上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
利未記
節期
23:1 耶和華吩咐摩西講：
23:2 「你著吩咐以色列人給伊講：耶和華的節期，恁所著宣佈做聖會的以下諸個就是我的節期。
23:3 六日著做工，第七日是大的安息日，著做聖會；恁一切的工攏通做。佇恁一切徛起的所在這是做耶和華的聖日。
23:4 耶和華諸個節期，就是聖會恁到期所著宣佈的，就是諸個。」
逾越節及除酵節
23:5 ( 民 28:16-25 )
「正月十四日，黃昏的時，是耶和華的逾越節。
23:6 此月十五日是耶和華的除酵節；恁著食無酵餅七日久。
23:7 頭一日著有聖會，攏通做甚麼苦工；
23:8 七日久著獻火祭互耶和華。第七日是聖會，攏通做甚麼苦工。」
23:9 耶和華吩咐摩西講：
23:10 「你著吩咐以色列人給𪜶講：恁到我賞賜恁的地，收割五穀的時，著將起頭熟的五穀一捆帶來互祭司。
23:11 伊著用此捆搖佇耶和華的面前，互恁得著接納。祭司著佇安息日的隔日搖伊。
23:12 搖此捆的日，恁著將一隻未滿年、無瑕疵的綿羊牨仔獻互耶和華做燒祭。
23:13 相續獻的素祭，就是調和油的幼麵粉伊法十份的二份，做芳芳的火祭獻互耶和華，相續獻的灌奠，著用酒一欣的四份一。
23:14 無論是餅，抑是焙的五穀，抑是新的穗，恁攏通食，到恁帶禮物獻互恁的上帝彼日才通。這佇恁一切徛起的所在做恁代代永遠的例。」
五旬收穫節
23:15 ( 民 28:26-31 )
「恁著對安息日的隔日，獻稻稇做搖祭彼日為家己算起，滿七個安息日。
23:16 到第七個安息日的隔日，恁著算五十日，閣著將新的素祭獻互耶和華。
23:17 著對恁徛起的所在提出幼的麵粉伊法十份二，參酵，煏二塊搖祭的餅，做起頭熟的物獻互耶和華。
23:18 閣著用未滿年、無瑕疵的羊仔七隻、牛牨仔一隻、綿羊牨二隻，及許個餅相及獻𪜶做燒祭互耶和華。及𪜶的素祭𪜶的灌奠做芳芳的火祭獻互耶和華。
23:19 恁著獻一隻山羊牨做贖罪祭，二隻未滿年的綿羊仔做謝恩祭。
23:20 祭司著搖𪜶及起頭熟的麥的餅做搖祭佇耶和華的面前，及彼二隻羊仔著分別𪜶做聖獻互耶和華來歸互祭司。
23:21 像彼日，恁著宣佈做恁的聖會；攏通做甚麼苦工。這佇恁一切徛起的所在做逐世代永遠的例。
23:22 「恁收割田的五穀，田的角頭通割到盡，磕落的也通拾；著留互喪鄉人及出外的拾。我是耶和華。」
新年
23:23 ( 民 29:1-6 )
耶和華吩咐摩西講：
23:24 「你著吩咐以色列人講：七月初一，恁著守做聖的安息日，著歕號頭做紀念，著做聖會。
23:25 攏通做甚麼苦工；著將火祭獻互耶和華。」
贖罪日
23:26 ( 民 29:7-11 )
耶和華吩咐摩西講：
23:27 「七月初十日是贖罪的日；恁著守做聖會，閣著刻苦家己的心，也著將火祭獻互耶和華。
23:28 像此日，攏通做甚麼工；因為是贖罪的日，佇耶和華──恁的上帝的面前給恁贖罪。
23:29 像此日，見若無刻苦伊的心的，欲對百姓中受剪除。
23:30 見若佇此日做甚麼工的，我欲對百姓中除滅伊。
23:31 恁攏通做甚麼工。這佇恁一切徛起的所在做恁逐世代永遠的例。
23:32 恁著守此日做大的安息日，佇此月的初九日下昏，對彼下昏到隔下昏，著守恁的安息日。」
搭寮仔節
23:33 ( 民 29:12-40 )
耶和華吩咐摩西講：
23:34 「你著給以色列人講：此個七月十五日是搭寮仔節，七日久給耶和華守伊。
23:35 頭一日著有聖會，通做甚麼苦工。
23:36 恁七日久著將火祭獻互耶和華。第八日著守聖會，著將火祭獻互耶和華。這是嚴肅會，攏通做甚麼苦工。
23:37 「這是耶和華諸個節，恁著宣佈做聖會的；著將火祭、燒祭、素祭、祭物、及灌奠獻互耶和華，各照伊的日期。
23:38 這是佇耶和華見安息日以外，閣佇恁的禮物以外及恁所下的願以外，及甘心獻的以外就是恁所獻互耶和華的。
23:39 「閣佇七月十五日，恁已經收土產的時，著守耶和華的節七日久。頭一日做聖的安息；第八日也做聖的安息。
23:40 頭一日著挽好樹的果子及棗樹的枝，及艷樹的椏及河邊的柳，佇耶和華──恁上帝的面前歡喜七日久。
23:41 逐年七月間，恁著七日久給耶和華守此個節。這是恁逐世代永遠的例。
23:42 恁著𫢶佇草寮仔內七日久；見若以色列本地人攏著𫢶佇草寮仔內，
23:43 通互恁逐代知，我導以色列人出埃及地的時我互𪜶𫢶佇草寮仔內。我是耶和華──恁的上帝。」
23:44 摩西就將耶和華的節期傳互以色列人。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。