上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
耶穌醫好羅馬軍官的僕人
7:1 ( 太 8:5-13 約 4:43-54 )
耶穌講互民眾聽的話攏講煞，就入去迦百農。
耶穌醫好羅馬軍官的奴僕
7:1 ( 太8:5-13 約4:43-54 )
耶穌講互民眾聽的話攏講煞，就入去迦百農。
7:2 有一個羅馬軍官，伊所重用的僕人破病，病甲啲欲死。
7:2 有一個羅馬軍官，伊所重用的奴僕破病，病甲啲欲死。
7:3 軍官聽著耶穌的代誌，就差幾若個猶太人的長老去耶穌遐，請耶穌來醫治伊的僕人。
7:3 軍官聽著耶穌的代誌，就差幾若個猶太人的長老去耶穌遐，請耶穌來醫治伊的奴僕。
7:4 諸個長老到耶穌遐，懇切求伊講：「此個人會堪得你給伊幫贊，
7:4 諸個長老到耶穌遐，懇切求伊講：「此個人會堪得你給伊幫贊，
7:5 因為伊愛護咱猶太人，閣給咱起會堂。」
7:5 因為伊愛護咱猶太人，閣給咱起會堂。」
7:6 耶穌就及𪜶去。耶穌啲欲到伊的厝的時，彼個軍官差幾若個朋友來給伊講：「主啊，毋通勞煩你，你來阮兜，我𣍐堪得。
7:6 耶穌就及𪜶去。耶穌啲欲到伊的厝的時，彼個軍官差幾若個朋友來給伊講：「主啊，通勞煩你，你來阮兜，我𣍐堪得。
7:7 所以我才毋敢家己來見你。你只有講一句話，我的僕人就會好。
7:7 所以我才敢家己來見你。你只有講一句話，我的奴僕就會好。
7:8 因為我是互人管的人，嘛有兵互我管。我給此個講『去』，伊就去；給別個講『來』，伊就來；給我的僕人講『你做此個』，伊就去做。」
7:8 因為我是互人管的人，嘛有兵互我管。我給此個講『去』，伊就去；給別的講『來』，伊就來；給我的奴僕講『你做此個』，伊就去做。」
7:9 耶穌聽著諸個話對伊感覺真意外，越轉身給隨伊的群眾講：「我給恁講，連佇以色列人的中間，我都猶毋曾看著此款的信心。」
7:9 耶穌聽著諸個話對伊感覺真意外，越轉身給隨伊的群眾講：「我給恁講，連佇以色列人的中間，我都猶曾看著此款的信心。」
7:10 受差的人轉去軍官的厝，看著僕人已經好去。
7:10 受差的人轉去軍官的厝，看著奴僕已經好去。
耶穌互寡婦的子閣活
7:11 過無偌久，耶穌去一個城，叫做拿因。伊的門徒及歸大陣人隨伊去。
耶穌互寡婦的子復活
7:11 過無偌久，耶穌去一個城，叫做拿因。伊的門徒及歸大陣人隨伊去。
7:12 耶穌欲到城門的時，抵好有人扛一個死人出來，伊的老母孤孤生此個子，閣是寡婦。有一陣城內的人出來送葬。
7:12 耶穌欲到城門的時，抵好有人扛一個死人出來，伊的老母孤孤生此個子，閣是寡婦。有一陣城內的人出來送葬。
7:13 主一下看著此個寡婦就可憐伊，給伊講：「毋通哭！」
7:13 主一下看著此個寡婦就可憐伊，給伊講：「通哭！」
7:14 然後耶穌行倚去按扛身屍的架，扛的人就停腳。耶穌講：「少年人，我給你講：『起來！』」
7:14 然後耶穌行倚去按扛身屍的架，扛的人就停腳。耶穌講：「少年人，我給你講：『起來！』」
7:15 彼個死人就𬦰起來坐，開嘴講話。耶穌就將伊交互伊的老母。
7:15 彼個死人就𬦰起來坐，開嘴講話。耶穌就將伊交互伊的老母。
7:16 眾人攏非常驚惶，將榮光歸互上帝，講：「咱中間有出現一位大先知啦！」閣講：「上帝有看顧伊的子民！」
7:16 眾人攏非常驚惶，將榮光歸互上帝講：「咱中間有出現一位大先知啦！」閣講：「上帝有看顧伊的子民！」
7:17 關係耶穌此個風聲傳到全猶太及周圍逐地區。
