上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
耶穌受試探
4:1 ( 太 4:1-11 可 1:12-13 )
耶穌受聖神充滿，對約旦河轉來。伊互聖神導去曠野，
耶穌受試探
4:1 ( 太4:1-11 可1:12-13 )
耶穌受聖神充滿，對約旦河轉來。伊互聖神導去曠野，
4:2 佇遐四十日久受魔鬼試探。彼個期間伊攏無食什麼，許個日子過了，腹肚就枵。
4:2 佇遐四十日久受魔鬼試探。彼個期間伊攏無食什麼，許個日子過了，腹肚就枵。
4:3 魔鬼對伊講：「既然你是上帝的子，命令此塊石頭變做餅！」
4:3 魔鬼對伊講：「既然你是上帝的子，命令此塊石頭變做餅。」
4:4 耶穌應講：「聖經有記載：『人啲活毋若倚靠餅。』」
4:4 耶穌應講：「聖經有記載：『人啲活若倚靠餅。』」
4:5 然後魔鬼導耶穌去到高的所在，一目𥍉久將天下萬國互伊看，
4:5 然後魔鬼導耶穌到高的所在，一目𥍉久將天下萬國互伊看，
4:6 給伊講：「諸個一切的權勢及榮華，我攏欲互你；因為諸個一切已經攏交互我，我欲互什麼人就互彼個人。
4:6 給伊講：「諸個一切的權勢及榮華，我攏欲互你；因為諸個一切已經攏交互我，我欲互什麼人就互彼個人。
4:7 所以，你若跪落來拜我，諸個一切攏總是你的。」
4:7 所以，你若跪落來拜我，諸個一切攏總是你的。」
4:8 耶穌應講：「聖經有記載：
著拜主 — 你的上帝，
只有服事伊。」
4:8 耶穌應講：「聖經有記載：
著拜主—你的上帝，
只有服事伊。」
4:9 魔鬼閣導耶穌去耶路撒冷，互伊徛佇聖殿上高的所在，給伊講：「既然你是上帝的子，對遮跳落去，
4:9 魔鬼閣導耶穌去耶路撒冷，互伊徛佇聖殿上高的所在，給伊講：「既然你是上帝的子，對遮跳落去，
4:10 因為聖經有記載：『上帝會為著你命令伊的天使來保護你』；
4:10 因為聖經有記載：『上帝會為著你命令伊的天使來保護你』；
4:11 閣講：
𪜶會用手給你扶啲，
互你的腳𣍐磕著石頭。」
4:11 閣講：
𪜶會用手給你扶啲，
互你的腳𣍐磕著石頭。」
4:12 耶穌應講：「聖經有記載：『毋通試探主 — 你的上帝。』」
4:12 耶穌應講：「聖經有記載：『通試探主—你的上帝。』」
4:13 所有的試探攏用了，魔鬼就離開耶穌，聽候後遍的機會。
4:13 所有的試探攏用了，魔鬼就離開耶穌，聽候後遍的機會。
耶穌開始佇加利利傳道
4:14 ( 太 4:12-17 可 1:14-15 )
耶穌受聖神的權能充滿，轉去加利利。伊的名聲傳到四圍逐地區。
耶穌開始佇加利利傳道
4:14 ( 太4:12-17 可1:14-15 )
耶穌受聖神的權能充滿，轉去加利利。伊的名聲傳到四圍逐地區。
4:15 伊佇逐個會堂教示人，受眾人尊敬。
4:15 伊佇逐個會堂教示人，受眾人尊敬。
耶穌佇拿撒勒受拒絕
4:16 ( 太 13:53-58 可 6:1-6 )
耶穌倒去伊長大的所在拿撒勒，照習慣佇安歇日入去會堂。伊徛起來欲讀聖經。
耶穌佇拿撒勒受拒絕
4:16 ( 太13:53-58 可6:1-6 )
耶穌倒去伊長大的所在拿撒勒，照習慣佇安息日入去會堂。伊徛起來欲讀聖經。
4:17 有人提一卷先知以賽亞的冊互伊，伊就搋開，尋著一所在有記載：
4:17 有人提一卷先知以賽亞的冊互伊，伊就搋開，尋著一所在有記載：
4:18 主的神臨到我，
因為伊用油抹我，
互我傳好消息互散赤人。
伊差派我宣布：
受掠的得著解放，
無看見的閣看見，
受壓迫的得著自由，
4:18 主的神臨到我，
因為伊用油抹我，
互我傳好消息互散赤人。
伊差派我宣布：
受掠的得著解放，
無看見的閣看見，
受壓迫的得著自由，
4:19 宣布主恩惠的年。
4:19 宣布主恩惠的年。
4:20 耶穌給冊捲起來，還互會堂的助理，就坐落去。會堂內的眾人攏注目給伊看。
4:20 耶穌給冊捲起來，還互會堂的助理，就坐落去。會堂內的眾人攏注目給伊看。
4:21 伊就給𪜶講：「此段聖經，今仔日恁啲聽的時已經實現啦。」
4:21 伊就給𪜶講：「此段聖經，今仔日恁啲聽的時已經實現啦。」
4:22 大家攏稱讚耶穌，對伊所講仁慈的話感覺奇怪，講：「此個人豈毋是約瑟的子？」
4:22 大家攏稱讚耶穌，對伊所講仁慈的話感覺奇怪，講：「此個人豈是約瑟的子？」
4:23 耶穌對𪜶講：「恁一定會引用『醫生啊，著醫治你家己』此句俗語來對我講：『阮有聽著你佇迦百農做真多代誌，今嘛著佇你的故鄉做。』」
