上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
馬太福音
耶穌基督的家譜
1:1 ( 路 3:23-38 )
亞伯拉罕的後裔，大衛的後裔，耶穌基督的家譜：
耶穌基督的家譜
1:1 ( 路3:23-38 )
這是耶穌基督的家譜：耶穌是大衛的後代，大衛是亞伯拉罕的後代。
1:2 亞伯拉罕生以撒；以撒生雅各；雅各生猶大及伊的兄弟；
1:2 亞伯拉罕生以撒，以撒生雅各，雅各生猶大及伊的兄弟。
1:3 猶大對代瑪氏生法勒斯及謝拉；法勒斯生以斯崙；以斯崙生亞蘭；
1:3 猶大對她瑪生法勒斯及謝拉，法勒斯生希斯崙，希斯崙生亞蘭，
1:4 亞蘭生亞米拿達；亞米拿達生拿順；拿順生撒門；
1:4 亞蘭生亞米拿達，亞米拿達生拿順，拿順生撒門，
1:5 撒門對喇合氏生波斯；波斯對路得氏生俄伯；俄伯生耶西；
1:5 撒門對喇合生波阿斯，波阿斯對路得生俄備得，俄備得生耶西，
1:6 耶西生大衛王。大衛對烏利亞的某生所羅門；
1:6 耶西生大衛王。
大衛對烏利亞的某生所羅門，
1:7 所羅門生羅波安；羅波安生亞比亞；亞比亞生亞撒；
1:7 所羅門生羅波暗，羅波暗生亞比雅，亞比雅生亞撒，
1:8 亞撒生約沙法；約沙法生約蘭；約蘭生烏西亞；
1:8 亞撒生約沙法，約沙法生約蘭，約蘭生烏西亞，
1:9 烏西亞生約坦；約坦生亞哈斯；亞哈斯生希西家；
1:9 烏西亞生約坦，約坦生亞哈斯，亞哈斯生希西家，
1:10 希西家生瑪拿西；瑪拿西生亞們；亞們生約西亞；
1:10 希西家生瑪拿西，瑪拿西生阿摩司，(11.10「阿摩司」有的抄本是「亞們」。*)阿摩司生約西亞。
1:11 百姓受遷徙到巴比倫的時，約西亞生耶哥尼亞及伊的兄弟。
1:11 以色列人受遷徙去巴比倫的時，約西亞生耶哥尼亞及伊的兄弟。
1:12 遷徙到巴比倫了後，耶哥尼亞生撒拉鐵；撒拉鐵生所羅巴伯，
1:12 受遷徙去巴比倫以後，耶哥尼亞生撒拉鐵，撒拉鐵生所羅巴伯，
1:13 所羅巴伯生亞比勿；亞比勿生以利亞金；以利亞金生亞所；
1:13 所羅巴伯生亞比玉，亞比玉生以利亞金，以利亞金生亞所，
1:14 亞所生撒督；撒督生亞金；亞金生以律；
1:14 亞所生撒督，撒督生亞金，亞金生以律，
1:15 以律生以利亞撒；以利亞撒生馬但；馬但生雅各；
1:15 以律生以利亞撒，以利亞撒生馬但，馬但生雅各，
1:16 雅各生約瑟，就是馬利亞的丈夫，稱做基督的耶穌，是對此個馬利亞生的。
1:16 雅各生約瑟，約瑟是馬利亞的丈夫；彼個稱做基督的耶穌是對此個馬利亞生的。
1:17 按呢，對亞伯拉罕到大衛，共十四代；對大衛到遷徙去巴比倫的時亦十四代；對遷徙去巴比倫的時到基督閣十四代。
1:17 按呢，對亞伯拉罕到大衛攏總有十四代，對大衛到受遷徙去巴比倫有十四代，對受遷徙去巴比倫到基督嘛有十四代。
耶穌基督的降生
1:18 ( 路 2:1-7 )
耶穌基督的出世記佇下底：伊的老母馬利亞，已經做約瑟定著，猶未娶過門，就對聖神有娠孕。
耶穌基督的出世
1:18 ( 路2:1-7 )
耶穌基督出世的經過是按呢：伊的老母馬利亞已經及約瑟定婚，猶未結婚就對聖神懷孕。
1:19 伊的丈夫約瑟是義的人，愛顯然辦伊，按算欲暗靜廢親。
1:19 伊的未婚夫約瑟是正直的人，無愛互伊佇人的面前見笑，想欲暗中解除婚約。
1:20 啲想的時，有主的天使佇伊的眠夢中出現，講：「大衛的後裔約瑟啊，無得驚！著娶你的某馬利亞過門，因為伊所懷孕的是對聖神。
1:20 伊啲想此個代誌的時，佇眠夢中，主的天使對伊出現，講：「大衛的後代約瑟，免驚，著娶馬利亞入門做某，因為伊所懷孕的胎是對聖神來的。
1:21 伊欲生子，你著叫伊的名做耶穌，因為伊欲救伊的百姓脫出𪜶的罪惡。」
1:21 伊會生一個查甫子，你著給伊號名叫做耶穌，因為伊欲救伊的子民脫離𪜶的罪。」
1:22 此個事攏成，是欲應驗主託先知所講的，
1:22 這一切的事發生是欲應驗主託先知所講的話：
1:23 講：
你看，在室女欲娠孕生子；
人欲叫伊的名做以馬內利。
（翻譯就是「上帝及咱佇啲」。）
1:23 你看，在室女會懷孕生子，
伊的名欲叫做以馬內利。
「以馬內利」的意思是「上帝及咱同在」。
1:24 約瑟睏醒，起來，照主的天使所命令去行，娶伊的某過門；
1:24 約瑟一下睏醒，就照主的天使所吩咐娶馬利亞入門做某，
1:25 無及伊同房，到伊生子，就叫伊的名做耶穌。
1:25 不過此個查甫子猶未出世以前無及馬利亞同房。嬰仔出世，約瑟就給伊號名叫做耶穌。
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。