上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
求主顯神蹟
16:1 ( 可 8:11-13 路 12:54-56 )
法利賽及撒都該人來試耶穌，請伊用對天的神蹟互𪜶看。
法利賽派的人要求神跡
16:1 ( 可8:11-13 路12:54-56 )
有法利賽派及撒都該派的人來試探耶穌，要求伊互𪜶看對天來的神跡。
16:2 若是伊應講：「下昏時，恁講：『會好天啦。』因為天色紅。
16:2 耶穌應講：「黃昏的時，恁講『明仔載會好天，因為天色紅』。
16:3 亦早起時，恁講：『今仔日有風雨。』因為天色黑眑。恁會曉分別天色，獨獨𣍐分別諸個時的神蹟。
16:3 早起時恁講『今仔日有風雨，因為天色暗閣紅』。恁都看會出天的景象，哪看𣍐出此個時代的兆頭。
16:4 惡毒姦淫的世代求神蹟，獨獨約拿的神蹟以外，無欲神蹟互伊。」就離別𪜶去。
16:4 邪惡姦淫的世代要求神跡，拘約拿的神跡以外，𣍐閣有神跡互此世代的人。」
講了，耶穌就離開𪜶去別位。
持防法利賽人及撒都該人的酵
16:5 ( 可 8:14-21 )
學生過去彼旁，𣍐記得帶餅。
法利賽派及撒都該派的酵
16:5 ( 可8:14-21 )
門徒到湖的彼旁岸才知𪜶𣍐記得帶餅。
16:6 耶穌給𪜶講：「著謹慎持防法利賽及撒都該人的酵。」
16:6 耶穌給𪜶講：「著注意，著持防法利賽派及撒都該派的酵。」
16:7 學生相及議論講：「是咱無帶餅哦。」
16:7 𪜶互相議論講：「是因為咱無帶餅是無？」
16:8 耶穌知，就講：「小信的人啊，啥事因為無餅相及議論啊？
16:8 耶穌知影就講：「小信的人，恁是按怎啲議論無帶餅的代誌？
16:9 恁猶久𣍐曉得？亦𣍐記得五千人食五個餅、恁拾幾筐啊？
16:9 恁豈猶未明白，豈𣍐記得我用五個餅互五千人食，食賰的恁有拾幾籃？
16:10 亦四千人食七個餅、恁拾幾籃啊？
16:10 恁豈𣍐記得我用七個餅互四千人食，食賰的恁有拾幾籠？
16:11 恁怎樣𣍐曉得我所給恁講的，是指餅，『獨獨著持防法利賽及撒都該人的酵。』」
16:11 是按怎恁無明白我給恁講的是關係餅的代誌？著持防法利賽派及撒都該派的酵！」
16:12 𪜶才會曉得伊所講的是持防餅的酵，就是法利賽及撒都該人的教。
16:12 此時門徒才明白耶穌是講著持防餅的酵，是著持防法利賽派及撒都該派的教示。
彼得認做基督
16:13 ( 可 8:27-30 路 9:18-21 )
耶穌已經到該撒利亞‧腓力比的境界，問伊的學生講：「人啲講人子是是誰？」
彼得宣認耶穌是基督
16:13 ( 可8:27-30 路9:18-21 )
耶穌來到凱撒利亞腓立比境內的時，問伊的門徒講：「人講人子是什麼人？」
16:14 𪜶講：「有的講是行洗禮的約翰；有的講是以利亞；閣有的講是耶利米抑是先知人的一個。」
16:14 𪜶應講：「有人講是施洗者約翰；有人講是以利亞；嘛有人講是耶利米抑是先知中的一位。」
16:15 伊就給𪜶講：「若是恁講我是是誰？」
16:15 耶穌問𪜶講：「恁咧，恁講我是什麼人？」
16:16 西門‧彼得應講：「你是基督，真活上帝的子。」
16:16 西門‧彼得應講：「你是基督，永活上帝的子。」
16:17 耶穌應伊講：「西門‧巴‧約拿，你有福氣啊！因為血氣肉體的無指示你，就是我佇天裡的父指示你。
16:17 耶穌應伊講：「西門巴約拿，你真有福氣，因為給你啟示的是人，是我的天父。
16:18 我閣給你講，你就是彼得，佇此個石磐頂我欲起造我的教會；陰府的關隘也𣍐贏伊。
16:18 我閣給你講，你是彼得，是石磐，我欲佇此個石磐頂起造我的教會，陰府死亡的權勢都𣍐贏過伊。
16:19 我欲用天國的鎖匙互你，見若你佇地裡縛的，佇天裡亦欲縛伊；見若你佇地裡放的，佇天裡亦欲放伊。」
16:19 我欲將天國的鎖匙互你；你佇地上禁止的，佇天頂嘛會禁止；你佇地上允准的，佇天頂嘛會允准。」
16:20 彼時，就禁戒學生，莫得給人講伊是基督。
16:20 後來，伊命令門徒通給人講伊就是基督。
耶穌預言受害死及復活
16:21 ( 可 8:31—9:1 路 9:22-27 )
對彼霎起，耶穌才指示伊的學生，知伊著去耶路撒冷，對諸個長老、祭司頭、經學士受著多多苦楚，閣受害死，第三日復活。
耶穌預告受難及復活
16:21 ( 可8:31-9:1 路9:22-27 )
彼時，耶穌開始對伊的門徒表示伊一定著去耶路撒冷，對長老、祭司長，及經學教師受真多苦難，閣互人害死，第三日上帝會互伊復活。
16:22 彼得牽伊，責備伊講：「主啊，千萬通！此個決斷無欲到佇你。」
16:22 彼得就扭耶穌去piⁿ-a，給伊責備講：「主啊，絕對通！你𣍐用得有此款代誌！」
16:23 耶穌越轉身，給彼得講：「撒但，退去我的後面！你是我的塞礙；因為你所想是上帝的事，是人的事。」
16:23 耶穌越轉身對彼得講：「撒旦，閃開！你啲給我纏腳絆手；你想的是上帝的事，是人的事。」
16:24 彼時耶穌給伊的學生講：「人若愛隨我，著看無家己，夯伊的十字架來隨我。
16:24 後來，耶穌對伊的門徒講：「欲隨我的人，著完全否定家己，夯家己的十字架來隨我。
16:25 因為，見若愛救伊的生命的，欲失落伊；見若為著我來失落伊的生命的，欲得著伊。
16:25 因為欲救家己的性命的，會喪失性命；為著我的緣故喪失家己的性命的，會得著性命。
16:26 人若得著全世界，來喪失伊的生命，有甚麼利益？抑是人欲出甚麼來對換伊的生命？
16:26 人若得著全世界煞喪失家己的性命有什麼利益？人會當用什麼代價來交換家己的性命？
16:27 因為人子用伊的父的榮光，及伊的天使欲來；彼時，欲照逐人的所行來報應。
16:27 人子啲欲佇伊的父的榮耀中及伊的天使來臨，彼時伊會照逐個人的行為給𪜶報賞抑是刑罰。
16:28 我實在給恁講，徛佇遮的，有人猶未死，會看見人子佇伊的國來。」
16:28 我實在給恁講，徛佇遮的人，有的猶未死以前會看見人子作王來臨。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。