4:23 耶穌對𪜶講：「恁一定會引用『醫生啊，著醫治你家己』此句俗語來對我講：『阮有聽著你佇迦百農做真多代誌，今嘛著佇你的故鄉做。』」
4:24 耶穌閣講：「我實在給恁講，先知無一個佇家己的故鄉受歡迎。
4:24 耶穌閣講：「我實在給恁講，先知無一個佇家己的故鄉受歡迎。
4:25 我給恁講實話，佇以利亞的時代有曠旱三年半久，逐所在有大飢荒，彼時以色列中有真多寡婦；
4:25 我給恁講實話，佇以利亞的時代有曠旱三年半久，逐所在有大飢荒，彼時以色列中有真多寡婦；
4:26 以利亞並無受差去𪜶遐，只有去西頓 撒勒法一個寡婦遐。
4:26 以利亞並無受差去𪜶遐，只有去西頓撒勒法一個寡婦遐。
4:27 先知以利沙的時，以色列中有真多痲瘋病人，除去敘利亞人乃縵以外，無一個得著清氣。」
4:27 先知以利沙的時，以色列中有真多痲瘋病人，除去敘利亞人乃縵以外，無一個得著清氣。」
4:28 會堂內所有的人一下聽著諸個話真受氣。
4:28 會堂內所有的人一下聽著諸個話真受氣。
4:29 𪜶徛起來，給耶穌趕出城外，扭到山崁，欲給伊捙落去；𪜶的城是起佇山頂。
4:29 𪜶徛起來，給耶穌趕出城外，扭到山崁，欲給伊捙落去；𪜶的城是起佇山頂。
4:30 耶穌卻對𪜶中間行過，做伊去。
4:30 耶穌卻對𪜶中間行過，做伊去。
耶穌醫好邪神附身的人
4:31 ( 可 1:21-28 )
耶穌落去加利利的迦百農城，逐個安歇日攏有啲教示人。
耶穌醫好邪神附身的人
4:31 ( 可1:21-28 )
耶穌落去加利利的迦百農城，逐個安息日攏有啲教示人。
4:32 𪜶對伊的教示感覺非常希奇，因為伊的話有權威。
4:32 𪜶對伊的教示感覺非常希奇，因為伊的話有權威。
4:33 會堂內有一個互無清氣的鬼神附身的人，伊大聲喝：
4:33 會堂內有一個互無清氣的鬼神附身的人，伊大聲喝：
4:34 「拿撒勒人耶穌，你插阮！你來欲毀滅阮是無？我知你是什麼人；你是上帝的聖者。」
4:34 「拿撒勒人耶穌，你插阮！你來欲毀滅阮是無？我知你是什麼人；你是上帝的聖者。」
4:35 耶穌給伊責備講：「恬恬！對此個人出去！」鬼佇眾人的面前給伊摔倒，就對伊出去，攏無給伊傷害著。
4:35 耶穌給伊責備講：「恬恬！對此個人出去！」鬼佇眾人的面前給伊摔倒，就對伊出去，攏無給伊傷害著。
4:36 眾人真著驚，講來講去：「伊的話哪赫厲害？伊用權威及能力命令邪神，𪜶就出去。」
4:36 眾人真著驚，講來講去：「伊的話哪赫厲害？伊用權威及能力命令邪神，𪜶就出去。」
4:37 耶穌的名聲就傳到四圍逐所在。
4:37 耶穌的名聲就傳到四圍逐所在。
耶穌醫好真多病人
4:38 ( 太 8:14-17 可 1:29-34 )
耶穌離開會堂，入去西門𪜶兜。西門的丈姆破病，發熱真燒；有人給耶穌講此個代誌。
耶穌醫好真多病人
4:38 ( 太8:14-17 可1:29-34 )
耶穌離開會堂，入去西門𪜶兜。西門的丈姆破病，發熱真燒，有人給耶穌講此個代誌。
4:39 耶穌徛倚去伊的邊仔，責備熱病，熱就退；婦仁人隨時起來給𪜶侍候。
4:39 耶穌徛倚去伊的piⁿ-a，責備熱病，熱就退；婦仁人隨時起來給𪜶伺候。
4:40 日落的時，眾人將有逐種病的人攏導來尋耶穌。耶穌一個一個給𪜶按手，攏給𪜶醫好。
4:40 日落的時，眾人將有逐種病的人攏導來尋耶穌。耶穌一個一個給𪜶按手，攏給𪜶醫好。
4:41 嘛有鬼對真多人的身軀出來，喝講：「你是上帝的子！」耶穌給𪜶責備，毋准𪜶講，因為𪜶知耶穌是基督。
4:41 嘛有鬼對真多人的身軀出來，喝講：「你是上帝的子！」耶穌給𪜶責備，准𪜶講，因為𪜶知耶穌是基督。
耶穌佇會堂傳道
4:42 ( 可 1:35-39 )
天一下光，耶穌就出城去偏僻無人住的所在。歸陣人啲尋伊，尋著就給伊留啲，無愛伊離開。
耶穌佇會堂傳道
4:42 ( 可1:35-39 )
天一下光，耶穌就出城去偏僻無人住的所在。歸陣人啲尋伊，尋著就給伊留啲，無愛伊離開。
4:43 毋拘耶穌給𪜶講：「我嘛著去別個城市傳上帝國的福音；這是上帝差派我來的目的。」
4:43 拘耶穌給𪜶講：「我嘛著去別的城市傳上帝國的福音；這是上帝差派我來的目的。」
4:44 伊就繼續佇猶太逐個會堂傳道。
4:44 伊就繼續佇猶太逐個會堂傳道。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。