上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
警戒假好的人
12:1 ( 太 10:26-27 )
彼時，有幾若千人揢做夥，致到互相踐踏。耶穌就先對伊的門徒講：「著持防法利賽派的酵，就是假好。
警戒假好的人
12:1 ( 太10:26-27 )
彼時，有幾若千人擠做夥，致到互相踐踏。耶穌就先對伊的門徒講：「著持防法利賽派的人的酵母，就是假好。
12:2 無一項掩蓋的𣍐露現；嘛無一項祕密的𣍐互人知。
12:2 無一項掩蓋的𣍐露現；嘛無一項祕密的𣍐互人知。
12:3 所以，恁佇暗中講的，會佇光明中互人聽著；恁佇房間內耳孔邊講的，會互人佇厝尾頂宣布。」
12:3 所以，恁佇暗中講的，會佇光明中互人聽著；恁佇房間內耳孔邊講的，會互人佇厝尾頂公開宣布。」
人應該驚的是上帝
12:4 ( 太 10:28-31 )
「朋友，我給恁講，害死恁的身軀了後，𣍐當閣對恁做什麼的，毋免驚。
應該驚的是上帝
12:4 ( 太10:28-31 )
「朋友，我給恁講，害死恁的身軀了後，𣍐當閣對恁做什麼的，免驚。
12:5 我欲指示恁應該驚的是叨一位。恁應該驚上帝；伊互人死了後，猶有權通給人㧒落地獄。是！我給恁講，著驚此位！
12:5 我欲指示恁應該驚的是叨一位。恁應該驚上帝；伊互人死了後，猶有權通給人㧒落地獄。是！我給恁講，著驚此位！
12:6 「五隻雀鳥仔豈毋是賣兩角銀若定？上帝連一隻都無𣍐記得。
12:6 「五隻雀鳥仔豈是賣兩角銀若定？上帝連一隻都無𣍐記得。
12:7 連恁的頭毛都攏有算過。毋免驚！恁比歸群雀鳥仔閣較貴重！」
12:7 連恁的頭毛都攏有算過。免驚！恁比歸群雀鳥仔閣較貴重！」
公開宣認基督
12:8 ( 太 10:32-33 12:32 10:19-20 )
「我給恁講，佇人的面前宣認我的，人子佇上帝的天使面前嘛會認伊。
公開宣認基督
12:8 ( 太10:32-33 12:32 10:19-20 )
「我給恁講，佇人的面前宣認我的，人子佇上帝的天使面前嘛會認伊。
12:9 毋拘佇人的面前毋認我的，人子佇上帝的天使面前嘛毋認伊。
12:9 拘佇人的面前認我的，人子佇上帝的天使面前嘛認伊。
12:10 「無論什麼人講話敵對人子，會得著赦免。毋拘褻瀆聖神的，𣍐得著赦免。
12:10 「無論什麼人講話敵對人子，會得著赦免。拘褻瀆聖神的，𣍐得著赦免。
12:11 「恁互人掠到會堂，佇統治者抑是官員面前的時，毋免煩惱著按怎答辯，抑是著講什麼。
12:11 「恁互人掠到會堂，佇統治者抑是官員面前的時，免煩惱著按怎答辯，抑是著講什麼。
12:12 因為彼個時聖神會教恁著講什麼。」
12:12 因為彼個時聖神會教恁著講什麼。」
無智慧的財主
12:13 眾人的中間有一個人給耶穌講：「老師，請你教我的兄弟及我分家伙。」
無智慧的財主
12:13 眾人的中間有一個人給耶穌講：「老師，請你教我的兄弟及我分家伙。」
12:14 耶穌給伊講：「你此個人，啥人任命我做恁的判官抑是公親？」
12:14 耶穌給伊講：「你此個人，啥人任命我做恁的判官抑是公親？」
