上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
10
造銀號頭
耶和華吩咐摩西講：
2 「你著用銀拍二支號頭，用拍的法來做，互你用來聚集會眾，也互逐營起身。
3 歕許個的時，全會眾人著到你遐，聚集佇會幕門口。
4 若干單歕一支，眾首領，就是以色列的族長，著聚集到你遐。
5 歕大聲的時，東旁所安的營攏著起身。
6 第二擺歕大聲的時，南旁所安的營著起身。𪜶欲起身，的確歕大聲。
7 若欲聚集會眾，恁著歕號頭，總是通歕大聲。
8 亞倫的子孫做祭司的著歕許個號頭；這欲做恁代代永遠的例。
9 恁佇本地，及欺壓恁的對敵交戰，就著用號頭歕大聲，就佇耶和華──恁的上帝的面前得著紀念，也欲得著救脫離恁的對敵。
10 也佇恁快樂的日及節期，及月的初一，是佇恁獻燒祭及謝恩祭的時，也著歕號頭，這攏欲佇恁的上帝的面前做紀念。我是耶和華──恁的上帝。」
以色列人起程
11 第二年二月二十日，雲對證據的會幕收上去。
12 以色列人就照𪜶的路站起身，離開西奈的曠野，雲停佇巴蘭的曠野。
13 這是𪜶照耶和華託摩西所命令的，頭一擺起身。
14 照𪜶的軍隊做頭起身的是猶大族的營的大旗。軍隊的統領是亞米拿達的子拿順。
15 以薩迦支派軍隊的統領是蘇押的子拿坦業。
16 西布倫的支派軍隊的統領是希倫的子以利押。
17 會幕就拆起來，扛會幕的革順的子孫及米拉利的子孫起身行。
18 照伊的軍隊流便營的大旗起身。伊的軍隊的統領是示丟珥的子以利蓿。
19 西緬支派軍隊的統領是蘇利沙代的子示路蔑。
20 迦得支派軍隊的統領是丟珥的子以利雅薩。
21 哥轄人扛聖物的起身行。𪜶未到的代先，許個人會幕已經搭好。
22 照伊的軍隊以法蓮營的大旗起身，伊的軍隊的統領是亞米忽的子以利沙瑪。
23 瑪拿西支派軍隊的統領是比大蓿的子迦瑪列。
24 便雅憫支派軍隊的統領是基多尼的子亞比但。
25 做諸個營的路尾隊的是但的營的大旗，照伊的軍隊起身。伊的軍隊的統領是亞米沙代的子亞希以謝。
26 亞設支派軍隊的統領是俄蘭的子帕結。
27 拿弗他利支派軍隊的統領是以南的子亞希拉。
28 以色列人照伊的軍隊起身，伊的隊伍就是按呢。
29 摩西對伊的外戚米甸人流珥的子何巴講：「阮欲去耶和華所曾講：『我用伊賞賜恁的地。』請你及阮來去，阮欲好款待你，因為耶和華已經應允賜福氣互以色列人。」
30 伊應講：「我去；我欲倒去我的本地本族遐。」
31 摩西講：「求你通離開阮；因為你知阮佇曠野著怎樣紮營，你通做阮的目睭。
32 你若欲及阮去，見若耶和華所互阮的福氣，阮也的確按呢互你。」
百姓及約櫃起身行
33 𪜶離開耶和華的山，起身行三日的路站；耶和華的約櫃佇頭前行三日的路站，給𪜶尋安息的所在。
34 𪜶撤營起身，日時耶和華的雲佇𪜶的頂面。
35 約櫃起身的時，摩西就講：「耶和華啊，求你起來！願你的對敵四散！願怨恨你的人佇你的面前逃走！」
36 約櫃停的時，伊就講：「耶和華啊，求你倒來到以色列千千萬萬人的中間！」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。