7:17 關係耶穌此個風聲傳到全猶太及周圍逐地區。
施洗者約翰差門徒去見耶穌
7:18 ( 太 11:2-19 )
約翰的門徒將諸個代誌攏給約翰報告。約翰就叫兩個門徒來，
施洗者約翰差門徒去見耶穌
7:18 ( 太11:2-19 )
約翰的門徒將諸個代誌攏給約翰報告。約翰就叫兩個門徒來，
7:19 差𪜶去見主，講：「你就是啲欲來彼位，抑是阮著聽候別人？」
7:19 差𪜶去見主，講：「你就是啲欲來彼位，抑是阮著聽候別人？」
7:20 諸個人來到耶穌遐，就講：「施洗者約翰差阮來問你講『你就是啲欲來彼位，抑是阮著聽候別人？』」
7:20 諸個人來到耶穌遐，就講：「施洗者約翰差阮來問你講『你就是啲欲來彼位，抑是阮著聽候別人？』」
7:21 抵彼時，耶穌有醫好真多身苦病疼及互邪神附身的人，閣互真多失明的人會看見。
7:21 抵彼時，耶穌有醫好真多身苦病疼及互邪神附身的人，閣互真多失明的人會看見。
7:22 耶穌應講：「恁轉去給約翰報告恁所看著及聽著的，就是失明的人閣看見，腳跛的人行路，痲瘋病人清氣，耳孔𣍐聽見的人聽見，死人閣活，散赤人有好消息傳互𪜶。
7:22 耶穌就應講：「恁轉去給約翰報告恁所看著及聽著的，就是失明的人閣看見，腳跛的人行路，痲瘋病人清氣，耳孔𣍐聽見的人聽見，死人復活，散赤人有好消息傳互𪜶。
7:23 對我無失去信心的人真有福氣！」
7:23 對我無失去信心的人真有福氣！」
7:24 約翰差來的人離開了後，耶穌才對群眾講起約翰的事。伊講：「恁出去曠野是欲看什麼？欲看互風吹搖來搖去的蘆葦是無？
7:24 約翰差來的人離開了後，耶穌才對群眾講起約翰的事。伊講：「恁出去曠野是欲看什麼？欲看互風吹搖來搖去的蘆葦是無？
7:25 若毋是，恁出去欲看什麼？欲看穿高貴衣服的人是無？恁看，穿奢華的衣服生活奢侈的人是佇王宮。
7:25 若是，恁出去欲看什麼？欲看穿高貴衣服的人是無？恁看，穿奢華的衣服生活奢侈的人是佇王宮。
7:26 按呢，恁出去欲看什麼？欲看先知是無？是，毋拘我給恁講，伊比先知閣較偉大。
7:26 按呢，恁出去欲看什麼？欲看先知是無？是，拘我給恁講，伊比先知閣較偉大。
7:27 關係約翰，聖經有按呢記載：
看啊，我差我的使者做你的先鋒；
伊欲佇你的頭前給你開路。
7:27 關係約翰，聖經有按呢記載：
看啊，我差我的使者做你的先鋒；
伊欲佇你的頭前給你開路。
7:28 我給恁講，婦仁人所生的無一個比約翰較偉大；毋拘，佇上帝國上微細的猶比伊閣較偉大！」
7:28 我給恁講，婦仁人所生的無一個比約翰較偉大；拘，佇上帝國上微細的猶比伊閣較偉大！」
7:29 聽著諸個話的民眾及貿稅的嘛攏承認上帝是公義，因為𪜶有領受約翰的洗禮。
7:29 聽著諸個話的民眾及貿稅的嘛攏承認上帝是公義，因為𪜶有領受約翰的洗禮。
7:30 毋拘法利賽派的人及律法教師攏拒絕上帝對𪜶所定的旨意，無領受約翰的洗禮。
7:30 拘法利賽派的人及律法教師攏拒絕上帝對𪜶所定的旨意，無領受約翰的洗禮。
7:31 耶穌閣講：「按呢，此世代的人我欲用什麼來比並？𪜶親像什麼？
7:31 耶穌閣講：「按呢，此世代的人我欲用什麼來比並？𪜶親像什麼？
7:32 𪜶親像一陣囝仔坐佇市場口對同伴互相喝：
阮對恁歕𥰔仔，恁無跳舞！
阮唱哀歌，恁嘛無哭！
7:32 𪜶親像一陣囝仔坐佇市場口對同伴互相喝：
阮對恁歕𥰔仔，恁無跳舞！
阮唱哀歌，恁嘛無哭！
7:33 施洗者約翰來，無食飯，無飲酒，恁就講：『伊互鬼附身！』
