上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
古早人的流傳
15:1 ( 可 7:1-13 )
彼時，有法利賽人及經學士，對耶路撒冷來就近耶穌，講：
祖先的傳統
15:1 ( 可7:1-13 )
有法利賽派的人及經學教師對耶路撒冷來見耶穌，問伊講：
15:2 「你的學生啥事犯著古早人的流傳？因為食的時，𪜶無洗手。」
15:2 「是按怎你的門徒無先洗手就食飯，違犯古早人的傳統？」
15:3 伊就應講：「啥事恁亦對恁的流傳來犯著上帝的命令啊？
15:3 伊應講：「恁是按怎因為恁的傳統來違犯上帝的誡命？
15:4 因為上帝講：『著敬恁的父恁的母』；閣有講：『罵父抑是罵母的，的確著互伊死。』
15:4 上帝講：『著孝敬父母』；閣講：『罵老父抑是罵老母的人應該處死。』
15:5 若是恁就講：『見若人對父抑是母講：你本所會通對我得著的利益已經獻去，
15:5 拘恁講：『人若對家己的老父抑是老母講：我應該互你的已經獻互上帝，
15:6 彼人就決斷無敬伊的父。』恁就對恁的流傳，已經廢上帝的道理。
15:6 伊就無需要孝敬老父。』(115.6有抄本加「抑是老母」。)按呢，恁因為家己的傳統廢除上帝的話。
15:7 假好的人啊，以賽亞指恁來讖語的真正著。伊講：
15:7 恁假好的人，以賽亞所講關係恁的預言真著；伊講：
15:8 此個百姓用嘴唇尊敬我，
若是𪜶的心離開我遠遠；
15:8 此個子民用嘴唇尊敬我，
𪜶的心卻離開我遠遠。
15:9 𪜶敬拜我是空空，
因為𪜶用人所命令的做教示來教示人。」
15:9 𪜶用人的規例做我的教示教示人；
𪜶敬拜我攏無採工。」
15:10 就叫眾人來，給𪜶講：「恁著聽，來曉悟。
什麼才會互人無清氣
15:10 ( 可7:14-23 )
耶穌叫眾人來，給𪜶講：「著聽，著了解：
15:11 是對嘴入的會互人污穢，就是對嘴出的此個會互人污穢。」
15:11 是對嘴入去的互人無清氣，是對嘴出來的才互人無清氣。」
15:12 彼時，學生就近來給伊講：「法利賽人聽見此個話，真願，你知嗎？」
15:12 門徒來對伊講：「法利賽派的人聽著你此個話真反感，你知無？」
15:13 伊應講：「見若栽種的物，是我的天父所栽種的，欲拔伊的根。
15:13 伊應講：「是我的天父栽種的，攏欲給伊摳起來。
15:14 出在𪜶！𪜶是睛瞑啲導路的；若是睛瞑給睛瞑的導路，二個啲欲跋落陷坑。」
15:14 出在𪜶講。𪜶是睛瞑啲牽睛瞑；若睛瞑牽睛瞑，兩個攏會跋落窟仔。」
15:15 彼得應伊講：「此個譬喻請給阮解明。」
15:15 彼得應伊講：「請你給阮解說此個譬喻。」
15:16 伊就講：「恁亦猶久未曉悟嗎？
15:16 伊就講：「連恁都猶無明白噢？
15:17 豈𣍐曉得見若對嘴入的，落佇腹肚，來放佇廁池啊？
15:17 恁豈無了解，所有對嘴入的攏入去腹肚內，後來放落去便所？
15:18 若是對嘴出的，是對心內發出，諸個互人污穢。
15:18 對嘴出來的是對心出，這才會互人無清氣。
15:19 因為對心發出歹念頭、行兇、姦淫、私通、偷提、濫糝干證、謗瀆。
15:19 因為對心出來的有歹念頭、凶殺、私通、姦淫、偷提、偽證，及誹謗。
15:20 諸個是互人污穢；若是無洗手來食，𣍐互人污穢。」
15:20 諸個才會互人無清氣；無洗手就食飯，𣍐互人無清氣。」
迦南婦仁人的信心
15:21 ( 可 7:24-30 )
耶穌對遐出去，退去到推羅、西頓的境界。
迦南婦仁人的信心
15:21 ( 可7:24-30 )
