上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
刣耶穌的計謀
26:1 ( 可 14:1-2 路 22:1-2 約 11:45-53 )
耶穌講諸個話息，就給伊的學生講：
害死耶穌的陰謀
26:1 ( 可14:1-2 路22:1-2 約11:45-53 )
耶穌講諸個話了後給伊的門徒講：
26:2 「恁知，過二日𨃟過節就到，人子抵著解送，去釘十字架。」
26:2 「恁知閣過兩日就是𨃟過節，人子會受出賣互人釘十字架。」
26:3 彼時許個祭司頭及百姓的長老聚集佇祭司頭名該亞法的院。
26:3 彼時，祭司長及民間的長老聚集佇大祭司該亞法的公館。
26:4 相及參詳用詭譎的計掠耶穌，來刣伊。
26:4 𪜶參詳欲用計謀掠耶穌，給伊害死。
26:5 總是講：「當節期通，驚了百姓的中間有擾亂。」
26:5 拘𪜶講：「通佇節期中，驚了民眾起暴動。」
佇伯大尼受抹香油
26:6 ( 可 14:3-9 約 12:1-8 )
耶穌佇伯大尼癩𰣻西門的厝，
耶穌佇伯大尼受抹油
26:6 ( 可14:3-9 約12:1-8 )
耶穌佇伯大尼痲瘋病人西門的厝啲坐桌食飯的時，有一個婦仁人提一罐玉瓶，內面貯非常高貴的芳油，行倚來，將芳油倒佇耶穌的頭殼頂。
26:7 有婦仁人帶玉瓶，內面貯極貴氣的香油就近伊，當伊坐桌的時，傾佇伊頭殼頂。
26:7 併於上節
26:8 學生看見就受氣，講：「按呢破費有啥路用！
26:8 門徒看著真受氣，講：「哪著即浪費？
26:9 因為此個油會賣得多多銀，來互喪鄉人。」
26:9 此罐芳油會當賣真多錢來救濟散赤人。」
26:10 耶穌知，就給𪜶講：「恁啥事刁難此個婦仁人啊？因為伊所行來款待我的是好事。
26:10 耶穌知影，就對𪜶講：「恁哪欲刁難此個婦仁人？伊有為著我做一項好事。
26:11 因為常常有喪鄉人及恁佇啲；若是我無常常及恁佇啲。
26:11 不時有散赤人及恁做夥，不過我𣍐不時及恁做夥。
26:12 因為伊倒此個油佇我身軀，就是備辦我埋葬來行的。
26:12 伊倒芳油佇我的身軀是給我準備埋葬。
26:13 我實在給恁講，普天下，無論甚麼所在傳此個福音，也欲講起此個婦仁人所行，來紀念伊。」
26:13 我實在給恁講，此個福音無論傳到全世界什麼所在，人攏會講起此個婦仁人所做的代誌來紀念伊。」
猶大出賣耶穌
26:14 ( 可 14:10-11 路 22:3-6 )
彼時，十二個學生一個名做加略人猶大，去見許個祭司頭，講：
猶大出賣耶穌
26:14 ( 可14:10-11 路22:3-6 )
十二使徒的一個，叫做以斯加略的猶大，去見許個祭司長，
26:15 「恁欲互我偌多？我欲將伊交互恁。」𪜶就及伊約互伊銀三十。
26:15 講：「我若將耶穌交互恁，恁欲互我什麼？」𪜶就提三十個銀仔互伊。
26:16 對彼時，伊尋機會將耶穌交互𪜶。
26:16 對彼時起，猶大一直啲尋機會欲出賣耶穌。
及門徒同守𨃟過節
26:17 ( 可 14:12-21 路 22:7-14,21-23 約 13:21-30 )
除酵節的頭一日，學生就近耶穌講：「愛阮佇甚麼所在給你備辦食𨃟過節？」
準備𨃟過節的晚餐
26:17 ( 可14:12-21 路22:7-14，21-23 約13:21-30 )
除酵節的頭一日，門徒來問耶穌：「你愛阮佇叨位給你準備食𨃟過節的晚餐？」
26:18 伊講：「恁入城，尋某人，給伊講：『先生講：我的時近啦，我及我的學生守𨃟過節佇你兜。』」
26:18 耶穌講：「恁入城去尋彼個某人，給伊講：『老師講：我的時已經到，我欲及我的門徒佇你的厝守𨃟過節。』」
26:19 學生照耶穌所吩咐的去行，就備辦𨃟過節。
26:19 門徒就照耶穌的吩咐去準備𨃟過節的晚餐。
26:20 到日暗，耶穌及十二個學生坐桌。
