上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀上
以利亞佇西奈山頂
19:1 亞哈將以利亞一切所行的及伊用刀刣眾先知的事攏給耶洗別講。
以利亞佇何烈山山頂
19:1 亞哈將以利亞所做一切的事，及伊用刀刣死巴力所有的先知的代誌，攏給耶洗碧講。
19:2 耶洗別就差人去見以利亞，給伊講：「明仔日約略此時，我若無互你的生命親像𪜶中間一人的生命一樣，願許個上帝加倍責罰我。」
19:2 耶洗碧就派使者去給以利亞講：「明仔載此個時，我若無取你的性命親像你取𪜶逐個人的性命，願神明加倍責罰我。」
19:3 以利亞看見按呢就起來走來逃命，到猶大的別是巴，將奴僕留佇遐。
19:3 以利亞驚著，就趕緊逃命，來到猶大的別是巴，將僕人留佇遐。
19:4 家己入去曠野行一日的路站，到一欉羅騰樹腳，就坐佇遐求死，講：「今息啦！耶和華啊，求你取我的生命，因為我無比我的列祖卡贏。」
19:4 伊家己佇曠野行一日，來到一欉羅騰樹腳，就坐佇遐求死，講：「夠額啦！上主啊，今求你取我的性命，因為我無比我的列祖較強。」
19:5 就倒佇羅騰樹腳，睏去。有天使來搭伊，講：「起來食！」
19:5 伊就倒佇羅騰樹腳，睏去；有天使來搭伊，講：「起來食。」
19:6 伊看伊，就看見有餅煏佇火炭的頂面，閣有一瓶水佇伊的頭殼邊，伊就食就飲，閣倒落去。
19:6 以利亞一下看，看著頭殼邊有用熱的石頭烘的餅，閣有一瓶水；伊就食就飲，閣倒落去睏。
19:7 耶和華的天使第二擺閣來搭伊，講：「起來食啊！因為路真遠你行無法得。」
19:7 上主的使者第二遍閣來給搭，講：「起來食，因為路猶真遠。」
19:8 伊就起來食伊飲伊，倚靠此擺食的力，行四十日四十暝，到上帝的山，就是何烈山。
19:8 伊就起來食，起來飲；靠此遍食的力，行四十暝，四十日，到上帝的山，就是何烈山。
19:9 伊到遐入一個洞，就𫢶彼內。看啊，耶和華的話臨到伊，給伊講：「以利亞啊，你佇遮創甚麼？」
19:9 伊到遐，入去一個洞，佇遐過暝；忽然，上主的話臨到伊，對伊講：「以利亞，你佇遮啲創什麼？」
19:10 伊應講：「我為著耶和華──萬軍的上帝大熱心；因為以色列人棄拺你的約，毀壞你許個壇，用刀刣你許個先知，只有剩我一人，𪜶猶數想我的生命欲取伊。」
19:10 伊應講：「我為著上主 — 萬軍的統帥上帝大熱心；因為以色列人棄拺你的約，毀壞你的祭壇，用刀刣你的先知，只有賰我一人；𪜶猶數想我的性命，欲刣我。」
19:11 講：「你出來徛佇山裡，佇耶和華的面前。」看啊，耶和華經過，有大閣透的風，破裂諸個山，拍碎諸個石佇耶和華的面前；總是耶和華無佇風的內面；風了後有地動，耶和華也無佇地動的中間；
19:11 上主講：「你出來徛𫢶山頂，佇我的面前。」彼時，上主經過，佇伊面前有大閣強的風，山崩石裂，毋拘上主無佇風的內面；風了後有地動，上主嘛無佇地動的中間；
19:12 地動了後有火，耶和華也無佇火中；火了後有細閣輕的聲。
19:12 地動了後有火，上主嘛無佇火中；火了後，有細閣輕的聲。
19:13 以利亞聽見，就用外衫罩面，出去徛佇洞口。看啊，有聲臨到伊講：「以利亞啊，你佇遮創甚麼？」
19:13 以利亞聽見，就用外衫掩面，出去徛佇洞口。忽然，有聲臨到伊講：「以利亞，你佇遮啲創什麼？」
19:14 伊講：「我為著耶和華──萬軍的上帝大熱心；因為以色列人棄拺你的約，毀壞你許個壇，用刀刣你許個先知，只有剩我一人，𪜶猶數想我的生命欲取伊。」
19:14 伊講：「我為著上主 — 萬軍的統帥上帝大熱心；因為以色列人棄拺你的約，毀壞你的祭壇，用刀刣你的先知，只有賰我一個；𪜶猶數想我的性命，欲刣我。」
19:15 耶和華給伊講：「去啊，你倒去，到大馬色的曠野。已經到，就著用油抹哈設做亞蘭王，
19:15 上主給伊講：「你去，照原路倒去，去大馬士革的曠野；到遐了後，著用油抹哈薛做敘利亞王，
19:16 閣抹寧示的孫耶戶做以色列王，閣抹亞伯‧米何拉人沙法的子以利沙做先知續接你。
19:16 抹寧示的孫耶戶做以色列王，閣抹亞伯‧米何拉人沙法的子以利沙做先知續接你。
19:17 後來脫離哈設的刀的，耶戶欲刣伊；脫離耶戶的刀的，以利沙欲刣伊。
19:17 將來，無互哈薛刣死的，會互耶戶刣死；無互耶戶刣死的，會互以利沙刣死。
19:18 總是我佇以色列中留七千人，伊的腳頭窩未曾跪巴力，伊的嘴未曾唚伊。」
19:18 總是，我佇以色列中有留七千人，𪜶的腳頭窩毋曾跪拜巴力，毋曾用嘴給唚。」
以利沙受召
19:19 以利亞就離開遐去，抵著沙法的子以利沙，伊啲犂田；佇伊的頭前有十二對牛，家己趕第十二對。以利亞經過伊遐，將家己的衫披佇伊的身上。
以利沙受選召
19:19 以利亞就離開遐；後來，尋著沙法的子以利沙。以利沙抵啲犁田；佇伊的頭前有十二對牛，伊家己趕第十二對。以利亞經過遐，將家己的外衫袚佇以利沙的身上。
19:20 以利沙就離開許個牛，走到以利亞的後面，講：「求你准我代先唚我的父母，然後我就隨你。」以利亞給伊講：「你倒去，我對你有做甚麼啊？」
19:20 以利沙就將許個牛放啲，走去趇以利亞，對伊講：「請互我代先及我的父母相辭，後來就來隨你。」以利亞給伊講：「你通倒去。著會記得我有對你做什麼。」
19:21 以利沙就對伊遐倒去，刣一對牛，用套牛的器具煮肉互百姓，𪜶就食伊，伊就起來隨以利亞，來服事伊。
19:21 以利沙就對遐倒去，刣一對牛，用套牛的器具做柴煮肉，互眾人食。後來，以利沙就起來隨以利亞，服事伊。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。