上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
耶穌及撒該
19:1 耶穌入去耶利哥，對遐啲經過。
耶穌及撒該
19:1 耶穌入去耶利哥，對遐啲經過。
19:2 佇遐有一個人名叫做撒該；伊是貿稅的頭人，真好額。
19:2 佇遐有一個人名叫做撒該；伊是貿稅的頭人，真好額。
19:3 伊愛欲看耶穌是什麼款人，不過因為人真多，伊的身材閣矮，看𣍐著。
19:3 伊愛欲看耶穌是什麼款人，不過因為人真多，伊的身材閣矮，看𣍐著。
19:4 伊就走進前，𬦰上一欉桑材樹欲看耶穌，因為耶穌啲欲對遐經過。
19:4 伊就走進前，𬦰上一欉桑材樹欲看耶穌，因為耶穌啲欲對遐經過。
19:5 耶穌行到彼個所在，攑頭看，對伊講：「撒該，趕緊落來；今仔日我一定欲住恁兜。」
19:5 耶穌行到彼個所在，攑頭看，對伊講：「撒該，趕緊落來；今仔日我一定欲住恁兜。」
19:6 撒該就趕緊落來，歡歡喜喜接待耶穌。
19:6 撒該就趕緊落來，歡歡喜喜接待耶穌。
19:7 眾人一下看著，嗷嗷唸講：「此個人煞入去罪人的厝住！」
19:7 眾人一下看著，嗷嗷唸講：「此個人煞入去罪人的厝住！」
19:8 撒該徛啲，對主講：「主啊，我欲提財產的一半賑濟散赤人。我若有給人諞錢，欲四倍還伊。」
19:8 撒該徛啲，對主講：「主啊，我欲提財產的一半賑濟散赤人。我若有給人諞錢，欲四倍還伊。」
19:9 耶穌對伊講：「今仔日拯救已經臨到此個家，因為伊嘛是亞伯拉罕的子孫。
19:9 耶穌對伊講：「今仔日拯救已經臨到此個家，因為伊嘛是亞伯拉罕的子孫。
19:10 人子來是欲追尋閣拯救失落的人。」
19:10 人子來是欲追尋閣拯救失落的人。」
十個金幣的譬喻
19:11 ( 太 25:14-30 )
眾人啲聽諸個話的時，耶穌閣給𪜶講一個譬喻，因為伊啲欲到耶路撒冷，閣許個人想講上帝國連鞭會實現。
十個金幣的譬喻
19:11 ( 太25:14-30 )
眾人啲聽諸個話的時，耶穌閣給𪜶講一個譬喻，因為伊啲欲到耶路撒冷，閣許個人想講上帝國連鞭會實現。
19:12 所以耶穌給𪜶講：「有一個貴族去真遠的所在欲受封作王才轉來。
19:12 所以耶穌給𪜶講：「有一個貴族去真遠的所在欲受封作王才轉來。
19:13 伊召集十個僕人來，互𪜶十個金幣，一人一個，給𪜶講：『我轉來以前，恁用諸個金幣去做生理。』
19:13 伊召集十個奴僕來，互𪜶十個金幣，(119.13「金幣」原文是「彌拿」。一彌拿約當時一個人三月日的工資。)給𪜶講：『我轉來以前，用諸個金幣去做生理。』
19:14 本國的人民怨恨伊，差一個使者隨伊的後面去，對皇帝奏講：『阮無愛此個人做阮的王。』
19:14 本國的人民怨恨伊，差一個使者隨伊的後面去，奏講：『阮無愛此個人做阮的王。』
19:15 「此個貴族受封作王轉來的時，叫許個領著錢的僕人來，愛知𪜶逐個人賺偌多。
19:15 「此個貴族受封作王轉來的時，叫許個領著錢的奴僕來，愛知𪜶逐個人賺偌多。
19:16 頭一個來伊的面前，講：『主啊，我有用你彼個金幣賺十個。』
19:16 頭一個來伊的面前，講：『主啊，我有用你彼個金幣賺十個。』