26:20 黃昏的時，耶穌及十二使徒坐桌。
26:21 食的時，耶穌講：「我實在給恁講，恁中間一人欲賣我。」
26:21 𪜶啲食飯的時，耶穌講：「我實在給恁講，恁中間有一個人欲給我出賣。」
26:22 眾人真憂悶，一個一個給伊講：「主啊，總無是我哦？」
26:22 𪜶真傷心，一個一個給伊問：「主啊，是我乎？」
26:23 伊應講：「及我伸手佇盤裡者，彼個欲賣我。
26:23 耶穌應講：「伸手及我像時提食物佇盤裡啲搵彼個人欲給我出賣。
26:24 人子倒去，照所記載指伊的話；若是賣人子的有災禍啊！彼人無出世卡好。」
26:24 照聖經所記載，人子會受害，不過出賣人子的人慘啊！彼個人寧可無出世較好。」
26:25 賣伊的猶大講：「拉比，總無是我哦？」給伊講：「你已經講啦。」
26:25 出賣耶穌的猶大嘛給伊問：「拉比，是我乎？」
耶穌應講：「這是你講的。」
設立主的晚餐
26:26 ( 可 14:22-26 路 22:15-20 林前 11:23-25 )
𪜶啲食的時，耶穌提餅，祝謝，擘破，分互學生，講：「提去食，此個是我的身軀」；
主的晚餐
26:26 ( 可14:22-26 路22:14-20 林前11:23-25 )
𪜶啲食的時，耶穌提餅，感謝了後擘開，分互門徒，講：「提去食；這是我的身軀。」
26:27 閣捧杯，祝謝，互𪜶，講：「恁攏著飲伊；
26:27 然後伊捧杯，感謝了後提互門徒，講：「恁攏著飲此杯，
26:28 此個是我的血就是盟約的血，為著多多人來流出的，致到罪得著赦免。
26:28 因為這是我的血，是立約的血，為著真多人流出的，欲互𪜶的罪得著赦免。
26:29 若是我給恁講，今了後，我無飲此個葡萄的汁。聽候彼日我及恁飲彼個新的佇我的父的國。」
26:29 我給恁講，佇我的父的國及恁飲新的葡萄酒彼日以前，我絕對𣍐閣飲此個酒。」
26:30 已經吟詩，就出來去橄欖山。
26:30 𪜶吟詩了後就出去，去橄欖山。
預言彼得認主
26:31 ( 可 14:27-31 路 22:31-34 約 13:36-38 )
彼時，耶穌給𪜶講：「今暝，恁攏欲為著我來受塞礙。因為有記載講：
我欲拍牧者，
就羊群四散。
耶穌預言彼得認伊
26:31 ( 可14:27-31 路22:31-34 約13:36-38 )
耶穌給𪜶講：「今暝恁攏會放拺我，因為聖經有記載：
我欲拍牧者，
歸群羊就四散。
26:32 若是我復活了後，欲代先恁去加利利。」
26:32 拘我復活以後會比恁先去加利利。」
26:33 彼得應伊講：「眾人雖然為著你來受塞礙，也我永永無受塞礙。」
26:33 彼得對耶穌講：「雖然𪜶大家攏放拺你，我絕對𣍐放拺你！」
26:34 耶穌給伊講：「我實在給你講，今暝雞猶未啼，你欲三擺認我。」
26:34 耶穌給伊講：「我實在給你講，今暝雞啼以前，你會三擺認我。」
26:35 彼得給伊講：「我就若著及你死，也決斷無認你。」眾學生也攏是按呢講。
26:35 彼得應講：「若一定著及你做夥死，我嘛絕對𣍐認你！」
其他的門徒嘛攏按呢講。
佇客西馬尼祈禱
26:36 ( 可 14:32-42 路 22:39-46 )
耶穌及𪜶到一所在，名客西馬尼，給伊的學生講：「恁諸個坐遮，聽候我去遐祈禱。」
佇客西馬尼祈禱
26:36 ( 可14:32-42 路22:39-46 )
後來，耶穌及門徒來到一個所在叫做客西馬尼。伊給門徒講：「我去遐祈禱，恁𫢶遮坐。」
26:37 才導彼得及西庇太二個子相及去，就憂悶，慘慼，
26:37 伊就導彼得及西庇太的兩個子做夥去。伊悲傷，非常痛苦，
26:38 給𪜶講：「我的心真憂悶，到欲死；恁住遮及我警醒。」
26:38 對𪜶講：「我心憂傷到欲死。恁𫢶遮，及我做夥警醒。」
26:39 略略仔進前，面仆佇地裡，祈禱講：「我的父啊，若會做得，著互此個杯離開我。總是，是照我所愛，是照你所愛。」
