| 章節 | 台語漢字本聖經 請按此下載安裝Open Han 2024版字型，免得漏掉造字 | 現代台語漢字2013版經文 |
| 9:1 | 但以理為同胞祈禱 瑪代族亞哈隨魯的子大利烏立做迦勒底國的王元年， | 無經文 |
| 9:2 | 就是伊坐位的元年，我──但以理對冊裡得著知許個年的數額，就是耶和華的話臨到先知耶利米，講起耶路撒冷抵著荒廢著滿七十年。 | 無經文 |
| 9:3 | 我決意向主上帝愛用祈禱懇求，禁食，穿麻衫摻火灰來尋伊。 | 無經文 |
| 9:4 | 我祈禱耶和華──我的上帝、認罪，講：「主至大通驚畏的上帝啊，就是守約施恩互見若疼伊，謹守伊誡命的人的。 | 無經文 |
| 9:5 | 阮有犯罪作孽，行歹背叛，離開你的誡命法度， | 無經文 |
| 9:6 | 無聽你的奴僕諸個先知就是奉你的名對阮的君王、貴族、列祖，及國內一切的百姓講話者。 | 無經文 |
| 9:7 | 主啊，公義歸佇你，見誚歸佇阮；親像今仔日，就是歸佇猶大人及耶路撒冷的百姓，以及以色列眾人，或是近的，或是遠的，佇你為著𪜶得罪你，來趕𪜶到的逐國。 | 無經文 |
| 9:8 | 主啊，見誚歸佇阮，歸佇阮的君王、貴族、列祖，因為阮得罪你。 | 無經文 |
| 9:9 | 阮雖然悖逆主──阮的上帝，總是憐憫赦罪是在佇伊， | 無經文 |
| 9:10 | 也無聽耶和華──阮的上帝的話，來行伊託仗伊的奴僕諸個先知所排列佇阮的面前的律法。 | 無經文 |
| 9:11 | 以色列全族攏有犯著你的律法，行偏路，無聽趁你的話；因為按呢，此個咒詛以及上帝的奴僕摩西律法中所指的咒誓攏傾佇阮的身上，因為阮有得罪你。 | 無經文 |
| 9:12 | 伊曾降大災禍互阮，來應驗伊前警戒阮也警戒審判阮士師的話；因為佇普天下曾行親像所行佇耶路撒冷的。 | 無經文 |
| 9:13 | 這一切的災禍臨到阮，是照摩西律法中所記載的，總是阮猶無求耶和華──阮的上帝施恩，互阮越頭離開阮的罪過，明白你的真理。 | 無經文 |
| 9:14 | 所以耶和華注意互此個災禍臨到阮，因為耶和華──阮的上帝佇伊所行的事攏是公義；阮並無聽趁伊的話。 | 無經文 |
| 9:15 | 主──阮的上帝啊，你曾用大權能的手帶你的百姓出埃及地，互你有名聲，親像今仔日。阮有犯罪，阮有行歹。 | 無經文 |
| 9:16 | 主啊，求你照你的公義，互你的受氣及你的大受氣越轉離開你的城耶路撒冷，就是你的聖山。因為對阮的罪惡及阮列祖的罪過，耶路撒冷及你的百姓互四圍的人所凌辱。 | 無經文 |
| 9:17 | 所以阮的上帝啊，今求你聽你的奴僕的祈禱懇求，閣因為主的緣故，互你的面的光照你拋荒的聖所。 | 無經文 |
| 9:18 | 我的上帝啊，求你俯耳孔來聽，開你的目睭來看，阮拋荒的地及用你的名來稱的城。因為阮獻阮的祈禱佇你的面前，是因為家己的義，就是因為你的大憐憫。 | 無經文 |
| 9:19 | 主啊，聽，主啊，赦免，主啊，聽來行，我的上帝為你的緣故莫得延迁。因為你的城、你的百姓攏是用你的名來稱的。」 | 無經文 |
| 9:20 | 加百列解釋讖語 我啲講，啲祈禱的時，認我的罪及我的百姓以色列的罪，為著我的上帝的聖山，獻我的懇求佇我的上帝──耶和華的面前。 | 無經文 |
| 9:21 | 我祈禱的話講未完，我起頭佇異象中所看見的人加百列，奉命令緊緊飛來，約略佇獻下昏祭的時，來摸我。 | 無經文 |
| 9:22 | 伊教示我給我講：「但以理啊，我來是欲互你有智慧、聰明。 | 無經文 |
| 9:23 | 你起頭祈禱的時，就有命令發出，今我來給你講，因為你大大得著寵愛；所以你著想此個事來明白此個異象。 | 無經文 |
| 9:24 | 「論到你的百姓及你的聖城，已經限定七十個七日期。欲遏止過失，除盡罪惡，救贖罪過，引進永遠的義，封密異象及讖語，閣用油抹至聖者。 | 無經文 |
| 9:25 | 所以你著知，著明，對出命重新起造耶路撒冷，直到受抹油的人君的時，欲有七個七日期閣六十二個七日期。當佇艱難的時，伊及街路及濠溝攏欲閣起造。 | 無經文 |
| 9:26 | 過六十二個七日期的了後，受抹油者欲抵著剪除，也攏無所有；欲有一個人君的百姓到來毀滅城及聖所，伊的結局欲親像用大水。到路尾欲有交戰，拋荒的事已經定著。 | 無經文 |
| 9:27 | 一個七日期的內面，伊欲及多多人立堅固的約；七日期的一半，伊欲互祭祀及禮物攏息。殘害者借可惡者的翅來，閣有大受氣傾佇彼個行毀滅者的身上，到佇所定著的末期。」 | 無經文 |