上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
耶穌的出世
2:1 ( 太 1:18-25 )
彼時，羅馬皇帝奧古斯都頒布命令，叫全國的人民攏登記戶口。
耶穌的出世
2:1 ( 太1:18-25 )
彼時，羅馬皇帝奧古斯都頒布命令，叫全國的人民攏登記戶口。
2:2 此個頭一遍的戶口普查是居里扭做敘利亞總督的時實施的。
2:2 此個頭一遍的戶口普查是居里扭做敘利亞總督的時實施的。
2:3 眾人攏轉去家己的故鄉登記戶口。
2:3 眾人攏轉去家己的故鄉登記戶口。
2:4 約瑟嘛對加利利的拿撒勒去猶太的伯利恆，就是大闢出世的城，因為伊屬大闢的家，是大闢的世系。
2:4 約瑟嘛對加利利的拿撒勒去猶太的伯利恆，就是大衛出世的城，因為伊屬大衛的家，是大衛的世系。
2:5 約瑟及伊的未婚妻馬利亞做夥去登記。彼時，馬利亞已經懷孕。
2:5 約瑟及伊的未婚妻馬利亞做夥去登記。彼時，馬利亞已經懷孕。
2:6 𪜶佇遐的時，馬利亞生產的時到，
2:6 𪜶佇遐的時，馬利亞生產的時到，
2:7 就生頭上子；伊用布給伊包，互伊睏佇槽裡，因為客館無所在通互𪜶住。
2:7 就生頭上子；伊用布給伊包，互伊睏佇槽裡，因為客館無所在通互𪜶住。
牧者及天使
2:8 彼地區有一寡顧羊的人佇野外，暝時輪流啲顧𪜶的羊群。
牧者及天使
2:8 彼地區有一寡顧羊的人佇野外，暝時輪流啲顧𪜶的羊群。
2:9 主的一個天使對𪜶出現；主的榮光四面給𪜶照，𪜶就非常驚惶。
2:9 主的一個天使對𪜶出現；主的榮光四面給𪜶照，𪜶就非常驚惶。
2:10 天使給𪜶講：「毋免驚！我給恁報一個欲互萬民大歡喜的好消息。
2:10 天使給𪜶講：「免驚！我給恁報一個欲互萬民大歡喜的好消息。
2:11 今仔日，佇大闢城有一位救主為著恁出世，就是主基督。
2:11 今仔日，佇大衛的城有一位救主為著恁出世，就是主基督。
2:12 恁會看著一個嬰仔用布包啲倒佇槽裡；這互恁做記號。」
2:12 恁會看著一個嬰仔用布包啲倒佇槽裡；這互恁做記號。」
2:13 忽然，有一大陣天軍及彼個天使做夥頌讚上帝講：
2:13 忽然，有一大陣天軍及彼個天使做夥頌讚上帝講：
2:14 願榮光歸佇至高的上帝；
願伊賜和平互地上伊所意愛的人。
2:14 願榮光歸佇至高的上帝；
願伊賜和平互地上伊所意愛的人。
2:15 諸個天使離開𪜶上天的時，顧羊的攏講：「咱來去伯利恆，看主報咱知此個所發生的代誌。」
2:15 諸個天使離開𪜶上天的時，顧羊的攏講：「咱來去伯利恆，看主報咱知此個所發生的代誌。」
2:16 𪜶就趕緊去，尋著馬利亞及約瑟，以及倒佇槽裡的嬰仔。
2:16 𪜶就趕緊去，尋著馬利亞及約瑟，以及倒佇槽裡的嬰仔。
2:17 𪜶看了，就將天使對𪜶講此個嬰仔的代誌報人知。
2:17 𪜶看了，就將天使對𪜶講此個嬰仔的代誌報人知。
2:18 聽著顧羊的所講諸個話的人攏感覺真奇怪。
2:18 聽著顧羊的所講諸個話的人攏感覺真奇怪。
2:19 不過馬利亞將諸個代誌攏囥佇心內，不時啲想。
