洗禮，因為遐有真多水，眾人續接來接受約翰的洗禮。 |
| 3:24 | 彼時約翰猶未互人關監。 | 彼時約翰猶未互人關監。 |
| 3:25 | 幾若個約翰的門徒及一個猶太人為著潔淨的禮儀辯論。 | 幾若個約翰的門徒及一個猶太人為著潔淨的禮儀辯論。 |
| 3:26 | 𪜶來見約翰，對伊講：「拉比，以前佇約旦河東岸及你做夥，你曾為著伊作證彼位，你看，伊現在啲給人洗禮，眾人攏去伊遐。」 | 𪜶來見約翰，對伊講：「拉比，以前佇約旦河東岸及你做夥，你曾為著伊作證彼位，你看，伊現在啲給人洗禮，眾人攏去伊遐。」 |
| 3:27 | 約翰應講：「若毋是天賞賜，人𣍐當得著什麼。 | 約翰應講：「若是天賞賜，人𣍐當得著什麼。 |
| 3:28 | 我曾講『我毋是基督，不過是受派做伊的先鋒』。此個代誌，恁本身是我的見證人。 | 我曾講『我是基督，不過是受派做伊的先鋒』。此個代誌，恁本身是我的見證人。 |
| 3:29 | 娶新娘的是新郎；新郎的朋友徛佇邊仔，一下聽著新郎的聲就非常歡喜。所以，我的歡喜滿滿。 | 娶新娘的是新郎；新郎的朋友徛佇piⁿ-a，一下聽著新郎的聲就非常歡喜。所以，我的歡喜滿滿。 |
| 3:30 | 伊一定愈興旺，我一定愈衰微。」 | 伊一定愈興旺，我一定愈衰微。」 |
| 3:31 | 對天降臨的上帝的子 對頂面來的，佇萬有的頂面；對地上來的，屬地上，所講的是地上的事。對天頂來的，佇萬有的頂面。 | 對天降臨的上帝的子 對頂面來的，佇萬有的頂面；對地上來的，屬地上，所講的是地上的事。對天頂來的，佇萬有的頂面。 |
| 3:32 | 伊為著所看見的及所聽見的作證，不過無人接受伊的見證。 | 伊為著所看見的及所聽見的作證，不過無人接受伊的見證。 |
| 3:33 | 接受伊見證的人證明上帝是信實。 | 接受伊見證的人證明上帝是信實。 |
| 3:34 | 上帝所差遣彼位講上帝所講的話，因為上帝無限量賜聖神互伊。 | 上帝所差遣彼位講上帝所講的話，因為上帝無限量賜聖神互伊。 |
| 3:35 | 父疼子，已經將一切攏交佇伊的手中。 | 父疼子，已經將一切攏交佇伊的手中。 |
| 3:36 | 信子的人會得著永遠的活命；毋順服子的人毋若𣍐得著活命，反轉繼續互上帝受氣。 | 信子的人會得著永遠的活命；順服子的人若𣍐得著活命，反轉繼續互上帝受氣。 |