上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
論賑濟
6:1 「謹慎，莫得佇人的面前行恁的義，故意互𪜶看見，若按呢，就無得著報賞佇恁天裡的父。
賑濟
6:1 「著謹慎，通為著欲互人看才故意佇人的面前展恁的敬虔；按呢做𣍐當對恁的天父得著報賞。
6:2 所以，你賑濟的時，莫得佇你的面前歕號頭，親像假好的人佇會堂及街路所做的，愛人榮光𪜶。我實在給恁講，𪜶已經受著𪜶的報賞啦。
6:2 「所以，你賑濟的時，通先歕喇叭報人知，親像假好的人佇會堂及街路按呢做，愛互人謳咾。我實在給恁講，𪜶已經得著𪜶的報賞啦。
6:3 獨獨你賑濟的時，莫得互你的倒手知你的正手的所做，
6:3 你賑濟的時，通互你的倒手知正手的所做，
6:4 互你的賑濟隱密。就你的父鑑察佇隱密的，欲報答你。」
6:4 互你通恬恬仔賑濟，恬恬仔啲看的你的父會給你報賞。」
論祈禱
6:5 ( 路 11:2-4 )
「恁祈禱的時，莫得親像假好的人，因為𪜶愛徛佇會堂及大街面的越角祈禱，欲互人看見。我實在給恁講，𪜶已經受著𪜶的報賞啦。
祈禱
6:5 ( 路11:2-4 )
「恁祈禱的時，通親像假好的人，因為𪜶愛互人看，故意徛佇會堂抑是路口祈禱。我實在給恁講，𪜶已經得著報賞啦。
6:6 獨獨你祈禱的時，著入你的密房，關門，求你的父𫢶佇隱密的；就你的父鑑察佇隱密的，欲報答你。
6:6 你祈禱的時，著入去房間內，關門，對你恬恬仔啲看的父求，按呢恬恬仔啲看的你的父會給你報賞。
6:7 閣恁祈禱的時，話莫得沓沓重，親像外邦人，因為𪜶拍算講多多話才得著聽見。
6:7 「恁祈禱的時，通親像外邦人講了閣講，因為𪜶想，講較多話上帝才會聽見。
6:8 所以恁莫得學𪜶；因為恁未求伊的代先，恁的父已經知恁所欠用的。
6:8 恁通及𪜶像款；因為猶未求以前，恁的父已經知恁的需要。
6:9 所以，恁著按呢祈禱：
阮佇天裡的父；
願你的名聖。
6:9 所以，恁著按呢祈禱：
阮的天父：
願你的聖名受尊崇。
6:10 你的國臨到；
你的旨意得成，
佇地裡親像佇天裡。
6:10 願你施行主權；
願你的旨意實現，
佇地上親像佇天頂。
6:11 阮的日食，今仔日互阮。
6:11 求你今仔日賜阮需要的食物。
6:12 赦免阮的辜負，
親像阮亦有赦免辜負阮的人。
6:12 求你赦免阮的辜負，
親像阮嘛有赦免辜負阮的人。
6:13 莫得導阮入佇試；
著救阮脫離彼個歹的。
6:13 求你通互阮陷落擔當𣍐起的試探，
救阮脫離彼個邪惡者。(16.13有的抄本加添下面此句話「因為主權、權能、榮光攏屬你，直到永遠。阿們！」*)
6:14 「因為恁若赦免人的過失，恁的天父亦欲赦免恁；
6:14 「恁若赦免人的過失，恁的天父嘛會赦免恁；
6:15 恁若無赦免人的過失，恁的父亦無欲赦免恁的過失。」
6:15 恁若無赦免人，恁的天父嘛𣍐赦免恁的過失。」
論禁食
6:16 「閣恁禁食的時，莫得親像假好的人，帶憂容；因為𪜶將𪜶的面變歹看，欲互人看見𪜶啲禁食。我實在給恁講，𪜶已經受著𪜶的報賞啦。
禁食
6:16 「恁禁食的時，通親像假好的人憂頭結面；因為𪜶故意互面歹看，愛互人看出𪜶啲禁食。我實在給恁講，𪜶已經得著報賞啦。
6:17 獨獨你禁食的時，著抹你的頭洗你的面，
6:17 你禁食的時，頭毛著抹油，面著洗，
6:18 無互人看見你啲禁食，是互你住佇隱密的父看見；就你的父鑑察佇隱密的，欲報答你。」
6:18 互人看𣍐出你啲禁食，只有互恬恬仔啲看的父看見，按呢恬恬仔啲看的你的父會給你報賞。」
論天裡的財寶
