上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
筵席的譬喻
22:1 ( 路 14:15-24 )
耶穌應伊閣用譬喻給𪜶講：
婚宴的譬喻
22:1 ( 路14:15-24 )
耶穌閣用譬喻給𪜶講：
22:2 「天國比並人君給伊的子備辦婚姻的筵席，
22:2 「天國通譬喻做一個國王給伊的子辦婚宴。
22:3 差伊的奴僕，召所請的來赴筵席，若是𪜶來。
22:3 伊差奴僕去叫所請的人客來赴婚宴，不過𪜶來。
22:4 閣差別個奴僕，講：『去給所請的講，我的桌已經備辦便，我的牛及肥的精牲已經刣，百項物攏便，著來赴筵席。』
22:4 國王閣差其他的奴僕，給𪜶講：『恁去給許個受邀請的人講，我的宴席已經準備好勢；我的牛及肥的牛仔子嘛已經刣，一切攏準備好勢啦，請恁來赴婚宴。』
22:5 𪜶無要緊做𪜶去；一個去伊的田園；一個去伊的生理場；
22:5 拘許個受邀請的人無看做要緊，做𪜶去；一個去園裡做工；一個去做生理；
22:6 其餘的掠伊的奴僕，凌辱𪜶，刣𪜶。
22:6 其他的掠伊的奴僕，給𪜶凌辱，續給𪜶刣死。
22:7 人君受氣，差伊的軍兵剿滅許個兇犯，續燒𪜶的城。
22:7 國王非常受氣，就派兵去剿滅許個兇手，放火燒𪜶的城。
22:8 就給伊的奴僕講：『婚姻的筵席已經便，若是所請的𣍐堪得。
22:8 然後伊給奴僕講：『婚宴準備好啦，拘所邀請的攏不配互咱請。
22:9 所以恁去大路頭，見若所抵著的，攏請伊來赴筵席。』
22:9 所以，恁去街路口，抵著的人攏給𪜶請來赴婚宴。』
22:10 許個奴僕出去路裡，聚集凡所抵著的，無論好歹，婚姻的客廳人客就滿。
22:10 許個奴僕就出去街裡，抵著的無論好人歹人攏給𪜶請來；婚宴的所在人客就坐到滿滿。
22:11 人君入去看人客，看見佇遐一人無穿禮服，
22:11 「國王入來看許個人客，看著佇遐有一個人無穿婚宴的禮服。
22:12 給伊講：『朋友啊，你無穿婚姻的禮服，怎樣入來遮？』伊就靜靜。
22:12 伊就給伊問：『朋友啊，你入來遮哪無穿婚宴的禮服？』彼個人攏無應。
22:13 彼時人君給諸個差用講：『縛伊的腳手，將伊㧒佇外面黑暗的所在；佇遐欲有啼哭咬牙切齒。』
22:13 國王就對差用的講：『腳手給縛起來，給伊㧒出去外面烏暗的所在。佇遐，伊會啼哭，咬牙切齒。』
22:14 因為受召的多，受揀的少。」
22:14 「受呼召的真多，拘受揀選的真少。」
納稅互該撒的問題
22:15 ( 可 12:13-17 路 20:19-26 )
彼時，法利賽人去參詳，看通怎樣就伊的話來罩伊，
納稅的問題
22:15 ( 可12:13-17 路20:20-26 )
法利賽派的人出去，做夥參詳欲按怎掠耶穌的話縫通給伊陷害。
22:16 就差𪜶的學生及希律黨就近伊，講：「先生啊，阮知你是真實，閣用真實將上帝的路教示人，你也無掠甚麼人做要緊，因為你無看人的外貌。
22:16 𪜶差家己的門徒及希律黨的人去耶穌遐，對伊講：「老師，阮知你真誠實，照實將上帝的道理教示人，無論什麼款人，你對待𪜶攏無差別。
22:17 納稅互該撒合宜抑無？你拍算怎樣？請給阮講。」
22:17 納稅互羅馬皇帝凱撒有合律法無？請給阮講你的想法啥款。」
22:18 耶穌知𪜶的歹，就講：「假好的人啊，啥事試我？
22:18 耶穌知影𪜶的惡意，就對𪜶講：「假好的人，是按怎欲給我試探？
22:19 用納稅的銀仔互我看！」𪜶就提一個銀仔互伊。
22:19 提一個納稅的銀幣互我看。」
𪜶就提一個銀幣互伊。
22:20 耶穌給𪜶講：「此個像及號是是誰？」
22:20 耶穌問𪜶：「這是什麼人的像，什麼人的字號？」
22:21 給伊講：「該撒。」伊就給𪜶講：「按呢，恁著將該撒的物納互該撒；將上帝的物納互上帝。」
22:21 𪜶講：「凱撒的。」
耶穌就給𪜶講：「按呢，凱撒的物互凱撒；上帝的物互上帝。」
22:22 𪜶聽見就奇怪，離開伊去。
22:22 𪜶聽了真著驚，就離開。
復活的問題
22:23 ( 可 12:18-27 路 20:27-40 )