19:17 主人給伊講：『真好，好的僕人！你既然佇小事忠實，我欲互你有權管理十個城。』
19:17 主人給伊講：『真好，好的奴僕！你既然佇小事忠實，我欲互你有權管理十個城。』
19:18 第二個來，講：『主啊，我有用你彼個金幣賺五個。』
19:18 第二個來，講：『主啊，我有用你彼個金幣賺五個。』
19:19 主人嘛按呢給此個人講：『我欲互你管理五個城。』
19:19 主人嘛按呢給此個人講：『我欲互你管理五個城。』
19:20 「閣另外一個來，講：『主啊，你看，你的金幣佇遮。我用手巾給伊包起來囥。
19:20 「閣另外一個來，講：『頭家，你看，你的金幣佇遮。我用手巾給伊包起來囥。
19:21 我真驚你，因為你是一位嚴轄的人，無寄，你嘛欲領；無種，你嘛欲收。』
19:21 我真驚你，因為你是一位嚴轄的人，無寄，你嘛欲領；無種，你嘛欲收。』
19:22 主人給伊講：『你此個可惡的僕人，我欲照你家己所講的給你定罪。你既然知我是嚴轄的人，無寄嘛欲領，無種嘛欲收，
19:22 主人給伊講：『你此個可惡的奴僕，我欲照你家己所講的給你定罪。你既然知我是嚴轄的人，無寄嘛欲領，無種嘛欲收，
19:23 你哪無將我的錢寄佇銀行，等我轉來的時通領母錢及利息？』
19:23 你哪無將我的錢寄佇銀行，等我轉來的時通領母錢及利息？』
19:24 「主人就給徛佇邊仔的人講：『給伊的金幣提來，交互彼個有十個金幣的！』
19:24 「主人就給徛佇piⁿ-a的人講：『給伊的金幣提來，交互彼個有十個金幣的！』
19:25 𪜶就對伊講：『主啊，伊已經有十個金幣啦。』
19:25 𪜶就對伊講：『主啊，伊已經有十個金幣啦。』
19:26 主人講：『我給恁講，已經有的，欲閣較多互伊；無的，連伊所有的嘛欲給伊搶起來。
19:26 主人講：『我給恁講，已經有的，欲閣較多互伊；無的，連伊所有的嘛欲給伊搶起來。
19:27 毋拘許個對敵我，無愛我做𪜶的王的，給𪜶拖來遮，佇我的面前給𪜶刣死！』」
19:27 拘許個對敵我，無愛我做𪜶的王的，給𪜶拖來遮，佇我的面前給𪜶刣死！』」
耶穌光榮進入耶路撒冷
19:28 ( 太 21:1-11 可 11:1-11 約 12:12-19 )
講諸個話了後，耶穌行做前上耶路撒冷。
耶穌光榮進入耶路撒冷
19:28 ( 太21:1-11 可11:1-11 約12:12-19 )
講諸個話了後，耶穌行做前上耶路撒冷。
19:29 伊啲欲到橄欖山山腳的伯法其及伯大尼的時，差兩個門徒，
19:29 伊啲欲到橄欖山山腳的伯法其及伯大尼的時，差兩個門徒，
19:30 吩咐𪜶，講：「恁去對面的庄社，入去的時會看著一隻毋曾互人騎過的驢仔子縛佇遐。恁給伊解開，牽來遮。
19:30 吩咐𪜶講：「恁去對面的庄社，入去的時會看著一隻曾互人騎過的驢仔子縛佇遐。恁給伊解開，牽來遮。
19:31 若有人問：『恁是按怎啲解驢仔子？』恁著講：『主欲用伊。』」
19:31 若有人問『恁是按怎啲解驢仔子？』恁著講：『主欲用伊。』」
19:32 𪜶就去，所抵著的代誌逐項及耶穌所講的像款。
19:32 𪜶就去，所抵著的代誌逐項及耶穌所講的像款。
19:33 𪜶啲解彼隻驢仔子的時，主人問𪜶講：「恁是按怎啲解此隻驢仔子？」