6:19 ( 路 12:32-34 )
「莫得為著家己積聚財寶佇地裡；有蟲及銹拍歹，也有賊挖孔偷提的所在。
天頂的財寶
6:19 ( 路12:33-34 )
「通為著家己積聚財寶佇地上，佇遮有蟲咬，會生銹，賊會挖孔偷提。
6:20 獨獨為著家己積聚財寶佇天裡；蟲及銹無拍歹，也無賊挖孔偷提的所在。
6:20 著為著家己積聚財寶佇天頂，佇遐無蟲咬，𣍐生銹，無賊挖孔偷提。
6:21 因為恁的財寶佇遐，恁的心也欲佇遐。」
6:21 因為你的財寶佇叨位，你的心嘛會佇遐。」
論心內的光
6:22 ( 路 11:34-36 )
「身軀的燈就是目睭。你的目睭若金，通身軀就光；
身軀的光
6:22 ( 路11:34-36 )
「目睭是身軀的燈。你的目睭若金，歸身軀就光明；
6:23 你的目睭若花，通身軀就暗。你內面的光若暗，彼個暗偌大啊！」
6:23 你的目睭若花，歸身軀就烏暗。按呢，你內面的光若變做暗，此個烏暗是偌仔呢嚴重！」
6:24 ( 路 16:13 )
「無人會服事二個主人；因為伊會怨恨此個，疼彼個，抑是會對重此個，看輕彼個，恁𣍐會服事上帝，續服事錢財。」
上帝抑是財富
6:24 ( 路16:13 12:22-31 )
「無人會當服事兩個主人；伊若是怨恨此個，疼彼個，就是看重此個，看輕彼個。恁𣍐當像時服事上帝及錢財。
莫得掛慮
6:25 ( 路 12:22-31 )
「所以我給恁講，莫得掛慮恁的生命欲食甚麼，欲飲甚麼；抑是恁的身軀欲穿甚麼，恁的生命豈無卡大佇米糧？也恁的身軀豈無卡大佇衣裳嗎？
6:25 「所以，我給恁講，通為著恁的性命欲食什麼，欲飲什麼啲操煩；嘛通為著恁的身軀欲穿什麼啲操煩。性命豈是比食物較重要？身軀豈是比衣服較重要？
6:26 試看天中的飛鳥，無種作，無收成，無積聚佇粟倉，恁的天父也啲飼𪜶。恁豈無比許個卡貴氣嗎？
6:26 恁看空中的飛鳥，𪜶無種作，無收成，嘛無囤積糧食佇倉庫，恁的天父嘛啲給𪜶養飼。恁豈無比𪜶較貴重？
6:27 恁甚麼人會用掛慮互生命卡長一刻久？
6:27 恁豈有人想講操煩會當互家己的性命加活一時仔久？(26.27「性命加活一時仔久」嘛通譯做「身軀較高一尺」。*)
6:28 啥事為著衣裳掛慮啊？試想山裡的百合花怎樣大欉；𪜶無著磨，無紡績。
6:28 「恁哪著因為欲穿什麼操煩？恁想看山野的花按怎啲大欉；𪜶無勞苦，嘛無紡織。
6:29 若是我給恁講，當所羅門極行伍的時，伊所穿的，值著此號花的一蕊！
6:29 不過我給恁講，連所羅門上榮華的時，伊穿的衫都無比諸個花的一蕊閣較媠。
6:30 今山裡的草今仔日佇啲，明仔日㧒佇火爐，上帝互伊穿到按呢，何況恁，小信的人啊！
6:30 山野的花草今仔日啲活，明仔載互人㧒落火爐，上帝都按呢給𪜶妝飾，伊豈𣍐閣較給恁妝飾？恁哪即呢無信心！
6:31 所以，莫得掛慮講，阮欲食甚麼？欲飲甚麼？欲穿甚麼？
6:31 「所以，恁免操煩講：『阮欲食什麼？』抑是『阮欲飲什麼，欲穿什麼？』
6:32 因為諸個攏是外邦人所求的。恁的天父也知，諸個攏是恁欠用的。
6:32 諸個攏是外邦人啲追求的。恁的天父知諸個攏是恁所需要的。
6:33 獨獨代先求伊的國及伊的義，就諸個物攏欲續互恁。
6:33 著先追求伊的主權及伊的旨意實現，諸個物件就會攏續互恁。
6:34 所以，莫得為著明仔日掛慮，因為彼個明仔日伊欲家己掛慮；一日的艱苦佇一日夠額。」
6:34 所以，通為著明仔載操煩；明仔載的代誌明仔載才操煩。一日的艱苦一日當。」
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。