上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
路加福音
序言
1:1 所尊敬的提阿非羅先生：佇阮中間所發生的代誌，已經有真多人整理閣編寫；
序言
1:1 所尊敬的提阿非羅先生：佇阮中間所發生的代誌，已經有真多人整理閣編寫；
1:2 諸個代誌是照許個對起頭就親目看見的人及傳道的人所傳授互阮的。
1:2 諸個代誌是照許個對起頭就親目看見的人及傳道的人所傳授互阮的。
1:3 諸個攏總的代誌，我有對頭到尾詳細查考，才想講著為著你照順序寫出來，
1:3 諸個攏總的代誌，我有對頭到尾詳細查考，才想講著為著你照順序寫出來，
1:4 互你通明白所學習的道理是確實。
1:4 互你通明白所學習的道理是確實。
預告施洗者約翰的出世
1:5 希律做猶太王的時，有一個亞比雅班的祭司，名叫做撒迦利亞；伊的某伊利莎白嘛是祭司亞倫的後代。
預告施洗者約翰的出世
1:5 希律做猶太王的時，有一個亞比雅班的祭司，名叫做撒迦利亞；伊的某伊利莎白嘛是祭司亞倫的後代。
1:6 𪜶兩人完全遵守主一切的誡命及規例，互上帝看做義人。
1:6 𪜶兩人完全遵守主一切的誡命及規例，互上帝看做義人。
1:7 𪜶無子，因為伊利莎白𣍐生，𪜶兩人嘛攏已經真老。
1:7 𪜶無子，因為伊利莎白𣍐生，𪜶兩人嘛攏已經真老。
1:8 有一日，撒迦利亞值班，佇上帝的面前執行祭司的職務。
1:8 有一日，撒迦利亞值班，佇上帝的面前執行祭司的職務。
1:9 照祭司職的規例，伊抽著籤入去主的聖所燒香。
1:9 照祭司職的規例，伊抽著鬮入去主的聖所燒香。
1:10 伊啲燒香的時，歸大陣民眾佇外面啲祈禱。
1:10 伊啲燒香的時，歸大陣民眾佇外面啲祈禱。
1:11 有主的一個天使顯現，徛佇香壇的正旁。
1:11 有主的一個天使顯現，徛佇香壇的正旁。
1:12 撒迦利亞一下看著真著驚，非常不安。
1:12 撒迦利亞一下看著真著驚，非常不安。
1:13 天使給伊講：「撒迦利亞，毋免驚，因為上帝已經聽著你的祈禱；你的某伊利莎白會給你生一個後生。你著給伊號名叫做約翰。
1:13 天使給伊講：「撒迦利亞，免驚，因為上帝已經聽著你的祈禱；你的某伊利莎白會給你生一個後生。你著給伊號名叫做約翰。
1:14 你會歡喜快樂；真多人嘛會因為伊的出世來歡喜，
1:14 你會歡喜快樂；真多人嘛會因為伊的出世來歡喜，
1:15 因為伊佇主的面前會做大人物。薄酒厚酒伊攏𣍐用得飲。伊猶佇母胎就互聖神充滿。
1:15 因為伊佇主的面前會做大人物。薄酒厚酒伊攏𣍐用得飲。伊猶佇母胎就互聖神充滿。
1:16 伊會互真多以色列的子孫歸向主 — 𪜶的上帝。
1:16 伊會互真多以色列的子孫歸向主—𪜶的上帝。
1:17 伊會用先知以利亞的精神及能力來做主的先鋒。伊會互父母及子兒和好，互背逆的人轉向來隨義人的意念，互子民準備好勢通迎接主。」
1:17 伊會用先知以利亞的精神及能力來做主的先鋒。伊會互父母及子兒和好，互背逆的人轉向來隨義人的意念，互子民準備便通迎接主。」
1:18 撒迦利亞對天使講：「我著按怎才會知此個代誌？我已經老，我的某嘛赫多歲啊。」
1:18 撒迦利亞對天使講：「我著按怎才會知此個代誌？我已經老，我的某嘛赫多歲啊。」
