上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
耶穌醫好病人
14:1 有一個安歇日，耶穌去一個法利賽派的領袖𪜶兜食飯。大家注意啲給伊看。
耶穌醫好病人
14:1 有一個安息日，耶穌去一個法利賽派的領袖𪜶兜食飯。大家注意啲給伊看。
14:2 彼時，佇伊的面前有一個臌脹病的人。
14:2 彼時，佇伊的面前有一個臌脹病的人。
14:3 耶穌問律法教師及法利賽人講：「佇安歇日醫病有合法無？」
14:3 耶穌問律法教師及法利賽人講：「佇安息日醫病有合法無？」
14:4 𪜶攏無應。耶穌就牽彼個人來，給伊醫好，互伊轉去。
14:4 𪜶攏無應。耶穌就牽彼個人來，給伊醫好，互伊轉去。
14:5 然後耶穌給𪜶講：「恁中間豈有人家己的子抑是牛佇安歇日跋落鼓井，𣍐隨時給伊扭起來？」
14:5 然後耶穌給𪜶講：「恁中間豈有人家己的子抑是牛佇安息日跋落古井，伊𣍐隨時給伊扭起來？」
14:6 𪜶對耶穌所問的話攏𣍐曉應。
14:6 𪜶對耶穌所問的話攏𣍐曉應。
作人客及作主人
14:7 耶穌看著人客啲揀大位，就用一個譬喻給𪜶講：
作人客及作主人
14:7 耶穌看著人客啲揀大位，就用一個譬喻給𪜶講：
14:8 「恁互人請去赴婚宴的時，毋通坐大位，驚了有比你較尊貴的人客嘛來互伊請。
14:8 「恁互人請去赴婚宴的時，通坐大位，驚了有比你較尊貴的人客嘛來互伊請。
14:9 彼時，請伊及你彼個主人會來給你講：『請讓位互此個人客。』彼陣，你會感覺真歹勢，煞著去坐上細的位。
14:9 彼時，請伊及你彼個主人會來給你講：『請讓位互此個人客。』彼陣，你會感覺真歹勢，煞著去坐上細的位。
14:10 你互人請的時，寧可去坐上細的位。按呢，請你的主人會來給你講：『朋友，請來坐大位。』彼陣，你佇仝桌的人客面前就有體面。
14:10 你互人請的時，寧可去坐上細的位。按呢，請你的主人會來給你講：『朋友，請來坐大位。』彼陣，你佇仝桌的人客面前就有體面。
14:11 因為提高家己的，會受降低；毋拘屈低家己的，會受提高。」
14:11 因為提高家己的，會受降低；拘家己屈低的，會受提高。」
14:12 然後，耶穌嘛給請伊的主人講：「你請人食中晝頓抑是暗頓的時，毋通請你的朋友、兄弟、親族、好額的厝邊，才免𪜶給你請倒轉，你煞受報答。
14:12 然後，耶穌嘛給請伊的主人講：「你請人食中晝頓抑是暗頓的時，通請你的朋友、兄弟、親族、好額的厝邊，才免𪜶給你請倒轉，你煞受報答。
14:13 你請人客的時，寧可請散赤人、行動無方便的人、腳跛的人、失明的人。
14:13 你請人客的時，寧可請散赤人、行動無方便的人、腳跛的人、失明的人。
14:14 按呢，你一定會受祝福，因為𪜶𣍐當給你報答。佇義人閣活的時，上帝會給你報答。」
14:14 按呢，你一定會受祝福，因為𪜶𣍐當給你報答。佇義人復活的時，上帝會給你報答。」
宴席的譬喻
14:15 ( 太 22:1-10 )
仝桌有一個人聽著諸個話就給耶穌講：「會當佇上帝國飲食的人真有福氣！」
宴席的譬喻
14:15 ( 太22:1-10 )
仝桌有一個人聽著諸個話就給耶穌講：「會當佇上帝國飲食的人真有福氣！」
14:16 耶穌給伊講：「有一個人辦大宴席，請真多人客。
14:16 耶穌給伊講：「有一個人辦大宴席，請真多人客。
14:17 欲開桌的時，伊差僕人去給受請的人客講：『請恁來；逐項攏準備好勢啦。』
14:17 欲開桌的時，伊差奴僕去給受請的人客講：『請恁來；逐項攏準備好勢啦。』
