上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
耶穌呼召門徒
5:1 ( 太 4:18-22 可 1:16-20 )
有一遍，耶穌徛佇革尼撒勒湖邊，有一陣人揢倚去欲聽上帝的話。
耶穌呼召門徒
5:1 ( 太4:18-22 可1:16-20 )
有一遍，耶穌徛佇革尼撒勒湖邊，有一陣人擠倚去欲聽上帝的話。
5:2 伊看著兩隻船停佇湖邊，掠魚的離開船啲洗網。
5:2 伊看著兩隻船停佇湖邊，掠魚的離開船啲洗網。
5:3 其中一隻是西門的；耶穌上彼隻船，叫伊划小可離開岸，然後坐落去，對船頂教示眾人。
5:3 其中一隻是西門的；耶穌上彼隻船，叫伊划小可離開岸，然後坐落去，對船頂教示眾人。
5:4 耶穌講煞，對西門講：「給船划去深的所在，拋網落去掠魚。」
5:4 耶穌講煞，對西門講：「給船划去深的所在，拋網落去掠魚。」
5:5 西門應講：「老師，阮拼歸暝掠攏無，毋拘你都啲講啊，我就來落網。」
5:5 西門應講：「老師，阮拼歸暝掠攏無，拘你都啲講啊，我就來落網。」
5:6 𪜶一下放落去，網著真多魚，網煞強欲破去。
5:6 𪜶一下放落去，網著真多魚，網煞強欲破去。
5:7 𪜶搧手叫別隻船的同伴來鬥腳手。𪜶就來，將魚貯佇兩隻船，貯到滿滿煞強欲沉落去。
5:7 𪜶搧手叫別隻船的同伴來鬥腳手。𪜶就來，將魚貯佇兩隻船，貯到滿滿煞強欲沉落去。
5:8 西門‧彼得一下看著，就跪落去耶穌的腳前，講：「主啊，請離開我！我是一個有罪的人。」
5:8 西門‧彼得一下看著，就跪落去耶穌的腳前，講：「主啊，請離開我！我是一個有罪的人。」
5:9 西門及伊的同伴因為掠著赫多魚真著驚。
5:9 西門及伊的同伴因為掠著赫多魚真著驚。
5:10 西門的同伴西庇太的子雅各及約翰嘛真著驚。耶穌給西門講：「毋免驚，對今以後，你會得著人。」
5:10 西門的同伴西庇太的子雅各及約翰嘛真著驚。耶穌給西門講：「免驚，對今以後，你會得著人。」
5:11 𪜶拖船倚岸了後，將一切放咧，去隨耶穌。
5:11 𪜶拖船倚岸了後，將一切放咧，去隨耶穌。
耶穌醫好痲瘋病人
5:12 ( 太 8:1-4 可 1:40-45 )
有一遍耶穌佇一個城，佇遐有一個人歸身軀染著痲瘋。伊看著耶穌就仆落去祈求講：「主啊，你若肯，會當互我清氣。」
耶穌醫好痲瘋病人
5:12 ( 太8:1-4 可1:40-45 )
有一遍耶穌佇一個城，佇遐有一個人歸身軀染著痲瘋。伊看著耶穌就趴落去祈求講：「主啊，你若肯，會當互我清氣。」
5:13 耶穌伸手給伊摸，講：「我肯，互你清氣！」伊的痲瘋隨時無去。
5:13 耶穌伸手給伊摸，講：「我肯，互你清氣！」伊的痲瘋隨時無去。
5:14 耶穌命令伊，講：「毋通給人講；著去互祭司驗，閣照摩西的規定，為著你有得著清氣獻祭物，通對眾人證明。」
5:14 耶穌命令伊，講：「通給人講；著去互祭司驗，閣照摩西的規定，為著你有得著清氣獻祭物，通對眾人證明。」
5:15 耶穌的名聲愈傳愈闊；歸大陣人聚集來欲聽道理，閣求伊互𪜶的病得著醫好。
5:15 耶穌的名聲愈傳愈闊；歸大陣人聚集來欲聽道理，閣求伊互𪜶的病得著醫好。
5:16 毋拘耶穌退去偏僻的所在祈禱。
5:16 拘耶穌退去偏僻的所在祈禱。
耶穌醫好半身不遂的人
5:17 ( 太 9:1-8 可 2:1-12 )
有一日，耶穌啲教示人的時，有法利賽派的人及律法教師佇遐啲坐。𪜶是對加利利及猶太逐庄社，以及耶路撒冷來的。主的權能及耶穌同在，互伊會當醫好病人。
耶穌醫好半身不遂的人
5:17 ( 太9:1-8 可2:1-12 )
有一日，耶穌啲教示人的時，有法利賽派的人及律法教師佇遐啲坐。𪜶是對加利利及猶太逐庄社，以及耶路撒冷來的。主的權能及耶穌同在，互伊會當醫好病人。
5:18 彼時，有人用床扛一個半身不遂的人來，想欲扛入去下佇耶穌的面前；
5:18 彼時，有人用床扛一個半身不遂的人來，想欲扛入去下佇耶穌的面前；
5:19 毋拘因為人真多，尋無路通扛入去，就𬦰去厝頂，拆厝瓦，將彼個半身不遂的連床縋落去眾人的中間，下佇耶穌的面前。
5:19 拘因為人真多，尋無路通扛入去，就𬦰去厝頂，拆厝瓦，將彼個半身不遂的連床墜落去眾人的中間，下佇耶穌的面前。