1:19 天使應講：「我是啲侍候上帝的加百列，受派來傳話，對你報此個好消息。
1:19 天使應講：「我是啲伺候上帝的加百列，受派來傳話，對你報此個好消息。
1:20 你會啞口𣍐講話，一直到諸個代誌應驗彼日，因為你無相信我所講時到會實現諸個話。」
1:20 到諸個代誌應驗彼日，你會啞口𣍐講話，因為你無相信我所講時到會實現諸個話。」
1:21 彼時，民眾啲聽候撒迦利亞，𪜶真奇怪伊哪會入去聖所赫呢久。
1:21 彼時，民眾啲聽候撒迦利亞，𪜶真奇怪伊哪會入去聖所赫呢久。
1:22 伊出來的時煞𣍐當對𪜶講話，𪜶才知伊佇聖所有看見異象。伊𣍐講話，一直對𪜶比手。
1:22 伊出來的時煞𣍐當對𪜶講話，𪜶才知伊佇聖所有看見異象。伊𣍐講話，一直對𪜶比手。
1:23 撒迦利亞服事的日期過了就轉去厝裡。
1:23 撒迦利亞服事的日期過了就轉去厝裡。
1:24 過無偌久，伊的某伊利莎白懷孕，五月日久無出門。
1:24 過無偌久，伊的某伊利莎白懷孕，五月日久無出門。
1:25 伊利莎白講：「主即呢看顧我，給我除去佇人面前的見笑。」
1:25 伊利莎白講：「主即呢看顧我，給我除去佇人面前的見笑。」
預告耶穌的出世
1:26 伊利莎白懷孕第六個月，天使加百列奉上帝差派到加利利一個城，叫做拿撒勒，
預告耶穌的出世
1:26 伊利莎白懷孕第六月日，天使加百列奉上帝差派到加利利一個城，叫做拿撒勒，
1:27 去見一個在室女，名叫做馬利亞。此個在室女已經及大闢家一個叫做約瑟的人定婚。
1:27 去見一個在室女，名叫做馬利亞。此個在室女已經及大衛家一個叫做約瑟的人定婚。
1:28 天使到馬利亞遐，對伊講：「平安！你是眾婦女中間上有福氣的；主及你同在！」
1:28 天使到馬利亞遐，對伊講：「平安！你是眾婦女中間上有福氣的；主及你同在！」
1:29 馬利亞因為諸個話非常不安，心內一直啲想此個請安是什麼意思。
1:29 馬利亞因為諸個話非常不安，心內一直啲想此個請安是什麼意思。
1:30 天使對伊講：「馬利亞，毋免驚，因為你有得著上帝賜福。
1:30 天使對伊講：「馬利亞，免驚，因為你有得著上帝賜福。
1:31 你會懷孕生一個後生，你著給伊號名叫做耶穌。
1:31 你會懷孕生一個後生，你著給伊號名叫做耶穌。
1:32 伊會做大人物，人會稱呼伊做至高上帝的子。主上帝會將伊祖先大闢的王位互伊。
1:32 伊會做大人物，人會稱呼伊做至高上帝的子。主上帝會將伊祖先大衛的王位互伊。
1:33 伊會永遠統治雅各的子孫；伊的王國無窮盡。」
1:33 伊會永遠統治雅各的子孫；伊的王國無窮盡。」
1:34 馬利亞對天使講：「我猶未出嫁，哪會有此款代誌？」
1:34 馬利亞對天使講：「我猶未出嫁，哪會有此款代誌？」
1:35 天使應講：「聖神欲臨到你，至高上帝的權能欲致蔭你。因為按呢，彼個啲欲出世的嬰仔是聖的，人會稱呼伊做上帝的子。
1:35 天使應講：「聖神欲臨到你，至高上帝的權能欲致蔭你。因為按呢，彼個啲欲出世的嬰仔是聖的，人會稱呼伊做上帝的子。
1:36 你看，你的親成伊利莎白，伊雖然年老，嘛已經懷孕欲生一個後生。人講伊𣍐生，毋拘伊已經有身六月日。
1:36 你看，你的親成伊利莎白，伊雖然年老，嘛已經懷孕欲生一個後生。人講伊𣍐生，拘伊已經有娠六月日。
1:37 因為上帝無一項代誌做𣍐到。」
