上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記下
大衛及米非波設
9:1 大衛問講：「掃羅的家猶有剩人無？我通因為約拿單的緣故來施恩互伊。」
大闢及米非波設
9:1 大闢問講：「掃羅的家猶有什麼人留啲？我欲因為約拿單的緣故好款待伊。」
9:2 掃羅的家有一個奴僕，名叫洗巴，人叫伊去大衛遐，王就給伊講：「你是洗巴嗎？」應講：「你的奴僕就是伊。」
9:2 掃羅的家有一個僕人叫做洗巴，人叫伊去大闢遐；王就問伊：「你是洗巴是無？」
伊應講：「你的僕人就是。」
9:3 王講：「掃羅的家猶有人無？我通將上帝的恩施互伊。」洗巴對王講：「約拿單猶有一個子，是跛腳的。」
9:3 王講：「掃羅的家猶賰幾個人？我通將上帝的恩施互伊。」
洗巴對王講：「約拿單猶有一個子，伊的雙腳攏跛。」
9:4 王給伊講：「伊佇叨落？」洗巴應王講：「伊佇羅‧底巴，亞米利的子瑪吉的家。」
9:4 王問伊：「伊佇叨位？」
洗巴應王講：「伊佇羅‧底巴，住佇亞米利的子瑪吉𪜶兜。」
9:5 大衛王就差人去，對羅‧底巴亞米利的子瑪吉的家帶伊來。
9:5 大闢王就派人去瑪吉𪜶兜給導來。
9:6 掃羅的孫、約拿單的子米非波設來見大衛，仆落去拜。大衛講：「米非波設啊！」伊應講：「你的奴僕佇遮。」
9:6 掃羅的孫，約拿單的子米非波設來見大闢，仆落去拜伊。大闢講：「米非波設。」伊應講：「你的僕人佇遮。」
9:7 大衛講：「你莫得驚，我欲因為你的父約拿單的緣故施恩互你，我欲將你的公掃羅一切的田園攏還你；你也欲常常佇我的桌相及食。
9:7 大闢講：「毋免驚。我一定欲因為你的老父約拿單的緣故好款待你，將你的阿公掃羅的田園攏還你，嘛欲互你常常及我做夥食。」
9:8 伊閣仆啲拜伊，講：「你的奴僕是甚麼啊，是親像一隻死狗，你竟然看顧我啊！」
9:8 米非波設閣仆啲拜伊，講：「你的僕人算什麼？我不過親像一隻死狗，你竟然按呢照顧我！」
9:9 王叫掃羅的奴僕洗巴來，給伊講：「我已經將屬掃羅及伊全家的攏互你的主人的子。
9:9 王叫掃羅的僕人洗巴來，給伊講：「我已經將掃羅及伊家族所有的財產攏互你的主人的孫。
9:10 你及你許個子、你許個奴僕著給伊種作田園，帶所出產的互你的主的子有物通食；總是你的主人的子米非波設欲常常佇我的桌相及食。」洗巴有十五個子，二十個奴僕。
9:10 你及你的子、你的僕人著給伊種作，帶田園所出產的互你的主人的孫有物通食；你主人的孫米非波設會常常及我做夥食。」洗巴有十五個子、二十個僕人。
9:11 洗巴對王講：「見我的主我的王所吩咐奴僕的，你的奴僕攏欲照按呢行。」王閣講：「米非波設欲佇我的桌相及食，親像王的子一樣。」
9:11 洗巴對王講：「我的主我的王吩咐的，你的僕人攏會照按呢做。」
所以，米非波設就及王做夥食，親像王的子仝款。
9:12 米非波設有一個子猶細漢，名叫米迦。見若住佇洗巴的家的人攏做米非波設的奴僕。
9:12 米非波設有一個細漢子，叫做米迦。洗巴𪜶兜所有的人攏做米非波設的僕人。
9:13 對按呢米非波設𫢶佇耶路撒冷，因為伊常常佇王的桌相及食。閣伊二腳攏跛。
9:13 米非波設兩腳攏跛，住佇耶路撒冷，常常及王做夥食。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。