上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀下
尋著斧頭
6:1 先知的學生給以利沙講：「看啊，阮及你所住的所在甚狹，
斧頭浮起來
6:1 先知的學生對以利沙講：「老師，阮及你住的所在傷狹。
6:2 求你准阮去約但，逐人對遐取一支柴料互阮佇遐起一所在通徛。」伊講：「恁通去啊！」
6:2 請允准阮去約旦河，逐個人對遐取一支柴料，佇遐起住的所在。」
以利沙講：「好，恁去。」
6:3 有一個講：「莫得推，求你及奴僕去。」應講：「我欲去。」
6:3 有一個講：「請及僕人做夥來去。」以利沙應講：「好，我及恁去。」
6:4 對按呢就及𪜶去。𪜶到約但，就剉樹。
6:4 伊就及𪜶做夥去。𪜶到約旦河，就開始剉樹。
6:5 有一人剉樹的時，斧頭肉磕落佇水裡，伊就叫講：「慘啊！我的主啊，此支斧頭是借的。」
6:5 有一個人啲剉的時，斧頭肉落落去水裡。伊就叫講：「慘啊！老師，此支斧頭是給人借的。」
6:6 上帝的奴僕講：「磕落佇叨落？」伊就報伊看彼所在。伊就剉一支柴，㧒佇遐，斧頭肉就浮起來。
6:6 上帝重用的人講：「落佇叨位？」伊報以利沙看落落去的所在。以利沙就剉一支柴對遐㧒落去；斧頭肉就浮起來。
6:7 伊講：「攑起來！」彼人就伸手攑起來。
6:7 伊講：「拾起來。」彼個人就伸手給拾起來。
亞蘭軍敗佇以色列人
6:8 亞蘭王及以色列交戰，及伊的人臣議論講：「我著紮營佇某所在某所在。」
敘利亞的軍隊敗退
6:8 敘利亞王及以色列交戰。伊及伊的人臣討論講：「我欲佇某所在某所在紮營。」
6:9 上帝的奴僕差人去見以色列王，講：「你著謹慎，通對某所在經過，因為亞蘭人落來佇遐。」
6:9 上帝重用的人差人去見以色列王，講：「你著細膩，毋通對某所在經過，因為敘利亞人佇遐紮營。」
6:10 以色列王差人到上帝的奴僕所講著持防的所在，對按呢無受害，若一擺二擺。
6:10 以色列王派人去警告上帝重用的人所講彼所在的住民，𪜶就加強防備。仝款的事發生幾若遍。
6:11 亞蘭王因為此個事心內真迫腹，召伊的人臣來，給𪜶講：「咱中間是誰為以色列王，恁無來給我講嗎？」
6:11 敘利亞王因為此個事心內真受氣，召伊的人臣來，給𪜶講：「恁中間啥人漏洩消息互以色列王，著老實給我講。」
6:12 有一個人臣講：「我的主，我的王啊！是按呢，就是以色列中的先知以利沙，將你佇睏房所講的話給以色列王講。」
6:12 有一個人臣講：「我的主，我的王啊，毋是阮。是以色列的先知以利沙將你佇房間內講的話給以色列王講。」
6:13 王講：「恁去探看伊佇叨落，我通差人去掠伊。」有人給王講：「看啊，伊佇多坍。」
6:13 王講：「恁去探看伊佇什麼所在，我通派人去給掠。」
有人對王講：「伊佇多坍。」
6:14 王就差馬車及大隊兵去遐，𪜶透暝到，圍困彼個城。
6:14 王就派馬、戰車，及一大隊軍兵去遐。𪜶暗時到，包圍彼個城。
6:15 上帝的奴僕的差用清早起來出去，看見有軍兵馬及車圍困城。差用給伊講：「慘啊！我的主啊，咱欲怎樣？」
6:15 上帝重用的人的僕人透早起來，出去外面，看著有軍兵、馬，及戰車給城包圍啲。僕人對以利沙講：「慘啊，老師！咱欲按怎？」
6:16 上帝的奴僕講：「免驚！因為及咱佇啲的比及𪜶佇啲的閣卡多。」
6:16 上帝重用的人講：「毋免驚！及咱做夥的比及𪜶做夥的較多。」
6:17 以利沙祈禱講：「耶和華啊，求你開伊的目睭，互伊會看見。」耶和華就開少年人的目睭，伊就看見，看啊！遍山火馬火車圍以利沙。
6:17 以利沙祈禱講：「上主，求你開伊的目睭，互伊會看見。」上主就開彼個僕人的目睭，伊就看見歸個山攏是火馬火車給以利沙圍啲。
6:18 𪜶落去到伊遐，以利沙祈禱講：「耶和華啊，求你拍諸個百姓，互𪜶睛暝。」伊就拍互𪜶睛暝，照以利沙的話。
6:18 敘利亞人落去到以利沙遐，以利沙對上主祈禱講：「求你拍諸個軍兵，互𪜶目睭𣍐看見。」上主聽以利沙的祈禱，互𪜶𣍐看見。
