上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀上
拿伯的葡萄園
21:1 諸個代誌了後，耶斯列人拿伯有葡萄園佇耶斯列，近撒瑪利亞王亞哈的宮。
拿伯的葡萄園
21:1 後來閣有代誌發生。耶斯列人拿伯佇耶斯列有一坵葡萄園，倚近撒馬利亞王亞哈的王宮。
21:2 亞哈給拿伯講：「你用你的葡萄園互我，我通做菜園，因為是近佇我的宮；我欲用閣卡好的園給你換，抑是你愛銀，我就照價錢互你。」
21:2 亞哈給拿伯講：「你的葡萄園互我做菜園，因為真近我的王宮；我欲用閣較好的園給你換；你若愛銀，我就照價錢給你買。」
21:3 拿伯給亞哈講：「用我的祖所留的業互你，此個代誌願耶和華禁止我。」
21:3 拿伯給亞哈講：「上主𣍐允准我將祖先留落來的產業互你。」
21:4 亞哈因為耶斯列人拿伯所講的話，就鬱悴無歡喜倒去伊的厝，因為拿伯曾講「我用我的祖業互你」，亞哈就倒佇眠床，面向內面，也食。
21:4 亞哈因為耶斯列人拿伯講的話，鬱卒無歡喜，倒去王宮；因為拿伯有講「我𣍐當用我的祖業互你」，亞哈就倒佇眠床，面向內面，嘛毋食。
21:5 王后耶洗別到伊遐問伊講：「你的心內憂悶續食，是啥緣故啊？」
21:5 王后耶洗碧來伊遐，問伊講：「你是按怎鬱卒毋食飯？」
21:6 伊給伊講：「因為我對耶斯列人拿伯講：『你用你的葡萄園互我，我用銀互你，抑是你若愛，我就用葡萄園換你』；伊講：『我的葡萄園我互你。』」
21:6 伊應講：「因為我對耶斯列人拿伯講：『你的葡萄園互我，我用銀給你買；抑是你若愛，我就用葡萄園及你換。』伊講：『我的葡萄園，我𣍐當互你。』」
21:7 王后耶洗別給伊講：「你此陣是啲管理以色列國抑是？做你起來食，互你的心歡喜，我欲用耶斯列人拿伯的葡萄園互你。」
21:7 王后耶洗碧給伊講：「你此陣豈毋是啲統治以色列國？起來，歡歡喜喜來食；我欲將耶斯列人拿伯的葡萄園互你。」
21:8 就用亞哈的名寫批，用王的印頓伊，寄許個批互拿伯的城互及伊徛起的長老貴族。
21:8 耶洗碧用亞哈的名寫批，蓋王的印，寄批互許個及拿伯住仝城的長老及貴族。
21:9 寫佇批裡講：「恁著宣佈禁食，互拿伯坐佇百姓間的高位；
21:9 批內寫講：「恁著宣布禁食，互拿伯坐佇人民的頭前；
21:10 閣設二個匪類佇伊的面前，做干證告伊講：『你謗瀆上帝及王』；然後就拖伊出去用石頭擲死伊。」
21:10 閣叫兩個匪類坐佇伊的對面，作證告伊講：『你褻瀆上帝及侮辱王。』然後給伊拖出去，用石頭抌死。」
21:11 伊城內的人，就是徛起彼個城的長老及貴族，就照耶洗別所寄的話，就是照伊寄互𪜶的批，所寫的來行，
21:11 許個及拿伯住仝城的長老及貴族，就照耶洗碧寄互𪜶的批所寫的去做。
21:12 宣佈禁食，互拿伯坐佇百姓間的高位。
21:12 𪜶宣布禁食，互拿伯坐佇人民的頭前。
21:13 彼二個匪類入去，坐佇伊的面前，匪類當百姓的面前做干證告拿伯講：「拿伯謗瀆上帝及王！」就拖伊出城外，用石頭擲死伊。
21:13 閣叫兩個匪類來坐佇拿伯的對面，當眾人的面前作證告拿伯，講：「拿伯褻瀆上帝閣侮辱王。」眾人就給伊拖出去城外，用石頭抌死。
21:14 就差人去給耶洗別，講：「拿伯已經互石頭擲死啦。」
21:14 長老及貴族就差人去給耶洗碧講：「拿伯已經互石頭抌死啦。」
21:15 耶洗別聽見拿伯互石頭擲死，耶洗別就給亞哈講：「你起來掌耶斯列人拿伯肯為著價錢互你的葡萄園！因為拿伯已經死，無命啦！」