1:37 因為上帝無一項代誌做𣍐到。」
1:38 馬利亞講：「我是主的女婢，願照你的話佇我身上實現。」天使就離開伊。
1:38 馬利亞講：「我是主的女婢，願照你的話佇我身上實現。」天使就離開伊。
馬利亞訪問伊利莎白
1:39 過無偌久，馬利亞出發，趕緊去猶大山地的一個城。
馬利亞訪問伊利莎白
1:39 過無偌久，馬利亞出發，趕緊去猶大山地的一個城。
1:40 伊入去撒迦利亞的厝，給伊利莎白請安。
1:40 伊入去撒迦利亞的厝，給伊利莎白請安。
1:41 伊利莎白聽著馬利亞的請安，腹肚內的嬰仔就趒跳。伊利莎白互聖神充滿，
1:41 伊利莎白聽著馬利亞的請安，腹肚內的嬰仔就趒跳。伊利莎白互聖神充滿，
1:42 大聲講：「婦仁人中你上受祝福！你腹肚內的囝仔嘛受祝福！
1:42 大聲講：「婦仁人中你上受祝福！你腹肚內的囝仔嘛受祝福！
1:43 我的主的老母來訪問我，我哪會堪得？
1:43 我的主的老母來訪問我，我哪會堪得？
1:44 因為我一下聽著你請安的聲，腹肚內的嬰仔就歡喜趒跳。
1:44 因為我一下聽著你請安的聲，腹肚內的嬰仔就歡喜趒跳。
1:45 相信主講的話一定會實現彼個婦仁人真有福氣！」
1:45 相信主講的話一定會實現彼個婦仁人真有福氣！」
馬利亞頌讚主
1:46 馬利亞講：
我的心尊主做大；
馬利亞頌讚主
1:46 馬利亞講：
我的心尊主做大；
1:47 我的神因為上帝 — 我的救主來歡喜。
1:47 我的神因為上帝—我的救主來歡喜。
1:48 因為主有看顧伊卑微的女婢。
對今以後，萬世代的人攏會講我有福氣，
1:48 因為主有看顧伊卑微的女婢。
對今以後，萬世代的人攏會講我有福氣，
1:49 因為全能的上帝為著我做偉大的代誌；
伊的名是聖。
1:49 因為全能的上帝為著我做偉大的代誌；
伊的名是聖。
1:50 對敬畏伊的人，
伊憐憫𪜶到世世代代。
1:50 對敬畏伊的人，
伊憐憫𪜶到世世代代。
1:51 伊伸出權能的手，
趕散心驕傲的人。
1:51 伊伸出權能的手，
趕散心驕傲的人。
1:52 伊將掌權的對寶座拖落來，
卑微的人給𪜶高升。
1:52 伊將掌權的對寶座拖落來，
卑微的人給𪜶高升。
1:53 枵餓的人，伊用好物互𪜶飽足；
好額的人，伊趕𪜶空手出去。
1:53 枵餓的人，伊用好物互𪜶飽足；
好額的人，伊趕𪜶空手出去。
1:54 伊扶助伊的僕人以色列，
會記得給𪜶憐憫；
1:54 伊扶助伊的僕人以色列，
記得給𪜶憐憫；
1:55 照伊對咱祖先的應允，
憐憫亞伯拉罕及伊的子孫到永遠。
1:55 照伊對咱祖先的應允，
憐憫亞伯拉罕及伊的子孫到永遠。
1:56 馬利亞及伊利莎白做夥住差不多三個月，然後轉去𪜶兜。
1:56 馬利亞及伊利莎白做夥住差不多三月日，然後轉去𪜶兜。
施洗者約翰的出世
1:57 伊利莎白生產的日期已經到，就生一個後生。
施洗者約翰的出世
1:57 伊利莎白生產的日期已經到，就生一個後生。
1:58 厝邊及親族聽講主有大大憐憫伊，就及伊做夥歡喜。
1:58 厝邊及親族聽講主有大大憐憫伊，就及伊做夥歡喜。
1:59 囝仔出世第八日，𪜶來欲給伊割禮，閣照𪜶老父的名叫伊做撒迦利亞。
1:59 囝仔出世第八日，𪜶來欲給伊割禮，閣照𪜶老父的名叫伊做撒迦利亞。