6:19 以利沙給𪜶講：「此個是彼個路，此個也是彼個城；恁隨我，我欲導恁到恁所尋的人遐。」就導𪜶到撒瑪利亞。
6:19 以利沙對𪜶講：「恁行毋著路，尋毋著城；隨我來，我導恁去恁欲尋的人遐。」以利沙就導𪜶到撒馬利亞。
6:20 𪜶入撒瑪利亞，以利沙講：「耶和華啊，求你開諸個人的目睭，互𪜶看見。」耶和華開𪜶的目睭，𪜶就看見，無拍算，是佇撒瑪利亞的城內。
6:20 𪜶入去撒馬利亞，以利沙祈禱講：「上主，求你開諸個人的目睭，互𪜶會看見。」上主開𪜶的目睭，𪜶就看見，發見𪜶攏佇撒馬利亞的城內。
6:21 以色列王看見𪜶，就問以利沙講：「我的父啊，我著拍伊嗎？著拍伊嗎？」
6:21 以色列王看著𪜶，就問以利沙講：「師父，我豈通給𪜶刣死？豈通給𪜶刣死？」
6:22 應講：「通拍𪜶！你用刀用弓所掠來的，豈通拍伊嗎？著下餅及水佇𪜶的面前，互𪜶飲食，倒去𪜶的主人遐。
6:22 以利沙應講：「毋通給𪜶刣死。𪜶豈是你用刀用弓掠來的，哪通給𪜶刣死？著用餅及水互𪜶飲食，互𪜶通倒去𪜶的主人遐。」
6:23 王替𪜶備辦多多食物！𪜶飲食明白，就教𪜶去！就倒去𪜶的主人遐。對按呢，亞蘭的軍兵無閣侵犯以色列的境界。
6:23 王為著𪜶準備豐盛的宴席。𪜶食飽，王教𪜶倒去；𪜶就倒去𪜶的主人遐。對按呢，敘利亞的軍兵無閣侵犯以色列的境界。
圍困撒瑪利亞
6:24 後來，亞蘭王便‧哈達聚集伊的全軍，上來圍困撒瑪利亞。
撒馬利亞受圍困
6:24 後來，敘利亞王便‧哈達召集伊的全軍，上來圍困撒馬利亞。
6:25 撒瑪利亞大飢荒，𪜶圍困城，致到一個驢頭值銀八十舍客勒，鴿糞一搕的四份一值銀五舍客勒。
6:25 撒馬利亞有大飢荒；敘利亞人繼續圍困城，致到一個驢仔的頭值銀九百公克，兩百公克的粉鳥屎值六十公克的銀仔。
6:26 以色列王對城牆經過的時，有一個婦仁人對伊求叫講：「我的主，我的王啊！幫助我。」
6:26 以色列王對城牆頂經過的時，有一個婦仁人對伊求叫，講：「我的主，我的王，幫贊我。」
6:27 王講：「耶和華無幫助你，我欲對叨落幫助你？是對五穀場，抑是對酒窟啊？」
6:27 王講：「上主無幫贊你，我欲對叨位幫贊你？對五穀場，抑是對酒窟是無？」
6:28 王閣講：「你有甚麼艱苦？」伊應講：「此個婦仁人對我講：『交出你的子，咱今仔日通食伊，明仔日咱食我的子。』
6:28 王閣講：「你有什麼艱苦？」
伊應講：「有一個婦仁人對我講：『將你的子交出來，咱今仔日食伊；明仔載咱食我的子。』
6:29 阮就煮我的子食伊。隔日我對伊講，『交出你的子，咱通食伊。』總是伊囥密伊的子。」
6:29 阮就煮我的子來食。隔日我對伊講：『將你的子交出來，咱煮來食。』毋拘伊將伊的子藏起來。」
6:30 王聽見婦仁人的話，就拆裂衫；（佇城牆頂經過）百姓看見伊，看見伊身底衫是粗麻布。
6:30 王聽著婦仁人的話，就拆裂衫。伊佇城牆頂經過的時，人民看著伊內面穿粗麻布的衫。
6:31 王講：「沙法的子以利沙的頭殼今仔日若猶原連佇伊的身軀，願上帝加倍責罰我！」
6:31 王講：「沙法的子以利沙的頭殼今仔日若猶留佇伊的身軀，願上帝加倍責罰我。」
6:32 彼時以利沙坐佇厝內，長老也及伊啲坐。王差一人做頭去；使者猶未到伊遐，以利沙給長老講：「恁看此個兇首的子，怎樣差人取我的頭殼；恁看使者若來，就著關門，阻止伊佇門外。佇伊的後面豈無有伊的主人的腳步聲？」
6:32 彼時，以利沙坐佇厝內，長老嘛及伊做夥坐；王先派一個人去。使者猶未到伊遐，以利沙對長老講：「恁看，此個兇手的子派人來欲取我的頭殼。著注意，使者若來，著關門，給伊擋佇門外；伊主人的腳步聲豈無隨佇伊的後面啲來？」
6:33 伊猶及𪜶講話的時，看啊，使者落去伊遐，講：「看啊，此個災禍對耶和華，我啥事著閣聽候耶和華啊？」
6:33 以利沙猶啲及𪜶講話的時，王來到伊遐；王講：「此個災禍是對上主來，我哪著閣向望上主幫贊？」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。