上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
預言聖殿受毀
24:1 ( 可 13:1-2 路 21:5-6 )
耶穌出殿，抵啲行，伊的學生就近伊，用殿堂許個厝報伊看。
耶穌預言聖殿受毀壞
24:1 ( 可13:1-2 路21:5-6 )
耶穌對聖殿出來，抵欲離開的時，門徒倚來，報伊看聖殿的建築物。
24:2 若是伊應講：「恁無看見諸個嗎？我實在給恁講，佇遮欲無一塊石留佇石頂，也無捙落去。」
24:2 耶穌給𪜶講：「諸個恁豈是攏有看著？我實在給恁講，佇遮一切攏會受拆毀，拆甲無兩塊石相疊。」
災難的起頭
24:3 ( 可 13:3-13 路 21:7-19 )
耶穌坐佇橄欖山的時，學生私奇就近伊講：「請給阮講，底時有諸個代誌？也你閣來，及世界的結局有甚麼兆頭？」
災難及迫害
24:3 ( 可13:3-13 路21:7-19 )
耶穌佇橄欖山頂啲坐的時，門徒私下來問伊：「請給阮講，此個代誌什麼時會發生？你的來臨及今世的結局有什麼兆頭？」
24:4 耶穌應講：「著謹慎，莫得互人迷惑。
24:4 耶穌應講：「著謹慎，才免互人給恁迷惑。
24:5 因為欲有多多人佇我的名來，講：『我是基督』，來迷惑多多人。
24:5 因為有真多人會利用我的名，講『我就是基督』來迷惑真多人。
24:6 恁欲聽見交戰及交戰的風聲，謹慎莫得驚；因為諸個的確有，總是末期猶未到。
24:6 恁會聽著戰爭以及戰爭的風聲。著謹慎，免驚。諸個代誌一定會發生，拘終局猶未到。
24:7 因為百姓欲起來攻擊百姓，國欲起來攻擊國；多多所在欲有飢荒、地動。
24:7 因為民族會起來攻擊民族，國家攻擊國家；真多所在有飢荒及地動。
24:8 諸個攏是苦痛的起頭。
24:8 這一切的代誌不過是催陣痛疼的開始。
24:9 彼時，人欲交付恁佇患難，刣死恁；恁因為我的名欲互萬邦怨恨。
24:9 「彼時，恁會互人掠去，受苦楚，殺害；恁會因為我的名互萬民怨恨。
24:10 也彼時，多多人欲受塞礙相解送，相怨恨；
24:10 彼時，真多人會失去信心，互相出賣，彼此怨恨。
24:11 閣有多多假先知欲起來，迷惑多多人。
24:11 有真多假先知會出現來迷惑真多人。
24:12 因為不法大大加添，多多人的疼漸漸冷淡。
24:12 不法的代誌愈加添，真多人的疼心會漸漸冷淡。
24:13 獨獨吞愞到路尾的，伊會得著救。
24:13 拘忍耐到最後的人會得著救。
24:14 此個天國的福音欲傳到通天下，做干證佇萬邦，彼時末期就到。」
24:14 此個天國的福音會傳到普天下，對萬民做見證，最後終局才會到。」
大災難
24:15 ( 可 13:14-23 路 21:20-24 )
「所以恁看見早託先知但以理所講『彼個殘害可惡的』徛佇聖的所在（讀的人著曉悟）。
大災難
24:15 ( 可13:14-23 路21:20-24 )
「所以，當恁看著上帝通過先知但以理所講彼個『可惡的毀滅者』徛佇神聖的所在—讀的人著明白此句話的意思—
24:16 彼時，佇猶太的，著走去山裡；
24:16 彼時佇猶太的人著逃走去山內；
24:17 佇厝頂的，莫得落來提伊家內的物；
24:17 佇厝頂的，通落來提厝內的物；
24:18 佇園裡的，莫得倒去擜伊的衫。
24:18 佇園裡的，通轉去挔外衫。
24:19 當許個日，有娠孕及互嬰仔食奶的婦仁人有災禍啊！
24:19 佇許個日子，有身孕的及互嬰仔食奶的婦仁人非常不幸！
24:20 恁著祈禱，免得恁的逃走，佇冬天時抑是安息日。
24:20 著祈禱，恁才免佇冬天抑是安息日逃難。
24:21 因為彼時欲有大患難，對世間的起頭到今，未曾有按呢，後來也決斷無。
24:21 因為佇許個日子啲欲有大災難，是創造宇宙以來曾有的，將來嘛𣍐閣有。
24:22 若無減少許個日，就凡有肉體的無一個得救；獨獨為著揀的百姓，許個日欲減少。
24:22 上帝若無減少許個日子，無人會得著救；拘為著伊的選民，上帝會減少許個日子。
24:23 彼時，若有人給恁講：『你看，基督佇遮』，抑是講：『佇遐』，恁莫得信！
24:23 「彼時，若有人給恁講『恁看，基督佇遮』，抑是講『伊佇遐』，通相信。
24:24 因為欲有假基督，假先知起來，行大的神蹟及兆頭，欲是會，連揀的百姓也迷惑伊。
24:24 因為有一寡假基督及假先知會出現，行大神跡及奇事來迷惑人，若會當，連選民都欲給𪜶迷惑。
24:25 我已經代先給恁講。
24:25 我已經先給恁講啦。
24:26 所以人若給恁講：『你看，伊是佇曠野』，恁莫得出去！抑是講：『你看，伊是佇密厝』，恁莫得信！
24:26 「所以，若有人給恁講『恁看，基督佇曠野』，通出去；抑是講『恁看，伊佇房間內』，嘛通相信。
