上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
醫好半病的人
9:1 ( 可 2:1-12 路 5:17-26 )
耶穌落船，過海，去到伊的本城。
耶穌醫好半身不遂的人
9:1 ( 可2:1-12 路5:17-26 )
耶穌坐船過湖，轉去家己的城。
9:2 抵當有人扛一個半𤻄者倒佇舖仔裡來就近伊。耶穌看見𪜶的信，就給半𤻄者講：「子啊，做你安心！你的罪赦啦。」
9:2 有人用床扛一個半身不遂的人來耶穌遐。伊看見𪜶的信心，就對彼個半身不遂的人講：「少年人，安心，你的罪赦免啦！」
9:3 有經學士幾若人心內講：「此人僭權濫糝講。」
9:3 有幾若個經學教師心內想：「此個人啲褻瀆上帝！」
9:4 耶穌知𪜶的心意，就講：「恁啥事心內囥歹意思啊？
9:4 耶穌知𪜶的心思就問𪜶：「是按怎恁心內有此款歹念頭？
9:5 講『你的罪赦』，抑是講『起來行』，叨落一項卡快？
9:5 對此個人講『你的罪赦免啦』，抑是講『你起來行』，叨一項較簡單？
9:6 總是欲互恁知，人子佇地裡有權通赦罪」；就給半𤻄者講：「起來！夯你的舖仔倒去你的厝。」
9:6 不過我欲互恁知，人子佇地上有赦罪的權柄。」然後伊對彼個半身不遂的人講：「起來，夯你的床，轉去恁兜！」
9:7 伊就起來，倒去伊的厝。
9:7 彼個人就起來，轉去𪜶兜。
9:8 眾人看見就驚，歸榮光上帝，就是用此號權互人的。
9:8 眾人看著真著驚，歸榮光互上帝，因為伊有將此款權柄賜互人。
呼召馬太
9:9 ( 可 2:13-17 路 5:27-32 )
耶穌對遐經過，看見一人名馬太，坐佇餉關；就給伊講：「隨我。」伊就起來隨伊。
耶穌呼召馬太
9:9 ( 可2:13-17 路5:27-32 )
耶穌離開遐向頭前行的時看著一個人，名叫做馬太，坐佇稅關。耶穌給伊講：「來隨我！」伊就起來隨伊。
9:10 耶穌坐桌佇伊的厝，有多多抽餉者及歹人來，及耶穌參伊的學生同坐。
9:10 耶穌佇馬太的厝食飯的時，有真多貿稅的及罪人嘛來及耶穌以及伊的門徒做夥食。
9:11 法利賽人看見，給伊的學生講：「恁先生啥事及抽餉者以及歹人相及食？」
9:11 法利賽派的人看著就對伊的門徒講：「是按怎恁老師及貿稅的以及罪人做夥食飯？」
9:12 耶穌聽見，就講：「勇健的人無欠用醫生，獨獨破病的就著。
9:12 耶穌聽著就講：「健康的無需要醫生，破病的才有需要。
9:13 總是，『我愛憐憫，愛祭祀。』此句甚麼意義，恁著去學。因為我來是欲招義人，是欲招歹人。」
9:13 恁去學習此句聖經的話：『我愛憐憫，無愛祭物。』因為我來，是欲招義人，是欲招罪人。」
禁食的問題
9:14 ( 可 2:18-22 路 5:33-39 )
彼時，約翰的學生就近伊，講：「阮及法利賽人沓沓禁食，若是你的學生無禁食，是怎樣？」
禁食的問題
9:14 ( 可2:18-22 路5:33-39 )
有一遍，約翰的門徒來見耶穌，對伊講：「阮及法利賽派的人常常禁食，是按怎你的門徒無禁食？」
9:15 耶穌給𪜶講：「新子婿及賀娶的人相及佇啲，賀娶的人豈會哀傷嗎？獨獨時日欲到，新子婿對𪜶中間無去，彼時𪜶就欲禁食。
9:15 耶穌應講：「新郎猶及婚宴的人客做夥的時，人客豈會哀傷？日子啲欲到，新郎會互人對𪜶中間掠去，彼時𪜶就會禁食。
9:16 無人用新布補舊衫；因為所補的彼塊會糾裂彼領衫，伊的破孔閣卡大。
9:16 「無人用無勼水的布去補舊衫，因為補的彼塊會給衫糾裂，顛倒破閣較大空。
9:17 人也無用新酒貯佇舊皮囊；若是有，就囊裂，酒漏，囊亦續歹。獨獨用新酒貯佇新皮囊，就二項攏保全。」
9:17 嘛無人將新酒入佇舊皮袋。若按呢做，皮袋會爆破，酒流出來，皮袋嘛歹去。新酒應該入佇新皮袋，按呢兩項就攏保全。」
管會堂者的查某子及血漏的婦仁人
9:18 ( 可 5:21-43 路 8:40-56 )