1:60 總是伊的老母講：「毋通！著給伊號名叫做約翰。」
1:60 總是伊的老母講：「通！著給伊號名叫做約翰。」
1:61 𪜶對伊講：「恁親族中無人號此個名。」
1:61 𪜶對伊講：「恁親族中無人號此個名。」
1:62 𪜶就用手比，問囝仔的老父看欲給伊號什麼名。
1:62 𪜶就用手比，問囝仔的老父看欲給伊號什麼名。
1:63 撒迦利亞給𪜶討一塊寫字板，寫講：「伊的名是約翰。」大家攏著驚。
1:63 撒迦利亞給𪜶討一塊寫字板，寫講：「伊的名是約翰。」大家攏著驚。
1:64 撒迦利亞隨時開嘴講話，稱讚上帝。
1:64 撒迦利亞隨時開嘴講話，稱讚上帝。
1:65 厝邊隔壁攏真著驚；全猶太的山地攏啲談論此項代誌。
1:65 厝邊隔壁攏真著驚；全猶太的山地攏啲談論此項代誌。
1:66 聽著此項代誌的人想講：「此個嬰仔將來會成做什麼款人？」因為有主的權能及伊同在。
1:66 聽著此項代誌的人想講：「此個嬰仔將來會成做什麼款人？」因為有主的權能及伊同在。
撒迦利亞的預言
1:67 約翰的老父撒迦利亞互聖神充滿，預言講：
撒迦利亞的預言
1:67 約翰的老父撒迦利亞互聖神充滿，預言講：
1:68 著稱讚主 — 以色列的上帝！
因為伊有看顧閣救贖伊的子民。
1:68 著稱讚主—以色列的上帝！
因為伊有看顧閣救贖伊的子民。
1:69 伊對伊的僕人大闢的家，
給咱設立一位有大氣力的拯救者。
1:69 伊對伊的僕人大衛的家，
給咱設立一位有大氣力的拯救者。
1:70 照伊佇古早通過伊聖先知的嘴應允講：
1:70 照伊佇古早通過伊聖先知的嘴應允講：
1:71 伊欲拯救咱脫離咱的對敵，
脫離一切怨恨咱的人的手。
1:71 伊欲拯救咱脫離咱的對敵，
脫離一切怨恨咱的人的手。
1:72 伊應允欲憐憫咱的祖先，
閣會記得伊所立神聖的約，
1:72 伊應允欲憐憫咱的祖先，
閣記得伊所立神聖的約，
1:73 就是伊對咱的祖先亞伯拉罕所立的約。
伊欲救咱脫離對敵的手，
互咱無驚惶，
一世人佇伊的面前
用聖潔公義服事伊。
1:73 就是伊對咱的祖亞伯拉罕所立的約。
伊欲救咱脫離對敵的手，
互咱無驚惶，
一世人佇伊的面前，
用聖潔公義服事伊。
1:74 併於上節
1:74 併於上節
1:75 併於上節
1:75 併於上節
1:76 細子啊，你會互人稱呼做至高上帝的先知；
因為你會做主的先鋒來準備伊欲行的路，
1:76 細子啊，你會互人稱呼做至高上帝的先知；
因為你會做主的先鋒來準備伊欲行的路，
1:77 互伊的子民因為罪得著赦免，
通明白上帝的拯救。
1:77 互伊的子民因為罪得著赦免
通明白上帝的拯救。
1:78 因為咱的上帝溫柔慈悲；
伊互清早的日頭對天頂照咱，
1:78 因為咱的上帝溫柔慈悲；
伊互清早的日頭對天頂照咱，
1:79 照咱諸個𫢶佇烏暗及死亡蔭影下的人，
引導咱的腳行入和平的路。
1:79 照咱諸個𫢶佇烏暗及死亡蔭影下的人，
引導咱的腳行入和平的路。
1:80 此個囝仔漸漸大漢，心靈日日勇壯。伊住曠野，一直到伊佇以色列人的中間公開出現彼日。
1:80 此個囝仔漸漸大漢，心靈日日勇壯。伊住曠野，一直到伊佇以色列人的中間公開出現彼日。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。