上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以西結書
9
耶路撒冷受懲罰
伊向我的耳孔中大聲叫講：「著叫許個管此個城的人來，逐人的手著攑滅生命的家私。」
2 忽然有六個人對向北頂的門彼條路來，逐人手攑刣人的家私；內中有一人穿幼苧衫，腰裡掛墨壼。𪜶入去，徛佇銅壇的邊頭。
3 以色列上帝的榮光本佇𠼻𡀔兵的頂面，今對遐上去，徙到殿的戶椗。伊叫彼個穿幼苧衫，腰裡𦊱墨壼的人來。
4 耶和華對伊講：「遍行佇城內，就是遍行耶路撒冷的中間，見若為著城內所行一切可惡的事來吐氣歕嗐的人，就做記號佇伊的頭額。」
5 我的耳孔中聽見伊對其餘的人講：「著隨伊遍行通城，來刣死人。恁的目睭莫得疼惜，恁亦莫得可憐𪜶。
6 著一盡刣死老人、少年人、在室女、嬰仔、婦仁人，亦著對我的聖所刣起，獨獨見若有記號者莫得近倚伊。」對按呢𪜶就對殿前的長老刣起。
7 伊對𪜶講：「著拍垃墋此間殿，互院內充滿受刣的人。恁著出去！」𪜶就出去，佇城內刣死人。
8 𪜶去刣人的時，剩我佇遐；我就仆佇地裡，叫講：「嗐啊！主耶和華啊，你將大受氣傾佇耶路撒冷，豈是欲將以色列人一盡滅無嗎？」
9 伊就對我講：「以色列家及猶大家的罪過極其重。遍地有流血的事，滿城有冤枉，因為𪜶講：『耶和華已經離開此個地，耶和華無啲看。』
10 所以，我的目睭無欲疼惜，我亦無欲可憐𪜶，欲照𪜶所行的報應佇𪜶的頭殼頂。」
11 看啊，彼個穿幼苧衫，腰裡罣墨壼的人將此個事回覆講：「我已經照你所吩咐的行啦。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。