上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒迦利亞書
耶路撒冷欲得拯救
12:1 耶和華論以色列默示的話。
耶和華展開諸個天，建立地的根基，創造人的心神者，
12:1 無經文
12:2 伊的話講：「看啊，我欲互耶路撒冷做四圍諸個百姓致到醉的杯；耶路撒冷受圍困的時，猶大也欲按呢。
12:2 無經文
12:3 彼日，我欲互耶路撒冷對佇萬百姓成做重的石；見若夯伊者欲受重傷，地上列邦欲聚集來攻擊伊。
12:3 無經文
12:4 耶和華講：到彼日，我欲互攏總的馬驚惶，互騎馬的人癲狂。我欲看顧猶大家，拍列國一切的馬互伊睛瞑。
12:4 無經文
12:5 猶大的族長心內欲講：『耶路撒冷徛起的百姓做我的力，因為𪜶倚靠𪜶的上帝──萬軍的耶和華。』
12:5 無經文
12:6 「彼日，我欲互猶大的族長親像火鼎佇柴的中間，閣親像火把佇稻稛的中間；𪜶欲佇倒旁正旁燒滅四圍的列國。耶路撒冷欲猶原𫢶佇本所在，就是耶路撒冷。
12:6 無經文
12:7 「耶和華欲代先拯救猶大的布棚，互大衛的家的榮光及耶路撒冷徛起的百姓的榮光𣍐會贏過猶大。
12:7 無經文
12:8 彼日，耶和華欲保護耶路撒冷徛起的百姓。𪜶中間軟茈者佇彼日欲親像大衛；大衛的家欲親像上帝，親像佇𪜶頭前的耶和華的使者。
12:8 無經文
12:9 彼日，來攻擊耶路撒冷的列國，我定著意思欲滅伊。
12:9 無經文
12:10 「我欲用恩惠及祈禱的神，傾落佇大衛的家及耶路撒冷徛起的百姓。𪜶欲仰望我，就是𪜶所鑿者；閣欲為著伊悲哀，親像人為著孤生的子悲哀；閣為著伊憂苦，親像人為著大子憂苦一樣。
12:10 無經文
12:11 當彼日，佇耶路撒冷欲有大大悲哀，親像佇米吉多平洋的哈達臨門的悲哀。
12:11 無經文
12:12 境內悲哀逐家另外𫢶。大衛族的家另外𫢶，𪜶的婦仁人另外𫢶。拿單族的家另外𫢶，𪜶的婦仁人另外𫢶。
12:12 無經文
12:13 利未族的家另外𫢶，𪜶的婦仁人也另外𫢶。示每族的家另外𫢶，𪜶的婦仁人也另外𫢶。
12:13 無經文
12:14 其餘許個家逐家另外𫢶，𪜶的婦仁人也另外𫢶。
12:14 無經文
上一章 下一章 [ 條列 | 表格 | 整段 ] 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。