12:15 伊就對眾人講：「著謹慎，著持防逐款的貪心，因為人的性命毋是在佇財產的多少。」
12:15 伊就對眾人講：「著謹慎，著持防逐款的貪心，因為人的性命是在佇財產的多少。」
12:16 後來耶穌用一個譬喻給𪜶講：「有一個好額人，伊的田園大豐收。
12:16 後來耶穌用一個譬喻給𪜶講：「有一個好額人，伊的田園大豐收。
12:17 伊心內想來想去，講：『我無夠所在通囤五穀，今欲按怎？』
12:17 伊心內想來想去，講：『我無夠所在通囤五穀，今欲按怎？』
12:18 伊就講：『我著按呢做。我欲給倉庫拆起來閣起較大間，通來囤五穀及一切的財物，
12:18 伊就講：『我著按呢做。我欲給倉庫拆起來閣起較大間，通來囤五穀及一切的財物，
12:19 然後對我家己講：呃，你已經積聚真多財物，有夠通用真多年。今清閒啦，來飲，來食，來享受！』
12:19 然後對我家己講：呃，你已經積聚真多財物，有夠通用真多年。今清閒啦，來飲，來食，來享受！』
12:20 毋拘上帝給伊講：『戇人！今暝就欲收回你的性命；你所積聚的一切欲留互啥人？』
12:20 拘上帝給伊講：『戇人！今暝就欲收回你的性命；你所積聚的一切欲留互啥人？』
12:21 仝款，為著家己積聚財富，無互上帝看做好額的嘛會按呢。」
12:21 仝款，為著家己積聚財富，無互上帝看做好額的嘛會按呢。」
信靠上帝
12:22 ( 太 6:25-34 )
耶穌閣對伊的門徒講：「所以我給恁講，毋通為著恁的性命欲食什麼啲操煩；嘛毋通為著恁的身軀欲穿什麼啲操煩。
信靠上帝
12:22 ( 太6:25-34 )
耶穌閣對伊的門徒講：「所以我給恁講，通為著恁的性命欲食什麼啲操煩；嘛通為著恁的身軀欲穿什麼啲操煩。
12:23 因為性命比食物較重要；身軀比衣服較重要。
12:23 因為性命比食物較重要；身軀比衣服較重要。
12:24 恁看烏鴉，𪜶雖然無種作，無收成，無粟倉嘛無倉庫，上帝嘛啲給𪜶養飼，恁豈無比許個鳥仔閣較貴重！
12:24 恁看烏鴉，𪜶雖然無種作，無收成，無粟倉嘛無倉庫，上帝嘛啲給𪜶養飼，恁豈無比許個鳥仔閣較貴重！
12:25 恁豈有人想講操煩會當互家己的性命加活一時仔久？
12:25 恁豈有人想講操煩會當互家己的性命加活一時仔久？
12:26 既然連即呢細項代誌恁都無才調做，哪著為其他的事操煩？
12:26 既然連即呢細項代誌恁都無才調做，哪著為其他的事操煩？
12:27 恁看山野的花，𪜶按怎啲大欉？𪜶無勞苦，嘛無紡織。不過我給恁講，連所羅門上榮華的時，伊穿的衫都無比諸個花的一蕊閣較媠。
12:27 恁看山野的花，𪜶按怎啲大欉？𪜶無勞苦，嘛無紡織。不過我給恁講，連所羅門上榮華的時穿的衫都無比諸個花的一蕊較媠。
12:28 山野的花草今仔日啲活，明仔載互人㧒落火爐，上帝都按呢給𪜶妝飾，伊閣較會給恁妝飾！恁哪即呢無信心！
12:28 山野的花草今仔日啲活，明仔載互人㧒落火爐，上帝都按呢給𪜶妝飾，伊閣較會給恁妝飾！恁哪即呢無信心！
12:29 「所以，恁毋通干焦啲想欲食什麼，飲什麼；嘛毋通操煩。
12:29 「所以，恁通干單啲想欲食什麼，飲什麼；嘛通操煩。
12:30 諸個攏是此世間無信的人所啲追求的。恁的父知恁有需要諸個物件。
