上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
約翰福音
迦拿的婚禮
2:1 兩日後，佇加利利的迦拿有婚禮；耶穌的老母有佇遐。
迦拿的婚禮
2:1 兩日後，佇加利利的迦拿有婚禮；耶穌的老母有佇遐。
2:2 耶穌及伊的門徒嘛受邀請去參加。
2:2 耶穌及伊的門徒嘛受邀請去參加。
2:3 酒用了的時，耶穌的老母對伊講：「𪜶已經無酒啦。」
2:3 酒用了的時，耶穌的老母對伊講：「𪜶已經無酒啦。」
2:4 耶穌講：「阿母，這及你我有什麼關係；我的時猶未到。」
2:4 耶穌講：「阿母，這及你我有什麼關係；我的時猶未到。」
2:5 伊的老母吩咐差用的人講：「伊給恁講什麼，照按呢去做。」
2:5 伊的老母吩咐差用的人講：「伊給恁講什麼，照按呢去做。」
2:6 照猶太人潔淨的規例，佇遐有六個石甕，逐個會當貯差不多一百公升。
2:6 照猶太人潔淨的規例，佇遐有六個石甕，逐個會當貯差不多一百公升。
2:7 耶穌給許個差用講：「諸個水甕，水攏倒互伊淀。」𪜶就將水倒入去水甕，倒到滿。
2:7 耶穌給許個差用講：「諸個水甕，水攏倒互伊淀。」𪜶就將水倒入去水甕，倒到滿。
2:8 然後耶穌給𪜶講：「今恁給水舀出來，提互辦桌的總管。」𪜶就捧去互伊。
2:8 然後耶穌給𪜶講：「今恁給水舀出來，提互辦桌的總管。」𪜶就捧去互伊。
2:9 辦桌的總管一下啖著已經變做酒的水，毋知此個酒對叨位來，不過舀水的差用知；總管就叫新郎來，
2:9 辦桌的總管一下啖著已經變做酒的水，知此個酒對叨位來，不過舀水的差用知；總管就叫新郎來，
2:10 對伊講：「人攏先出好酒，等人客飲到醉才出較僫的酒，你顛倒將好酒留到此陣。」
2:10 對伊講：「人攏先出好酒，等人客飲到醉才出較僫的酒，你顛倒將好酒留到此陣。」
2:11 耶穌佇加利利的迦拿行此個第一個神跡，佇遐顯示伊的榮光；伊的門徒攏信伊。
2:11 耶穌佇加利利的迦拿行此個第一個神跡，佇遐顯示伊的榮光；伊的門徒攏信伊。
2:12 此個代誌以後，耶穌及伊的老母、兄弟，以及門徒落去迦百農，佇遐住幾若日。
2:12 此個代誌以後，耶穌及伊的老母、兄弟，以及門徒落去迦百農，佇遐住幾若日。
耶穌潔淨聖殿
2:13 ( 太 21:12-13 可 11:15-17 路 19:45-46 )
猶太人的𨃟過節啲欲到，耶穌上去耶路撒冷。
耶穌潔淨聖殿
2:13 ( 太21:12-13 可11:15-17 路19:45-46 )
猶太人的𨃟過節啲欲到，耶穌上去耶路撒冷。
2:14 伊看著有人佇聖殿的外埕啲賣牛、羊、粉鳥；嘛有換錢的人啲互人換錢。
2:14 伊看著有人佇聖殿的外院啲賣牛、羊、粉鳥；嘛有換錢的人啲互人換錢。
2:15 耶穌就用索仔做鞭，將牛、羊攏對聖殿趕出去，捙倒錢桌仔，給𪜶的錢撒散。
2:15 耶穌就用索仔做鞭，將牛、羊攏對聖殿趕出去，捙倒錢桌仔，撒散𪜶的錢。
2:16 伊閣對賣粉鳥的人講：「諸個攏搬搬出去；毋通給我的父的厝變做買賣的厝！」
2:16 伊閣對賣粉鳥的人講：「諸個攏搬搬出去；通給我的父的厝變做買賣的厝！」
2:17 伊的門徒會記得聖經有記載：「上帝啊，我為著你的殿心火熱，歸個人攏互吞落去。」
2:17 伊的門徒記得聖經有記載：「上帝啊，我為著你的殿心火熱，歸個人攏互吞落去。」
2:18 猶太教當局的人反問耶穌：「你欲用什麼神跡給阮證明你有權柄做諸個代誌？」
2:18 猶太教當局的人反問耶穌：「你欲用什麼神跡給阮證明你有權做諸個代誌？」
2:19 耶穌應講：「恁拆毀此間聖殿，三日內我欲閣給伊起起來。」
2:19 耶穌應講：「恁拆毀此間聖殿，三日內我欲閣給伊起起來。」
2:20 𪜶講：「此間聖殿四十六年久才起好，你三日內就欲起起來噢？」
2:20 𪜶講：「此間聖殿四十六年久才起好，你三日內就欲起起來噢？」
2:21 其實，耶穌所講的聖殿是指伊的身軀。
2:21 其實，耶穌所講的聖殿是指伊的身軀。
2:22 伊對死人中閣活以後，伊的門徒才會記得伊曾按呢講，𪜶就信聖經及耶穌講的話。
2:22 伊對死人中復活以後，伊的門徒才記得伊曾按呢講，𪜶就信聖經及耶穌講的話。
耶穌了解人的心
2:23 耶穌佇耶路撒冷過𨃟過節的時，真多人看著伊行的神跡就信伊。
耶穌了解人的心
2:23 耶穌佇耶路撒冷過𨃟過節的時，真多人看著伊行的神跡就信伊。
2:24 不過耶穌無信任𪜶，因為伊了解所有的人。
2:24 不過耶穌無信任𪜶，因為伊了解所有的人。
2:25 關係人的代誌，伊無需要人給伊說明，因為伊真正了解人的內心。
2:25 關係人的代誌，伊無需要人給伊證明，因為伊真正了解人的內心。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。