上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀下
以利沙幫助一個寡婦
4:1 有一個婦仁人是先知的學生的某，叫以利沙講：「你的奴僕──我的丈夫已經死，你的奴僕平素敬畏耶和華，是你所知的。今債主來欲取我二個子做奴僕。」
以利沙幫贊散赤的寡婦
4:1 有一個先知的學生的某，對以利沙哀求講：「你的僕人，我的丈夫已經死；你知伊是敬畏上主的人。今債主來欲掠我兩個子去做奴隸。」
4:2 以利沙問伊講：「我通給你做甚麼？你給我講，你厝內有甚麼？」伊講：「你的女婢厝內剩一瓶油，以外攏無。」
4:2 以利沙問伊講：「你愛我給你做什麼？你給我講，你厝內有什麼？」
伊講：「你的女婢厝內賰一瓶油，以外逐項攏無。」
4:3 以利沙講：「你去啊，佇外面對你許個厝邊借器具，就是空的器具，通借少少；
4:3 以利沙講：「你去給厝邊借空的器具，愈多愈好；
4:4 著入厝，關門，你及你的子𫢶內面斟油佇所有的器具，斟滿的著另外下。」
4:4 然後入去厝內，關門，及你許個子𫢶內面，斟油佇所有的器具；斟滿的下一旁。」
4:5 婦仁人離開伊去，關門，伊及伊的子𫢶內面；子帶器具來互伊，伊就斟油。
4:5 婦仁人轉去，關門，及伊許個子𫢶內面；子帶器具來互伊，伊就斟油。
4:6 許個器具攏滿，伊給伊的子講：「閣提器具來互我。」子講：「無閣有器具啦。」油就止。
4:6 許個器具攏斟滿，伊給伊的子講：「閣提器具來互我。」
子講：「已經無器具啦。」油就無閣流出來。
4:7 婦仁人去給上帝的奴僕講，伊講：「你去賣油來還債，所剩的你及你的子通度活。」
4:7 婦仁人去給上帝重用的人報告，伊就對婦仁人講：「你去賣油來還債；所賰的，你及你的子通度活。」
書念婦人接待以利沙
4:8 有一日，以利沙行到書念，佇遐有一個好額的婦仁人強強留伊𫢶啲食。後來，以利沙逐擺對遐經過就入去食。
書念的婦仁人接待以利沙
4:8 有一日以利沙來到書念，佇遐有一個好額的婦仁人，強強留伊食飯；後來以利沙逐遍對遐經過，就入去遐食飯。
4:9 婦仁人對伊的丈夫講：「你看，彼個常常對咱遮經過者，我看伊是上帝聖的奴僕。
4:9 婦仁人給伊的丈夫講：「常常對咱遮經過彼個人，我看伊是聖者，是上帝重用的人。
4:10 求你允，咱通佇牆頂起一間細間房，佇遐給伊安置眠床、桌、椅、燈台，互伊來咱遮，通入去歇。」
4:10 咱來佇厝頂起一間細間房間，內面下眠床、桌仔、椅仔、燈台，互伊來咱遮的時，通入去歇睏。」
4:11 有一日，以利沙來到遐，就入去彼間房睏。
4:11 有一日以利沙來到遐，就入去彼間房間歇睏。
4:12 以利沙給伊的奴僕基哈西講：「你叫此個書念的婦仁人來。」伊就叫伊來，婦仁人徛佇伊的面前。
4:12 以利沙給伊的僕人基哈西講：「你請此個書念的婦仁人來。」伊去請伊來，婦仁人就來。
4:13 伊給伊的奴僕講：「你通給伊講：看啊，你為阮費多多心思，今著給你做甚麼？你愛我替你給王抑是軍長講啊？」伊應講：「我徛起佇我的百姓的中間。」
4:13 以利沙給伊的僕人講：「你給伊講：『你為著阮費真多心思，今我著為著你做什麼？你愛我替你給王抑是元帥請求什麼？』」
婦仁人應講：「我及我的同胞做夥徛起，無欠什麼。」
4:14 以利沙講：「按呢著為伊怎樣做呢？」基哈西講：「伊無子，伊的丈夫也老啦。」
4:14 以利沙問基哈西，講：「按呢，我會當為著伊做什麼？」
基哈西講：「伊無子，伊的丈夫嘛老啊。」
