上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
博士來朝拜
2:1 當希律王的時，耶穌已經出世佇猶太的伯利恆。有幾若個博士對東方來到耶路撒冷，講：
星象家來訪問
2:1 希律作王的時，耶穌佇猶太的伯利恆出世。有幾若個星象家對東方來到耶路撒冷。
2:2 「出世做猶太人的王的佇叨落？因為阮佇東方有看見伊的星，才來欲拜伊。」
2:2 𪜶問講：「彼個出世做猶太人的王的佇什麼所在？阮有看著伊的星出現，專工來欲拜伊。」
2:3 希律王聽見，就迫腹；通耶路撒冷亦是按呢。
2:3 希律王聽著，心內著急不安；耶路撒冷全城的人嘛是按呢。
2:4 就聚集眾祭司頭及百姓間的經學士，問𪜶：「基督著佇甚麼所在出世？」
2:4 伊就召集所有的祭司長及民間的經學教師，問𪜶講：「基督應該佇什麼所在出世？」
2:5 𪜶給伊講：「佇猶太的伯利恆。因為先知有記載，講：
2:5 𪜶應講：「猶太的伯利恆。因為先知有按呢記載：
2:6 猶太地伯利恆啊，
佇猶太諸個頭人中你攏是第一細的；
因為欲有一個人君對你出，
來照顧我的百姓以色列。」
2:6 猶大地區的伯利恆啊，
你佇猶大城市中是上微細的；
因為有一個領袖會對你遐出來，
伊欲牧養我的子民以色列。」
2:7 對按呢，希律暗靜召博士，對𪜶詳細查彼個星出現的時，
2:7 希律就暗中召彼幾個星象家，詳細給𪜶問彼粒星什麼時出現。
2:8 就差𪜶去伯利恆，講：「恁去詳細探聽彼個嬰仔的事，尋著就來給我講，互我也通去拜伊。」
2:8 後來，伊差𪜶去伯利恆，講：「恁去詳細查問關係此個細漢囝仔的事；尋著，著來報我知，我嘛通去拜伊。」
2:9 𪜶聽王的話就去。忽然東方所看見的星做頭導𪜶，到嬰仔的所在，就歇佇彼頂面。
2:9 𪜶聽王的話就去。𪜶佇東方看著的彼粒星做頭導𪜶，來到彼個細漢囝仔的所在就停佇頂面。
2:10 𪜶看見彼個星，歡喜到𣍐顧得；
2:10 𪜶看著彼粒星，非常歡喜。
2:11 入厝，看見嬰仔及伊的老母馬利亞，就仆落拜嬰仔，開𪜶的寶盒，獻禮物互伊，就是黃金、乳香、沒藥。
2:11 𪜶入去厝內，看著細漢囝仔及伊的老母馬利亞，就仆落去拜伊，然後開𪜶的寶盒，將黃金、乳香，及沒藥做禮物獻互伊。
2:12 閣佇眠夢中得著指點，教𪜶通倒轉去就近希律，就對別條路倒去本所在。
2:12 後來，佇眠夢中上帝指示𪜶通倒去希律遐，𪜶就對別條路倒去本國。
走去埃及
2:13 𪜶倒去了，有主的天使佇約瑟眠夢中出現，講：「起來！導嬰仔及伊的老母走去埃及，住遐，到我給你講；因為希律欲尋嬰仔，來滅伊。」
逃走去埃及
2:13 星象家離開了後，主的天使佇約瑟的眠夢中對伊出現，講：「起來，導細漢囝仔及伊的老母逃走去埃及，住遐到我講通離開的時，因為希律啲尋此個細漢囝仔，欲給伊刣死。」
2:14 伊就起來，透暝導嬰仔及伊的老母去埃及，
2:14 約瑟就起來，導細漢囝仔及伊的老母透暝離開去埃及，
2:15 住遐，到希律死。是欲應驗主託先知所講的，講：「我曾召我的子出埃及。」
2:15 住佇遐到希律死。這是欲應驗主通過先知所講的話：我有召我的子出埃及。
刣死查甫囝仔
2:16 彼時希律知互博士設去，就大受氣，差人將伯利恆及周圍所有的查甫囝仔，照伊對博士詳細查的時，凡若二歲以下的，一盡刣。
刣死細漢查甫囝仔
2:16 希律一下知家己互星象家騙去，非常受氣，就差人將伯利恆以及周圍所有的查甫囝仔，照伊對星象家詳細查問的時算起，兩歲以下的攏刣死。
2:17 按呢應驗早託先知耶利米所講的，講：
2:17 此個代誌有應驗通過先知耶利米所講的話：
2:18 佇拉瑪聽見聲，啼哭閣大傷悲，
拉結哭伊的子兒，
願受安慰，
因為𪜶無去。
2:18 佇拉瑪有聽著聲，
啼哭真悲傷；
蕾潔為著伊的子兒啲哭，
肯受安慰，因為𪜶攏無去。
對埃及倒來
2:19 希律已經死，主的天使佇埃及佇約瑟眠夢中出現，講：
對埃及倒來
2:19 希律死以後，主的天使佇埃及，佇約瑟的眠夢中對伊出現，
2:20 「起來！導嬰仔及伊的老母去以色列地，因為許個愛害嬰仔的生命者已經死啦！」
2:20 講：「起來，導細漢囝仔及伊的老母倒去以色列地；因為欲害細漢囝仔的性命許個人已經死。」
2:21 伊就起來，導嬰仔及伊的老母到以色列地；
2:21 約瑟就起來，導細漢囝仔及伊的老母倒去以色列地。
2:22 總是聽見亞基老續接伊的老父希律佇猶太做王，就敢去遐，既然佇眠夢中得著指點，就退去加利利的境內，
2:22 約瑟聽見亞基老續接伊的老父希律做猶太的王，敢倒去遐；後來佇眠夢中得著指示，就退去加利利境內，
2:23 到一個城，名拿撒勒，𫢶遐徛起。是欲應驗早託諸個先知所講的講，伊欲叫做拿撒勒人。
2:23 到一個城叫做拿撒勒，住佇遐。這是欲應驗主通過先知所講的話：伊欲叫做拿撒勒人。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。