26:39 伊行較進前，面仆落去，祈禱講：「我的父啊，若會當，求你互我免飲此個杯，拘是照我的意思，著照你的旨意實現。」
26:40 就來學生遐，看見𪜶啲睏，給彼得講：「按怎樣？恁𣍐會及我警醒半時久啊？
26:40 伊轉來門徒遐，看著𪜶啲睏，就對彼得講：「恁真正𣍐當及我警醒一點鐘久是無？
26:41 著警醒著祈禱，免得入佇迷惑。心神甘願，若是肉體軟茈。」
26:41 著警醒，著祈禱，才𣍐陷落誘惑。恁雖然心真意愛，拘肉體軟弱。」
26:42 第二擺閣去祈禱講：「我的父啊，此個杯若𣍐得離開我，的確著我飲伊，就願你的旨意得成。」
26:42 耶穌第二遍閣去祈禱，講：「我的父啊，此個杯若𣍐當免，我一定著飲，願你的旨意實現。」
26:43 閣再來，看見𪜶又啲睏，因為𪜶的目睭澀。
26:43 伊閣轉來，看著𪜶因為目睭澀猶啲睏。
26:44 離開𪜶閣去。第三擺祈禱，也是講許個話。
26:44 耶穌閣離開𪜶，第三遍去祈禱，嘛是講像款的話。
26:45 彼霎閣就近學生，給𪜶講：「今通睏來安息啦！時近啦，人子受賣佇罪人的手。
26:45 然後伊閣轉來門徒遐，對𪜶講：「恁猶啲睏，猶啲歇睏噢？恁看，時間接近啦；人子受出賣交佇罪人的手頭啦。
26:46 起來！相及行。賣我的人近啦！」
26:46 起來，咱來去。恁看，出賣我的人來啦。」
耶穌受掠
26:47 ( 可 14:43-50 路 22:47-53 約 18:3-12 )
猶啲講的時，忽然十二個學生的一個猶大來，也有歸陣人攑刀及槌仔，對諸個祭司頭及百姓的長老遐相及來。
耶穌受掠
26:47 ( 可14:43-50 路22:47-53 約18:3-12 )
耶穌猶啲講的時，十二使徒的一個—猶大來，祭司長及民間的長老派來的一大陣人攑刀攑棍及伊鬥陣來。
26:48 賣伊的曾及𪜶套暗號，講：「我給伊唚的彼人就是。恁通掠伊。」
26:48 出賣耶穌彼個人有互𪜶一個暗號，講：「我給伊唚彼個就是；恁給掠。」
26:49 即時就近耶穌，講：「拉比，平安」，就直直給伊唚。
26:49 猶大隨時行倚耶穌，對伊講：「拉比，平安！」就給伊唚。
26:50 耶穌給伊講：「朋友啊，你欲來做的，就做。」許個人就進前，起手掠耶穌。
26:50 耶穌給伊講：「朋友，你哪佇遮？」(126.50有的抄本是「你欲做的，緊去做。」)
許個人就倚去，下手掠耶穌。
26:51 忽然有及耶穌佇啲的一人伸手拔刀，刣祭司頭的奴僕，削去伊一個耳仔。
26:51 忽然，有一個及耶穌鬥陣的人伸手拔刀對大祭司的奴僕刜落去，給伊一旁的耳仔削起來。
26:52 耶穌就給伊講：「收你的刀入原位！因為凡若攑刀的，欲對刀死。
26:52 耶穌給伊講：「刀收起來，因為攑刀的攏會死佇刀下。
26:53 抑是你拍算我𣍐會求我的父就伊佇此霎欲給我差十二營卡加的天使嗎？
26:53 你想講我𣍐當懇求我的父隨時差十二營較加的天使來是無？
26:54 若按呢，就聖經所講，此個代誌的確有的怎樣會應驗啊？」
26:54 我若按呢做，聖經所記載一定著發生的代誌哪會應驗？」
26:55 彼時，耶穌給𪜶許個人講：「恁攑刀及槌仔出來掠我，親像欲掠賊嗎？我日日坐佇殿內教示人，也恁無掠我。
26:55 彼時耶穌對群眾講：「恁攑刀攑棍出來掠我，是欲掠強盜是無？我逐日佇聖殿坐啲教示人，恁無給我掠。
26:56 總是此個事攏成，是欲應驗先知所記載的。」彼時，學生攏離開伊，走。
26:56 不過這一切的代誌攏已經實現，是欲應驗先知佇聖經所講的話。」
然後，所有的門徒攏放拺耶穌逃走。
耶穌佇公會受審
26:57 ( 可 14:53-65 路 22:54-55,63-71 約 18:13-14,19-24 )
掠耶穌的帶伊到祭司頭該亞法的所在；佇遐許個經學士及長老已經聚集。
耶穌佇議會受審