12:30 諸個攏是此世間無信的人所啲追求的。恁的父知恁有需要諸個物件。
12:31 顛倒著代先追求伊主權的實現，諸個物件就會攏續互恁。」
12:31 顛倒著代先追求伊主權的實現，諸個物件就會攏續互恁。」
天頂的財寶
12:32 ( 太 6:19-21 )
「恁細細的羊群啊，毋免驚，因為恁的父歡喜將伊的國互恁。
天頂的財寶
12:32 ( 太6:19-21 )
「恁細細的羊群啊，免驚，因為恁的父歡喜將伊的國互恁。
12:33 著賣恁的財產來賑濟散赤人。著為著恁家己準備用𣍐破的錢袋來積聚用𣍐了的財寶佇天頂；佇遐賊仔提𣍐著，蛀蟲嘛咬𣍐著。
12:33 著賣恁的財產來賑濟散赤人。著為著恁家己準備用𣍐破的錢袋來積聚用𣍐了的財寶佇天頂；佇遐賊仔提𣍐著，蛀蟲嘛咬𣍐著。
12:34 因為恁的財寶佇叨位，恁的心嘛會佇遐。」
12:34 因為恁的財寶佇叨位，恁的心嘛會佇遐。」
醒醒啲聽候的僕人
12:35 「衫著穿好勢；燈著點互𤏸。
醒醒啲聽候的奴僕
12:35 「衫著穿好勢；燈著點互𤏸。
12:36 著親像僕人啲聽候主人對婚宴轉來；主人轉來，一下拍門通隨時給伊開。
12:36 著親像奴僕啲聽候主人對婚宴轉來；主人轉來，一下拍門通隨時給伊開。
12:37 主人轉來的時看著僕人醒醒，許個僕人真有福氣！我實在給恁講，主人會家己衫穿好勢，請𪜶坐桌，來給𪜶侍候。
12:37 主人轉來的時看著奴僕醒醒，許個奴僕真有福氣！我實在給恁講，主人會家己衫穿好勢，請𪜶坐桌，來給𪜶伺候。
12:38 主人若佇半暝抑是天欲光的時轉來，看著僕人醒醒，許個僕人真有福氣！
12:38 主人若佇半暝抑是天欲光的時轉來，看著奴僕醒醒，許個奴僕真有福氣！
12:39 此家的主人若知賊仔什麼時陣會來，一定𣍐互賊仔侵入伊的厝。
12:39 此家的主人若知賊仔什麼時陣會來，一定𣍐互賊仔侵入伊的厝。
12:40 所以，恁嘛著準備便便，因為人子會佇恁想𣍐到的時陣來臨。」
12:40 所以，恁嘛著準備便便，因為人子會佇恁想𣍐到的時陣來臨。」
忠實及無忠實的管家
12:41 ( 太 24:45-51 )
彼得講：「主啊，你此個譬喻是對阮講，抑是對眾人講？」
忠實及無忠實的管家
12:41 ( 太24:45-51 )
彼得講：「主啊，你此個譬喻是對阮講，抑是對眾人講？」
12:42 主講：「什麼人是忠實閣聰明的管家？就是主人交代伊管理其他的僕人，照時分食物互𪜶彼個人。
12:42 主講：「什麼人是忠實閣聰明的管家？就是主人交代伊管理其他的奴僕，照時分配食物互𪜶彼個人。
12:43 主人轉來的時，看著有照按呢啲做彼個僕人實在有福氣！
12:43 主人轉來的時，看著有照按呢啲做彼個奴僕實在有福氣！
12:44 我實在給恁講，主人會派此個僕人管理伊攏總的財產。
12:44 我實在給恁講，主人會派此個奴僕管理伊攏總的財產。
12:45 彼個僕人若心內想講『我的主人𣍐赫緊轉來』，就起手拍其他的僕人女婢，亦食亦飲，閣飲到酒醉。
12:45 彼個奴僕若心內想講『我的主人會較慢轉來』，就起手拍其他的奴僕女婢，亦食亦飲，閣飲到酒醉。