5:20 耶穌看見𪜶的信心，就講：「朋友啊，你的罪赦免啦。」
5:20 耶穌看見𪜶的信心，就講：「朋友啊，你的罪赦免啦。」
5:21 許個經學教師及法利賽派的人議論講：「此個啲褻瀆上帝的是啥人？上帝以外，什麼人會當赦罪？」
5:21 許個經學教師及法利賽派的人議論講：「此個啲褻瀆上帝的是啥人？上帝以外，什麼人會當赦罪。」
5:22 耶穌知影𪜶啲質問什麼，就對𪜶講：「是按怎恁心內啲質問？
5:22 耶穌知影𪜶啲質問什麼，就對𪜶講：「是按怎恁心內啲質問？
5:23 講『你的罪赦免啦』，抑是講『起來行』，叨一項較簡單？
5:23 講『你的罪赦免啦』，抑是講『起來行』，叨一項較簡單？
5:24 不過我欲互恁知人子佇地上有赦罪的權柄。」耶穌對彼個半身不遂的人講：「我給你講，起來，夯你的床，轉去恁兜！」
5:24 不過我欲互恁知人子佇地上有赦罪的權柄。」耶穌對彼個半身不遂的人講：「我給你講，起來，夯你的床，轉去恁兜！」
5:25 彼個人隨時佇眾人的面前𬦰起來，夯伊所倒的床轉去𪜶兜，那行那歸榮光互上帝。
5:25 彼個人隨時佇眾人的面前𬦰起來，夯伊所倒的床轉去𪜶兜，那行那歸榮光互上帝。
5:26 眾人攏真著驚，歸榮光互上帝，心內充滿敬畏講：「阮今仔日有看著奇妙的代誌！」
5:26 眾人攏真著驚，歸榮光互上帝，心內充滿敬畏講：「阮今仔日有看著奇妙的代誌！」
耶穌呼召利未
5:27 ( 太 9:9-13 可 2:13-17 )
諸個代誌以後，耶穌出去，看著一個貿稅的，名叫做利未，坐佇稅關，就對伊講：「來隨我！」
耶穌呼召利未
5:27 ( 太9:9-13 可2:13-17 )
諸個代誌以後，耶穌出去，看著一個貿稅的，名叫做利未，坐佇稅關，就對伊講：「來隨我！」
5:28 利未就放拺一切，起來隨伊。
5:28 利未就放拺一切，起來隨伊。
5:29 利未佇𪜶兜為著耶穌辦大宴席。有一大陣貿稅的以及其他的人及𪜶做夥坐桌食飯。
5:29 利未佇𪜶兜為著耶穌辦大宴席。有一大陣貿稅的以及其他的人及𪜶做夥坐桌食飯。
5:30 有一寡法利賽派的人及屬𪜶的經學教師對耶穌的門徒埋怨，講：「是按怎恁及貿稅的以及罪人做夥飲食？」
5:30 有一寡法利賽派的人及屬𪜶的經學教師對耶穌的門徒埋怨，講：「是按怎恁及貿稅的以及罪人做夥飲食？」
5:31 耶穌應講：「健康的無需要醫生，破病的才有需要。
5:31 耶穌應講：「健康的無需要醫生，破病的才有需要。
5:32 我來，毋是欲招義人，是欲招罪人悔改。」
5:32 我來，是欲招義人，是欲招罪人來悔改。」
禁食的問題
5:33 ( 太 9:14-17 可 2:18-22 )
後來𪜶對耶穌講：「約翰的門徒常常禁食祈禱，法利賽派的門徒嘛是按呢，毋拘你的門徒亦食亦飲。」
禁食的問題
5:33 ( 太9:14-17 可2:18-22 )
後來𪜶對耶穌講：「約翰的門徒常常禁食祈禱，法利賽派的門徒嘛是按呢，拘你的門徒亦食亦飲。」
5:34 耶穌對𪜶講：「新郎猶及婚宴的人客做夥的時，恁豈會互人客禁食？
5:34 耶穌對𪜶講：「新郎猶及婚宴的人客做夥的時，恁豈會互人客禁食？
5:35 日子啲欲到，新郎會互人對𪜶中間掠去，佇許個日𪜶就會禁食。」
5:35 日子啲欲到，新郎會互人對𪜶中間掠去，佇許個日𪜶就會禁食。」
5:36 耶穌閣用一個譬喻給𪜶講：「無人拆新衫來補舊衫，若按呢做，毋若新衫拆破，拆起來彼塊新布及舊衫嘛𣍐合。
5:36 耶穌閣用一個譬喻給𪜶講：「無人拆新衫來補舊衫，若按呢做，若新衫拆破，拆起來彼塊新布及舊衫嘛𣍐合。
5:37 嘛無人將新酒入佇舊皮袋。若按呢做，新酒會給皮袋爆破，酒流出來，皮袋嘛歹去。
5:37 嘛無人將新酒入佇舊皮袋。若按呢做，新酒會給舊皮袋爆破，酒流出來，皮袋嘛歹去。
5:38 新酒著入佇新皮袋。
5:38 新酒著入佇新皮袋。
5:39 無人飲舊酒了後愛飲新酒，人攏會講『猶是舊酒較好。』」
5:39 無人飲舊酒了後愛飲新酒，人攏會講『猶是舊酒較好。』」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。