上一章 下一章 [ 條列 | 表格 | 整段 ] 著作權聲明 使用授權書PDF版 使用授權書Word版
撒母耳記下
運約櫃到耶路撒冷
6:1 15:25—16:6,43 一共查出 0 筆，引用資料有問題！select chineses,engs from main where sengs = '15' or engs='15'
接約櫃來耶路撒冷
6:1 ( 代上 13:1-14 15:25-16:6 16:43 )
大闢閣聚集以色列人中間特選的三萬人。
6:2 大衛起身，導隨伊的眾百姓，對巴拉‧猶大去欲對遐扛上帝的櫃來；此個櫃的名是用坐佇二個𠼻𡀔兵的中間萬軍的耶和華的名來稱者。
6:2 大闢導諸個人出發，去猶大的巴拉，欲對遐將上帝的約櫃接來；此個櫃是奉坐佇兩個天使基路伯中間的上主 — 萬軍的統帥的名稱呼的。
6:3 𪜶下上帝的櫃佇新的車，對山頂亞比拿達的家載出來；亞比拿達二個子烏撒及亞希約趕彼個新車。
6:3 𪜶將上帝的約櫃下佇新的車，對山頂亞比拿達的厝載出來；亞比拿達兩個子，烏撒及亞希約，趕彼台新車。
6:4 𪜶將伊及上帝的約櫃對山頂亞比拿達的家載出來，亞希約行佇櫃的頭前。
6:4 𪜶將車及上帝的約櫃對山頂亞比拿達的厝載出來。亞希約行佇櫃的頭前。
6:5 大衛及以色列的全家佇耶和華的面前，用松柴所造逐號的樂器及琴、瑟、鈴瓏鼓、大鼓、鈸，來作樂跳舞。
6:5 大闢及以色列全家，佇上主的面前用松樹柴所造逐款的樂器，及琴、瑟、玲瓏鼓、大鼓、鈸，來奏樂慶祝。
6:6 𪜶到拿艮的五榖場，烏撒伸手扶上帝的約櫃，因為牛著觸。
6:6 𪜶到拿康的五穀場，牛著觸，烏撒伸手扶上帝的約櫃。
6:7 耶和華受氣烏撒，上帝佇遐因為伊的錯誤來拍伊，伊就死佇遐，佇上帝的櫃邊。
6:7 上主對烏撒發大受氣；因為伊的失錯，上主給伊拍，伊就死佇上帝的約櫃邊。
6:8 因為耶和華忽然拍死烏撒，大衛無歡喜，就稱彼所在做毗列斯‧烏撒，到今仔日。
6:8 大闢因為上主拍烏撒，真無歡喜，就將彼個所在號做比列斯‧烏撒，直到今仔日。
6:9 當彼日，大衛驚耶和華，講：「耶和華的櫃豈可通到我的所在？」
6:9 彼日，大闢驚上主，就講：「我哪通將上主的約櫃運來我的所在？」
6:10 對按呢大衛肯將耶和華的櫃扛入大衛的城到家己的所在，大衛就扛伊越入迦特人俄別‧以東的家。
6:10 對按呢，大闢毋肯互上主的約櫃遷入大闢城，到家己的所在，就給伊徙去迦特人俄別‧以東的厝。
6:11 耶和華的櫃𫢶佇迦特人俄別‧以東的厝三月日；耶和華賜福氣互俄別‧以東及伊的全家。
6:11 上主的約櫃停佇迦特人俄別‧以東的厝三月日久，上主賜福俄別‧以東及伊的全家。
6:12 有人給大衛王講：「耶和華因為上帝的櫃賜福佇俄別‧以東的家及見若屬佇伊的。」大衛就去，歡喜扛上帝的櫃對俄別‧以東的厝到大衛的城。
6:12 有人給大闢王報告：「上主因為約櫃的緣故，賜福俄別‧以東及𪜶全家的人。」大闢就歡歡喜喜將上帝的約櫃，對俄別‧以東的厝接來大闢城。
6:13 扛耶和華約櫃的人行六步，大衛就獻一隻牛及一隻肥的精牲做祭祀。
6:13 扛上主約櫃的人行六步，大闢就獻一隻牛及一隻肥的牲生做祭祀。
6:14 大衛佇耶和華的面前盡力跳舞，大衛縖幼苧布的以弗得。