4:15 伊閣講：「叫伊來。」就叫伊來。婦仁人就徛佇門口。
4:15 以利沙閣講：「請伊來。」基哈西就請伊來。婦仁人來徛佇門口。
4:16 伊講：「明年到此時，你欲抱一個子。」伊講：「無啦，上帝的奴僕，我的主啊，通騙你的女婢。」
4:16 以利沙講：「明年此個時，你會抱一個查甫子。」
婦仁人講：「我的主，上帝重用的人，給我騙。」
4:17 婦仁人果然懷孕，到明年彼時生一個子，照以利沙所講的。
4:17 婦仁人果然懷孕，到隔年此個時生一個查甫嬰，抵照以利沙所講的話。
4:18 囝仔大漢，有一日出去到伊的老父到收割的人遐，
4:18 囝仔大漢；有一日出去到伊的老父及收割的人遐。
4:19 伊給老父講：「我的頭殼啊，我的頭殼啊！」伊的老父給奴僕講：「抱伊到伊的老母遐。」
4:19 伊對老父講：「我的頭殼，我的頭殼！」
伊的老父給僕人講：「緊給抱去𪜶老母遐。」
4:20 伊抱伊到伊的老母遐；囝仔坐佇老母的腳頭窩，到中晝就死。
4:20 僕人就給抱去伊的老母遐；囝仔坐佇老母的腳頭窩，到中晝就死。
4:21 老母上去樓頂，將伊的子下佇上帝的奴僕的眠床，關門出來，
4:21 老母抱伊的子𬦰起去樓頂，將伊的子下佇上帝重用的人的眠床，關門出來。
4:22 叫伊的丈夫講：「請差一個奴僕牽一隻驢來我遮，我欲跑去上帝的奴僕遐，才倒來。」
4:22 伊叫伊的丈夫來，給伊講：「請差一個僕人牽一隻驢來我遮；我欲趕緊去尋上帝重用的人，才倒來。」
4:23 丈夫講：「今仔日是月的初一，也是安息，你啥事欲去伊遐？」婦仁人講：「平安。」
4:23 丈夫講：「今仔日毋是初一，嘛毋是安歇日，是按怎你欲去伊遐？」
婦仁人講：「無什麼代誌！」
4:24 就備辦驢，給奴僕講：「你趕驢進前去，我若無給你講，就通卡慢。」
4:24 驢準備好勢，伊就給僕人講：「行，趕緊來去！我若無給你講，毋通慢落來。」
4:25 婦仁人就去迦密山，去上帝的奴僕遐。
上帝的奴僕遠遠看見伊，給伊的奴僕基哈西講：「看啊，書念的婦仁人來啊！
4:25 婦仁人就去迦密山，上帝重用的人遐。
上帝重用的人遠遠看著婦仁人，給伊的僕人基哈西講：「你看，書念的婦仁人來啊。
4:26 你走去迎接伊，問伊講：你平安嗎？你的丈夫平安嗎？囝仔平安嗎？」伊講：「平安。」
4:26 你走去迎接伊，問伊講：『你平安無？你的丈夫平安無？囝仔平安無？』」
婦仁人應講：「攏平安。」
4:27 婦仁人到彼個山，到上帝的奴僕遐，就抱伊的腳。基哈西進前欲給伊捙開，上帝的奴僕講：「據在伊，因為伊心內痛苦，耶和華對我隱囥，無給我講。」
4:27 婦仁人上山，去到上帝重用的人遐，給以利沙的腳𢯾啲。基哈西進前欲給伊捙開；上帝重用的人講：「出在伊，因為伊心內痛苦；上主對我隱瞞此個代誌，無給我講。」
4:28 婦仁人講：「我豈曾對我的主求子嗎？我豈無講，通騙我嗎？」
4:28 婦仁人對以利沙講：「我豈曾對我的主求子？我豈無講給我騙？」
4:29 伊給基哈西講：「你縖腰手攑我的枴，進前去；若抵著人，莫得給𪜶請安，人若請安你，也莫得應伊；著用我的枴仔下佇囝仔的面。」
4:29 以利沙給基哈西講：「你著準備通出發，攑我的柺仔，趕緊去。若抵著人，毋通給𪜶請安；人若給你請安，嘛毋通應。著將我的柺仔下佇囝仔的面。」
4:30 囝仔的老母講：「我指永活的耶和華及你的活命來講，我的確離開你。」以利沙就起來，隨伊去。
4:30 囝仔的老母講：「我指永活的上主及你的性命咒誓，我一定無欲離開你。」以利沙就起來，隨伊去。