24:27 因為親像閃爁對東勢啲閃，爁到西勢。人子的閣來也欲按呢。
24:27 熠爁對東旁熠到西旁，人子的來臨嘛會親像按呢。
24:28 身屍若佇遐，鷹鳥也欲聚集佇遐。」
24:28 「屍體佇叨位，禿頭鷹攏會擒倚去遐。」
人子的降臨
24:29 ( 可 13:24-27 路 21:25-28 )
「抵抵諸個日的患難了後，
日欲黑暗，
月無出光，
星對天磕落，
天象振動。
人子的來臨
24:29 ( 可13:24-27 路21:25-28 )
「此個災難的日子一下過去，
日會變烏暗，
月𣍐發光，
星會對天頂落落來，
天頂的光體攏會搖泏。
24:30 彼時，人子的兆頭欲出現佇天裡，佇地裡諸個族類攏欲啼哭。也欲看見人子，用權能、及大榮光，坐天的雲臨到。
24:30 彼時，人子的兆頭會佇天頂出現。地上萬族萬民攏會啼哭；𪜶會看見人子充滿權能及大榮光坐天頂的雲來臨。
24:31 伊欲差伊的天使，用號頭響亮的聲，𪜶欲對四方，此旁的天邊到彼旁的天邊，聚集伊所揀的百姓。」
24:31 伊會差伊的天使歕響亮的喇叭，對天的此旁到天的彼旁，對四方聚集伊的選民。」
對無花果樹取譬喻
24:32 ( 可 13:28-31 路 21:29-33 )
「恁著對無花果樹取譬喻；當伊枝軟葉發的時，就知夏天近啦。
對無花果樹學習
24:32 ( 可13:28-31 路21:29-33 )
「著對無花果樹學習：枝茁芛發葉的時，恁就知夏天啲欲到啊。
24:33 按呢，恁看攏總諸個事，就知已經近，到門口啦。
24:33 親像按呢，恁看著這一切的代誌的時就知人子已經接近，到門口啦。
24:34 我實在給恁講，此世代決斷未過去，到諸個代誌攏成。
24:34 我實在給恁講，此世代猶未過去，這一切攏會發生。
24:35 天及地欲廢無，我的話𣍐廢無。」
24:35 天及地會消失，拘我的話絕對𣍐消失。」
彼日彼時人知
24:36 ( 可 13:32-37 路 17:26-30,34-36 )
「若是論彼日，彼時，人知，天使也知，子也知，獨獨父知若定。
彼個日，彼個時，無人知
24:36 ( 可13:32-37 路17:26-30，34-36 )
「關係彼個日，彼個時，無人知；天頂的天使知，子嘛知，只有父知若定。
24:37 閣親像挪亞的日，人子的閣來也欲按呢。
24:37 因為人子的來臨嘛會親像挪亞的時的情境。
24:38 因為大水的代先許個日，人啲飲食嫁娶，到挪亞入大船的日；
24:38 大水來以前到挪亞進入大船彼日，人照常飲食嫁娶。
24:39 𪜶竟然知，到大水到一盡滅𪜶。人子的閣來也欲按呢。
24:39 𪜶糊里糊塗攏知，大水忽然來，給𪜶攏沖走。人子的來臨嘛會按呢。
24:40 彼時，欲有二人佇園裡，一個取去，一個放啲。
24:40 彼時，有兩個人佇園裡，一個受接去；一個放啲。
24:41 二個婦仁人挨磨，一個取去，一個放啲。
24:41 兩個婦仁人佇挨磨間啲挨石磨，一個受接去；一個放啲。
24:42 所以著張持，因為恁知恁的主甚麼日欲來。
24:42 「著警醒，因為恁知恁的主什麼日會來臨。
24:43 家主若知賊甚麼更欲到，伊就張持無容允人挖空伊的厝；這是恁所知。
24:43 恁著知，此家的主人若知暗時幾點賊仔會來，一定會警醒，𣍐互賊仔挖壁孔入來厝內。
24:44 所以，恁亦著備辦便，因為恁無拍算的時，人子來啦。」
24:44 所以，恁嘛著準備便便，因為人子會佇恁想𣍐到的時陣來臨。」
盡忠及無盡忠的奴僕
24:45 ( 路 12:41-48 )
「是誰是盡忠智慧的奴僕，主人所設立，來管伊家內的人，通照時分米糧互𪜶？
忠實及無忠實的奴僕
24:45 ( 路12:41-48 )
「若是按呢，什麼人是忠實閣聰明的奴僕？就是主人交代伊管家內其他的奴僕，照時分食物互𪜶彼個人。
24:46 主人來，抵著伊按呢行，彼個奴僕有福氣。
24:46 主人轉來的時看著有照按呢啲做彼個奴僕實在有福氣！
24:47 我實在給恁講，主人欲設立伊來管伊一切所有的。
24:47 我實在給恁講，主人會派此個奴僕去管理伊攏總的財產。
24:48 獨獨彼個歹的奴僕若心內講：『我的主人啲延迁』，
24:48 彼個歹的奴僕若心內想講『我的主人𣍐赫緊轉來』，
24:49 就拍許個及伊同做奴僕的，閣及醉漢相及飲食。
24:49 就拍平平做奴僕的，閣及酒醉的做夥亦飲亦食。
24:50 就佇無派批的日，知的時，彼個奴僕的主人欲到，
24:50 主人會佇伊無按算的日，知的時轉來。
24:51 重重刑罰伊，處置伊及假好的人平等；佇遐欲有啼哭咬牙切齒。」
24:51 主人會嚴嚴給伊處罰，給伊及假好的人下做堆；佇遐𪜶會啼哭，咬牙切齒。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。