上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
施洗者約翰的洗禮及傳道
3:1 ( 太 3:1-12 可 1:1-8 約 1:19-28 )
羅馬皇帝提庇留統治第十五年，龐修‧彼拉多作猶太總督，希律作加利利分封的王，伊的小弟腓力作以土利亞及特拉可尼地方分封的王，呂撒聶作亞比利尼分封的王，
施洗者約翰的洗禮及傳道
3:1 ( 太3:1-12 可1:1-8 約1:19-28 )
羅馬皇帝提庇留統治第十五年，龐修彼拉多作猶太總督，希律作加利利分封的王，伊的小弟腓力作以土利亞及特拉可尼地方分封的王，呂撒聶作亞比利尼分封的王，
3:2 亞那及該亞法作大祭司的時，上帝的話臨到撒迦利亞的子約翰，彼時伊佇曠野。
3:2 亞那及該亞法作大祭司的時，上帝的話臨到撒迦利亞的子約翰，彼時伊佇曠野。
3:3 約翰就去約旦河一帶逐所在宣揚講：「著悔改，領受洗禮，上帝就赦免恁的罪！」
3:3 約翰就去約旦河一帶逐所在宣揚講：「著悔改，領受洗禮，上帝就赦免恁的罪！」
3:4 照先知以賽亞的冊記載：
有聲佇曠野啲喝：
著為主準備道路，
為著伊修直小路。
3:4 照先知以賽亞的冊記載：
有聲佇曠野啲喝：
著為主準備道路，
為著伊修直小路。
3:5 一切的山谷著填互淀；
所有大山小山著削互低；
彎曲的路著改互直；
嵁硈的路著修互平！
3:5 一切的山谷著填互淀；
所有大山小山著削互低；
彎曲的路著改互直；
嵁硈的路著修互平！
3:6 萬民攏會看見上帝的拯救。
3:6 萬民攏會看見上帝的拯救。
3:7 約翰給來欲領受洗禮許個群眾講：「恁諸個毒蛇，什麼人警告恁閃避上帝啲欲發的受氣？
3:7 約翰給來欲領受洗禮許個群眾講：「恁諸個毒蛇，什麼人警告恁閃避上帝啲欲發的受氣？
3:8 著用行為證明恁有悔改！恁毋通家己想講『亞伯拉罕是阮的祖先』，我給恁講，上帝會當用諸個石頭造子孫互亞伯拉罕。
3:8 著用行為證明恁有悔改！恁通家己想講『亞伯拉罕是阮的祖先』，我給恁講，上帝會當用諸個石頭造子孫互亞伯拉罕。
3:9 斧頭已經靠佇樹頭；所有無結好果子的樹攏欲給剉起來，㧒落火。」
3:9 斧頭已經靠佇樹頭；所有無結好果子的樹攏欲給剉起來，㧒落火。」
3:10 眾人問約翰：「按呢，阮著做什麼？」
3:10 眾人問約翰：「按呢，阮著做什麼？」
3:11 伊應講：「有兩領衫的，著分互無的；有食物的，嘛著按呢做。」
3:11 伊應講：「有兩領衫的，著分互無的；有食物的，嘛著按呢做。」
3:12 有一寡貿稅的嘛來欲領受洗禮。𪜶問約翰：「老師，阮著做什麼？」
3:12 有一寡貿稅的嘛來欲領受洗禮。𪜶問約翰：「老師，阮著做什麼？」
3:13 伊給𪜶講：「規定的稅金以外毋通加收。」
3:13 伊給𪜶講：「規定的稅金以外通加收。」
3:14 有一寡軍人嘛問伊：「阮著做什麼？」
伊給𪜶講：「毋通給人恐嚇提錢；嘛毋通給人敲油；所領的薪水著滿足。」
3:14 有一寡軍人嘛問伊：「阮著做什麼？」
伊給𪜶講：「通給人恐嚇提錢；嘛通給人敲油；所領的薪水著滿足。」
3:15 民眾啲期待，大家心內想講約翰豈採是基督的時，
3:15 民眾啲期待，大家心內想講約翰豈採是基督的時，
3:16 約翰對大家講：「我用水給恁洗禮；毋拘有一位比我較有權能的啲欲來，我連給伊解鞋帶都𣍐堪得。伊欲用聖神及火給恁洗禮。
3:16 約翰對大家講：「我用水給恁洗禮；拘有一位比我較有權能的啲欲來，我連給伊解鞋帶都𣍐堪得。伊欲用聖神及火給恁洗禮。
3:17 伊的手提簸箕欲將麥埕的麥簸清氣，麥仔收入倉庫，麥芒就用𣍐化的火給伊燒掉。」
3:17 伊的手提簸箕(13.17「簸箕」是一種農具，用來分開麥仔及麥芒。*)欲將麥埕簸清氣，麥仔收入倉庫，麥芒(23.17「麥芒」是麥稿較幼的部份。麥稿是麥仔摔了的麥欉。*)就用𣍐化的火給伊燒掉。」
3:18 約翰對民眾傳福音，用真多無仝款的講法給𪜶勸勉。
3:18 約翰對民眾傳福音，用真多無仝款的講法給𪜶勸勉。
3:19 不過約翰責備分封的王希律，因為伊有娶弟婦希羅底做某，閣因為伊有做真多歹代誌。
3:19 不過約翰責備分封的王希律，因為伊有娶弟婦希羅底做某，閣因為伊有做真多歹代誌。
3:20 諸個以外，伊有做一項閣較歹的代誌，就是給約翰關落監。
3:20 諸個以外，伊有做一項閣較歹的代誌，就是給約翰關落監。
耶穌領受洗禮
3:21 ( 太 3:13-17 可 1:9-11 )