6:14 大闢穿幼麻布的以弗得佇上主的面前盡力跳舞。
6:15 按呢，大衛及以色列全家扛耶和華的櫃上來，出歡喜的聲歕哨角。
6:15 按呢，大闢及以色列全家出歡喜的聲，歕哨角，扛上主的約櫃上來耶路撒冷。
6:16 耶和華的櫃入大衛城的時，掃羅的查某子米甲對窗仔門看，看見大衛𧽵起來跳舞佇耶和華的面前，心就看輕伊。
6:16 上主的約櫃入大闢城的時，掃羅的查某子米甲對窗仔看出去，看著大闢王佇上主面前亦跳亦趒，就看輕伊。
6:17 𪜶扛耶和華的櫃入去，下佇伊的所在，就是大衛所為伊搭的布棚。大衛佇耶和華的面前獻燒祭及謝恩祭。
6:17 𪜶扛上主的約櫃入去，下佇大闢為著約櫃搭的布棚內面；大闢佇上主面前獻燒化祭及平安祭。
6:18 大衛獻燒祭及謝恩祭明白，就用萬軍耶和華的名給百姓祝福，
6:18 大闢獻諸個祭了後，就奉上主 — 萬軍的統帥的名給人民祝福。
6:19 閣佇許個眾百姓，就是以色列眾人，無論男女，每人分互𪜶一個餅，一塊肉，一個葡萄干餅；眾百姓就去，逐人倒去𪜶的厝。
6:19 伊閣分物件互以色列眾人，無論男女，逐個人一塊餅、一塊肉、一粒葡萄乾丸。眾人就攏倒去𪜶兜。
6:20 大衛倒去欲給伊的家眷祝福；掃羅的查某子米甲出來迎接大衛，講：「以色列王今仔日有偌大榮光啊！今仔日露體佇人臣的女婢目睭前，親像一個無下落人無畏見誚露體一樣。」
6:20 大闢倒去欲給伊的家屬祝福，掃羅的查某子米甲出來接伊，講：「以色列王今仔日真有體面！今仔日佇人臣的女婢目睭前無穿衫，親像一個𤞚人露體毋知見笑。」
6:21 大衛給米甲講：「這是佇耶和華的面前；伊揀我𨃟過你的老父及伊的全家，設立我做耶和華的百姓以色列的君王，所以我欲佇耶和華的面前跳舞。
6:21 大闢給米甲講：「我是佇上主的面前按呢做。伊有揀我，無揀你的老父抑是伊家內的人，選立我做上主的子民以色列的統治者。所以我會佇上主面前繼續跳舞。
6:22 我欲比此個閣卡粗俗，家己看做卑賤。你所講許個女婢，我欲受𪜶尊重。」
6:22 我欲比今仔日按呢閣較粗俗。雖然你看我做卑賤，毋拘你所講許個女婢會尊重我。」
6:23 對按呢掃羅的查某子米甲，到死的日，無生子兒。
6:23 對按呢，掃羅的查某子米甲到死攏無生子。
上一章 下一章 [ 條列 | 表格 | 整段 ] 羅馬字漢字對照表 現代台語譯本2021序 現代台語譯本2021用詞簡釋 重新查詢
經文由台灣聖經公會提供，
不超過500節經文的使用權無須預先獲得批准，但請註明版權所屬。檢索技術與程式由
CBOL計畫提供，網站與資料庫資源由
信望愛資訊中心提供。
Fonts(Version 2024) by Open Han, Copyright (c) 2016 by UBS Open Han Bible Project. ; © 2003-2014 SIL International, all rights reserved. Provided by SIL's Non-Roman Script Initiative.
漢字字型2024版由聯合聖經公會Open Han Bible Project提供，羅馬字字型由SIL International免費授權提供，謹此致謝。使用者需遵守著作權聲明以免蹈法。