上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
譴責經學士及法利賽人
23:1 ( 可 12:38-40 路 11:37-52 20:45-47 )
彼時，耶穌給眾人及伊的學生講：
譴責經學教師及法利賽派的人
23:1 ( 可12:38-40 路11:43，46 20:45-47 )
後來，耶穌對群眾及伊的門徒講：
23:2 「經學士及法利賽人坐摩西的位，
23:2 「經學教師及法利賽派的人坐摩西的位解說律法。
23:3 所以見若𪜶所給恁講的，攏著行來守伊。總是莫得照𪜶的所做來行；因為𪜶有講，也無行。
23:3 所以，𪜶所給恁講的，恁攏著做，著遵守；不過通學𪜶的行為，因為𪜶會講𣍐做。
23:4 𪜶用重閣擔的擔，縛來下佇人的肩頭頂，若是𪜶家己肯用一支指頭仔振動伊。
23:4 𪜶將人擔無法的重擔捆互人擔，家己連一支指頭仔都肯震動。
23:5 𪜶一切的所做攏是欲互人看才做，因為𪜶的佩經做卡闊，衫仔裾的鬚做卡長，
23:5 𪜶所有的行為攏是欲做互人看，因為𪜶將家己的經文袋做較闊，衫仔裾的鬚做較長。
23:6 愛筵桌裡坐大位，會堂內坐高位，
23:6 𪜶愛佇宴會坐大位，佇會堂坐高位，
23:7 街市裡互人請安，也互人稱呼𪜶拉比。
23:7 佇市場口互人請安，互人稱呼『拉比』。
23:8 若是恁莫得互人稱做拉比，因為恁的先生是一個；恁攏是兄弟。
23:8 拘恁通互人稱做『拉比』，因為恁只有一位『老師』，恁攏是兄弟姊妹。
23:9 佇地裡也莫得稱人做父，因為恁的父是一個，就是佇天裡的。
23:9 佇地上，恁通稱呼人做『老父』，因為恁只有一位『老父』，就是佇天頂彼位。
23:10 也莫得互人稱做先生，因為恁的先生是一個，就是基督。
23:10 恁嘛通互人稱做『教師』，因為恁只有一位『教師』，就是基督。
23:11 若是恁中間做大的，欲做恁的差用。
23:11 恁中間上大的著做恁的差用。
23:12 凡若自高的，欲互伊卑微；家己卑微的，欲高升伊。
23:12 自高的會受降低；自謙的會受高升。」
23:13 「恁假好的經學士及法利賽人有災禍啊！因為恁佇人的面前，關密天國，恁家己無入，啲欲入的人，恁也准𪜶入。
責備假好的人
23:13 ( 路11:39-42，44，52 20:47 )
「假好的經學教師及法利賽人，恁慘啊！恁將天國的門關起來，互人入去；恁家己入去，連欲入去的人嘛互𪜶入去。(123.13有的抄本有14節「恁假好的經學教師及法利賽人，恁慘啊！恁侵佔寡婦的家伙，閣假意祈禱真長。因為按呢，恁會受閣較重的刑罰。」)
23:15 「恁假好的經學士及法利賽人有災禍啊！因為恁遍行水路陸路，互一人入教，既然入，就互伊做地獄的人，比恁加倍。
23:15 「假好的經學教師及法利賽人，恁慘啊！恁為著欲互一個人改宗入教，天邊海角行透透。彼個人入教了後，恁煞互伊變做地獄的子，比恁重倍歹。
23:16 「恁睛瞑做導頭的有災禍啊！恁講：『見若指殿來咒誓的，無事；獨獨見若指殿裡的金來咒誓的，就著守伊。』
23:16 「睛瞑做導路的，恁慘啊！恁講：『人指聖殿咒誓無准算，拘若指殿內的金器咒誓就著守。』
23:17 恁戇閣睛瞑，因為叨落一項卡大？是金？抑是互金成聖的殿啊？
23:17 恁諸個倲戇閣睛瞑的人啊，叨一項較重要？是金器抑是互金器成做神聖的聖殿？
23:18 恁亦講：『見若指壇來咒誓的，無事；獨獨見若指壇頂的禮物來咒誓的，就著守伊。』
23:18 恁閣講：『人指祭壇咒誓無准算，若指祭壇頂的祭物咒誓就著守。』
23:19 恁睛瞑啊；因為叨落一項卡大？是禮物？抑是互禮物成聖的壇？
23:19 恁諸個睛瞑的人啊，是祭物抑是互祭物成做神聖的祭壇，叨一項較重要？
23:20 所以，人指壇來咒誓，是指壇及見若佇伊頂面的來咒誓；
23:20 所以，人指祭壇咒誓，就是指祭壇及彼頂面所有的祭物咒誓。
23:21 人指殿來咒誓，是指殿及𫢶佇彼內面的來咒誓；
23:21 人指聖殿咒誓，就是指聖殿及𫢶佇彼內面的上帝咒誓。
