上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
民數記
安置七盞燈
8:1 耶和華吩咐摩西講：
8:2 「你吩咐亞倫給伊講：你點燈的時，七盞燈攏著照光燈台前。」
8:3 亞倫照按呢行。點燈照光佇燈台前，是照耶和華命令摩西的。
8:4 此個燈台的做法是用金拍的，連伊的座及伊的花攏是拍的。摩西製造燈台，是照耶和華所指示的款式。
利未人的清氣及奉獻禮
8:5 耶和華吩咐摩西講：
8:6 「你著對以色列人的中間揀出利未人，互𪜶清氣。
8:7 互𪜶清氣著按呢行：用除去罪的水灑佇𪜶身軀，閣教𪜶用剃頭刀剃通身軀，洗衣服，清氣本身。
8:8 後來𪜶著取一隻牛牨仔，及伊的素祭，就是調和油的幼麵粉；你著另外取一隻牛牨仔做贖罪祭。
8:9 你著導利未人到會幕前，聚集以色列族的全會。
8:10 閣導利未人到耶和華的面前，以色列人著按手佇利未人的頂面。
8:11 亞倫著獻利未人佇耶和華的面前，做以色列人的搖祭，互𪜶通做服事耶和華的工。
8:12 利未人著按手佇許個牛牨仔的頭殼頂；你著獻一隻做贖罪祭，閣獻一隻做燒祭，互耶和華，給利未人贖罪。
8:13 你著互利未人徛佇亞倫及伊的子的面前，獻𪜶做搖祭互耶和華。
8:14 「按呢，你著對以色列人分別利未人，就利未人欲歸佇我。
8:15 此霎了後利未人著入去做會幕的工，你著互𪜶清氣，獻𪜶做搖祭；
8:16 因為𪜶是對以色列中完全歸我者，我揀𪜶屬佇我，來替一切頭胎的就是以色列人的頭上者。
8:17 因為以色列中一切頭上生者，或是人或是精牲，攏是我的。我佇埃及地拍死一切頭上生的彼日，已經分別𪜶做聖，歸佇我。
8:18 我揀利未人替以色列人一切頭上生者。
8:19 我對以色列人中揀利未人賞賜亞倫及伊的子孫，通替以色列人做會幕的差用，閣為以色列人贖罪，免得以色列人倚近聖所的時，有災禍到以色列人的中間。」
8:20 摩西、亞倫，及以色列人全會就對利未人按呢行。見若耶和華論起利未人所命令摩西的，以色列人就對𪜶按呢行。
8:21 對按呢利未人清氣家己，除去罪，洗𪜶的衣服；亞倫將𪜶獻做搖祭佇耶和華的面前，亞倫閣為𪜶贖罪，來清氣𪜶。
8:22 然後利未人入去，佇亞倫及伊的子的面前，佇會幕中做𪜶的工。耶和華論利未人來命令摩西的，以色列人就按呢對𪜶行。
8:23 耶和華吩咐摩西講：
8:24 「論利未人是按呢：對二十五歲以上，𪜶著來會幕，做差用。
8:25 到五十歲就停工，無閣做差用，
8:26 獨獨著佇會幕，及𪜶的兄弟相及伺候，守所交代的，無閣做工論到所交代利未人的。你著對𪜶按呢行。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。