2:19 不過馬利亞將諸個代誌攏囥佇心內，不時啲想。
2:20 顧羊的轉去，因為所聽見所看著一切的代誌攏及天使對𪜶講的完全仝款，就將榮光稱讚歸互上帝。
2:20 顧羊的轉去，因為所聽見所看著一切的代誌攏及天使對𪜶講的完全仝款，就將榮光稱讚歸互上帝。
2:21 嬰仔出世第八日，給伊割禮的日到，𪜶就給伊號名叫做耶穌；此個名是馬利亞猶未懷孕的時天使給伊號的。
2:21 出世第八日，給嬰仔割禮的日到，𪜶就給伊號名叫做耶穌；此個名是馬利亞猶未懷孕的時天使給伊號的。
將耶穌獻互主
2:22 照摩西的律法，潔淨禮的日過了，約瑟及馬利亞抱嬰仔去耶路撒冷欲將伊獻互主。
將耶穌獻互主
2:22 照摩西的律法，潔淨禮的日過了，約瑟及馬利亞抱嬰仔去耶路撒冷欲將伊獻互主。
2:23 照主的律法記載：「頭一胎的查甫子攏著聖別歸互主。」
2:23 照主的律法記載：「頭一胎的查甫子攏著聖別歸互主。」
2:24 閣照主的律法規定著獻一對斑鴿，抑是兩隻粉鳥仔子做牲禮。
2:24 閣照主的律法規定著獻「一對斑鳩，抑是兩隻粉鳥仔子」做牲禮。
2:25 彼時，佇耶路撒冷有一個人名叫做西緬。此個人義閣敬虔，一直啲期待以色列的復興。聖神有及伊同在。
2:25 彼時，佇耶路撒冷有一個人名叫做西緬。此個人義閣敬虔，一直啲期待以色列的復興。聖神有及伊同在。
2:26 伊得著聖神的啟示，知影伊死以前一定會看著主所應允的基督。
2:26 伊得著聖神的啟示，知影伊死以前一定會看著主所應允的基督。
2:27 伊互聖神感動入去聖殿。抵彼時，耶穌的父母抱嬰仔耶穌入來，欲照律法的慣例給伊舉行儀式。
2:27 伊互聖神感動入去聖殿。抵彼時，耶穌的父母抱嬰仔耶穌入來，欲照律法的慣例給伊舉行儀式。
2:28 西緬用雙手抱嬰仔，稱讚上帝講：
2:28 西緬用雙手抱嬰仔，稱讚上帝講：
2:29 主啊，今照你的話，
互你的僕人平平安安離開世間；
2:29 主啊，今照你的話，
互你的奴僕平平安安離開世間；
2:30 因為我已經有親目看著你的拯救，
2:30 因為我已經有親目看著你的拯救，
2:31 就是你為萬民所準備的。
2:31 就是你佇萬民面前所準備的。
2:32 伊做啟示外邦人的光，
做你的子民以色列的榮光。
2:32 伊做啟示外邦人的光，
做你的子民以色列的榮光。
2:33 耶穌的父母聽著西緬講起關係嬰仔的事，真著驚。
2:33 耶穌的父母聽著西緬講起關係嬰仔的事，真著驚。
2:34 西緬給𪜶祝福，閣對嬰仔的老母馬利亞講：「此個嬰仔受選立是欲互以色列中真多人跋倒，真多人𬦰起來，閣成做受攻擊的記號，
2:34 西緬給𪜶祝福，閣對嬰仔的老母馬利亞講：「此個嬰仔受選立是欲互以色列中真多人跋倒，真多人𬦰起來，閣成做受攻擊的記號，
2:35 互真多人心內的意念露現；你本身的心嘛會互利劍鑿迵過。」
2:35 互真多人心內的意念露現；你本身的心嘛會互利劍鑿透過。」
2:36 閣有一個女先知安娜，是亞設支族的法內力的查某子。伊已經真老。伊結婚了及丈夫生活七年，