講諸個話的時，抵當有一個官來拜伊，講：「我的查某子抵仔死，總是你來用手摸伊，伊就會活。」
會堂主管的查某子及致著血漏病的婦仁人
9:18 ( 可5:21-43 路8:40-56 )
耶穌對𪜶講諸個話的時，有一個會堂的主管來跪佇伊的面前，講：「我的查某子抵仔死去，請你來給伊按手，伊就會活起來。」
9:19 耶穌起來隨伊去；伊的學生亦去。
9:19 耶穌就起來，隨伊去；伊的門徒嘛去。
9:20 抵當有一個婦仁人，血漏十二年，行倚伊的尻脊後，摸伊衫仔裾的鬚；
9:20 抵彼時，有一個致著血漏病十二年久的婦仁人行倚去耶穌的後面，摸伊衫仔裾的鬚。
9:21 因為伊心內拍算講：「我干單摸伊的衫，就會好。」
9:21 因為伊心內想：「我干單摸著伊的衫，病就會好。」
9:22 耶穌越轉身，看伊，就講：「婦仁人啊，做你安心！你的信互你好啦。」對彼時，婦仁人就好。
9:22 耶穌越過來看伊，給伊講：「查某子，安心；你的信心互你好去啦！」婦仁人隨時得著醫好。
9:23 耶穌到彼個官的厝，看見歕笛仔的，也有眾人啲哭，
9:23 耶穌來到會堂主管的厝，看著歕笛仔的及歸大陣人浪浪滾，
9:24 就講：「退去！因為查某囝仔是死，是啲睏。」𪜶就冷笑伊。
9:24 就給𪜶講：「恁攏出去，此個查某囝仔是死去，是啲睏。」𪜶就給伊恥笑。
9:25 已經趕眾人出，就入去，牽伊的手，查某囝仔就起來。
9:25 趕群眾出去了後，耶穌入去查某囝仔的房間，牽伊的手，查某囝仔就起來。
9:26 此個風聲遍傳佇彼個地方。
9:26 對按呢，此個消息傳到彼地區的逐所在。
二個睛瞑人得著醫好
9:27 耶穌對遐經過，有二個睛瞑人隨伊，叫講：「大衛的後裔，憐憫阮！」
耶穌醫好兩個盲人
9:27 耶穌離開遐的時，有兩個盲人隨伊去；𪜶大聲喝：「大衛的子，憐憫阮！」
9:28 已經入厝，睛瞑人就近伊。耶穌給𪜶講：「恁信我會做此個事嗎？」應講：「主啊，有。」
9:28 耶穌入去厝內，盲人就行倚去。耶穌問𪜶：「恁信我會當給恁做此個代誌是無？」𪜶應講：「主啊，你會。」
9:29 伊就摸𪜶的目睭，講：「照恁的信給恁做成。」
9:29 然後，耶穌摸𪜶的目睭，講：「照恁的信心互恁實現。」
9:30 𪜶的目睭就開。耶穌嚴嚴吩咐𪜶講：「謹慎，莫得互人知。」
9:30 𪜶的目睭就開，會看見。耶穌嚴嚴吩咐𪜶講：「千萬通互人知此個代誌。」
9:31 若是𪜶出去，遍傳伊的名佇彼地方。
9:31 拘𪜶一下出去，煞將耶穌的代誌傳遍彼地區的逐所在。
醫好啞口
9:32 𪜶出去的時，抵當有人導一個啞口患著鬼者來就近耶穌。
耶穌醫好一個𣍐講話的人
9:32 𪜶出去的時，有人導一個互鬼附身𣍐講話的人來耶穌遐。
9:33 鬼已經趕出，啞口者就講話。許個眾人攏奇怪，講：「以色列中，未曾看見按呢。」
9:33 鬼一下互耶穌趕出去，彼個𣍐講話的人就講話。群眾攏著驚，講：「佇以色列阮曾看著此款代誌。」
9:34 若是法利賽人講：「伊倚靠鬼王來趕鬼。」
9:34 不過法利賽派的人講：「伊是靠鬼王啲趕鬼。」
耶穌的憐憫
9:35 耶穌遍行諸個城諸個鄉社，佇𪜶的會堂教示人，傳天國的福音，醫好逐樣的症頭逐樣的病疼。
耶穌可憐群眾
9:35 耶穌行透周圍所有的城市及庄社，佇𪜶的會堂教示人，傳天國的福音，醫好逐款的症頭及病疼。
9:36 伊看見許個眾人，就可憐𪜶；因為𪜶困苦四散，親像羊無牧者。
9:36 伊看著赫大陣的人，就可憐𪜶，因為𪜶親像羊無牧者，困苦，無人照顧。
9:37 對按呢就給伊的學生講：「通收成的是多，做工者是少。
9:37 耶穌就對伊的門徒講：「通收成的真多，做工的人真少。
9:38 所以，恁著求園主迫工去給伊收成。」
9:38 所以，恁著祈求管收成的主派工人去收成。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。