19:33 𪜶啲解彼隻驢仔子的時，主人問𪜶講：「恁是按怎啲解此隻驢仔子？」
19:34 𪜶應講：「主欲用伊。」
19:34 𪜶應講：「主欲用伊。」
19:35 𪜶就牽彼隻驢仔子來耶穌遐，將家己的外衫袚佇驢仔頂，給耶穌扶起去騎。
19:35 𪜶就牽彼隻驢仔子來耶穌遐，將家己的外衫披佇驢仔頂，給耶穌扶起騎。
19:36 耶穌騎驢仔子進前行的時，眾人將家己的外衫鋪佇路裡給伊歡迎。
19:36 耶穌騎驢仔子進前行的時，眾人將家己的外衫鋪佇路裡給伊歡迎。
19:37 耶穌啲欲到耶路撒冷欲落橄欖山的所在，歸大陣的門徒因為看著一切奇妙的事就攏歡喜，大聲謳咾上帝講：
19:37 耶穌啲欲到耶路撒冷欲落橄欖山的所在，歸大陣的門徒因為看著一切奇妙的事就攏歡喜，大聲謳咾上帝講：
19:38 奉主的名來的王應該受稱讚！
願天頂有和平，榮光歸互至高的上帝！
19:38 奉主的名來的王應該受稱讚！
願天頂有和平，榮光歸互至高的上帝！
19:39 眾人中間，有幾若個法利賽派的人給耶穌講：「老師，著責備你的門徒！」
19:39 眾人中間，有幾若個法利賽派的人給耶穌講：「老師，著責備你的門徒！」
19:40 耶穌應講：「我給恁講，𪜶若恬恬，諸個石頭嘛會大聲喝出來。」
19:40 耶穌應講：「我給恁講，𪜶若恬恬，諸個石頭嘛會大聲喝出來。」
耶穌為著耶路撒冷哀哭
19:41 耶穌啲欲到耶路撒冷，看著城，就為著城哀哭，
耶穌為著耶路撒冷哀哭
19:41 耶穌啲欲到耶路撒冷，看著城，就為著城哀哭，
19:42 講：「我實在真愛你今仔日知按怎才會行向和平！毋拘此個事現在對你蓋啲，互你看𣍐著。
19:42 講：「我實在真愛你今仔日知按怎才會行向和平！拘現在對你蓋啲，互你看𣍐著。
19:43 因為日子啲欲到，彼時你的對敵會佇你的周圍造土堆包圍，對四面給你攻擊。
19:43 因為日子啲欲到，彼時你的對敵會佇你的周圍造土堆包圍，對四面給你攻擊。
19:44 𪜶會將你及你城內的人民全部毀滅，無留兩塊石相疊，因為你看𣍐出上帝拯救你的時機。」
19:44 𪜶會將你及你城內的人民全部毀滅，無留兩塊石相疊，因為你看𣍐出上帝拯救你的時機。」
耶穌潔淨聖殿
19:45 ( 太 21:12-17 可 11:15-19 約 2:13-22 )
耶穌入去聖殿，就起手趕許個賣物件的人出去。
耶穌潔淨聖殿
19:45 ( 太21:12-17 可11:15-19 約2:13-22 )
耶穌入去聖殿，起手趕許個賣物件的人出去。
19:46 伊給𪜶講：「聖經有記載：
我的厝應該是祈禱的殿，
恁煞給伊變做土匪仔窟。」
19:46 伊給𪜶講：「聖經有記載：
我的厝應該是祈禱的殿，
恁煞給伊變做土匪仔窟。」
19:47 耶穌逐日佇聖殿教示人。祭司長、經學教師，及人民的頭人一直想辦法欲害死耶穌，
19:47 耶穌逐日佇聖殿教示人。祭司長、經學教師，及人民的頭人一直想辦法欲害死耶穌，
19:48 毋拘尋無法度，因為眾人攏真注意啲聽伊的話。
19:48 拘尋無法度，因為眾人攏真注意啲聽伊的話。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。