7:33 施洗者約翰來，無食飯，無飲酒，恁就講：『伊互鬼附身！』
7:34 人子來，嘛食嘛飲，恁就講：『伊是貪食好酒的人，是貿稅的及罪人的朋友。』
7:34 人子來，嘛食嘛飲，恁就講：『伊是貪食好酒的人，是貿稅的及罪人的朋友。』
7:35 智慧是對有智慧的人得著證實。」
7:35 智慧是對有智慧的人得著證實。」
有罪的婦仁人得著赦免
7:36 有一個法利賽派的人請耶穌食飯，耶穌就入去彼個法利賽人的厝坐桌食飯。
有罪的婦仁人得著赦免
7:36 有一個法利賽派的人請耶穌食飯，耶穌就入去彼個法利賽人的厝坐桌食飯。
7:37 彼個城內有一個有罪的婦仁人，伊知耶穌佇彼個法利賽人的厝啲食飯，就帶一罐貯芳油的玉瓶來。
7:37 彼個城內有一個有罪的婦仁人，伊知耶穌佇彼個法利賽人的厝啲食飯，就帶一罐貯芳油的玉瓶來。
7:38 伊徛佇耶穌的後面，倚伊的腳啲哭，目屎滴霑伊的腳，就用家己的頭毛給拭，閣直直唚伊的腳，用芳油給抹。
7:38 伊徛佇耶穌的後面，倚伊的腳啲哭，目屎滴霑伊的腳，就用家己的頭毛給拭，閣直直唚伊的腳，用芳油給抹。
7:39 請耶穌彼個法利賽人一下看著，心內想：「此個人若是先知，一定會知啲給伊摸的是啥人，是什麼款查某人，因為伊是罪人。」
7:39 請耶穌彼個法利賽人一下看著，心內想：「此個人若是先知，一定會知啲給伊摸的是啥人，是什麼款查某人，因為伊是罪人。」
7:40 耶穌就對伊講：「西門，我有話欲給你講。」
西門講：「老師，請講。」
7:40 耶穌就對伊講：「西門，我有話欲給你講。」
西門講：「老師，請講。」
7:41 耶穌就講：「有兩個人對一個債主借錢，一個欠伊五百個銀仔，猶一個欠伊五十。
7:41 耶穌就講：「有兩個人對一個債主借錢，一個欠伊五百個銀仔，猶一個欠伊五十。
7:42 𪜶無法度通還，債主就擦消𪜶的債。按呢，叨一個會較疼債主？」
7:42 𪜶無法度通還，債主就擦消𪜶的債。按呢，叨一個會較疼債主？」
7:43 西門應講：「我想是債受擦消較多彼個。」
耶穌給伊講：「你的判斷真著。」
7:43 西門應講：「我想是債受擦消較多彼個。」
耶穌給伊講：「你的判斷真著。」
7:44 然後耶穌越頭向婦仁人，對西門講：「你有看著此個婦仁人無？我入你的厝，你無用水互我洗腳，毋拘伊用目屎滴霑我的腳，閣用伊的頭毛拭。
7:44 然後耶穌越頭向婦仁人，對西門講：「你有看著此個婦仁人無？我入你的厝，你無用水互我洗腳，拘伊用目屎滴霑我的腳，閣用伊的頭毛拭。
7:45 你無給我唚，毋拘我入來了後，伊直直唚我的腳。
7:45 你無給我唚，拘我入來了後，伊直直唚我的腳。
7:46 你無用油抹我的頭殼，毋拘伊用芳油抹我的腳。
7:46 你無用油抹我的頭殼，拘伊用芳油抹我的腳。
7:47 所以，我給你講，伊疼較多，表示伊真多的罪過已經有得著赦免。得著赦免較少，疼就少。」
7:47 所以，我給你講，伊疼較多，表示伊真多的罪過已經有得著赦免。得著赦免較少，疼就少。」
7:48 耶穌就給婦仁人講：「你的罪得著赦免啦。」
7:48 耶穌就給婦仁人講：「你的罪得著赦免啦。」
7:49 仝桌許個人心內想：「此個到底是什麼人，伊竟然赦免人的罪！」
7:49 仝桌許個人心內想：「此個到底是什麼人，伊竟然赦免人的罪！」
7:50 耶穌給彼個婦仁人講：「你的信心有救你；平安倒去。」
7:50 耶穌給彼個婦仁人講：「你的信心有救你；平安倒去。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。