2:36 閣有一個女先知安娜，是亞設支族的法內力的查某子。伊已經真老。伊結婚了及丈夫生活七年，
2:37 現在已經八十四歲。伊攏無離開聖殿，暝日服事上帝，禁食祈禱。
2:37 現在已經八十四歲。(12.37「現在已經八十四歲」嘛通譯做「現在已經守寡八十四年」。*)伊攏無離開聖殿，暝日服事上帝，禁食祈禱。
2:38 抵彼時，伊嘛來感謝上帝，對所有啲期待上帝救贖耶路撒冷的人講起此個嬰仔的事。
2:38 抵彼時，伊嘛來感謝上帝，對所有啲期待上帝救贖耶路撒冷的人講起此個嬰仔的事。
轉去拿撒勒
2:39 約瑟及馬利亞照主的律法完成一切的規定就轉去加利利，到𪜶的故鄉拿撒勒。
轉去拿撒勒
2:39 約瑟及馬利亞照主的律法完成一切的規定就轉去加利利，到𪜶的故鄉拿撒勒。
2:40 此個囝仔漸漸大漢，日日勇壯，充滿智慧；上帝的恩惠及伊同在。
2:40 此個囝仔漸漸大漢，日日勇壯，充滿智慧；上帝的恩惠及伊同在。
囝仔耶穌佇聖殿
2:41 耶穌的父母逐年攏有去耶路撒冷守𨃟過節。
囝仔耶穌佇聖殿
2:41 耶穌的父母逐年攏有去耶路撒冷守𨃟過節。
2:42 耶穌十二歲的時，𪜶嘛照慣例上去。
2:42 耶穌十二歲的時，𪜶嘛照慣例上去。
2:43 節期煞，𪜶出發欲轉去，囝仔耶穌留佇耶路撒冷。伊的父母攏毋知，
2:43 節期煞，𪜶出發欲轉去，囝仔耶穌留佇耶路撒冷。伊的父母攏知，
2:44 想做伊是佇做夥行彼陣人的中間。𪜶行一日的路程了後，才開始佇親族及熟似人的中間啲尋。
2:44 想做伊是佇做夥行彼陣人的中間。𪜶行一日的路程了後才開始佇親族及熟似人的中間啲尋。
2:45 𪜶尋無，就倒轉去耶路撒冷尋，
2:45 𪜶尋無，就倒轉去耶路撒冷尋，
2:46 三日後才佇聖殿看著伊坐佇教師的中間，也啲聽也啲問。
2:46 三日後才佇聖殿看著伊坐佇教師的中間，也啲聽也啲問。
2:47 所有聽著伊講話的人攏因為伊聰明的應答感覺著驚奇怪。
2:47 所有聽著伊講話的人攏因為伊聰明的應答感覺著驚奇怪。
2:48 伊的父母看著伊，非常著驚。伊的老母對伊講：「子啊，你哪通按呢對待阮？你看，你的老父及我真煩惱，一直啲尋你！」
2:48 伊的父母看著伊，非常著驚。伊的老母對伊講：「子啊，你哪通按呢對待阮？你看咧，你的老父及我真煩惱一直啲尋你！」
2:49 耶穌應講：「恁哪著尋我？豈毋知我一定著佇我的父的厝？」
2:49 耶穌應講：「恁哪著尋我？豈知我一定著佇我的父的厝？」(22.49「佇我的父的厝」嘛通譯做「用我的父的事做要緊」。*)
2:50 不過𪜶𣍐了解伊對𪜶講的話。
2:50 不過𪜶𣍐了解伊對𪜶講的話。
2:51 後來耶穌及𪜶做夥轉去拿撒勒，事事順趁𪜶。伊的老母將諸個代誌攏囥佇心內。
2:51 後來耶穌及𪜶做夥轉去拿撒勒，事事順趁𪜶。伊的老母將諸個代誌攏囥佇心內。
2:52 耶穌的智慧及年歲愈加添；上帝及人嘛愈疼伊。
2:52 耶穌的智慧及年歲愈加添；上帝及人嘛愈疼伊。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。