上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
第二個𨃟過節
9:1 出埃及二年正月，耶和華佇西奈曠野命令摩西講：
9:2 「以色列人應該佇定著的日期守𨃟過節，
9:3 佇本月十四日黃昏的時，恁著佇所定著的日守伊，照伊一切的律例一切的法度來守伊。」
9:4 對按呢摩西吩咐以色列人守𨃟過節。
9:5 正月十四日黃昏的時，𪜶就佇西奈的曠野，守𨃟過節。見若耶和華所命令摩西的，以色列人攏照按呢行。
9:6 有幾若人互人的身屍染垃墋，𣍐會佇彼日守𨃟過節。當彼日𪜶到摩西、亞倫的面前，
9:7 許個人給𪜶講：「阮因為互人的身屍染垃墋，啥事阻擋阮、𣍐通佇以色列中佇所定著的日期獻禮物互耶和華啊？」
9:8 摩西給𪜶講：「恁徛啲聽候，我欲聽耶和華怎樣吩咐恁。」
9:9 耶和華吩咐摩西講：
9:10 「你著吩咐以色列人講：或是恁抑是恁的後裔的中間，若有人互身屍染垃墋，抑是遠遠佇路裡，猶原著守耶和華的𨃟過節。
9:11 𪜶著佇二月十四日黃昏的時，來守伊。參無酵餅及苦菜來食。
9:12 通留一點仔到隔早起；羊仔的骨一支也通拍折。𪜶著照𨃟過節諸個律例來守伊。
9:13 總是人若清氣也是佇路中若家己推辭守𨃟過節，著對伊的百姓中剪除彼個人；因為伊佇所定著的日無獻禮物互耶和華，彼人著擔當伊的罪。
9:14 若有外人寄腳佇恁中間，愛守耶和華的𨃟過節，伊著照𨃟過節的律例法度來行，出外人及本地人，著同一個律例來行。」
雲遮蓋會幕
9:15 ( 出 40:34-38 )
起會幕彼日，有雲遮伊的會幕，就是證據的布棚；對下昏到早起，有親像火的款式，蓋佇會幕。
9:16 常常是按呢，雲遮伊，暝時親像火的款式。
9:17 雲對布棚收上去，以色列人就起身；雲停的所在，以色列人就紮營佇遐。
9:18 以色列人照耶和華的命令起身，也照耶和華的命令安營。雲停佇會幕頂的時，𪜶猶原安營佇遐。
9:19 雲佇會幕頂停多多日，以色列人就守耶和華所交代的無起身。
9:20 有時雲佇會幕頂幾若日，𪜶照耶和華的命令猶原安營佇遐，也照耶和華的命令起身。
9:21 有時雲遮啲對下昏到早起；早起時雲收上去，𪜶就起身。無論日時暝時，雲收上去，𪜶就起身。
9:22 雲停佇會幕，無論是二日，是一月日，是一年，以色列人猶原安營佇遐無起身；總是雲收上去，𪜶就起身。
9:23 𪜶趁耶和華的命令安營，也趁耶和華的命令起身。𪜶守耶和華所交代的，攏照耶和華託摩西所命令的。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。