上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
以賽亞書
論耶路撒冷的信息
22:1 論異象的山谷的默示：
有甚麼代誌互你的百姓攏上厝頂啊？
22:2 你滿四界喝喊、大大喧嘩的城，
歡喜的城啊，
你中間受刣者是互刀刣，
亦是為著交戰來死。
22:3 你所有的官長做一下逃走，
攏互攑弓的人所捆縛。
恁中間一切互人尋著的做一下受捆縛；
𪜶本是走去遠遠的。
22:4 所以我講：恁越走無看我，
我欲痛心啼哭。
莫得因為我的百姓受毀壞，
來勉強安慰我。
22:5 因為主──萬軍的耶和華互「異象的山谷」
有攪擾、𧿬踏、迷亂的日。
城抵著攻破，
哀叫的聲透到山間。
22:6 以攔帶箭袋，
閣有載兵的車及馬兵；
吉珥提出盾牌。
22:7 你媠的山谷戰車滿滿，
亦有馬兵佇城門前排列。
22:8 伊除去猶大的遮截。
彼日，你就查看軍藏局的軍器。
22:9 恁看見大衛的城的破隙真多，就積聚下池的水，
22:10 閣算耶路撒冷的厝宅，將厝拆毀來修補城牆，
22:11 閣佇二個牆的中間開一個潭來貯舊池的水，總是恁無仰望做伊的，也無想著對古早成伊的。
22:12 當彼日，主──萬軍的耶和華教人啼哭哀傷，
剃頭毛，縖麻布。
22:13 看啊，有歡喜快樂，
刣牛屠羊，食肉飲酒，講：
做咱食做咱飲！因為明仔日欲死啦。
22:14 萬軍的耶和華對我的耳孔指示我講：
恁此個罪決斷𣍐赦免得，直到恁死！
這是主──萬軍的耶和華講的。
對舍伯那的警告
22:15 主──萬軍的耶和華按呢講：「去啊，你去見此個掌庫房的，就是管家的舍伯那，對伊講：
22:16 『你佇遮啥事？你佇遮有甚麼人，互你佇遮為著家己拍墳墓，伊佇高的所在為家己拍墳墓，為家己佇石磐造一個徛起的所在？
22:17 看啊，耶和華欲親像大力的人，盡力給你㧒去，也欲給你包密密。
22:18 伊欲將你捲成一捲，㧒佇開闊的所在，親像㧒球。你做主人的家的凌辱者，欲死佇遐，你榮光的車也欲佇遐。
22:19 我欲革你的職；𢬳你的位。』
22:20 「到彼日，我欲召我的奴僕希勒家的子以利亞敬來，
22:21 我欲將你的外袍互伊穿，將你的腰帶互伊縖，將你的政事的權交伊的手。伊欲做耶路撒冷徛起的百姓及猶大的家的父。
22:22 我欲將大衛的家的鏇匙下佇伊的肩頭。伊開，就無人會關；伊關，就無人會開。
22:23 我欲建立伊，親像釘釘佇堅固的所在；伊欲給伊的老父的家做榮光的座位。
22:24 人欲將伊的老父的家諸個榮光，子及孫，凡若器具的細的，對盤到瓶的器具，攏吊佇伊的頂面。
22:25 萬軍的耶和華講：當彼日，釘佇堅固的所在的釘欲垂落去，欲受剉斷磕落落去；吊佇伊的頂面的物欲無去。因為這是耶和華講的。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。