彼日有撒都該人，就是講人無復活的。就近伊問講：
死人復活的問題
22:23 ( 可12:18-27 路20:27-40 )
像彼日，一寡主張無復活的撒都該派的人來耶穌遐，問伊講：
22:24 「先生啊，摩西講：『人死，也無子，伊的小弟著娶伊的某，生子來續接伊的兄。』
22:24 「老師，摩西講：『有人無生子就死去，小弟著娶兄嫂替兄哥傳宗接代。』
22:25 今阮中間有兄弟七人，大的娶，就死去，無子，留伊的某互小弟。
22:25 以前阮遮曾有七個兄弟；上大的結婚，無留後代就死去，放某互小弟。
22:26 第二個，第三個，到第七個，也攏是按呢。
22:26 第二個，第三個，到第七個攏像款。
22:27 到尾，彼個婦仁人也死。
22:27 𪜶攏死了後，彼個婦仁人嘛死去。
22:28 按呢，佇復活的時，七人中婦仁人欲做是誰的某？因為攏有娶伊。」
22:28 按呢，復活的時，此個婦仁人是此七個人中間叨一個的某？因為𪜶攏曾娶伊。」
22:29 耶穌應伊講：「恁錯啦；因為恁識聖經，及上帝的權能。
22:29 耶穌應講：「恁著。恁識聖經，嘛識上帝的權能。
22:30 因為復活的時，無嫁無娶，是親像天使佇天裡。
22:30 因為復活的時，𪜶及天頂的天使像款，無嫁無娶。
22:31 論到死人復活，豈未讀著上帝所給恁講的？
22:31 關係死人復活的事，恁豈無讀著上帝對恁講的話：
22:32 講：『我就是亞伯拉罕的上帝，以撒的上帝，雅各的上帝。』伊是死人的上帝，是活人的上帝。」
22:32 『我就是亞伯拉罕的上帝，以撒的上帝，雅各的上帝』？伊是死人的上帝，是活人的上帝。」
22:33 眾人聽見，奇怪伊的教示。
22:33 群眾一下聽著，對伊的教示感覺真著驚。
最大的誡命
22:34 ( 可 12:28-34 路 10:25-28 )
法利賽人聽見伊已經塞密撒都該人的嘴，就相及聚集。
上大的誡命
22:34 ( 可12:28-34 路10:25-28 )
法利賽派的人聽著耶穌互撒都該派的人無話通應，就聚集做夥。
22:35 其中一人做教法師的，試伊，問講：
22:35 其中有一個律法教師來問一個問題，欲給伊試探，講：
22:36 「先生啊，律法中甚麼誡最大？」
22:36 「老師，摩西的律法叨一條是上大的誡命？」
22:37 伊給伊講：「你著盡心、盡性、盡意疼主──你的上帝。
22:37 耶穌應講：「你著全心，全情，全意疼主—你的上帝。
22:38 此個誡是大的，也是頭一個。
22:38 這是上大閣第一的誡命。
22:39 第二個也相親像，是講，你著疼厝邊親像家己。
22:39 第二的嘛像款：著疼厝邊親像疼家己。
22:40 此二條誡是全律法及先知的總根頭。」
22:40 全部律法及先知的教示攏用此兩條做根據。」
大衛子孫的問題
22:41 ( 可 12:35-37 路 20:42-44 )
法利賽人聚集的時，耶穌問𪜶講：
關係大衛後代的問題
22:41 ( 可12:35-37 路20:41-44 )
法利賽派的人聚集的時，耶穌問𪜶：
22:42 「論基督，恁拍算怎樣？伊是是誰的後裔？」𪜶給伊講：「是大衛的。」
22:42 「關係基督，伊是什麼人的後代，恁想按怎？」
𪜶講：「伊是大衛的後代。」
22:43 伊給𪜶講：「按呢，就大衛互聖神感動，怎樣稱伊做主啊，講：
22:43 耶穌對𪜶講：「若是按呢，是按怎大衛受聖神感動的時稱基督做主，講：
22:44 主給我的主講：
坐我的大旁，
聽候我將你諸個對敵下佇你的腳下。
22:44 主給我的主講：
你坐我的正旁，
到我互你的對敵屈服佇你腳下。
22:45 大衛既然稱伊做主，就基督怎樣做伊的後裔啊？」
22:45 既然大衛稱呼基督做『主』，基督哪會是大衛的後代？」
22:46 無人會應伊一句。對彼日，也無人敢閣問伊。
22:46 無人會當回答半句。對彼日起，無人敢閣給伊問什麼問題。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。