上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀下
猶大國的王亞瑪謝
14:1 ( 代下 25:1-24 )
以色列王約哈斯的子約阿施第二年，猶大王約阿施的子亞瑪謝坐位。
猶大王亞瑪謝
14:1 ( 代下 25:1-24 )
約哈斯的子以色列王約華施第二年，約阿施的子亞瑪謝開始做猶大王。
14:2 伊坐位的時二十五歲，佇耶路撒冷做王共二十九年。伊的老母名叫約耶但，是耶路撒冷人。
14:2 伊坐位的時二十五歲，佇耶路撒冷作王二十九年；伊的老母叫做約耶但，是耶路撒冷人。
14:3 亞瑪謝行耶和華看做好的事，總是無親像伊的祖大衛，就是照伊的老父約阿施一切所行的去行；
14:3 亞瑪謝做上主看做好的事，毋拘無親像伊的祖先大闢；伊猶原照伊的老父約阿施的所做去做，
14:4 總是山頭壇猶未廢無，百姓猶原獻祭燒香佇山頭壇。
14:4 無拆毀山頭壇；人民繼續佇遐獻祭燒香。
14:5 前許個人臣刣死伊的老父猶大王，今國權一下堅固，就給𪜶刣死，
14:5 亞瑪謝的王權一下堅固，就將刣死伊老父猶大王許個人臣處死。
14:6 總是無刣死𪜶的子，照摩西律法的冊所記載，耶和華命令講：「通因為子來刣死老父，也通因為老父來刣死子，逐人著因為本身的罪來死。」
14:6 毋拘伊無刣死許個人臣的子兒，是照摩西律法的冊所記載上主的命令：毋通因為子兒的所做給老父處死，嘛毋通因為老父的所做給子兒處死；逐個人著因為家己的罪死。
14:7 亞瑪謝佇鹽的山谷刣死以東人一萬，閣攻取西拉，改名叫約帖，到今仔日。
14:7 亞瑪謝佇鹽的山谷刣死以東人一萬，閣攻取西拉，給伊改名做約帖，到今仔日。
14:8 彼時，亞瑪謝差使者去見耶戶的孫約哈斯的子以色列王約阿施，講：「來啊，咱二人相見面佇戰場。」
14:8 彼時，亞瑪謝派使者去見耶戶的孫，約哈斯的子，以色列王約華施，講：「來，咱來戰場拼輸贏。」
14:9 以色列王約阿施差使者去見猶大王亞瑪謝講：「黎巴嫩的草茦差使者去見黎巴嫩的柏香樹，講：用你的查某子互我的子做某。後來黎巴嫩有一隻野獸經過，𧿬踏彼個草茦。
14:9 以色列王約華施派使者去給猶大王亞瑪謝講：「黎巴嫩的草刺差使者去見黎巴嫩的柏香樹，講：『你的查某子互我的子做某！』後來黎巴嫩有一隻野獸經過，給草刺踐踏。
14:10 你已經拍贏以東心就驕傲，你掠此個做榮光，佇家內安然徛起就好，啥事起事惹災禍，互本身及猶大國相及倒壞啊？」
14:10 你已經刣贏以東，心就驕傲聳勢。你𫢶恁兜享受你的榮光就好，哪欲惹災禍，互你本身及猶大國做夥滅亡？」
14:11 總是亞瑪謝肯聽。對按呢以色列王約阿施上來，佇猶大的伯‧示麥及猶大王亞瑪謝相見面佇戰場。
14:11 毋拘亞瑪謝聽𣍐落去。以色列王約華施就上來，佇猶大的伯‧示麥及猶大王亞瑪謝交戰。
14:12 猶大刣輸佇以色列的面前，逐人走倒去𪜶的布棚。
14:12 猶大互以色列拍敗，逐個人走倒去𪜶兜。
14:13 以色列王約阿施佇伯‧示麥掠著亞哈謝的孫、約阿施的子猶大王亞瑪謝，就來到耶路撒冷，拆毀耶路撒冷的城牆，對以法蓮門到角門共四百肘，
14:13 以色列王約華施佇遐掠著猶大王亞瑪謝，閣來拆毀耶路撒冷的城牆，對以法蓮門到角門，約兩百公尺。
14:14 閣將耶和華殿內及王宮府庫所有的金銀及器具攏提去，閣帶人去做準當，就倒去撒瑪利亞。
14:14 約華施將上主聖殿及王宮的府庫所有的金銀及器具攏提去，閣掠人做人質，才倒去撒馬利亞。