26:57 ( 可14:53-65 路22:54-55，63-71 約18:13-14，19-24 )
許個掠耶穌的人給伊導去大祭司該亞法遐；經學教師及長老攏已經聚集佇遐。
26:58 彼得遠遠隨伊，到祭司頭的院，入內面，及許個差役相及坐，欲看彼個結局。
26:58 彼得離遠遠啲隨耶穌，隨到大祭司公館的埕。伊入去內面及警衛做夥坐，欲看代誌的結局。
26:59 諸個祭司頭及全公會尋濫糝的干證攻擊耶穌，愛互伊死。
26:59 祭司長及全議會一直啲尋假證據欲告耶穌，通給伊處死。
26:60 雖然多多濫糝干證的來，也無得著。後來有二個到，
26:60 雖然有真多人出來給伊誣告，拘𪜶攏尋無證據。後來有兩個人出來，
26:61 講：「此人曾講：『我會毀壞上帝的殿，三日就起伊。』」
26:61 講：「此個人曾講『我有法度毀壞上帝的聖殿，三日內閣給伊起起來』。」
26:62 祭司頭起來，給伊講：「你攏無應嗎？諸個人所干證你的是甚麼？」
26:62 大祭司徛起來對耶穌講：「諸個人啲給你告什麼，你哪攏無答辯？」
26:63 若是耶穌靜靜，祭司頭給伊講：「當此個真活上帝我命令你咒誓來給阮講，你果然是上帝的子基督抑是？」
26:63 拘耶穌攏恬恬。大祭司閣一遍對伊講：「我指永遠活的上帝命令你給阮講，你是基督，上帝的子抑是。」
26:64 耶穌給伊講：「你已經講啦。若是我給恁講，對此霎了後恁欲看見人子坐佇有權能者的大旁，坐天的雲來。」
26:64 耶穌應講：「你已經講啦。拘我給恁講，對今以後恁會看見人子坐佇全能者的正旁，坐天頂的雲來臨。」
26:65 對按呢祭司頭拆裂家己的衫，講：「伊講出僭權褻瀆的話，咱猶久欠甚麼干證啊？今恁已經聽見，伊的僭權褻瀆啦。
26:65 大祭司就拆裂家己的外衫，講：「伊已經褻瀆上帝。咱猶需要什麼證人？今恁已經有聽著伊褻瀆上帝。
26:66 恁拍算怎樣？」應講：「伊該死。」
26:66 恁想按怎？」
𪜶應講：「伊該死！」
26:67 就呸涎佇伊的面，用拳頭拇掙伊，也有的用手搧伊，講：
26:67 後來𪜶呸涎佇耶穌的面，給伊掙，閣有人給伊搧，
26:68 「基督啊，你是先知，著給阮講拍你的是是誰？」
26:68 講：「基督啊，你是先知，給阮講看覓，啥人給你拍？」
彼得三擺認主
26:69 ( 可 14:66-72 路 22:56-62 約 18:15-18,25-27 )
彼得坐佇外院，有一個女婢近倚伊，講：「你也曾及加利利人耶穌做陣。」
彼得認耶穌
26:69 ( 可14:66-72 路22:56-62 約18:15-18，25-27 )
彼得佇公館外面的埕啲坐，有一個女婢行倚去，講：「你嘛攏有啲及彼個加利利人耶穌做夥。」
26:70 彼得當眾人的面前認，講：「我知你啲講甚麼！」
26:70 彼得佇眾人的面前認，講：「我知你啲講什麼。」
26:71 出去，到院門，閣一個女婢看見伊，給佇遐的人講：「此個也曾及拿撒勒人耶穌做陣。」
26:71 彼得行出去到大門口的時，有另外一個女婢看著伊，就給佇遐的人講：「此個人有啲及拿撒勒人耶穌做夥。」
26:72 彼得閣認，續咒誓講：「我識彼個人。」
26:72 彼得閣一遍咒誓認，講：「我識彼個人。」
26:73 有許久，邊仔啲徛的人近倚，給彼得講：「你實在也是𪜶的黨，因為對你的腔口露出。」
26:73 過無偌久，徛佇piⁿ-a的人倚來，對彼得講：「你確實嘛是𪜶彼陣的人，聽你的腔就知。」
26:74 伊才咒罵閣咒誓講：「我識彼個人。」雞就啼。
26:74 伊就咒誓講：「我識彼個人。我若講白賊，願天責罰我！」
雞隨時啼。
26:75 彼得就記得耶穌的話講：「雞猶未啼，你欲三擺認我。」就出去外面大啼哭。
26:75 彼得想著耶穌所講的話「雞啼以前，你會三擺認我」，就出去外面大聲啼哭。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。