21:15 耶洗碧聽著拿伯互石頭抌死，就給亞哈講：「你去接收耶斯列人拿伯毋肯賣互你的葡萄園。伊已經死，無命啦。」
21:16 亞哈聽見拿伯已經死，亞哈就起來，落去耶斯列人拿伯的葡萄園遐欲掌伊。
21:16 亞哈聽著拿伯已經死，就起來，落去欲接收耶斯列人拿伯的葡萄園。
21:17 耶和華的話臨到提斯比人以利亞講：
21:17 上主的話臨到提斯比人以利亞，講：
21:18 「你起來，去見𫢶佇撒瑪利亞的以色列王亞哈，伊落去拿伯的葡萄園欲掌伊，此陣伊佇遐。
21:18 「你起來，去見住佇撒馬利亞的以色列王亞哈；伊此陣落去耶斯列欲接收拿伯的葡萄園。
21:19 你著給伊講：『耶和華按呢講：你有刣死人閣掌伊的業嗎？』閣著給伊講：『耶和華按呢講：狗佇甚麼所在舐拿伯的血，狗也欲佇遐舐你的血，就是你本身的血。』」
21:19 你著給伊講：『上主按呢講：你有刣死人閣接收伊的產業。』閣給伊講：『上主按呢講：狗佇什麼所在舐拿伯的血，嘛欲佇遐舐你的血，就是你本身的血。』」
21:20 亞哈給以利亞講：「我的對敵啊，你尋著我嗎？」伊應講：「我尋著你；因為你賣家己，行耶和華看做歹的事。
21:20 亞哈對以利亞講：「我的對頭，你啲尋我是無？」
伊應講：「我啲尋你，因為你出賣家己，做上主看做歹的事。
21:21 耶和華講：『我欲降災禍互你，欲一盡除你。見屬亞哈的查甫丁，無論受拘束者、抑是自由者，攏佇以色列中剪除伊。
21:21 上主講：『我欲降災禍互你，欲剿滅你；所有佇以色列中屬亞哈的查甫人，無論自由的抑是無自由的，我攏欲給𪜶消滅。
21:22 我欲互你的家親像尼八的子耶羅波安的家，閣親像亞希雅的子巴沙的家；因為你所干犯激動我受氣的事，閣互以色列犯罪。』
21:22 我欲互你的家及尼八的子耶羅波安的家，以及亞希雅的子巴沙的家仝款，因為你有惹我受氣，閣互以色列人犯罪。』
21:23 論耶洗別，耶和華也有講：『狗欲食耶洗別佇耶斯列的外城。
21:23 關係耶洗碧，上主嘛有講：『狗欲佇耶斯列的外城食耶洗碧。
21:24 屬亞哈的人，死佇城內的，狗欲食伊，死佇田野的，空中的，鳥欲食伊。』」
（
21:24 屬亞哈的人，死佇城內的，欲互狗食；死佇野外的，空中的鳥嘛會給𪜶食。』」
21:25 總是無人親像亞哈，因為伊家己賣，行耶和華看做歹的事，是對伊的王后耶洗別教唆伊；
21:25 (前到今無人親像亞哈，伊受王后耶洗碧使弄，出賣家己，做上主看做歹的事。
21:26 伊行大可惡的事，因為伊隨許個偶像，攏親像亞摩利人一樣，就是耶和華所趕出佇以色列人的面前者。）
21:26 伊做上可惡的事，因為伊拜偶像，及上主佇以色列人面前趕出的亞摩利人做仝款的事。)
21:27 亞哈聽見諸個話，就拆裂衫，身軀穿粗麻布，禁食，睏也倒佇粗麻布，閣緩緩仔行。
21:27 亞哈聽著諸個話，就拆裂衫，穿粗麻布，禁食，穿粗麻布睏，失志鬱卒行來行去。
21:28 耶和華的話臨到提斯比人以利亞講：
21:28 上主的話臨到提斯比人以利亞講：
21:29 「亞哈怎樣家己謙卑佇我的面前，你有看見嗎？因為伊家己謙卑佇我的面前，所以我無欲佇伊活啲的日，降此個災禍；是佇伊的子的日，降此個災禍佇伊的家。」
21:29 「亞哈佇我的面前赫呢謙卑，你有看著無？因為伊佇我的面前謙卑，所以我無欲佇伊在生的時降此個災禍；到伊的子作王的時，我才欲降此個災禍互伊的家。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。