上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
列王紀上
以利亞及旱災
17:1 屬基列徛起的百姓提斯比人以利亞對亞哈講：「我指永活耶和華──以色列的上帝，就是我徛佇伊的面前者來講，此幾年我若無講，欲無露水，無雨。」
以利亞預言曠旱
17:1 住佇基列的提斯比人以利亞對亞哈講：「我指我所服事永活上主 — 以色列的上帝咒誓：『此幾年，我若無祈求，就無露水，嘛𣍐落雨。』」
17:2 耶和華的話臨到以利亞講：
17:2 上主的話臨到以利亞講：
17:3 「你著離開遮越對東勢去，匿佇約但河的東勢基立溪邊。
17:3 「你著離開遮，斡對東旁去，匿𫢶約旦河的東勢基立溪邊。
17:4 你欲飲彼個溪的水，我已經命令烏鴉佇遐供給你。」
17:4 你欲飲彼條溪的水；我已經命令烏鴉佇遐供給你。」
17:5 伊就去，照耶和華的話來行，去𫢶佇約但東勢的基立溪。
17:5 伊就照上主的話，去𫢶佇約旦東勢的基立溪。
17:6 早起時烏鴉給伊帶餅及肉，下昏時也帶餅及肉，伊飲溪裡的水。
17:6 逐日的早起時及日落的時，烏鴉攏帶餅及肉來互伊；伊飲溪裡的水。
17:7 後來溪水乾，因為彼個地方無雨水。
17:7 後來溪水焦，因為彼個地方無落雨。
以利亞及撒勒法的寡婦
17:8 耶和華的話臨到伊講：
以利亞及撒勒法的寡婦
17:8 上主的話臨到以利亞，講：
17:9 「你起來去到西頓的撒勒法，徛起佇遐；看啊，我已經命令彼所在一個守寡人養飼你。」
17:9 「起來，去西頓的撒勒法，住𫢶遐。我已經命令彼所在一個寡婦供給你。」
17:10 伊就起來去撒勒法。到城門的時，抵當有一個守寡人佇彼所在啲拾柴，以利亞就叫伊講：「求你用器具舀淡薄水來互我飲。」
17:10 伊就起來，去撒勒法；到城門的時，抵好有一個寡婦佇遐啲拾柴。以利亞就叫伊，講：「請用器具舀淡薄水互我飲。」
17:11 伊去舀的時，以利亞閣叫伊講：「請你順手提淡薄餅來互我！」
17:11 伊去舀水的時，以利亞閣叫伊講：「請順手提淡薄餅來互我。」
17:12 婦仁人講：「我指永遠的耶和華──你的上帝來講，我無一個餅，只有一把仔麵粉佇桶裡，及淡薄油佇瓶裡；看啊，我拾二支柴，欲倒去為著我及我的子煏伊；阮通食伊，才死！」
17:12 婦仁人講：「我指永活的上主 — 你的上帝咒誓，我連一塊餅都無，桶仔內只有一把仔麵粉，瓶內嘛只有一屑仔油。你看，我拾此兩枝柴，欲倒去為著我及我的子做餅；阮食了就欲等死。」
17:13 以利亞給伊講：「免驚！去啊！照你所講的來行。總是代先給我做一個細的餅帶來互我，然後為著你及你的子做伊。
17:13 以利亞給伊講：「免驚！你去，照你所講的去做；毋拘代先做一塊細塊餅互我，然後為著你及你的子做餅。
17:14 因為耶和華──以色列的上帝按呢講：桶內的麵粉𣍐減少，瓶內的油𣍐了，到耶和華落雨佇地上的日。」
17:14 因為上主 — 以色列的上帝按呢講：『桶內的麵粉𣍐減少，瓶內的油用𣍐了，直到上主落雨彼日。』」
17:15 婦仁人就去，照以利亞的話來行。婦仁人及伊的家，及以利亞食多多日。
17:15 婦仁人就照以利亞的話做。以利亞、婦仁人，以及伊厝內的人食真多日，
17:16 桶內的麵粉無減，瓶內的油無了，抵照耶和華託以利亞所講的話。
17:16 抵照上主通過以利亞所講的，桶內的麵粉無了，瓶內的油無減。
17:17 諸個代誌了後，此個婦仁人就是彼家的主人，伊的子破病；病真傷重，致到伊無一條氣絲。
17:17 諸個代誌了後，彼家的女主人的子破病，病甲真傷重，煞斷氣。
17:18 婦仁人給以利亞講：「上帝的奴僕啊，我及你甚麼干涉？你來我遮互上帝記得我的罪，互我的子死啊？」
17:18 婦仁人給以利亞講：「上帝重用的人啊，我及你有什麼關係？你來我遮煞互上帝想起我的罪，害我的子死。」
17:19 以利亞給伊講：「將你的子交我。」以利亞就對婦仁人的胸前抱去，帶到所𫢶的樓，下佇家己的床，
17:19 以利亞給伊講：「將你的子交互我。」以利亞對婦仁人的胸前給囝仔抱去，帶去樓頂伊的房間，下佇伊家己的眠床。
17:20 就求叫耶和華講：「耶和華──我的上帝啊，你豈閣降災禍佇我所及伊住的守寡人，害死伊的子啊？」
17:20 伊求叫上主講：「上主 — 我的上帝啊，我住佇此個寡婦的厝，你哪欲降災禍互伊，害死伊的子？」
17:21 以利亞就仆佇囝仔的身軀三擺，求耶和華講：「耶和華──我的上帝啊，求你互此個囝仔回魂！」
17:21 以利亞就仆佇囝仔的身軀三遍，祈求上主講：「上主 — 我的上帝啊，求你互此個囝仔回魂。」
17:22 耶和華聽以利亞的聲，囝仔的魂就復倒，伊就活。
17:22 上主聽以利亞的祈禱，互囝仔回魂，閣活起來。
17:23 以利亞就抱彼個囝仔對樓頂落來，入厝交互伊的老母，以利亞講：「看啊，你的子活啦！」
17:23 以利亞就抱彼個囝仔對樓頂落來，入去厝內交互囝仔的老母。以利亞講：「你看，你的子活啦。」
17:24 婦仁人對以利亞講：「今我知你是上帝的奴僕，你所講耶和華的話是真實。」
17:24 婦仁人對以利亞講：「今我知你是上帝重用的人，上主通過你所講的話攏是真實。」
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。