12:46 彼個僕人的主人會佇伊無按算的日，毋知的時轉來。主人會嚴嚴給伊處罰，給伊及無忠實的人囥做堆。
12:46 彼個奴僕的主人會佇伊無按算的日，知的時轉來。主人會嚴嚴給伊處罰，給伊及無忠實的人囥做堆。
12:47 「僕人知主人的意思卻無去準備，抑是無照主人的意思去做，伊會互主人拍真悿。
12:47 「奴僕知主人的意思卻無去準備，抑是無照主人的意思去做，伊會互主人拍真悿。
12:48 不過毋知主人的意思去做應該受處罰的代誌，彼個僕人會互主人拍較輕。互伊較多，就對伊提較多；交代伊較多，就對伊要求較多。」
12:48 不過知主人的意思去做應該受處罰的代誌彼個奴僕會互主人拍較輕。互伊較多，就對伊提較多；交代伊較多，就對伊要求較多。」
因為耶穌引起分裂
12:49 ( 太 10:34-36 )
「我來是欲將火㧒落地上，我偌仔呢愛火已經𤏸起來！
因為耶穌引起分裂
12:49 ( 太10:34-36 )
「我來是欲將火㧒落地上，我偌仔呢愛火已經𤏸起來！
12:50 我有應該受的洗禮；此個洗禮猶未受以前，我實在真艱苦！
12:50 我有應該受的洗禮；此個洗禮猶未受以前，我實在真艱苦！
12:51 恁想講我來是欲互地上和平是無？我給恁講，毋是，顛倒是分裂。
12:51 恁想講我來是欲互地上和平是無？我給恁講，是，顛倒是分裂。
12:52 對今以後，一家有五個人，𪜶會分裂，三個對兩個，兩個對三個。
12:52 對今以後，一家有五個人，𪜶會分裂，三個對兩個，兩個對三個。
12:53 𪜶會分裂，
老父對後生，
後生對老父；
老母對查某子，
查某子對老母；
大家對新婦，
新婦對大家。」
12:53 𪜶會分裂，
老父對後生，
後生對老父；
老母對查某子，
查某子對老母；
大家對媳婦，
媳婦對大家。」
會曉看時代的兆頭
12:54 ( 太 16:2-3 )
耶穌閣給眾人講：「恁看著雲對西旁起來的時，隨時講『啲欲落雨啦』，果然就落雨。
會曉看時代的兆頭
12:54 ( 太16:2-3 )
耶穌閣給眾人講：「恁看著雲對西旁起來的時，隨時講『啲欲落雨啦』，果然就落雨。
12:55 透南風的時，恁講『啲欲燒熱啦』，就真正燒熱。
12:55 透南風的時，恁講『啲欲燒熱啦』，就真正燒熱。
12:56 假好的人，恁都會曉判斷天及地的景象，哪𣍐曉判斷此個時代？」
12:56 假好的人，恁都會曉判斷天及地的景象，哪𣍐曉判斷此個時代？」
及控告者和解
12:57 ( 太 5:25-26 )
「恁是按怎毋家己判斷什麼是合理？
及控告者和解
12:57 ( 太5:25-26 )
「恁是按怎家己判斷什麼是合理？
12:58 你及控告你的人去見官長的時，著佇路中設法及伊和解；若無，伊會拖你去見判官，判官將你交互法警，法警就給你關落監。
12:58 你及控告你的人去見官長的時，著佇路中設法及伊和解；若無，伊會拖你去見判官，判官將你交互法警，法警就給你關落監。
12:59 我給你講，最後的一仙五釐無還清楚，你絕對𣍐當出監。」
12:59 我給你講，最後的一仙五釐無還清楚，你絕對𣍐當出監。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。