上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
11:1 耶穌吩咐伊十二個學生明白，就離開遐，欲佇𪜶許個城教示人及傳道。
施洗者約翰差門徒去見耶穌
11:1 ( 路7:18-35 )
耶穌教示十二個門徒以後離開彼所在，去附近的城市教示人及傳福音。
行洗禮約翰的學生來見耶穌
11:2 ( 路 7:18-35 )
約翰佇監裡聽見基督所行的事，就差學生問伊講：
11:2 約翰佇監裡聽著基督所做的事，就差伊的門徒去
11:3 「所欲來的是你嗎？抑是阮著向望別人啊？」
11:3 問伊：「你就是啲欲來彼位，抑是阮著聽候別人？」
11:4 耶穌應講：「恁著去，將恁所聽見所看見、的給約翰講。
11:4 耶穌應講：「恁將所聽著，所看著的去給約翰講，
11:5 就是睛瞑者看見，跛腳者行，癩𰣻者清氣，臭耳聾者聽見，死的人復活，喪鄉人得著聽福音。
11:5 就是失明的人閣看見，腳跛的人行路，痲瘋病人清氣，耳孔𣍐聽見的人聽見，死人復活，散赤人有好消息傳互𪜶。
11:6 見若無佇我來著觸的有福氣！」
11:6 對我無失去信心的人真有福氣！」
11:7 𪜶去的時，耶穌才提起約翰給眾人講：「恁前出去曠野欲看甚麼？是蘆竹互風吹振動嗎？
11:7 約翰的門徒離開了後，耶穌才對群眾講起約翰的事。伊講：「恁出去曠野是欲看什麼？欲看互風吹搖來搖去的蘆葦是無？
11:8 恁出去愛看甚麼？是人穿幼軟的衣裳嗎？你看，穿幼軟的是佇王宮。
11:8 若是，恁出去欲看什麼？欲看穿高貴衣服的人是無？恁看，穿高貴衣服的人是佇王宮。
11:9 若是按呢恁出去欲啥事？是欲看先知嗎？是啦。我給恁講，伊是猶卡贏過先知。
11:9 按呢，恁出去欲看什麼？欲看先知是無？是，拘我給恁講，伊比先知閣較偉大。
11:10 此人就是經裡所指的講：『我差我的使者佇你的面前，伊欲佇你的頭前備辦你的路』。
11:10 關係約翰，聖經有按呢記載：
看啊，我差我的使者做你的先鋒；
伊欲佇你的頭前給你開路。
11:11 我實在給恁講，婦仁人所生的，從中未有興起卡大佇行洗禮的約翰；總是佇天國的微細的，猶卡大伊。
11:11 「我實在給恁講，婦仁人所生的無人比施洗者約翰較偉大；拘，佇天國上微細的猶比伊閣較偉大。
11:12 對行洗禮約翰的時日到今，天國互人強強取，強的人用力取伊。
11:12 對施洗者約翰的日到現在，天國一直受強烈的攻擊，兇猛的人用暴力給伊搶去。
11:13 因為眾先知及律法有讖語，到約翰的時。
11:13 先知及律法所有的預言到約翰為止。
11:14 恁若甘願承受，此人就是啲欲來的以利亞。
11:14 恁若願意接受諸個預言，就會明白約翰就是彼個啲欲來的以利亞。
11:15 有耳孔通聽的，著聽！
11:15 有耳孔的，著聽！
11:16 此世代我欲用甚麼來比並伊？是親像囝仔坐佇街市裡來叫𪜶的同伴，講：
11:16 「我欲用什麼比並此世代？𪜶親像一陣囝仔坐佇市場口(111.16「市場口」是人聚集，交陪，處理代誌的所在。*)對另外一陣喝：
11:17 阮對恁歕笛仔，
恁無跳舞；
阮曾悲哀，
恁無搥胸。
11:17 阮對恁歕𥰔仔，恁無跳舞！
阮唱哀歌，恁嘛無悲傷！
11:18 因為約翰來，無食無飲，人就講伊患著鬼；
11:18 約翰來，無食無飲，人就講：『伊互鬼附身！』
11:19 人子來，亦食亦飲，人就講伊是貪食好酒的人，抽餉及歹人的朋友。若是智慧對伊的所行顯明伊是著。」
11:19 人子來，嘛食嘛飲，人就講：『伊是貪食好酒的人，是貿稅的及罪人的朋友！』不過，實在的智慧對行為得著證實。」
耶穌責備反悔的城
11:20 ( 路 10:13-15 )
耶穌曾佇許個城行多多權能，因為𪜶攏無反悔，彼時才責備𪜶，講：
責備無悔改的城
11:20 ( 路10:13-15 )
耶穌有佇一寡城市行真多神跡，拘許個城市的人攏無悔改，伊就給𪜶責備。
11:21 「哥拉汛啊，你有災禍！伯賽大啊，你有災禍！因為佇恁中間所行諸個權能，若有行佇推羅及西頓，𪜶就早早穿麻衫摻火灰來反悔。
11:21 伊講：「哥拉汛，你慘啊！伯賽大，你慘啊！我佇恁中間行的神跡若佇泰爾及西頓行，𪜶早就穿麻衫糝火灰悔改啦。
11:22 若是我給恁講，當審判的日，推羅及西頓比恁猶卡快擔當！
11:22 我給恁講，佇審判的日，泰爾及西頓受的刑罰會比恁著受的較好忍受。
11:23 迦百農啊，你豈會得著舉起到天嗎？你欲墜落陰府；因為佇你的中間所行諸個權能，若有行佇所多瑪，就到今仔日伊猶佇啲。
11:23 你咧，迦百農，
你愛人給你扶上天是無？
𣍐，上帝會給你㧒落陰府。
佇你遐行的神跡若佇所多瑪行，所多瑪一定猶留到今仔日。
11:24 若是我給恁講，當審判的日，所多瑪的地方，比你卡快擔當！」
11:24 總是我給恁講，佇審判的日，所多瑪地區受的刑罰比你著受的較好忍受。」
來就近我
11:25 ( 路 10:21-22 )
當彼時，耶穌應講：「父啊，天地的主，我謳咾你！因為你將諸個事對智慧聰明的有隱密伊，對細子有顯明伊。
來我遮得安歇
11:25 ( 路10:21-22 )
彼時，耶穌講：「父啊，天地的主，我感謝你，因為你有將諸個事對有智慧有學問的人蓋起來，對細漢囝仔啟示。
11:26 父啊，是啦，因為你看按呢做歡喜。
11:26 父啊，是啦，因為這是你的好旨意。
11:27 萬項有，對我的父交付我；父以外，無一個識子；子及子所愛欲指示的以外，無一個識父。
11:27 「我的父已經有將一切攏交託我。父以外無人識子；子及子愛欲啟示的人以外嘛無人識父。
11:28 恁見若著磨擔重擔的著就近我，我欲互恁安息。
11:28 「勞苦背重擔的人攏著來我遮，我欲互恁安歇。
11:29 我心內溫柔謙遜，恁背我的軛，來對我學；就恁的心神會得著安息。
11:29 著背我的軛，對我來學，因為我的心溫柔謙遜，恁的心神就會得著安歇。
11:30 因為我的軛是快，我的擔是輕。」
11:30 因為我的軛(211.30「軛」是牛、驢、馬拖車抑是犁田的時靠佇肩頭頂彎彎的柴具。)合用，我的擔真輕。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。