14:15 約阿施其餘的事見伊所行的及伊的能力，以及及猶大王亞瑪謝交戰的事，豈無攏記佇以色列諸個王的記錄嗎？
14:15 約華施其他的事蹟、伊的所做及成就，以及及猶大王亞瑪謝交戰的事，攏記載佇《以色列列王史》。
14:16 約阿施及伊的列祖同睏，及以色列諸個王相及葬佇撒瑪利亞，伊的子耶羅波安續接伊做王。
14:16 約華施轉去伊的列祖遐，及以色列諸個王做夥安葬佇撒馬利亞；伊的子耶羅波安二世續接伊作王。
猶大王亞瑪謝去世
14:17 ( 代下 25:25-28 )
以色列王約哈斯的子約阿施死了，猶大王約阿施的子亞瑪謝猶活十五年。
猶大王亞瑪謝死
14:17 ( 代下 25:25-28 )
約哈斯的子以色列王約華施死了，約阿施的子猶大王亞瑪謝閣再活十五年。
14:18 亞瑪謝其餘的事豈無攏記佇猶大列王的記錄嗎？
14:18 亞瑪謝其他的事蹟，攏記載佇《猶大列王史》。
14:19 佇耶路撒冷有人結黨欲害亞瑪謝，伊就走到拉吉；𪜶差人趇伊到拉吉，刣死伊佇遐。
14:19 佇耶路撒冷有人計謀欲害亞瑪謝，伊就逃走去拉吉。𪜶派人趇到拉吉，佇遐給伊刣死。
14:20 人就用馬載伊到耶路撒冷，及伊的列祖葬佇大衛的城。
14:20 人用馬將伊的屍體載倒來耶路撒冷，將伊安葬佇大闢城，列祖的墓地。
14:21 猶大眾百姓設立亞撒利雅續接伊的老父亞瑪謝做王，彼時伊十六歲。
14:21 猶大的人民設立烏西亞續接伊的老父亞瑪謝作王，彼時伊十六歲。
14:22 亞瑪謝王及伊的列祖同睏了後，亞撒利雅起以拉他，互伊猶原歸猶大國管轄。
14:22 亞瑪謝王轉去伊的列祖遐了後，烏西亞收回以拉他歸屬猶大國，閣給伊修建。
以色列國的王耶羅波安二世
14:23 猶大王約阿施的子亞瑪謝十五年，以色列王約阿施的子耶羅波安佇撒瑪利亞坐位，共做王四十一年。
以色列王耶羅波安二世
14:23 約阿施的子猶大王亞瑪謝第十五年，約華施的子耶羅波安二世佇撒馬利亞做以色列王；伊作王共四十一年。
14:24 伊行耶和華看做歹的事，無離開尼八的子耶羅波安互以色列犯罪的。
14:24 伊做上主看做歹的事，無離開尼八的子耶羅波安的路，互以色列人陷落罪。
14:25 伊恢復以色列交界的地，對哈馬口到亞拉巴海，照耶和華──以色列的上帝託伊的奴僕迦特希弗人亞米太的子先知約拿所講的話。
14:25 伊收回以色列邊界的地，對哈馬隘口到死海，抵抵照上主 — 以色列的上帝通過伊的僕人，迦特‧希弗人亞米太的子先知約拿所講的話。
14:26 因為耶和華看見以色列人真艱苦，無論受拘束的、自由的攏無啦，也無人幫助以色列。
14:26 上主看見以色列人，無論是自由的抑是無自由的，攏受極大的苦難，嘛無人幫贊𪜶。
14:27 耶和華未曾講欲擦消以色列的名佇天下，就託約阿施的子耶羅波安的手來救𪜶。
14:27 上主決意無欲對天下擦消以色列的名，就通過約華施的子耶羅波安二世解救𪜶。
14:28 耶羅波安其餘的事，見伊所行的及伊的能力，伊怎樣交戰，怎樣復倒大馬色及哈馬就是前屬猶大的互𪜶閣歸以色列，豈無攏記佇以色列諸個王的記錄嗎？
14:28 耶羅波安二世其他的事蹟、伊的所做及成就，以及伊按怎交戰，按怎將以前屬猶大的大馬士革及哈馬收回歸屬以色列，攏記載佇《以色列列王史》。
14:29 耶羅波安及伊的列祖以色列諸個王同睏。伊的子撒迦利雅續接伊做王。
14:29 耶羅波安二世轉去伊的祖先以色列許個王遐，伊的子撒迦利亞續接伊作王。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。