23:22 人指天來咒誓，是指上帝的座位及坐佇彼頂面的來咒誓。
23:22 人指天咒誓，就是指上帝的寶座及坐佇彼頂面的上帝咒誓。
23:23 「恁假好的經學士及法利賽人有災禍啊！因為恁將薄荷、八角、麻芹十份抽一份若是律法的卡對重的，就是公義、憐憫，及信實，恁就放拺。總是諸個是應該著行的，許個也是通放拺。
23:23 「假好的經學教師及法利賽人，恁慘啊！因為恁連芳料、薄荷、八角、小茴香都獻十分一互上帝，律法所重視的正義、仁慈，及信實，恁顛倒忽略。諸個才是恁應該實行的；頂面許個嘛通忽略。
23:24 恁睛瞑做導頭的，蚊仔就瀘起來，駱駝就吞落去。
23:24 恁諸個睛瞑做導路的，一隻細隻蠓蟲恁都給濾出來，駱駝顛倒歸隻給吞落去。
23:25 「恁假好的經學士及法利賽人有災禍啊！因為恁清氣杯盤的外面，若是彼內面貯勒索及放蕩滿滿。
23:25 「假好的經學教師及法利賽人，恁慘啊！因為恁將杯及盤的外面洗清氣，內面卻貯滿貪慾及放縱。
23:26 你睛的法利賽人啊，代先清氣杯盤的內面，互伊的外面亦會清氣。
23:26 恁諸個睛瞑的法利賽人啊，著先給杯的內面洗清氣，外面自然就清氣。
23:27 「恁假好的經學士及法利賽人有災禍啊！因為恁親像粉白的墓，外面看是媠，若是內面貯死人的骨頭及逐項的污穢滿滿。
23:27 「假好的經學教師及法利賽人，恁慘啊！因為恁親像潻白白的墓，外面好看，內面卻貯滿死人的骨頭及逐項的污穢。
23:28 按呢，恁外面互人看是義，若是內面就假好及不法滿滿。
23:28 恁嘛親像按呢，外面互人看做義人，內面卻充滿假好及不法。
23:29 「恁假好的經學士及法利賽人有災禍啊！因為恁創先知人的墓，修整義人的墳墓，
23:29 「假好的經學教師及法利賽人，恁慘啊！因為恁造先知的墓，整修義人的紀念碑，
23:30 亦講：『設使阮佇阮祖的時，就無及𪜶有份佇流先知人的血。』
23:30 閣講『阮若活佇阮祖先的時代，一定𣍐及𪜶做夥殺害先知』。
23:31 按呢恁家己干證是做刣先知人者的後裔。
23:31 按呢，恁是啲證實恁家己是殺害先知的人的子孫。
23:32 做恁去滿恁祖的份量！
23:32 恁祖先做的歹代，做恁去完成好啦！
23:33 蛇啊，毒蟲的類啊！恁豈會逃閃地獄的刑罰？
23:33 恁諸個毒蛇的子孫，奸鬼的人啊，恁豈會當逃閃地獄的刑罰？
23:34 所以我差先知、智識的人，經學士就近恁，有的恁欲刣伊，欲釘伊佇十字架；也有的欲佇恁的會堂用鞭拍伊，對此個城趕逐𪜶到彼個城，
23:34 所以，我欲差先知、智慧的人，及經學教師去恁遐；𪜶有的會互恁殺害抑是釘十字架，有的會互恁佇恁的會堂鞭拍，互恁對此個城趕到彼個城。
23:35 致到地上所流義人的血，攏歸佇恁，就是對義人亞伯的血到巴拉加的子撒迦利亞的血，伊是恁所刣佇殿及壇的中間的。
23:35 按呢，恁佇地上刣死義人的血債攏歸佇恁身上；就是對義人亞伯流的血到巴拉加的子撒迦利亞佇聖所及祭壇的中間流的血，攏歸佇恁身上。
23:36 我實在給恁講，諸個事攏欲歸佇此代。」
23:36 我實在給恁講，諸個債攏會歸佇此世代的人。」
為耶路撒冷哀哭
23:37 ( 路 13:34-35 )
「耶路撒冷啊，耶路撒冷啊，就是刣死先知人，用石頭擲奉差到佇伊的。我偌多擺愛聚集你的子兒，親像雞母聚集伊的雞仔佇翅下，若是恁愛。
為耶路撒冷哀哭
23:37 ( 路13:34-35 )
「耶路撒冷啊，耶路撒冷啊，你刣死先知，閣用石頭抌死上帝差來你遮的使者。我偌多遍愛欲聚集你的子兒，親像雞母聚集雞仔子給𪜶攔佇翼股下，恁攏無愛！
23:38 你看！恁的厝欲拋荒留啲互恁。
23:38 恁看，恁的厝會荒廢，無人住。
23:39 因為我給恁講，今了後，恁無看見我，聽候恁講：『佇主的名來的得著福氣。』」
23:39 我給恁講，對今以後恁絕對看𣍐著我，直到恁講：『奉主的名來彼位應該受稱讚！』」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。