上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀下
書念的婦仁人倒轉
8:1 有一個婦仁人以利沙曾互伊的子復活的，也曾給伊講：「起來你及你的全家去住你所通住的所在，因為耶和華命令飢荒臨到，欲佇此個所在七年久。」
書念的婦仁人閣得著產業
8:1 以利沙曾互一個婦仁人的子閣活；伊對此個婦仁人講：「你及你全家趕緊去住佇會當生活的所在，因為上主欲互飢荒臨到此個所在七年久。」
8:2 婦仁人就起來，照上帝的奴僕的話去行，伊及伊的家去非利士人的地，住七年久。
8:2 婦仁人就照上帝重用的人的話，及伊全家出發去非利士人的地，佇遐住七年。
8:3 七年滿，彼個婦仁人對非利士地倒來，就出去欲為家己的厝宅田園求叫王。
8:3 七年滿，彼個婦仁人對非利士人的地倒來。伊為著欲收回家己的厝宅田園去見王。
8:4 彼時王及上帝的奴僕的差用基哈西講話講：「請你將以利沙所行一切的大事給我講。」
8:4 彼時，王及上帝重用的人的僕人基哈西啲講話；王講：「請你將以利沙所做一切的大事給我講。」
8:5 基哈西啲給王講以利沙怎樣互死的人復活，湊巧彼個婦仁人就是伊互伊的子復活的，為著伊的厝宅田園來求叫王。基哈西講：「我的主我的王，此個是彼個婦仁人，此個是伊的子，就是以利沙互伊復活的。」
8:5 基哈西啲給王講以利沙按怎互死人閣活的時，抵好以利沙互伊的子閣活的彼個婦仁人，為著欲收回伊的厝宅田園來見王。基哈西講：「我的主我的王，此個就是彼個婦仁人；彼個是伊的子，以利沙有互伊閣活。」
8:6 王問彼個婦仁人，伊就給伊講。王就為著伊派一個官員，講：「見若屬此個婦仁人的攏著還伊，對伊離開本所在到今仔日，伊的田園所出產的也攏著還伊。」
8:6 王問彼個婦仁人，伊就給王講；王就為著伊派一個官員，講：「所有屬此個婦仁人的攏著還伊；對伊離開本地彼日到今仔日，伊的田園所出產的，嘛攏著還伊。」
以利沙及便‧哈達王
8:7 以利沙來到大馬色，亞蘭王便‧哈達啲破病。有人給王講：「上帝的奴僕來到遮。」
以利沙及便‧哈達王
8:7 以利沙來到大馬士革，抵好敘利亞王便‧哈達啲破病；有人對王報告，講：「上帝重用的人來佇遮。」
8:8 王就給哈設講：「你帶禮物去見上帝的奴僕，拜託伊問耶和華，看我此個病會活抑𣍐？」
8:8 王就對哈薛講：「你帶禮物去見上帝重用的人，拜託伊問上主，看我此個病會好𣍐？」
8:9 哈設就去見伊，用四十隻駱駝載大馬色逐號的好物做禮物，去徛佇伊的面前，講：「你的子亞蘭王便‧哈達差我來你遮，講：『我此個病會活抑𣍐？』」
8:9 哈薛就去見以利沙。伊用四十隻駱駝載大馬士革逐款的好物做禮物，徛佇以利沙的面前，講：「你的子敘利亞王便‧哈達派我來你遮，請問你：『我此個病豈會好？』」
8:10 以利沙給伊講：「你去回覆伊講，你的確會活；總是耶和華指示我，伊的確欲死。」
8:10 以利沙給伊講：「你去回復伊，講：『你的病一定會好。』毋拘上主指示我，伊一定會死。」
8:11 以利沙注目看伊，致到伊見誚。上帝的奴僕就流目屎；
8:11 以利沙直直看哈薛，看甲伊毋知欲按怎。以利沙開始哮。
8:12 哈設講：「我的主啥事流目屎？」應講：「因為我知你所欲苦楚以色列人的，用火燒𪜶險要的所在，用刀刣死𪜶的壯丁，摔死𪜶的嬰仔，破開𪜶有娠孕的婦仁人。」
8:12 哈薛講：「我的主，你是按怎啲哮？」
以利沙講：「因為我知你會按怎傷害以色列人；放火燒𪜶的堡壘，用刀刣死𪜶的少年人，摔死𪜶的嬰仔，破開有身的婦仁人。」
8:13 哈設講：「你的奴僕是甚麼，不過是一隻狗，豈可會行此個大事啊？」以利沙應講：「耶和華指示我，你欲做亞蘭王。」
8:13 哈薛講：「你的僕人算啥，不過是一隻狗，哪會當做此款大代誌？」