民眾攏領受洗禮了後，耶穌嘛來領受洗禮。伊啲祈禱的時，天開，
耶穌領受洗禮
3:21 ( 太3:13-17 可1:9-11 )
民眾攏領受洗禮了後，耶穌嘛來領受洗禮。伊啲祈禱的時，天開，
3:22 聖神降落佇伊頂面，形狀親像粉鳥；閣對天有聲講：
你是我所疼的子，
你，我真意愛。
3:22 聖神降落佇伊頂面，形狀親像粉鳥；閣對天有聲講：
你是我所疼的子，
你，我真意愛。
耶穌的家譜
3:23 ( 太 1:1-17 )
耶穌開始傳道的時，約三十歲。眾人看伊做約瑟的子，約瑟是希里的子，
耶穌的家譜
3:23 ( 太1:1-17 )
耶穌開始傳道的時，約三十歲。眾人看伊做約瑟的子，約瑟是希里的子，
3:24 希里是瑪塔的子，瑪塔是利未的子，利未是麥基的子，麥基是雅拿的子，雅拿是約瑟的子，
3:24 希里是瑪塔的子，瑪塔是利未的子，利未是麥基的子，麥基是雅拿的子，雅拿是約瑟的子，
3:25 約瑟是瑪他提亞的子，瑪他提亞是亞摩斯的子，亞摩斯是拿鴻的子，拿鴻是以斯利的子，以斯利是拿該的子，
3:25 約瑟是瑪他提亞的子，瑪他提亞是阿摩司的子，阿摩司是那鴻的子，那鴻是以斯利的子，以斯利是拿該的子，
3:26 拿該是瑪押的子，瑪押是瑪他提亞的子，瑪他提亞是西美的子，西美是約色克的子，約色克是約大的子，
3:26 拿該是瑪押的子，瑪押是瑪他提亞的子，瑪他提亞是西美的子，西美是約色克的子，約色克是約大的子，
3:27 約大是約亞拿的子，約亞拿是利撒的子，利撒是所羅巴伯的子，所羅巴伯是撒拉鐵的子，撒拉鐵是尼利的子，
3:27 約大是約亞拿的子，約亞拿是利撒的子，利撒是所羅巴伯的子，所羅巴伯是撒拉鐵的子，撒拉鐵是尼利的子，
3:28 尼利是麥基的子，麥基是亞底的子，亞底是哥桑的子，哥桑是以摩當的子，以摩當是珥的子，
3:28 尼利是麥基的子，麥基是亞底的子，亞底是哥桑的子，哥桑是以摩當的子，以摩當是珥的子，
3:29 珥是約細的子，約細是以利以謝的子，以利以謝是約令的子，約令是瑪塔的子，瑪塔是利未的子，
3:29 珥是約細的子，約細是以利以謝的子，以利以謝是約令的子，約令是瑪塔的子，瑪塔是利未的子，
3:30 利未是西緬的子，西緬是猶大的子，猶大是約瑟的子，約瑟是約南的子，約南是以利亞敬的子，
3:30 利未是西緬的子，西緬是猶大的子，猶大是約瑟的子，約瑟是約南的子，約南是以利亞敬的子，
3:31 以利亞敬是米利亞的子，米利亞是買南的子，買南是瑪達他的子，瑪達他是拿單的子，拿單是大闢的子，
3:31 以利亞敬是米利亞的子，米利亞是買南的子，買南是瑪達他的子，瑪達他是拿單的子，拿單是大衛的子，
3:32 大闢是耶西的子，耶西是俄備得的子，俄備得是波阿斯的子，波阿斯是撒門的子，撒門是拿順的子，
3:32 大衛是耶西的子，耶西是俄備得的子，俄備得是波阿斯的子，波阿斯是撒門(33.32有抄本是「沙拉」。*)的子，撒門是拿順的子，
3:33 拿順是亞米拿達的子，亞米拿達是亞民的子，亞民是亞尼的子，亞尼是希斯崙的子，希斯崙是法勒斯的子，法勒斯是猶大的子，
3:33 拿順是亞米拿達的子，亞米拿達是亞民的子，亞民是亞尼的子，亞尼是希斯崙的子，希斯崙是法勒斯的子，法勒斯是猶大的子，
3:34 猶大是雅各的子，雅各是以撒的子，以撒是亞伯拉罕的子，亞伯拉罕是他拉的子，他拉是拿鶴的子，
3:34 猶大是雅各的子，雅各是以撒的子，以撒是亞伯拉罕的子，亞伯拉罕是他拉的子，他拉是拿鶴的子，
3:35 拿鶴是西鹿的子，西鹿是拉吳的子，拉吳是法勒的子，法勒是希伯的子，希伯是沙拉的子，
3:35 拿鶴是西鹿的子，西鹿是拉吳的子，拉吳是法勒的子，法勒是希伯的子，希伯是沙拉的子，
3:36 沙拉是該南的子，該南是亞法撒的子，亞法撒是閃的子，閃是挪亞的子，挪亞是拉麥的子，
3:36 沙拉是該南的子，該南是亞法撒的子，亞法撒是閃的子，閃是挪亞的子，挪亞是拉麥的子，
3:37 拉麥是瑪土撒拉的子，瑪土撒拉是以諾的子，以諾是雅列的子，雅列是瑪勒列的子，瑪勒列是該南的子，
3:37 拉麥是瑪土撒拉的子，瑪土撒拉是以諾的子，以諾是雅列的子，雅列是瑪勒列的子，瑪勒列是該南的子，
3:38 該南是以挪士的子，以挪士是塞特的子，塞特是亞當的子，亞當是上帝的子。
3:38 該南是以挪士的子，以挪士是塞特的子，塞特是亞當的子，亞當是上帝的子。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。