4:31 基哈西頭前去，用枴仔下佇囝仔的面，總是無聲說，也知人。基哈西倒轉抵著伊，給伊講：「囝仔無醒。」
4:31 基哈西代先到位，將柺仔下佇囝仔的面；毋拘囝仔無出聲，無反應。基哈西倒轉去，抵著以利沙，給伊講：「囝仔無醒。」
4:32 以利沙到地，入厝，看見囝仔已經死，下佇伊的眠床。
4:32 以利沙到位，入去厝內，看著囝仔已經死，下佇伊的眠床。
4:33 伊入去就關門，只有𪜶二個佇內面，伊就祈禱耶和華。
4:33 伊入去，就關門，只有𪜶兩個佇內面；伊就祈禱上主。
4:34 上去仆佇囝仔的身軀，嘴對嘴，目睭對目睭，手對手；歸身俯佇囝仔的身軀，囝仔的肉就漸漸燒烙。
4:34 伊𬦰起去眠床仆佇囝仔的身軀，嘴對嘴，目睭對目睭，手對手。伊歸身軀俯佇囝仔的頂面的時，囝仔漸漸回復體溫。
4:35 伊落來，佇厝內行來行去一擺，閣上去歸身俯佇囝仔，囝仔拍加嚏七擺，目睭就展開。
4:35 伊落來，佇厝內行一輪，閣𬦰起去，歸身軀俯佇囝仔的頂面。囝仔拍咳啾七遍，目睭就搋開。
4:36 以利沙叫基哈西講：「你叫此個書念的婦仁人來」；伊就叫伊，伊入來伊遐。以利沙講：「抱你的囝仔起來。」
4:36 以利沙叫基哈西，講：「你叫此個書念的婦仁人來。」基哈西就去叫伊。伊就入來，以利沙對伊講：「給你的囝仔抱起來。」
4:37 婦仁人就入來，俯佇伊的腳前仆佇地裡，抱伊的子出去。
4:37 婦仁人仆佇以利沙的腳前，拜伊，然後抱伊家己的子出去。
二件神蹟
4:38 以利沙閣來到吉甲，彼時國內飢荒。先知的學生坐佇伊的面前，伊吩咐奴僕講：「你將大鼎下佇火裡，給先知的學生煮菜湯。」
兩個神跡
4:38 有一遍，國內發生飢荒，以利沙轉來吉甲。先知的學生坐佇伊的面前，伊吩咐僕人講：「你起火，用大的鍋仔煮菜湯互學生食。」
4:39 有一人去田裡挽菜，抵著一欉野藤，就挽伊的瓜滿帕倒來，切伊，橐佇煮菜湯的鼎，因為𪜶識是甚麼物。
4:39 有一個人去園裡挽菜，看著一欉野瓜藤，就挽真多野瓜倒來；切切咧落佇煮菜湯的鍋仔；𪜶毋識彼個是什麼。
4:40 傾出來互𪜶食；食菜湯的時，𪜶攏叫講：「上帝的奴僕啊，鼎內有死的毒！」𪜶攏𣍐食得。
4:40 煮好，倒出來互大家食。𪜶食的時，攏喝講：「上帝重用的人，鍋仔內的物件食了會死。」𪜶就毋敢食。
4:41 以利沙講：「提淡薄麵粉來」，就將麵粉摻佇鼎裡，講：「傾出來互𪜶食！」鼎內就無害。
4:41 以利沙講：「提一寡麵粉來。」伊將麵粉撒佇鍋裡，講：「倒出來互大家食。」鍋仔內的物件就無閣有毒。
4:42 有一人對巴力‧沙利沙來，帶起頭熟的麥所做的餅及大麥餅二十個，及新的穗，貯佇袋裡，送互上帝的奴僕。伊就講：「將諸個互百姓食。」
4:42 有一個人對巴力‧沙利沙來，帶初熟的大麥做的餅二十個，及新的麥穗，貯佇袋仔，送互上帝重用的人。以利沙講：「將諸個互大家食。」
4:43 伊的差用講：「怎樣，我豈通排諸個佇一百人的面前嗎？」伊講：「做你互百姓食！因為耶和華按呢講，𪜶欲食伊，猶有剩。」
4:43 伊的僕人講：「諸個豈有夠互一百個人食？」
以利沙講：「做你分互大家食，因為上主按呢講：『𪜶欲食到飽，閣有賰。』」
4:44 伊就排佇𪜶的面前，𪜶食伊，也有剩，照耶和華所講。
4:44 伊的僕人就分互大家。照上主所講的話，𪜶攏食甲飽，閣有賰。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。