14:18 毋拘𪜶一個一個推辭。頭一個給伊講：『我有買一塊地，著去看覓咧。請你諒解。』
14:18 拘𪜶一個一個推辭。頭一個給伊講：『我有買一塊地，著去看覓咧。請你諒解。』
14:19 另外一個講：『我有買五對牛，著去試用看覓咧。請你諒解。』
14:19 另外一個講：『我有買五對牛，著去試用看覓咧。請你諒解。』
14:20 閣一個講：『我抵娶某，所以𣍐當去。』
14:20 閣一個講：『我抵娶某，所以𣍐當去。』
14:21 彼個僕人轉來給主人報告諸個代誌。彼家的主人就受氣，給僕人講：『趕緊出去城內街頭巷尾，導許個散赤人、行動不便的人、失明的人、腳跛的人來。』
14:21 彼個奴僕轉來給主人報告諸個代誌。彼家的主人就受氣，給奴僕講：『趕緊出去城內街頭巷尾，導許個散赤人、行動不便的人、失明的人、腳跛的人來。』
14:22 彼個僕人講：『主人，你所吩咐的我已經攏有做，毋拘猶有空位。』
14:22 彼個奴僕講：『主人，你所吩咐的我已經攏有做，拘猶有空位。』
14:23 主人就給僕人講：『出去大路及籬笆邊強迫人入來，通互我的厝坐滿。
14:23 主人就給奴僕講：『出去大街小巷強迫人入來，通互我的厝坐滿。
14:24 我給恁講，代先請許個人，無一個會當食我的宴席。』」
14:24 我給恁講，先請許個人無一個會當食我的宴席。』」
作門徒的代價
14:25 ( 太 10:37-38 )
一大陣人及耶穌做陣行路，耶穌越過來給𪜶講：
作門徒的代價
14:25 ( 太10:37-38 )
一大陣人及耶穌做陣行路，耶穌越過來給𪜶講：
14:26 「隨我的人若疼家己的父母、某子、兄弟、姊妹，甚至家己的性命贏過疼我，𣍐當做我的門徒。
14:26 「隨我的人若疼家己的父母、某子、兄弟、姊妹，甚至家己的性命贏過疼我，𣍐當做我的門徒。
14:27 無夯家己的十字架來隨我的𣍐當做我的門徒。
14:27 無夯家己的十字架來隨我的𣍐當做我的門徒。
14:28 恁中間有人想欲起一個塔，豈無代先坐落來估計看有夠錢通完成工程抑無？
14:28 恁中間有人想欲起一個塔，豈無代先坐落來估計看有夠錢通完成工程抑無？
14:29 若無按呢做，伊拍地基了後煞𣍐當完成工程，所有看著的人會給伊恥笑，
14:29 若無按呢做，伊拍地基了後煞𣍐當完成工程，所有看著的人會給伊恥笑，
14:30 講：『此個人有開始起，煞𣍐當完成！』
14:30 講：『此個人有開始起，煞𣍐當完成！』
14:31 抑是，有一個國王欲去及別個國王交戰，伊豈𣍐先坐落來，想看伊會當用一萬個兵抵抗有兩萬個兵的國王抑𣍐？
14:31 抑是，有一個國王欲去及別的國王交戰，伊豈𣍐先坐落來，想看伊會當用一萬的兵抵抗有兩萬的兵的國王抑𣍐？
14:32 若知影𣍐，伊會趁彼個國王猶佇遠遠的時，差使者去及伊講和。
14:32 若知影𣍐，伊會趁彼個國王猶佇遠遠的時，差使者去及伊講和。
14:33 仝款，恁中間無論什麼人，若無放拺家己所有的一切，𣍐當做我的門徒。」
14:33 仝款，恁中間無論什麼人，若無放拺家己所有的一切，𣍐當做我的門徒。」
失味的鹽
14:34 ( 太 5:13 可 9:50 )
「鹽真有路用，毋拘若失味，欲按怎互伊閣鹹？
失味的鹽
14:34 ( 太5:13 可9:50 )
「鹽真有路用，拘若失味，欲按怎互伊閣鹹？
14:35 失味的鹽𣍐當落田，嘛𣍐當𩛩肥，只有挕拺。有耳孔通聽的，著聽！」
14:35 失味的鹽𣍐當落田，嘛𣍐當𩛩肥，只有挕拺。有耳孔通聽的，著聽！」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。