耶穌離開彼所在，退去泰爾及西頓的境內。
15:22 抵當有迦南的婦仁人，出𪜶的交界，喉叫講：「主啊！大衛的後裔，憐憫我！我的查某子患著鬼真艱苦。」
15:22 抵好有一個迦南的婦仁人對彼地區來，大聲喝：「主啊，大衛的子，憐憫我！我的查某子互鬼附身，真艱苦。」
15:23 耶穌無應伊一句。伊的學生來，求伊講：「著教伊去，因為伊佇咱的後面啲喉叫。」
15:23 耶穌無給伊應半句。伊的門徒來求伊講：「給伊趕走，伊隨佇咱後面直直啲喝。」
15:24 伊就應講：「我奉差無是就近以色列家失落的羊若定。」
15:24 耶穌應講：「我受差派只有是欲尋以色列家失落的羊。」
15:25 婦仁人來拜伊，講：「主啊，幫助我！」
15:25 拘婦仁人來跪佇伊的面前，講：「主啊，請幫贊我！」
15:26 若是伊講：「提子兒的餅㧒互狗仔是合。」
15:26 耶穌應講：「提囝仔的食物㧒互狗仔食，好。」
15:27 婦仁人講：「主啊，著；因為連狗仔亦會得食𪜶的主人桌腳磕落的餅幼。」
15:27 婦仁人講：「主，是啦，狗仔嘛有食主人桌頂落落來的餅幼仔。」
15:28 對按呢耶穌應講：「婦仁人啊，你的信大啦！照你所愛的，給你做成。」對彼時，伊的查某子已經好。
15:28 後來，耶穌應講：「婦仁人，你的信心真大。互你的心願實現！」伊的查某子佇彼陣得著醫好。
醫好多多病人
15:29 耶穌離開遐，到加利利海邊，上山啲坐，
醫好逐款病人
15:29 耶穌離開彼所在，沿加利利湖邊行，後來上山，佇遐坐。
15:30 有多多陣的人就近伊，續帶跛腳的、睛瞑的、啞口的、破相的，及多多別款的來，下佇伊的腳前；就醫好𪜶。
15:30 有真大陣的人導腳手瘸去、腳跛、目睭無看見、嘴𣍐講話，及真多有別款病的人來耶穌遐，下佇伊的腳前，伊就給𪜶醫好。
15:31 致到眾人卬愕；因為看見啞口的講話，破相的攏好，跛腳的行，睛瞑的看見，就歸榮光以色列的上帝。
15:31 眾人看著𣍐講話的人會講話，手瘸去的人復原，腳跛的人會行，𣍐看見的人會看見，真著驚，就歸榮光互以色列的上帝。
耶穌互四千人食飽
15:32 ( 可 8:1-10 )
耶穌叫伊的學生來，講：「我憐憫諸個人；因為𪜶已經及我住三日，亦無物通食。我甘互𪜶枵枵去，驚了𪜶路裡厭倦。」
互四千人食飽
15:32 ( 可8:1-10 )
耶穌叫伊的門徒來，給𪜶講：「我可憐此陣人，因為𪜶已經及我做夥三日久，現在無物通食啦。我甘互𪜶四散枵枵轉去，驚了𪜶佇路中暈倒。」
15:33 學生給伊講：「阮佇曠野，對叨落有許多餅通互即多人食飽？」
15:33 門徒給伊講：「佇此個偏僻無人住的所在，阮欲去叨位提赫多餅來互即多人食？」
15:34 耶穌給𪜶講：「恁有偌多餅？」應講：「七個，及淡薄細尾魚。」
15:34 耶穌問𪜶講：「恁有偌多餅？」
𪜶講：「七個；嘛有幾尾仔細尾魚。」
15:35 就吩咐眾人坐佇地裡，
15:35 伊命令群眾坐落去土腳，
15:36 提彼七個餅及魚，祝謝，擘，交互學生；學生就互眾人，
15:36 然後提彼七個餅及許個魚，感謝，擘開，提互門徒，門徒就提互群眾。
15:37 攏食到飽，拾所剩的屑仔，貯滿七籃。
15:37 眾人攏食，食到飽；𪜶拾食賰的碎屑仔，貯滿七籠。
15:38 食者，婦仁人囝仔以外，共四千人。
15:38 食的人，婦仁人及囝仔無算，干單查甫人就有四千。
15:39 既然互眾人四散，就上船，到馬加但的交界。
15:39 耶穌解散群眾了後，上船去馬加丹地區。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。