以利沙應講：「上主指示我，你會做敘利亞王。」
8:14 伊離開以利沙，倒去伊的主人遐。主人問伊講：「以利沙給你講甚麼？」應講：「伊給我講你的確會活。」
8:14 哈薛離開以利沙，倒去伊的主人遐；主人問伊講：「以利沙給你講什麼？」
伊應講：「伊給我講，你的病一定會好。」
8:15 隔日伊提厚的布搵水，蓋王的面，王就死。哈設就替伊做王。
8:15 隔日哈薛提厚的布搵水，蓋王的面，給伊翕死。哈薛就續接伊作王。
猶大國的王耶和南
8:16 ( 代下 21:1-20 )
以色列王亞哈的子約蘭第五年，約沙法做猶大王的時，猶大王約沙法的子耶和南起頭坐位。
猶大王約蘭
8:16 ( 代下 21:1-20 )
亞哈的子以色列王約何蘭第五年，約沙法的子約蘭開始做猶大王。
8:17 耶和南坐位的時三十二歲，佇耶路撒冷做王歷過八年。
8:17 約蘭坐位的時三十二歲，佇耶路撒冷作王八年。
8:18 伊行以色列王的路，及亞哈的家無各樣；因為伊娶亞哈的查某子做某，行耶和華所看做歹的事。
8:18 伊行以色列諸王的路，所做及亞哈家仝款；因為伊娶亞哈的查某子做某，做上主看做歹的事。
8:19 總是耶和華因為伊的奴僕大衛的緣故，甘滅猶大，照伊所應允大衛的話，永遠賞賜一葩燈互伊的子孫。
8:19 毋拘上主因為伊的僕人大闢的緣故，毋甘滅猶大。上主照伊對大闢的應允，永遠賞賜一葩燈互大闢及伊的子孫。
8:20 當約蘭的年間，以東背叛猶大，脫離伊的手頭，家己設立王。
8:20 約蘭作王的時，以東背叛猶大，脫離猶大的統治，設立𪜶家己的王。
8:21 約蘭帶所有的戰車過去撒益，透暝起來，拍圍困伊的以東人及許個車長；百姓就逃走，逐個倒去伊的布棚。
8:21 約蘭帶所有的戰車過去撒益，煞受包圍。約蘭暝時起來，突破包圍伊的以東人及戰車長；毋拘猶大軍兵逃走，逐個倒去𪜶兜。
8:22 按呢，以東人背叛猶大，脫離伊的手頭，到今仔日。像彼時立拿人也背叛。
8:22 按呢，以東人背叛猶大，脫離猶大的統治到今仔日。像彼時，立拿嘛背叛。
8:23 約蘭其餘的事，見伊所行的，豈無攏記佇猶大列王的記錄嗎？
8:23 約蘭其他的事蹟及伊的所做，攏記載佇《猶大列王史》。
8:24 約蘭及伊的列祖同睏，佇大衛城及伊的祖同埋葬。伊的子亞哈謝續接伊做王。
8:24 約蘭轉去伊的列祖遐，及伊的列祖安葬佇大闢城。伊的子亞哈謝續接伊作王。
猶大國的王亞哈謝
8:25 ( 代下 22:1-6 )
以色列王亞哈的子約蘭十二年，猶大王耶和南的子亞哈謝起頭坐位。
猶大王亞哈謝
8:25 ( 代下 22:1-6 )
亞哈的子以色列王約何蘭十二年，約蘭的子亞哈謝開始做猶大王。
8:26 亞哈謝坐位的時二十二歲，佇耶路撒冷做王一年，伊的老母名叫亞她利雅，是以色列王暗利的查某孫。
8:26 亞哈謝坐位的時二十二歲，佇耶路撒冷作王一年。伊的老母叫做亞她利雅，是以色列王暗利的查某孫。
8:27 伊行亞哈的家的路行耶和華所看做歹的事，及亞哈的家無各樣，因為伊是亞哈的家的子婿。
8:27 伊行亞哈家的路，做上主看做歹的事，及亞哈家仝款；因為伊是亞哈家的子婿。
8:28 伊及亞哈的子約蘭相及去基列的拉末，及亞蘭王哈設交戰。亞蘭人拍傷約蘭，
8:28 亞哈謝及亞哈的子約何蘭做夥去基列的拉末，及敘利亞王哈薛交戰；敘利亞人拍傷約何蘭。
8:29 約蘭王倒去耶斯列，欲醫治伊的傷，就是伊佇拉末及亞蘭王哈設交戰的時，亞蘭人拍著伊的。猶大王耶和南的子亞哈謝落去耶斯列欲覓亞哈的子約蘭，因為伊有破病。
8:29 約何蘭王倒去耶斯列，欲醫治伊佇拉末及敘利亞王哈薛交戰的時所受的傷。約蘭的子猶大王亞哈謝落去耶斯列，探訪亞哈的子約何蘭，因為伊破病。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。